Uşaq ayaqqabıları, arxiv şəkli

Onu etmək cəhalət, evdə etmək cinayətdir

335
(Yenilənib 16:18 04.05.2017)
"Bu əməliyyatın evdə hətta həkim tərəfindən aparılması belə, təhlükəlidir"

BAKI, 4 may — Sputnik. Azərbaycanda qadınların abort etdirməsi problemi aktuallığını saxlayır. Statistika son illər abortların sayının xeyli artdığın göstərir. Qeyri-rəsmi intim münasibətlər, uşağı saxlamaq üçün maddi imkanın olmaması, eləcə də 21-ci əsrdə yaşamağımıza baxmayaraq, cəhalət düşüncəsinin (məsələn, qız yox, oğlan istəyirəm kimi) hakim olması qadınları bu addıma sövq edir.

Amma savadsızlıq, maddi-iqtisadi vəziyyətin aşağı olması üzündən qadınlarımız çox zaman abort və digər ginekoloji əməliyyatlar üçün tibbi lisenziyası olmayan obyektlərə və yaxud evlərdə qeyri-qanuni fəaliyyət göstərən tibb bacılarına müraciət edirlər. Bu kimi hallara daha çox bölgələrdə rast gəlinir.

Ginekoloq Yayla Babayeva Sputnik Azərbaycan-a açıqlamasında bildirib ki, abort və mini abortlar xəstəxana daxilində həyata keçirilməlidir: "Əks halda bu xəstənin sağlamlığı və hətta həyatı bahasına başa gələ bilər. Abort heç də hesab edildiyi kimi sadə və kiçik əməliyyat deyil. Candan can qoparılır. Bu zaman qanaxma, təzyiqin qalxması və s. kimi hallar baş verə bilər ki, ev şəraitində bu halların qarşısını almaq qeyri-mümkündür".

Müsahibimiz qeyd edir ki, bətnə düşmüş körpəni ən uzağı 12 həftəyə qədər abort etdirmək mümkündür: "Sonra döl daxildə böyüyür və ananın və ya körpənin sağlamlığında problem olmadığı təqdirdə aborta icazə verilmir. Daha sonrakı aylarda isə abort qadının sağlamlığı üçün təhlükəli hesab edilir. Buna görə də uşaq qeysəriyyə əməliyyatı ilə çıxarılır (əgər döl bətndə ölərsə)".

Həkim evdə abort və digər əməliyyatların aparılmasına da toxunub: "Bu əməliyyatın evdə hətta həkim tərəfindən aparılması belə, təhlükəlidir. Çünki xəstəxanada həkimin əlinin altında hər vasitə olur, ev şəraitində isə bu, mümkün deyil".

"Bəzən təhsili olmayan şəxslər belə, evdə abort əməliyyatları həyata keçirirlər. Müxtəlif iynələr, dərmanlar və hətta alətlərlə əməliyyat etməyə çalışırlar. Bu da çox zaman xəstənin elə əməliyyat stolunda qalmasına, həyatını itirməsinə səbəb olur. Arzuolunmaz hamiləlikdən qurtulmaq üçün həkimə müraciət etmək lazımdır" — Y. Babayeva diqqətə çatdırır.

O, abortun xəstəxanada hansı şəraitdə, hansı qaydalarla aparıldığını da izah edir: "Xəstə əvvəl müəyyən müayinələrdən keçməli, hamiləliyin müddəti USM–lə müəyyən edilməli, xəstənin təzyiqi ölçülməli, daha sonra hamiləliyə uyğun abort tətbiq edilməlidir. Yanımıza qanaxma ilə çox xəstələr gəlir. Onların həyatını güclə xilas edə bilirik".

Xatırladaq ki, Azərbaycanda qanunsuz abort edilməsinə görə, cərimələrin məbləği artırılıb. Belə ki, Cinayət Məcəlləsinin 141-ci "Qanunsuz abort etmə" maddəsinin birinci bəndinə görə, həkim tərəfindən tibb müəssisələrindən kənarda abort etmə beş yüz manatdan min manatadək miqdarda cərimə və ya altı ayadək müddətə islah işləri ilə cəzalandırılır. Maddənin ikinci bəndinə görə, xüsusi ali tibbi təhsili olmayan şəxs tərəfindən abort etməyə görə 1000 manatdan 1500 manatadək miqdarda cərimə və ya üç yüz altmış saatdan dörd yüz saatadək müddətə ictimai işlər və ya bir ilədək müddətə islah işləri ilə cəzalandırılır.

