Xəzər dənizi

Xəzər dənizi ilə bağlı həyəcan siqnalı: "Artıq etiraf etməliyik..."

3209
"Bu problem xeyli sayda insanın məhv olmasına səbəb ola bilər"

Təranə Xudabaxşiyeva, Sputnik Azərbaycan

BAKI, 30 iyun — Sputnik. İyun ayı başa çatır, amma hələ də bütün ölkə ərazisində yay havasına keçildiyini söyləyə bilmərik. Qış ərzində də kifayət qədər donan insanlar, dənizə gedib istirahət etmək üçün havaların daha çox qızmasını gözləyirlər. Amma dəniz sahillərinin natəmiz, sahil sularının isə çirkli olması bu ərazilərdə insan orqanizmi üçün zərərli bakteriyaların və bir çox xəstəliklərin mənbəyi olması riskini artırır.

Tibb elmləri doktoru Adil Qeybulla Sputnik Azərbaycan-a açıqlamasında bildirib ki, Xəzər dənizinin göl olaraq, okeana çıxışı olmasa da, ərazisi böyük olduğu üçün burada qabarma və çəkilmə prosesləri gedir: "Dəniz suyu da daima özünü təmizləməyə meyllidir. Dəniz suyu xeyli duzlu olduğundan özü bir bakteritit təsir göstərir və mikrobların burada çoxalmasına imkan vermir".

Bununla yanaşı, mütəxəssisin sözlərinə görə, müvafiq qurumlar çimərlikləri mütəmadi yoxlamalıdırlar ki, bəzi bakteriyaların olub-olmadığı bəlli olsun: "Dəniz suyunda bağırsaq çöplərinin miqdarını aidiyyəti qurumlar təyin edir. Bu yoxlamadan sonra bilmək olur ki, burada insanlar çimə bilər, ya yox. Eyni zamanda, suyun çirkləndirilməsinin qarşısı alınmalıdır və müvafiq qurumlar buna nəzarət etməlidir".

"O ki qaldı Xəzər dənizinin Azərbaycana aid olan hissəsinə, bura daima nəzarətdə olmalıdır. Amma buranın xəstəlik mənbəyi olması barədə deyilənlər doğru deyil. Əksinə, şirin su hövzələrinə diqqət daha çox olmalıdır. Çünki şirin su hövzələrinə bir mikrobun düşməsi xeyli sayda insanın məhv olmasına və ya xəstəliyə yoluxmasına səbəb ola bilər" – deyə professor əlavə edib.

Tibbi ekspert Rasif Bağırov isə Sputnik Azərbaycan-a açıqlamasında iddia edib ki, bu gün Xəzər dənizinin suyu çox çirklidir və çimməyə yararsızdır: "Bu, fakt etiraf edilməlidir. Ən azından kanalizasiya xətlərinin Xəzərə axıdılması və dənizin sahil qumunun suya yaxın hissəsinin çirkli olması dənizin suyunu daha da çirkləndirir".

"Sahil suları da mikroorqanizmlərin yaranmasına səbəb olur. Bura mədə-bağırsaq və dəri xəstəlikləri kimi xəstəliklərin mənbəyidir. Bəzən insanların immunitetinin möhkəm olması, onları infeksiyaya yoluxmaqdan qoruyur. Amma dəniz suyunda belə infeksion xəstəlikləri kifayət qədərdir" — R. Bağırov vurğulayıb.

3209
Teqlər:
çimmək, yay havası, bakteriya, Xəzər dənizi, Sputnik Azərbaycan, Rasif Bağırov, su, Adil Qeybulla
Əlaqədar
Xəzərin sahilində yeni çimərliklər salınacaq
Sumqayıtın kanalizasiya suları Xəzərə axıdıldı
Kürün Xəzərə qovuşduğu hissədə adam batdı
Xəzərdə tapılan neftçini qardaşı tanıdı
Xəzərdə qalan canlar
Qan nümunələri, arxiv şəkli

Bu il 75 mindən çox İİV testi aparılıb

6
(Yenilənib 23:43 01.12.2020)
"COVID-19 pandemiyasına baxmayaraq, İİV testi ilə əhatə nisbəti azalmayıb və bu ilin 10 ayı ərzində 75 499 İİV testi aparılıb".

