Qadın və kişi, arxiv şəkli

Androloqdan kişilərə xəbərdarlıq: bunlar sonsuzluğa aparır

1804
Kişilər ehtiyatlı olmalıdırlar, nizamsız cinsi həyat nəticədə reproduktiv orqanların iltihabına və tam disfunksiyasına gətirib çıxara bilər

BAKI, 11 mart — Sputnik. 20-30 yaşlı normal sağlam kişi sutkada minimum 1-2 dəfə cinsi əlaqədə olmalıdır. 

Bunu Sputnik Azərbaycan-a müsahibəsində Grand Hospital klinikasının həkim-androloqu Namiq İsmayılov deyib. 

Həkim-androloq Namiq İsmayılov
© Photo : Grandhospital.az
Həkim-androloq Namiq İsmayılov

Onun sözlərinə görə, kişilər öz sağlamlıqlarının qeydinə qalmalı, idmanla məşğul olmalı və nizamsız olmayan cinsi əlaqələrdən qaçmalıdırlar. Hətta, yaxşı genetika belə, spirtli içkilər, o cümlədən pivə qəbul edən və beş ildən artıq siqaret çəkən kişilərin reproduktiv sağlamlığını uzun müddət qoruyub saxlaya bilmir. Azərbaycanda cinsi disfunksiyanın orta yaş həddi 40-dır. 

Həkimin sözlərinə görə, seksin tezliyi insanın yaşayış yerindən asılıdır. İsmayılov işlədiyi və oxuduğu yer Moskva və Sankt-Peterburq olub. 

"Mən sizə sadə dillə deyim: Moskva və Piter müxtəlif dünyagörüşü və səviyyə deməkdir. Peterburq daha şimaldadır. Onlarda həftədə iki dəfə normadır. Moskvada həftədə 3-4 dəfə norma sayılır. Bizim ölkə cənubdadır. Bizdə stressli vəziyyətlər çox olur və bütün bunlar sağlamlığa təsir edir. İkincisi, emosional amil anlayışı var” – mütəxəssis bildirir.

Cinsi əlaqə tezliyinə təsir edən daha bir amil tərəfdaşdır. İsmayılov iddia edir ki, bəzən ailə məişəti emosional olaraq kişini durğunluq vəziyyətinə salır, kənar əlaqələr isə əksinə, cuşa gətirir. 

Gənc kişilərin sonsuzluğu

Əhalinin kişi təbəqəsinin qarşılaşdığı əsas problemlərdən biri də sonsuzluqdur. Həkim-androloq Azərbaycanda bu problemlə tez-tez üzləşdiyini deyib. Bu problemin belə geniş olmasının bir neçə səbəbi var. 

Bu amillərdən biri venaların varikoz genişlənməsidir. 

"Sovet dövründə bu problemlər praktiki olaraq yox idi. Hazırda bu çox kəskindir. Niyə? Çünki sovet dövründə dispanserlər və çağırış məntəqələri kimi məfhumlar mövcud idi. Çağırış yaşında olan oğlanlar ciddi yoxlamadan keçirdi və bundan sonra orduya çağırılırdı. Amma hazırda bu, baş vermir” — mütəxəssis deyib. 

O əmindir ki, çağırışçılar həqiqətən lazım olan peşəkar səviyyədə yoxlanmırlar. İllər keçəndən sonra 30-35 yaşında gənc kişilər həkim yanına getməli olurlar, lakin buna qədər 10-15 il ərzində varikosele öz işini görür. Venaların varikoz genişlənməsinin nəticələri xayaların kiçilməsi, cinsi gücün zəifləməsi, testosteron istehsalının azalması deməkdir. 

Bu kişi yalnız cinsi zəif olmur, o həm də ümumi fəallığını da itirir. Bütün bunlar orqanizmdə zəifliyə və sonsuzluğun əmələ gəlməsinə təkan verir.

İkinci yerdə cinsi infeksiyalar gəlirlər. Onlar da kişi sağlamlığına ciddi təsir göstərirlər. Hərdən nizamsız cinsi həyat sürən kişilər infeksiya daşıdıqlarının fərqində belə olmurlar. Nəticədə infeksiyalar çoxalma orqanlarıın iltihabına səbəb olurlar. 

Səhiyyə problemləri

İsmayılov bildirib ki, hazırda sözügedən sahədə müəyyən sərbəstlik olduğu üçün kişilər cinsi əlaqələrin nizamsızlığı barədə özlərinə hesabat vermirlər. Nəticə olaraq ölkədə QİÇS geniş yayılıb. Bir neçə il əvvəl Azərbaycanda evlənənlər QİÇS, hepatit B və C, sifilis və hemofiliyaya yoxlamağa başlayıblar. Lakin həkimin sözlərinə görə, hazırda istifadə olunan testlərin effekti azdır. Onlar xəstəlikıərin yalnız 30-40%-ni müəyyən edirlər, həm də bu xəstəliyin xroniki formasında baş verir, kəskin formalarda isə infeksiyanın mövcudluğunu müəyyən edə bilmirlər. 

