Üşüyən qız

Yazda xəstələnmək istəmirsinizsə, bunları edin

127
(Yenilənib 10:20 27.04.2017)
Həkim Aygün Muradlı: "Soyuqlamadan qorunmaq üçün mayın 20-nə qədər gödəkcələrinizdən imtina etməyin"

BAKI, 26 aprel — Sputnik. El deyimi var: "mart çıxdı, dərd çıxdı". Amma bu il mart çıxsa da, havalar isinmək bilmir.

Havanın temperaturu bir qədər düşən kimi "soyuq oldu" deyib, özümüzü qorumağa çalışırıq. Amma mütəxəssislərə görə, qışdan yaza keçid dövründə xəstələnmənin səbəbi soyuq deyil, orqanizmin öz istiliyini tənzimləyə bilməməsidir. Yəni, hər zaman orqanizmin istiliyini 37 dərəcə istilikdə saxlaya bilsək, əsla xəstələnmərik.

Mart-aprel aylarında havanın temperaturu dəyişkən olduğu üçün bədən istiliyi də tez-tez dəyişir. Bunun nəticəsində maddələr mübadiləsi yavaşıyır, mikroblar aktivləşərək xəstəliyin yaranmasına səbəb olur. 

Ekologiya və Təbii Sərvətlər Nazirliyi Milli Hidrometeorologiya Departamentinin Hidrometeoroloji Proqnozlar Bürosunun direktor əvəzi Gülşad Məmmədovanın Sputnik Azərbaycan-a verdiyi məlumata görə, artıq bir neçə gündür ki, ölkə ərazisində, paytaxtda, eləcə də bölgələrdə hava şəraiti qeyri-sabit keçir: "Arabir yağışlar yağdı, yüksək dağlıq ərazilərdə qar yağması, güclü şimal-qərb küləkləri müşahidə edildi. Amma bu gündən etibarən ölkə ərazisində hava şəraitinin mülayimləşəcəyi gözlənilir. Əsasən yağmursuz hava şəraiti müşahidə olunacaq. Havanın temperaturu ötən günlərlə müqayisədə yaxın 2 gün ərzində tədricən yüksələcək".

G. Məmmədovanın sözlərinə görə, mart–aprel ayları keçid ayları hesab olunduğu üçün hava şəraitinin dəyişkən olması ilə xarakterizə edilir. Əvvəlki illərdə də aprel ayında yağışlar yağmış, dağlıq ərazilərdə qarın yağması və güclü küləklərin əsməsi müşahidə edilmişdi.

Havaların qeyri-sabit keçməsi isə insanlarda da müxtəlif xəstəliklərin yaranmasına səbəb olur. Terapevt Mətanət Cəfərovanın sözlərinə görə, havaların qeyri-sabit keçməsi baş ağrılarına, arterial təzyiqin oynamasına, ürək ritminin pozulmasına, oynaqlarda, əzələlərdə yorğunluğa, ağrıların artmasına, iş qabiliyyətinin azalmasına, yuxululuğa, bəzi şəxslərdə isə yuxusuzluğa, depressiyaya, həyəcanlanmalara səbəb olur: "Temperatur fərqinin yaranması yuxarı tənəffüs yollarının kəskin iltihablı xəstəliklərinin yaranması üçün əlverişli şərait yaradır. Havaların küləkli, soyuq olması temperatur fərqini yaradır. Belə hava xüsusən dayaq hərəkət aparatında, onurğa və oynaqlarında problem olan xəstələr üçün bir qədər əlverişsiz şərait yaradır. Xroniki xəstəliyi olan şəxslər belə dönəmlərdə özlərini daha çox pis hiss edirlər. Ağrılar müşahidə edilir". 

Mütəxəssislərə görə, mart-aprel ayları insan orqanizminin həssas olduğu aylardır. Bu aylarda mövsümi xəstəliklərdən qorunmaq üçün diqqətli olmaq lazımdır. Həkim Aygün Muradlının sözlərinə görə, qış aylarında bədəndə avitaminoz-vitamin çatışmazlığı yaranır: "Sonrakı aylarda bir az soyuq olan kimi soyuqlama və soyuğun təsirindən müxtəlif xəstəliklər ortaya çıxır. Məsələn, siz səhər görürsünüz ki, hava günəşlidir və nazik geyinirsiniz, axşam qayıdanda hava soyumuş olur və siz soyuqlayırsınız. Yəni, mart-aprel aylarının havası aldadıcı olur. Buna görə də çalışın ki, günəşin çıxmasına aldanmayasınız".

