Toy mərasimi, arxiv şəkli

Hər 100 ailədən 30-u bu dərdi çəkir

856
Əgər gənc seksual münasibətlər haqqında məlumatları internet üzərindən alırsa, onda kobudluq, aqressiya özünü göstərir

BAKI, 7 iyun — Sputnik. "Toy gecəsi uğursuzluğu" yeni qurulan 100 ailədən 30-da müşahidə edilən problemdir. Yeni qurulan ailələrdə müşahidə edilən bu problem qız və ya oğlanın fiziki, psixoloji hazırsızlığının, eləcə də öncədən qazanılmış qorxuların nəticəsidir. Mütəxəssislərə görə, "toy gecəsi uğursuzluğu" yaşanılmaması üçün gənclər ailə həyatı qurmamışdan əvvəl ailə planlaması mərkəzlərinə müraciət etməli, androloq, ginekoloqlardan məsləhət almalıdırlar.

Androloq Ağa Ağazadə
© Sputnik / Irade JELIL
Androloq Ağa Ağazadə

Androloq Ağa Ağazadənin Sputnik Azərbaycan-a açıqlamasına görə, "toy gecəsi uğursuzluğu" bu gün çox böyük problemə çevrilib: "Belə ki, ay ərzində bu problemlə həkimə 15-20 cütlük müraciət edir. Bunun çox müxtəlif səbəbləri var. Qədim adətlərimizdən olan yengə faktorunun burada böyük rolu var. Yengənin qapıda durub tələsdirməsi və yaxud toy gecəsindən öncə qızların bir-birinə danışdığı miflər gənclərdə "toy gecəsi uğursuzluğu" yaşadır".

"Belə problemlər daha çox bölgələrdə yaşanır. Çünki rayonda gənclərin seksual məlumatları az olur. Qızların qorxusu, oğlanların tələsməsi bu problemə səbəb olur. Çox müraciətlər olur, vəziyyəti başa salırıq, ehtiyac varsa, dərman yazırıq Axşam zəng edirlər ki, hər şey yolundadır" — həkim bildirir.

Onun sözlərinə görə, "toy gecəsi uğursuzluğu"nun yaşanmaması üçün önsevişmə vacibdir: "Kişilərdə ereksiya tez yaranır, ancaq qadınlarda müəyyən hisslərin yaranması üçün önsevişmə mütləqdir. Qadınların seksual fəaliyyəti 4 yerə bölünür: libido (maraq), qıcıqlanma, orqazm, yenidən bərpa. Kişilər bu önsevişməni bilmədikləri üçün sekslə zorlama məşğul olurlar. Bunun nəticəsində qadında heç bir duyğu olmur, qorxu yaşanır və toy gecəsi problemi yaranır. Həmin gün qadın üçün ən qorxulu gecəyə çevrilir".

Müsahibimiz əlavə edir ki, məhz bunun nəticəsində ölkədə 40 faiz qadın orqazmın nə olduğunu bilmir: "Heç bir zaman ailə həyatı qurmayan qadınlarda fibroma, mioma və s. kimi problemlər yaşanır. Bu qadınlarda hormonal balans işləmədiyi, uşaq əmizdirmədikləri üçün onlar xəstəliklərə daha tez yaxlanırlar".

Sosioloq İlahə Abdullayeva Sputnik Azərbaycan-a deyir ki, "toy gecəsi uğursuzluğu" problemi əvvəllər də mövcud olub: "Buna səbəb kimi gənclərin məlumatsızlığı göstərilib. Amma indi müasir dövrdə yaşayırıq. Problemə səbəb odur ki, gənclərimiz bu informasiyaları ya internetdən, ya da rəfiqədən, dostdan alırlar".

"Təbii ki, çox zaman bu məlumatlar həqiqəti əks etdirmir və nəticədə problemlər yaşanır. Məsələn, əgər bir gənc seksual münasibətlər haqqında məlumatları internet üzərindən alırsa, onda kobudluq, aqressiya özünü göstərir. Yaxınlardan, dost-tanışdan məlumat alanlar isə seksual münasibətə qorxu içində başlayırlar" — ekspert izah edir.

Sosioloq hesab edir ki, bu kimi problemlərin yaşanmaması üçün ailə qurmamışdan öncə həkimlə məsləhətləşmək vacibdir: "Çünki həkim reallığı açıq şəkildə danışa bilir və fərdləri yanlış istiqamətə yönləndirmir".

