Əməliyyat

Səhiyyə Nazirliyi cərrahiyyə əməliyyatı zamanı videoçəkilişlərə münasibət bildirdi

60
Səhiyyə Nazirliyi həkimlərə əgər prosesə mane olursa, əməliyyatın videosunu özlərinin çəkməməsini tövsiyə edir

BAKI, 26 iyun — Sputnik. Səhiyyə Nazirliyi həkimlərə əgər prosesə mane olursa, əməliyyatın videosunu özlərinin çəkməməsini tövsiyə edir.

Bununla bağlı vəziyyəti Sputnik Azərbaycan-a AR Səhiyyə Nazirliyinin İctimaiyyətlə əlaqələr şöbəsinin müdiri Liya Bayramova şərh edib.

Qeyd edək ki, son günlər sosial şəbəkələrdə həkimlərin cərrahiyyə əməliyyatını əks etdirən videogörüntülərə, həmçinin əməliyyatdan birbaşa transilyasiyalara tez-tez rast gəlinir.

Həkimlərin bu hərəkəti cərrahiyyə əməliyyatı kimi ciddi məsuliyyət tələb edən bir prosesə neqativ təsir göstərə, pasientin ölümü də daxil olmaqla bir çox mənfi nəticələrə səbəb ola bilər. Baxmayaraq ki, özəl klinikaların həkimlərinin məqsədi bu yolla daha çox müştəri cəlb etməkdir. 

Bütün bunlarla yanaşı Səhiyyə Nazirliyi özəl tibb müəssisələrinin işinə müdaxilə edə bilmir. Dövlət xəstəxanalarında isə məsələyə daha ehtiyatla yanaşılır.

Bayramovanın sözlərinə görə, həkimlərə öz əməliyyatlarının videoçəkilişlərini aparmaq qadağan edilmir. Lakin cərrah bu zaman pasientin üzünü nümayiş etdirməməli və xəstənin maraqlarına təsir göstərəcək informasiyaları verməməlidir. Eyni zamanda xəstənin adını da demək olmaz.

"İstənilən adam istədiyi hər şeyin videokadrlarını çəkə bilər, əlbəttə, əgər bu digər insanların heysiyyatına toxunmursa" — deyə Səhiyyə Nazirliyinin nümayəndəsi bildirib.

O, qeyd edib ki, hazırda əksər əməliyyat otaqlarında videokameralar quraşdırılıb. Bu, tələbələrin təhsili, mütəxəssislər arasında informasiya və təcrübə mübadiləsi məqsədilə edilir. Amma bütün bunlarla yanaşı, çəkiliş prosesi əməliyyatın gedişinə mane olmamalıdır.

Öz növbəsində Milli Məclisin deputatı Musa Quliyev deyib ki, qanunvericilikdə əməliyyat otaqlarında videoçəkilişlərə heç bir qadağa qoyulmayıb. Buna görə də, qaydalara əsasən çəkiliş qadağan edilmir, amma razılaşdırılır. Bu video pasientin şəxsiyyəti barədə məlumatların və üzünün təsvirinin verilməməsi şərtilə yayımlana bilər. 

Deputatın sözlərinə görə, bu cür materiallardan klinikalar reklam və dərs materiallarının keyfiyyətini yuxarı qaldırmaq məqsədilə istifadə edirlər. Pasientin sifətini ancaq onun razılığı ilə göstərmək olar.

"Digər tərəfdən, videoçəkiliş hər hansı problem yaranarkən və onun araşdırılması üçün zəruridir. O da var ki, əgər xəstənin vəziyyəti pisləşərsə və onu digər klinikaya köçürmək zərurəti yaranarsa, yaxud da taktiki müalicə üçün məsləhət lazımdırsa və s., bu kadrlar əhəmiyyətlidir" — deyə deputat əlavə edib.

60
DİN əməkdaşları, arxiv şəkli

Saatlı polisi koronavirus xəstəsini küçədə tapdı

15
T.Hüseynovun karantin qaydalarına zidd davranaraq evini tərk etdiyi və qonşuluqda yaşayan sakinlərin evinin həyətinə daxil olaraq xəstəliyin yayılmasına real təhlükə yaratdığı müəyyən edilib.

BAKI, 4 dekabr — Sputnik. Saatlı Rayon Polis Şöbəsinin (RPŞ) əməkdaşları tərəfindən koronavirus pandemiyasının yayılmasının qarşısının alınması məqsədilə tədbirlər mütəmadi olaraq davam etdirilir. Daxili İşlər Nazirliyinin (DİN) Mətbuat Xidmətinin Bərdə regional qrupundan Sputnik Azərbaycan-a verilən məlumata görə, polis əməkdaşları tərəfindən rayon ərazisində koronavirus testi müsbət çıxan şəxslərin yaşadığı ünvanı tərk edib-etməməsi yoxlanılarkən bir nəfər rayon sakini, T.Hüseynovun karantin qaydalarına zidd davranaraq evini tərk etdiyi və qonşuluqda yaşayan sakinlərin evinin həyətinə daxil olaraq xəstəliyin yayılmasına real təhlükə yaratdığı müəyyən edilib.

Həmin şəxsin qanunazidd hərəkətlərinin qarşısı alınıb və müalicəsini davam etdirmək üçün yenidən yaşadığı ünvana gətirilib.

Saatlı RPŞ-nin İstintaq Bölməsində araşdırma aparılır.

15
Mağazada qadın, arxiv şəkli

Siyəzəndə mağazada satıcı işləyən COVID-19 xəstəsi müəyyən edilib

11
(Yenilənib 18:26 04.12.2020)
Sədan kənd sakini Rufanə Əliyevanın karantin qaydalarına zidd davranaraq yaşadığı ünvanı tərk etdiyi müəyyən edilib

BAKI, 4 dekabr — Sputnik. Siyəzən Rayon Polis Şöbəsinin əməkdaşları tərəfindən rayon ərazisində koronavirus testi müsbət çıxmış şəxslərin yaşadığı ünvanı tərk edib-etməməsi yoxlanılarkən rayonun Sədan kənd sakini Rufanə Əliyevanın karantin qaydalarına zidd davranaraq yaşadığı ünvanı tərk etdiyi müəyyən edilib.

Daxili İşlər Nazirliyinin Mətbuat Xidmətinin Quba regional qrupundan Sputnik Azərbaycan-a verilən məlumata görə, şöbə əməkdaşları tərəfindən R.Əliyeva satıcı kimi işlədiyi mağazada aşkarlanaraq yaşadığı ünvana qaytarılıb. Həmin şəxsin törətdiyi əmələ hüquqi qiymət verilməsi üçün Siyəzən RPŞ-də araşdırmalar aparılır.

11
Teqlər:
Daxili İşlər Nazirliyi, Koronavirus, Siyəzən
Biznes  ledi

İllərin sənətçisi yeni biznesə başlayıb

0
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

0