Virus

Azərbaycanlılar arasında qorxulu virus yayılıb rəsmi açıqlama

2282
(Yenilənib 16:22 21.07.2017)
"Ola bilsin ki, o, infeksiya daşıyıcısı xaricdən gəlib, ya da yoluxmuş insanın vasitəsilə yayılıb"

BAKI, 21 iyul — Sputnik. Azərbaycanda "Denqe" virusu yayılmayıb. Bunu Sputnik Azərbaycan-a Səhiyyə Nazirliyinin Respublika Gigiyena və Epidemiologiya Mərkəzinin Parazitologiya şöbəsinin müdiri Süleyman Məmmədov bildirib.

Çində quş qripi
© AP Photo / Andy Wong

Qeyd edək ki, bu günlərdə Gürcüstanın azərbaycanlıların kompakt məskunlaşdığı Bolnisi rayonunda (Kvemo Kartli bölgəsi) "Denqe" virusu qeydə alınıb. Təhlükəli virus Fazisi kəndində cavan kişidə aşkarlanıb. Bolnisi rayonunun İctimai səhiyyə mərkəzinin direktoru Maka Mamardaşvili deyib ki, xəstədə virusun yüngül formasıdır və o, demək olar ki, sağalıb.

Bolnisiyə artıq entomoloqlardan ibarət qrup yollanıb və qrup 10 gün iş aparacaq. Əgər mütəxəssislər virusun daşıyıcısını aşkar etsələr, dezinfeksiya işləri aparacaqlar.

Azərbaycanlı ekspertin sözlərinə görə, Azərbaycana dünyanın istənilən yerindən bu virusa yoluxmuş, qızdırmalı adam gələ bilər: "Hazırda miqrasiya prossesi kifayət qədər aktivdir. Amma bu, Azərbaycan üçün o qədər də təhlükəli deyil".

"Əgər xəstə aşkarlansa, o, müalicəyə yönəldiləcək. Bu virusun yayılması ehtimalı praktiki olaraq 0%-dir. Çünki Azərbaycanda bu xəstəliyin daşıyıcısı olan ağcaqanadlar yoxdur" — deyə parazitoloq bildirib.

Onun sözlərinə görə, "Denqe" virusunu yayan xüsusi növ ağcaqanadlar var: "Onlar bizim ölkənin ərazisində mövcud deyil. Baxmayaraq ki, Azərbaycanda bir çox növ ağcaqanad var, amma "Denqe" virusunun daşıyıcısı olan həşaratlar yoxdur. Misal üçün Azərbaycanda bir çox ağcaqanad növü var ki, onlardan bir neçəsi malyariya yayırlar. Əks təqdirdə dəhşətli şeylər baş verərdi" — deyə mütəxəssis bildirir.

S. Məmmədov qeyd edib ki, Gürcüstanda bu virusun necə peyda olduğu bilinmir: "Ola bilsin ki, o, infeksiya daşıyıcısı xaricdən gəlib, ya da yoluxmuş insanın vasitəsilə yayılıb. Amma Azərbaycanda "Denqe"nin yayılma təhlükəsindən danışmaq hələ ki, tezdir. Çünki hələ infeksiyanın heç bir işartısı yoxdur".

"Denqe" virusu ağcaqanad vasitəsi ilə yayılır, bu virus İkinci Dünya Müharibəsindən sonra tropik ərazilərdə, xüsusilə Afrikada geniş yayılıb. Son illərdə Brest və Odessanın şimalında, Rusiya və Ukraynanın cənubunda, eləcə də Gürcüstanda yayılıb. Gürcüstanda "Denqe" virusu ilk dəfə 2013-cü ildə və daha sonra 2016-cı ildə qeydə alınıb.

"Denqe" əsasən çirkli su hövzələrindən və ağcaqanadların insanları dişləməsi nəticəsindən yaranır. Bu infeksiyaya yoluxan xəstələrdə titrəmə, ürək ritminin artması, temperaturun yüksəlməsi, əzələ ağrıları, başgicəllənmə, ürəkbulanma, qusma, üzün şişməsi, gözlərin və boğazın qızarması, qaşınan qızartılar müşahidə edilir.

Ən pis halda mədə-bağırsaq qanaxması, qanqusma, qızdırma və ya təzyiqin kəskin düşməsi kimi hallar baş verə bilər. Vaxtında tədbir görüldükdə öldürcü virus sayılmır. Amma kifayət qədər neqativ təsirləri ola bildiyindən, təhlükəli sayılır.