Maddənin üçüncü bəndində qeyd edilir ki, Məcəllənin 141.1 və 141.2-ci maddələrində nəzərdə tutulmuş əməllər nəticəsində zərərçəkmiş şəxsin sağlamlığına ehtiyatsızlıqdan ağır zərər vurduqda, 2000 manatdan 3000 manatadək cərimə və ya iki ilədək müddətə islah işləri və ya bir ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə bir ilədək müddətə azadlıqdan məhrum etmə ilə cəzalandırılır.

335
Teqlər:
Yayla Babayeva, cəhalət, intim münasibət, ginekoloq, statistika, həkim, abort, cinayət, ana, xəstəxana, Azərbaycan, qadın, ev, uşaq
Əlaqədar
Azərbaycanda abortlar qadağan ediləcək
Məktəb yaşlı qızlar arasında aborta gedənlərin sayı artıb
O, abort edilmiş uşaqların cəsədlərini klinikadan alır və...
Roma Papası abort etdirənlərin əvf olunmasına icazə verib

Ölkədə koronavirusa yoluxma ilə bağlı son statistika açıqlandı

59
Son sutka ərzində yeni yoluxma hallarının müəyyənləşdirilməsi ilə əlaqədar 7 254, bu günə qədər isə ümumilikdə 3 668 281 test icra olunub.

BAKI, 19 iyun - Sputnik. Azərbaycanda koronavirus (COVID-19) infeksiyasına 38 yeni yoluxma faktı qeydə alınıb, 123 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, bu gün ölüm faktı qeydə alınmayıb.

İndiyədək ölkədə ümumilikdə 335 437 nəfərin koronavirus infeksiyasına yoluxması faktı müəyyən edilib, onlardan 329 462 nəfər müalicə olunaraq sağalıb, 4 961 nəfər vəfat edib. 1 014 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 7 254, bu günə qədər isə ümumilikdə 3 668 281 test icra olunub.

Koronavirus bəlası

Xatırladaq ki, 2019-cu ilin dekabr ayında Çinin Uhan şəhərində koronavirusun (COVID) yayılması dünyanın düzənini dəyişdi. 2020-ci il martın 11-də Ümumdünya Səhiyyə Təşkilatının (ÜST) yayılan virusu pandemiya elan etməsindən sonra dünya bu virusla mübarizəyə başladı. Dünyanın əksər ölkələrində koronavirus infeksiyasının yayılmasının qarşısını almaq məqsədilə bir sıra qadağaların tətbiqinə başlandı. Hər ölkə bu gözəgörünməz virus kabusundan yaxa qurtarmaq üçün müxtəlif məhdudiyyətlər həyata keçirdi. Koronavirus pandemiyası Azərbaycanda da həyatın axarını dəyişdi. Azərbaycanda COVID-19-la mübarizəyə 2020-ci ilin fevral ayının 27-dən başlandı.

Koronavirus pandemiyasının səbəb ola biləcəyi təhlükənin qarşısını almaq, profilaktik və təxirəsalınmaz tədbirlərin görülməsi üçün Nazirlər Kabineti yanında Operativ Qərargah yaradıldı. Fevralın 28-də ölkədə COVID-19-un ilk müsbət halı təsdiqləndi. Hazırda ölkəmizdə koronavirus əleyhinə vaksinasiya uğurla davam etdirildiyindən ölkəmizdə karantin qaydalarının yumşaldılması davam edir.

59
Protez-Ortopedik İstehsalat və Reabilitasiya Mərkəzində qazilərə protezlər təqdim olunub

Artıq 66 qazi yüksək texnologiyalı protezlərlə təmin edilib

5
(Yenilənib 15:56 19.06.2021)
Əmək və Əhalinin Sosial Müdafiəsi Nazirliyi Vətən müharibəsində yaralanmış daha iki qazimizi - Məmişov Bəşir Məhəddin oğlunu və Hüseynəliyev Faiq Bəhruz oğlunu yüksək texnologiyalı protezlərlə təmin edib.

BAKI, 19 iyun — Sputnik. Əmək və Əhalinin Sosial Müdafiəsi Nazirliyi Vətən müharibəsində yaralanmış daha iki qazimizi - Məmişov Bəşir Məhəddin oğlunu və Hüseynəliyev Faiq Bəhruz oğlunu yüksək texnologiyalı protezlərlə təmin edib.

Nazirlikdən verilən məlumata görə, onlar Qubadlı uğrunda gedən döyüşlərdə yaralanıblar. Hər iki qazimiz əvvəlcə Nazirliyin tabeliyindəki Dövlət Tibbi-Sosial Ekspertiza və Reabilitasiya Agentliyinin Protez-Ortopedik İstehsalat və Reabilitasiya Mərkəzində ilkin müayinə olunublar. Protezləşməyə hazırlıq mərhələsindən sonra isə onlara yüksək texnologiyalı protezlər təqdim olunub.