"Əvvəllər daha çox yengə problemi var idi. İndi müasir gənclər ondan imtina edirlər. Seksual münasibətlərə müəyyən vaxtın qoyulması, gənclərin tələsdirilməsi təbii ki, uğursuzluqla nəticələnməlidir. Buna görə də, ən yaxşısı, gənclər məlumatları internetdən, yaxın rəfiqələrdən deyil, həkimdən alsınlar" — İ. Abdullayeva xəbərdar edir.

856
Teqlər:
İlahə Abdullayeva, "Toy gecəsi uğursuzluğu", Ağa Ağazadə, androloq, qorxu, oğlan, Sputnik Azərbaycan, sosioloq, problem, ailə, qız
Əlaqədar
Ailə münasibətlərimizə müdaxilə: ya övladının haqqını tapdala, ya da...
Ailə cinayətinin arxasından “cin” çıxdı
3 uşağı olan ailəyə hər ay 450 manat ödəniləcək
Qızına dəbdəbəli toy edən məmurun başı dərddə
Təntənəli toy mərasimləri qadağan edildi
Bakıda tibbi maskada olan insanlar, arxiv şəkli

Belə insanlar koronavirusa az yoluxurlar

1
(Yenilənib 14:44 26.09.2020)
Daha əvvəl Holk qeyd etmişdi ki, qanda vitamin D səviyyəsinin yetərli olması COVID-19-a oluxma riskini 54 faiz azaldır.

BAKI, 26 sentyabr — Sputnik. Boston Universitetinin Tibb məktəbinin alimləri müəyyən edib ki, koronavirusa yoluxan xəstələrin qanındakı normal vitamin D səviyyəsi, az olanlarla müqayisədə xəstəlik ağırlaşan zaman daha az ölümlə nəticələnir.

Sputnik Azərbaycan xarici mətbuata istinadla xəbər verir ki, yetərli D vitamini səviyyəsi çox olan 40 yaşından böyük xəstələrdə virusdan ölüm halı 51,5 daha az olur.

"Bu araşdırma D vitamininin yetərli olmasının sitokin fırtınası və COVID-19-dan ölüm halının qarşısını aldığını sübut edir" - deyə araşdırma rəhbəri Maykl Holk bildirib.

Daha əvvəl Holk qeyd etmişdi ki, qanda vitamin D səviyyəsinin yetərli olması COVID-19-a yoluxma riskini 54 faiz azaldır.

Eyni zamanda vitamin D təkcə koronavirusla deyil, digər digər nəfəs yolu xəstəliklərinə yoluxmanın qarşısını alır.

1
Restoranda nahar, arxiv şəkli

Bar restoranlarla bağlı yeni qərar verilib

12
(Yenilənib 14:40 26.09.2020)
Qərara görə, 6 ay qüvvədə olacaq yeni tələblərə cavab verməyən həm fiziki, həm də hüquqi şəxslər yüksək əbləğdə cərimələnəcəklər.

BAKI, 26 sentyabr — Sputnik. İngiltərənin baş naziri bar və restoranlarla bağlı yeni qərar açıqlayıb.

Sputnik Azərbaycan-ın Türkiyə mediasına istinadən xəbərinə görə, yeni qərara əsasən ölkədəki pandemiya vəziyyətinin daha da kritikləşməsi ilə bar və restoranlaırn fəaliyyəti saat 22:00-dan etibarən dayandırılır. Beləcə artıq qərarın qüvvəyə minməsi ilə küçələrdə böyük boşluq yaranıb, sıxlıq aradan qalxıb. Qərarın bir bəndinin məhz bar və restoranlara şamil edilməsinin səbəbi isə son zamanlar xüsusən də gənclər arasında COVID-19-a yoluxma halının daha çox qeydə alınması ilə əlaqədardır.

Qərara görə, 6 ay qüvvədə olacaq yeni tələblərə cavab verməyən həm fiziki, həm də hüquqi şəxslər yüksək məbləğdə cərimələnəcəklər.

Qeyd edək ki, bu gün Avropa ölkələrində ən çox ölüm halının qeydə alındığı ölkələrdən biri olan İngiltərədə bu günədək ölü sayı 41 min 902 olub. '

12