2282
Teqlər:
ağcaqanad, Süleyman Məmmədov, "Denqe" virusu, xəstə, Gürcüstan, Azərbaycan
Əlaqədar
Dodaqlarda yaşayan qorxunc virus
Virusları yox edən 7 məhsul
Baytarlıq Xidmətindən əhaliyə xəbərdarlıq: virus yayılıb
Almaniyada ölümcül virus peyda oldu: əlaqələr kəsilir
İnsanları dəli edən virus aşkarlandı
Həkim: Forma dəyişdiyinə görə qrip virusuna qarşı peyvənd tapılmır
Koronavirus testi, arxiv şəkli

Azərbaycanda son sutkada 714 nəfər koronavirusa yoluxdu - Yenə rekord

0
(Yenilənib 15:17 21.10.2020)
Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

BAKI, 21 oktyabr — Sputnik. Azərbaycanda bu gün koronavirus infeksiyasına 714 yeni yoluxma faktı qeydə alınıb, 176 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 7 nəfər COVID-19-dan vəfat edib. Hazırkı dövrədək ölkəmizdə 46 min 593 nəfərin koronavirus infeksiyasına yoluxması faktı müəyyən edilib. Onlardan 40 min 448 nəfər müalicə olunaraq sağalıb, 642 nəfər vəfat edib. Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

0
Moskvada tibb işçiləri, arxiv şəkli

Qonşu ölkədə bir gündə 300-dən çox şəxs öldü

31
(Yenilənib 12:46 21.10.2020)
Ümumilikdə, Rusiyada bu xəstəliyə yoluxanların sayı 1447335-ə çatıb. Rusiyada pandemiya yayılandan 24952 nəfər COVID-19-dan vəfat edib.

BAKI, 21 oktyabr — Sputnik. Son bir sutka ərzində Rusiyada 15700 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 317 nəfər ölüb.

Ümumilikdə, Rusiyada bu xəstəliyə yoluxanların sayı 1447335-ə çatıb. Rusiyada pandemiya yayılandan 24952 nəfər COVID-19-dan vəfat edib. Ölkədə bu virusdan sağalanların sayı 1096560-a çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 40,7 milyonu keçib, 1,2 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

31
Türkiyənin İpsala qəsəbəsində TANAP qaz kəmərinin Avropa ilə birləşən hissəsinin açılış mərasimi

Azərbaycan Türkiyə birgə daha bir uğura imza atdı

0
TANAP tikinti dövründə təhlükəsizlik və keyfiyyət baxımından nail olduğu ən yüksək göstəricilərə və ekosistemlər nəzdində yaratdığı müsbət sosial, iqtisadi və mədəni dəyərlərə görə "İlin layihəsi" elan olunub.

 

BAKI, 20 oktyabr — Sputnik. Trans-Anadolu Qaz Boru Kəmərinin (TANAP) layihə idarəçiliyində qazandığı beynəlxalq uğurlara yenisi əlavə edildi. Layihə, proqram və portfel idarəçiliyi üzrə dünyanın ən böyük peşəkar birliklərindən olan, mərkəzi ABŞ-da yerləşən Layihə İdarəçiliyi İnstitutu (PMI – Project Management Institute) TANAP-ı "İlin layihəsi" kateqoriyasında layihə idarəçiliyi sahəsində nüfuzlu mükafata layiq gördü. Bu barədə SOCAR-dan Sputnik Azərbaycan-a məlumat verilib. Qeyd olunub ki, Azərbaycan və Türkiyənin ən böyük birgə iqtisadi layihələrindən olan və Cənub Qaz Dəhlizinin əsas seqmentini təşkil edən TANAP qürurverici uğurlara imza atmağa davam edir. Dünya üzrə qəbul olunmuş standartlar, sertifikat proqramları, peşəkar icma fəaliyyətləri, elmi araşdırmalar və kurslar vasitəsilə böyük bir şəbəkə yaradan, layihə, proqram və portfel  idarəçiliyi sahəsində peşəkar standartların inkişafını dəstəkləyən, mərkəzi Amerika Birləşmiş Ştatlarında yerləşən Layihə İdarəçiliyi İnstitutu (PMI – Project Management Institute) tərəfindən "İlin layihəsi" kateqoriyasında mükafata layiq görüldü.

TANAP tikinti dövründə təhlükəsizlik və keyfiyyət baxımından nail olduğu ən yüksək göstəricilərə və ekosistemlər nəzdində yaratdığı müsbət sosial, iqtisadi və mədəni dəyərlərə görə "İlin layihəsi" elan olunub. Bu sahədə 50 ildən artıq bir müddətdə fəaliyyət göstərən PMI dünyada müxtəlif sahələr üzrə 2,9 milyon peşəkar üçün texnoloji dəyərlər yaratmaqla yanaşı, layihə idarəçiliyi proseslərində müəyyənləşdirdiyi standartların tətbiqi proseslərində yüksək təşkilati nəticələrə nail olan və cəmiyyətə müsbət təsir göstərən layihələri mükafatlandırır.

 

0