Səhiyyə Nazirliyi Elmi-Tədqiqat Pediatriya İnstitutunun direktoru, baş pediatr Nəsib Quliyev

Baş pediatrdan analara ittiham

93
(Yenilənib 18:04 05.05.2017)
Baş pediatr: "Azərbaycanda anaların 48 faizi subyektiv səbəblərdən körpəsinə süd vermir"

BAKI, 5 may — Sputnik. Azərbaycanda 1 yaşa qədər uşaqların 48-52 faizi ana südü ilə qidalanır. APA-nın xəbərinə görə, Pediatriya İnstitutunun direktoru, baş pediatr Nəsib Quliyev "Ana südü ilə qidalanmanın əhəmiyyətinə dair" seminarda çıxışı zamanı bildirib ki, ana südünün verilməməsinin əsas səbəbi süd vermək istəyinin olmamasından irəli gəlir.

Onun sözlərinə görə, anaların yalnız 2%-nin özündən asılı olmayan obyektiv səbəblərdən südü olmaya bilər. N.Quliyev qeyd edib ki, anaların 48 faizi subyektiv səbəblərdən körpələrinə süd vermir:

"Kimdən soruşursansa deyir ki, südüm yoxdur və ya süd versəm fiquram pozulacaq. Elm sübut edir ki, ana orqanizmi hamiləliyə hazırlıq keçməlidir. 96 faiz hallarda uşağına 2 yaşına qədər süd verən ana hamilə olmur. Süni qida ilə qidalanan uşaqlarda xəstələnmə və ölüm hallarına ana südü ilə qidalanan uşaqlara nisbətən 4 dəfə daha çox rast gəlinir. Bu uşaqlarda ishala, diareyaya 17,3 dəfə çox rast gəlinir. Dünyada ana südü qədər ehtiyacları təmin edə bilən ikinci qida yoxdur".

93
Teqlər:
"Ana südü ilə qidalanmanın əhəmiyyətinə dair" seminar, Pediatriya İnstitutu, Nəsib Quliyev, Azərbaycan
Əlaqədar
Azərbaycan səhnəsinin qayğıkeş anası
"Kaş gözlərim açılaydı, anamın üzünü bircə dəfə görəydim..."
"Azərbaycanda ana və uşaq ölümü səviyyəsi aşağı düşüb"