Həkim bildirir ki, belə havalarda qalın geyinmək, çoxlu maye qəbul etmək və meyvə-tərəvəz yemək lazımdır: "Əgər xəstələnmisinizsə, çalışın ki, çox maye qəbul edin. Su, süd, müxtəlif şorbalar için. Bu ayların xəstəliyinə qarşı çox sayda dərman qəbul etmək məsləhət görülmür. Limon-nanə qaynadıb için. Balla limonu qarışdırıb yeyin. Dərmanlardan yalnız köməkçi vasitə kimi, məsələn, hərarəti azaltmaq, baş ağrısını kəsmək üçün istifadə edin". 

A. Muradlı qeyd edir ki, soyuqlamadan qorunmaq üçün mayın 20-nə qədər gödəkcələrinizdən imtina etməyin.

Müsahibimiz bildirir ki, uşaqlar qrip xəstəliyini daha ağır keçirir. Buna görə də, qrip xəstəsi olan evdə uşaq varsa, uşaq xəstəyə yaxın buraxılmamalıdır: "Yeni doğulmuşlar və 5 yaşına qədər uşaqlar qripdən, soyuqdəymədən qorunmalıdır. Çünki tez-tez xəstələnmək uşaqda immunitet zəifliyi yaradır. Uşaq qidalanmadan qalır, zəifləyir və başqa ağır xəstəliklərin yoluxma ehtimalı da artır. Bu səbəbdən də uşaqları xəstə ilə eyni otaqda saxlamayın. Bol maye verin və uşağı qidalandırarkən, geyimini dəyişərkən əllərinizi sabunla yuyun. Əgər özünüz xəstəsinizsə, ağzınıza maska taxın".

127
Teqlər:
Yaz xəstəlikləri, Ekologiya və Təbii Sərvətlər Nazirliyinin Milli Hidrometeorologiya Departamenti, Mətanət Cəfərova, Aygün Muradlı, Gülşad Məmmədova
Əlaqədar
Nazirlik fermalarda quş qripi aşkar edildiyi haqda bəyanat yaydı
“Honkonq qripi”ndən ölən var
Bakı zooparkının direktoru quş qripi məsələsinə aydınlıq gətirib
Həkim: Forma dəyişdiyinə görə qrip virusuna qarşı peyvənd tapılmır
Vitaminlər, arxiv şəkli

B2 vitamini hansı problemlərə səbəb olur?

21
Həzm sistemi də B2 vitamini çatışmazlığından da əziyyət çəkə bilər. Bu zaman maddələr mübadiləsi pozulur.

BAKI, 29 noyabr — Sputnik. Perdana Universitetinin mütəxəssisləri B2 vitamini çatışmazlığını təhlükəsi barədə danışıb.

Sputnik Azərbaycan xarici mətbuata istinadla xəbər verir ki, alimlər, vitamin B2 və ya riboflavinin antioksidan xüsusiyyətlərə sahib olduğunu, sərbəst radikalları təsirsiz hala gətirə bilmə qabiliyyətinə malik olduğunu və bəzi xəstəliklərin yaratdığı oksidləşmə zərərini azalda bildiyini qeyd edib. 

Yüksək səviyyədə sərbəst radikallar hüceyrələrə və toxumalara zərər verə bilər. Bu isə sonradan xərçəng, ürək-damar xəstəlikləri, diabet və Alzheimer xəstəliyi riskini artırır.

Eyni zamanda riboflavinin çatışmazlığı artan oksidləşdirici stres ilə əlaqədardır. Bu da hematopoetik sistemin funksiyaların pisləşməsinə, anemiya və eritroid hipoplaziyasına səbəb ola bilər.

Həzm sistemi də B2 vitamini çatışmazlığından da əziyyət çəkə bilər. Bu zaman maddələr mübadiləsi pozulur.

Bununla yanaşı mütəxəssislər bu maddənin orqanizm üçün lazımlı miqdarda olmamasının miqrenə, saç tökülməsinə, katarakta səbəb olduğunu qeyd edib.