Bundan əlavə, cinsi yollarda mövcud olan çoxsaylı digər infeksiyalar var ki, onlar az təhlükəli deyillər və insanın sağlamlığına ciddi ziyan vura bilərlər. Bu testlər yüksək qiymətlərə görə yeni evlənənlərə üçün əlçatan deyil. Həkimin sözlərinə görə, səhiyyənin digər problemi bir sıra klinikalardakı həmkarların aşağı ixtisas səviyyəsidir: “Hazırda Bakıda andrologiya ilə dermatoloqlar, veneroloqlar, terapevtlər məşğul olurlar. Onların çoxu özünü mütəxəssis kimi reklam edir, lakin ixtisas səviyyəsinin aşağı olması pasiyentlərə böyük zərbə vurur. Digər tərəfdən, mentalitetə uyğun olaraq bizim kişilər cinsi problemlərlə bağlı zəifliyi heç kim bilməsin deyə həkimə müraciət etmirlər. Bu, böyük problemdir. Onları arxayın etmək olar ki, 050 565 11 11 nömrəsinə zəng vurarlarsa, anonimlik qorunmaqla cinsi problemləri həll ediləcək. Problemdən qaçmaqla, o həll olunmur, onu mütəxəssislə həll etmək lazımdır”.

İsmayılov qeyri-peşəkar həkimlə bağlı bir əhvalatı da xatırladıb. Spermatozois konsentrasiyası az olan pasiyent bu “həkim”ə müraciət edib və sonuncu ona özünə sərf edən dərmanları təyin edib. Beləliklə, xəstə bir neçə il müalicə olunub və sonda anlayıb ki, həkimi dəyişmək lazımdır. Xəstənin vaxtı və pulları gedib. Nəticədə isə məlum olub ki, sperma konsentrasiyası bu vaxt ərzində sıfra düşdüyünə görə, o, artıq ata ola bilməyəcək.

İsmayılovun sözlərinə görə, qeyri-peşəkar həkimlər yaxşı reklam olunmuş paytaxt klinikalarında işləyirlər. 

1804
Teqlər:
terapevt, veneroloq, androloq, dermatoloq, Cinsi problemlər, Grand Hospital klinikası, Namiq İsmayılov, Bakı, Sankt-Peterburq, Moskva, Azərbaycan
Əlaqədar
Kişilər bu səbəbdən həyat yoldaşları ilə seksdən qaçırlar
Şok iddia: Trampın seks videosu Putinin əlindədir
Bir vaxtlar bizim ölkəmizdə seks
Seks kaseti ortaya çıxan nazir istefaya göndərildi
Rusiya Prezidenti Vladimir Putin

Putin koronavirus peyvəndlərinin effektivliyindən danışdı: "Sovet məktəbi sağdır"

14
(Yenilənib 22:53 29.10.2020)
Putin vurğulayıb ki, ilk növbədə Rusiya vətəndaşları koronavirus əleyhinə vaksinlər ilə təmin olunacaqlar.

BAKI, 29 oktyabr — Sputnik. Rusiyanın koronavirus əleyhinə olan hər iki vaksini təhlükəsiz və effektivdir. Sputnik Azərbaycan RİA Novosti-yə istinadən xəbər verir ki, bunu Rusiya Prezidenti Vladimir Putin bildirib.

"Rusiya vaksinlərinin sınaqları davam edir, ümid edirəm ki, bu ilin sonunda kütləvi vaksinləşməyə başlaya bilərik", - deyə Prezident qeyd edib.

O vurğulayıb ki, ilk növbədə Rusiya vətəndaşları koronavirus əleyhinə vaksinlər ilə təmin olunacaqlar. Lakin Rusiya vaksinlər üzrə intellektual mülkiyyətin satışını həyata keçirməyə və ya xarici tərəfdaşların meydançalarında onların istehsalını təmin etməyə hazırdır.

Putin eyni zamanda qeyd edib ki, Rusiyada koronavirus əleyhinə vaksinin hazırlanması ölkədə elmin inkişaf etdiyini, sovet məktəbi sağdır.

14
 Koronavirus testi üçün burundan götürülən yaxma, arxiv şəkli

Yeni antirekord: Azərbaycanda bir sutkada COVID-ə yoluxanların sayı mini ötdü

104
(Yenilənib 15:42 29.10.2020)
Azərbaycanda indiyədək ümumilikdə 53152 nəfər koronavirus infeksiyasına yoluxub, onlardan 42516 nəfər müalicə olunaraq sağalıb, 708 nəfər vəfat edib, aktiv xəstə sayı 10636 nəfərdir

BAKI, 29 oktyabr - Sputnik. Azərbaycan Respublikasında koronavirus (COVID-19) infeksiyasına 1015 yeni yoluxma faktı qeydə alınıb, 483 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 9 nəfər vəfat edib.

Azərbaycanda indiyədək ümumilikdə 53152 nəfər koronavirus infeksiyasına yoluxub, onlardan 42516 nəfər müalicə olunaraq sağalıb, 708 nəfər vəfat edib, aktiv xəstə sayı 10636 nəfərdir.

Ölkədə son sutka ərzində 11813, hazırkı dövrədək isə 1331287 test aparılıb.

104
Mövzu:
Azərbaycanda koronavirus: son xəbərlər
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0