Bu geniş funksiyalı müasir reabilitasiya vasitələri istifadəçilərə köməkçi vasitələr olmadan sərbəst hərəkətə, qeyri-bərabər səthlərdə də addımlamağa, dəyişən məkanlarda və məqamlarda maneəsiz dönməyə, eləcə də idmanla məşğul olmağa və s. imkan verir. 

Nazirlik tərəfindən artıq 66 qazimiz yüksək texnologiyalı protezlərlə təmin edilib.

Vətən müharibəsi

2020-ci il sentyabrın 27-də Ermənistan silahlı qüvvələrinin cəbhə xəttində törətdikləri genişmiqyaslı təxribata cavab olaraq başlamış Azərbaycan Ordusunun əks-hücumu başladı.

Oktyabrın 9-da Cəbrayıl, oktyabrın 17-də Füzuli, oktyabrın 20-də Zəngilan, oktyabrın 25-də Qubadlı, noyabrın 8-də isə Şuşa şəhəri erməni işğalçılarından təmizləndi.

Noyabrın 9-da Azərbaycan Prezidenti İlham Əliyev, Rusiya lideri Vladimir Putin və Ermənistanın baş naziri Nikol Paşinyan arasında imzalanmış üçtərəfli bəyanatın şərtlərinə əsasən, noyabrın 20-də Ağdam, noyabrın 25-də Kəlbəcər, dekabrın 1-də isə Laçın rayonları bir güllə atılmadan işğaldan azad edilib.

Şəhid olanlar, itkin düşənlər və yaralananlar

Müdafiə Nazirliyinin son məlumatına əsasən, Azərbaycan Respublikası Silahlı Qüvvələrinin Vətən müharibəsində 2904 hərbi qulluqçusu şəhid olub, 10 nəfər isə itkin düşmüş hesab edilir. 1250-dək hərbçimiz isə yaralanıb.

5
Şenol Günəş, arxiv şəkli

Günəş Türkiyə millisinin AVRO-2020-də uğursuz çıxışına görə üzr istəyib

0
Baş məşqçi bildirib ki, Avropa çempionatının açılış oyununda İtaliya komandasına böyük hesabla məğlubiyyət türk futbolçularına pis təsir edib.

 

Futbol üzrə Türkiyə millisinin baş məşqçisi Şenol Günəş komandasının Avropa çempionatndakı çıxışına görə üzr istəyib.

Bazar günü türklər qrup mərhələsinin son turunda İsveçrə komandası ilə oynayacaqlar. İki oyundan sonra Türkiyə millisinin xalı yoxdur. Turnirdə mübarizəni davam etdirmək üçün yeganə variant öz qruplarında üçüncü yeri tutmuş dörd komanda siyahısına düşməkdir.

"Biz komanda daxilində fəlsəfəni dəyişməli, ona qalib ruhunu aşılamalıyıq. İlk iki oyunda bizdə bu qətiyyən hiss olunmurdu. Mən bizə qarşı deyilən bütün tənqidlərə hörmətlə yanaşıram, oyunçularımız da özlərindən narazıdırlar. Həyatda hər zaman istədiyiniz kimi olmur. Əminəm ki, futbolçularımız bu vəziyyətdən çıxacaq və yeni oyuna hazır olacaqlar. Biz bura yaxşılardan biri olmaq üçün gəldik, lakin bunu edə bilmədik. Sözsüz ki, biz məyusuq və bizə azarkeşlik etmiş hər bir kəsdən üzr istəyirik", – deyə Günəş mətbuat konfransında bildirib.

Xatıqladaq ki, ilk turda Türkiyə millisi İtaliya komandasına (0:3), ikinci turda isə Uels komandasına məğlub olub (0:2).

"Romadakı ilk oyunun pis təəssüratları bizə çox təsir etdi. Biz həm oyunda,həm də nəticədə özümüzə inamı itirdik. Meydanda gördüklərimiz bizi həvəsdən saldı. Uels yığması ilə oyunun birinci hissəsində də eyni şey oldu. Biz iki oyundan sonra belə bir vəziyyətə düşəcəyimizi təsəvvürümüzə də gətirməzdik. Biz Türkiyədə insanların bizə nə qədər etimad etdiyini bilirik, lakin onların gözləntilərini doğrulda bilmədik", - deyə baş məşqçi bildirib.

0