21
Poz verən qadınlar, arxiv şəkli

Əvvəldən idi hüsnü-camalı... ya ucuz iynə ilə burun itirənlər

73
(Yenilənib 21:53 29.11.2020)
"Qan burun damarında dövr edə bilmədiyindən, qarşısı tıxandığından həmin yerdə tədricən göyərmə, nekrozlaşma, el arasında dediyimiz çürümə baş verir".

Zülfiyyə Quluyeva, Sputnik Azərbaycan

BAKI, 29 noyabr — Sputnik. Son vaxtlar sosial şəbəkələrdə burunun formasının əməliyyatsız dəyişdirilməsi ilə bağlı kosmetoloji xidmətlər təklif olunur. Burun korreksiyası adlanan bu xidmətə tələbat, demək olar ki, xeyli yüksəkdir. Rinoplastika əməliyyatı etdirməyə maddi imkanları olmayan və buna risk etməyən şəxslər kosmetoloqlara üz tutaraq burunlarını korreksiya etdirirlər. Bu kosmetoloji xidmətə günü-gündən artan maraq fəsadları ilə bağlı şikayətləri də artırıb. Sosial şəbəkələrdə burun korreksiyasından sonra burun nayihəsi nekrozlasan qadınların çoxsaylı şəkilləri yayılır. Onlar kosmetoloqlar tərəfindən burun korreksiyası etdirdikdən sonra burunlarının çürüdüyündən şikayətlənirlər. Sputnik Azərbaycan mövzunun aktuallığını nəzərə alaraq bu sahədə tanınmış kosmetoloq, Ay VİP Studionun direktoru Aytac Əsədova ilə söhbətləşib.

- Aytac xanım, son vaxtlar burun korreksiyası bir növ dəbə düşüb. Bu kosmetoloji xidmətdən yararlananlar arasında burnunun çürüməsindən şikayətlənənlər də az deyil. Bu kosmetoloji xidmət və onun fəsadları haqqında oxucularımıza məlumat verərdiniz...

- Bu aktual mövzuya toxunduğunuz üçün təşəkkür edirəm. Öncə qeyd edim ki, burun korreksiyası adlandırdığımız kosmetoloji xidmətə tələbat, doğrudan da çoxdur. Gün ərzində biz bəzən 20 belə şəxs qəbul edirik. Onlar arasında təkcə burnunun görünüşündə dəyişiklik etmək istəyənlər yox, rinoplastik əməliyyata müraciət edənlər də var. Bəzən rinoplastik əməliyyat etdirəndən sonra burnun ucunda sallanma olur. Ona görə də, xüsusilə xanımlar kosmetoloqlara müraciət edib burunlarında yaranmış bu qüsurları aradan qaldırmaq üçün burun korreksiyası etdirirlər. Amma qeyd etdiyiniz kimi, bu heç də hər kəsdə uğurlu alınmır. Hətta deyərdim ki, bəzən çox böyük fəsadlara, burnun nekrozlaşmasına gətirib çıxardır.

- Burun korreksiyası zamanı nekrozlaşmaya səbəb olan amil nədir?

- Qeyd etdiyim kimi, burnun formasında dəyişiklik üçün müxtəlif nayihələrə gel vurulur. Bəzən insanlar buna adi kosmetoloji xidmət kimi yanaşırlar. Amma əslində bu çox böyük peşəkarlıq tələb edən kosmetik xidmətdir. Mən öz tələbələrimə də deyirəm ki, burun korreksiyası və işıq dolğusu sizin ən sonda edəcəyiniz iş olmalıdır. Çox təəssüf ki, üz anatomiyasından xəbərdar olmayan, iynə vurmağı bacarmayan şəxslər bu gün kosmetoloq həkim kimi fəaliyyət göstərirlər. Əzələyə iynə vurmağı bacarmayan insanın çox sayda damarın keçdiyi burun nayihəsinə iynə vurması çox təhlükəlidir. Onlar iynəni buruna vurarkən müəyyən tibbi prosedurlara əməl etməlidirlər. İynə buruna yeridildikdən sonra geri çəkilməlidir. Biz şprisin burunda damara düşmədiyinə əmin olmalıyıq. Naşı kosmetoloqlar bunu bilmirlər. Onlar şprisin içindəki geli buruna yeridirlər. Bu zaman həmin gel damara daxil olur. Beləcə damarda qanın dövr etməsinin qarşısını alır. Qan həmin nayihədə damarda dövr edə bilmədiyindən, qarşısı tıxandığından həmin yerdə tədricən göyərmə, nekrozlaşma, el arasında dediyimiz çürümə baş verir.