BAKI, 1 dekabr — Sputnik. "COVID-19 pandemiyasına baxmayaraq, İİV testi ilə əhatə nisbəti azalmayıb və bu ilin 10 ayı ərzində 75 499 İİV testi aparılıb".

Sputnik Azərbaycan xəbər verir ki, bunu Respublika QİÇS-lə Mübarizə Mərkəzinin direktoru vəzifəsini icra edən Esmira Alməmmədova deyib.

O bildirib ki, İİV- xəstələrinin 74,7 faizi dispanser nəzarətində olub: "11 ay ərzində İİV-pozitivli və "C" virus hepatit ilə birgə infeksiyalı 1 034 nəfər pasientin müalicəsini həyata keçirmək üçün imkan yaradılıb".

6
Teqlər:
İİV, xəstə
COVİD-19-da ölən şəxs, arxiv şəkli

Ermənistanda bir gündə 29 nəfər koronavirusdan öldü

11
(Yenilənib 16:50 01.12.2020)
Ermənistanda son gündə daha 29 nəfər ölüb. Ümumilikdə bu virusdan ölənlərin sayı 2193 -ə çatıb. Xəstəlikdən sağalanların sayı 110365 nəfər olub.

BAKI, 1 dekabr — Sputnik. Ermənistanda koronavirusa yoluxanların sayı 135967-ə çatıb. Bu barədə Ermənistanın Xəstəliklərə Nəzarət və Profilaktika üzrə Milli Mərkəzinin yaydığı məlumatda bildirilib.

Məlumatda qeyd olunub ki, bir gündə bu virusa yoluxanların sayı daha 843 nəfər artıb.

Ermənistanda son gündə daha 29 nəfər ölüb. Ümumilikdə bu virusdan ölənlərin sayı 2193 -ə çatıb. Xəstəlikdən sağalanların sayı 110365 nəfər olub. Hazırda bu ölkədə 23976 nəfər xəstəxanada müalicə alır.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 63,2 milyonu keçib, 1,47 milyondan çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

11
Teqlər:
yoluxma, COVID-19, Koronavirus, Ermənistan
Kino lenti, arxiv şəkli

"Kinematoqrafiya uğurlarına görə" beynəlxalq mükafatına kim layiq görüldü?

0
(Yenilənib 23:58 01.12.2020)
Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər.

BAKI, 1 dekabr — Sputnik. "Narimanfilm" kinostudiyasının direktoru, Azərbaycan Respublikası Əməkdar mədəniyyət işçisi Nəriman Məmmədov 2020-ci il noyabrın 27-də 13-cü Global Film Festival Noida və "MARWAН STUDIOS" (Hindistan) tərəfindən kinematoqrafiyanın irəliləyişi işində göstərdiyi əməyinə görə "Kinematoqrafiya uğurlarına görə" beynəlxalq mükafatı ilə təltif olunub.

Sputnik Azərbaycan-ın məlumatına görə, 13-cü Global Film Festival Noida 2020-ci il noyabr ayının 26-28 tarixlərində Hindistanda, Noida şəhərində yerləşən "MARWAН STUDIOS"-da keçirilmişdir. Bu, tələbələr, entuziastlar və kino professionalları daxil olmaqla, bütün dünya kinematoqrafiya cəmiyyəti ilə birlikdə kinonun gücünü tərənnüm edən ən böyük və tanınmış festivallardan biridir. Festival zamanı dünyanın hər bir ölkəsindən olan kino mütəxəssisləri öz filmlərini nümayiş etdirir, sərgilərdə, treninqlərdə, seminarlarda iştirak edirlər. Festivalın prezidenti məşhur Hindistan rejissoru, prodüseri, jurnalisti, həmçinin, Asiya Kino və Televiziyası Akademiyasının təsisçisi və prezidenti cənab Sandip Marvadır.

0
Teqlər:
tələbələr, rejissor, Hindistan, prodüser, mükafat