- Dediklərinizdən belə bəlli olur ki, bu əslində çox riskli bir kosmetik xidmətdir. Bəs bunun müalicəsi mümkündürmü?

- Əlbəttə ki, mümkündür. Amma vaxtında müraciət etmədikdə çox böyük fəsadlar verə bilər. Biz öncə müalicə edərək burun damarına vurulmuş o geli əridib damardan kənarlaşdırmalıyıq. Əks halda çürümənin qarşısını almaq çətin olar.

- Bu xidmətdən yararlanan qadınlara bir peşəkar kimi nə tövsiyə edərdiniz?

- İlk tövsiyəm odur ki, burun korreksiyası ilə bağlı müraciət etdikdə kosmetoloqun peşəkarlığına əmin olsunlar. Bu gün müxtəlif kosmetoloqlar öz Instagram səhifələrində qüsursuz burunları fotoşopla düzəldərək öz əl işləri kimi səhifələrdə yayırlar. Bu şəkilləri görən qadınlar hesab edirlər ki, bu qüsursuz burun onların əl işləridir. Beləcə, aldanaraq burun korreksiyası etdirirlər. Bu zaman fəsadlar ortaya çıxır.

- Burun korreksiyası üçün kosmetoloq hansı biliklərə malik olmaldır?

- İlk növbədə kosmetoloqun mütləq şəkildə tibbi təhsili olmalıdır. Dünən dırnaq qaynaq edənlər, lazer edənlər burun korreksiyası xidməti təklif edirlər. Əlbəttə ki, bu yolverilməzdir. Kosmetoloq hansısa sertifikatı alıbsa, bu onun peşəkarlığına dəlalət etmir. Kosmetoloq həkim kimi fəaliyyət göstərənlərin mütləq şəkildə tibbi biliyi olmalıdır. Bu bilikləri olmasa, onlar, əlbəttə ki, iynəni üzün hansı nahiyəsindən vurmağın fəsadlara səbəb olacağını bilməyəcəklər. Çox təəssüf ki, bu gün adi evdar qadınlar da işsizlik problemlərini həll etmək üçün kosmetoloq kimi fəaliyyət göstərirlər. Bu da qeyd etdiyiniz fəsadların yaranmasına gətirib çıxarır.

- Müasir dövrümüzdə xanımlara göstərilən kosmetik xidmətlərin çeşidi günü-gündən artır. Gözəlləşmək üçün bu yenilikləri sınaqdan keçirənlər arasında arzusuna çatanlar da olur, əks effekt görənlər də. Bu gün ən çox fəsadlar hansı kosmetik xidmətlər zamanı baş verir?

- Dolğulardan istifadəyə günümüzdə tələbat yüksəkdir. Amma çalışmalıyıq ki, istifadə edilən kosmetik məhsullar keyfiyyətli olsun. Biz Səhiyyə Nazirliyinin yoxlamasından keçən kosmetik vasitələrdən yararlanırıq. Bəzən bizim mərkəzin qapısını döyüb aşağı qiymətə müxtəlif kosmetoloji məhsullar təklif edənlər olur. Amma biz onları qəbul etmirik. Bu məsələ həm də kosmetoloqun insafına bağlı məsələdir. Çox arzu edərdim ki, bu məsələyə aidiyyatı qurumlar tərəfindən nəzarət artırılsın. Tibbi təhsili olmayanların kosmetoloq kimi fəaliyyətinə icazə verilməməlidir. Bu zaman biz kosmetik xidmətlərlə bağlı fəsadlara, şikayətlərə də az rast gələrik.

73
Teqlər:
dəb, rinoplastika, çürümə, gözəllik salonu, Bakı, kosmetoloq, iynə, gel, burun
Dieqo Armando Maradona

Maradonanın həkimi ittihamlara cavab verdi

0
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

0
Teqlər:
axtarış, ittiham, həkim, ölüm, Dieqo Armando Maradona