Həkimlər, arxiv şəkli

Səhiyyədə yeni qayda: kim qazanacaq, kim itirəcək?

1287
(Yenilənib 15:32 14.02.2017)
Tibb işçiləri arasında keçirilən sorğunun nəticələrinə görə, həkimlər bu qaydaların tətbiqinə müsbət yanaşırlar, amma...

BAKI, 14 fev — Sputnik. Tibbi xidmətin təşkilində yeni qaydaların tətbiq olunması mütəxəssislər tərəfindən müsbət qarşılanır. Yeni qaydalara görə, həkim nə qədər xəstə müalicə edərsə, o qədər də əmək haqqı alacaq. Amma bu, pasientləri çox olan həkimlər üçün yaxşı olsa da, həkimliyə yeni başlayan şəxslər üçün kifayət qədər böyük problemlər yaradacaq.

Bununla yanaşı, Nazirlər Kabineti yanında İcbari Tibbi Sığorta üzrə Dövlət Agentliyi vətəndaşların şikayətlərini də araşdırararaq, həkimi cərimə tətbiq edəcək. Həkim xəstəyə ehtiyacı olmadığı xidmət göstəribsə, yaxud xidmətin keyfiyyətində hansısa qüsur olubsa, həkimin göstərdiyi xidmətə görə xidmət haqqı verilməyəcək.

Sputnik Azərbaycan yeni qaydaların tətbiqi ilə bağlı müxtəlif ixtisaslı həkimlər arasında sorğu keçirib. Nəticələri təqdim edirik:

Hepatoloq Vüsalə Ağayeva: "Özəl klinikalarda həkimlər dövlətdən maaş almadıqları üçün bu qanun bir çox həkimlərə təsir etməyəcək. Biz özəl xəstəxanada çalışırıq. Ümumiyyətlə deyə bilərəm ki, dövlət həkimlərə xarici ölkələrdə olduğu kimi normal maaş versə, neqativ hallar da aradan qalxar. Xəstələr də razı qalar. Ümumuiyyətlə, tibbi sığortanın olması vacibdir".

Pediatr Ayişə Rüstəmova: "Yeni qaydaların tətbiqi savadlı, pasienti çox olan həkimlərə sərf edəcək, pasienti az olan həkimlərin vəziyyəti isə bir az da ağırlaşacaq".

Ginekoloq-cərrah, laparoskopist Nərmin Kamilqızı: "Yeni qaydaların tətbiqinə sadəcə sevinmək olar".

Hepatoloq Əfsanə Bayramova: "Mən zatən indi konkret maaş almıram, gəlirim xəstə sayına hesablanır".

Pediatr Vaqif Qarayev: "Yeni qərarı sadəcə alqışlamaq lazımdır. Çünki məntiqlə qabiliyyətli həkim daha çox qazanmalıdır. Bizdə necə olacağını bilmirəm. Məsələn, rayonlarda əhali eyni ixtisasdan olan bir və ya iki həkimi daha çox tanıyır. Deməli, xəstələr daha çox bu həkimlərə müraciət edəcəklər. Bəs yerdə qalan həkimlər necə olacaq? Yəni xəstələrin yönləndirilməsi məsələləri də tənzimlənməlidir. Amma bütövlükdə qərara normal yanaşıram. Çünki dünyanın hər yerində maaş problemi belə həll olunur. Əgər xəstə əsassız incidilirsə, həkim cəzalanmalıdır. Yəni həkim son dərəcə məsuliyyətli olmalıdır ki, cəza almasın. Amma bizdə bu "əsaslı-əsassız" məsələləri necə tənzimlənəcək, məlum deyil! Yəni bu sistem işə düşməlidir ki, görək praktiki olaraq deyilənlərin hamısını həyata keçirmək nə qədər mümkün olacaq. Əvvəlcə çətinliklər qaçılmaz olacaq, amma başlamaq lazımdır. Çətinliklər yeni başlayan ölkələrin hamısında olub və olacaq".

Radioloq Aynurə Muradova: "Bu qanunun tətbiqi pasient əhatəsi olan həkimlər üçün gözəl bir seçimdir, yeni çalışmağa başlayan həkimlər üçün isə yox. Mənim fikrimcə, yaxşı qərardır. Çünki həkim 150-200 manatarası maaş alır, bu isə heç nəyə çatmır. Savadlı həkimlər bu yolla daha çox qazanacaqlar. Çünki onları hər zaman axtaran pasientləri var".

Uroloq Vasif İsmayıl: "Azərbaycana 14 il əvvəl qayıtmışam və o vaxtdan heç vaxt konkret maaş almamışam. Bu yeni qayda 14 ildir ki, mənim üçün həyat tərzidir".

Terapevt Məlahət Abbasova: "Yeni qaydaların tətbiqi arzuolunandır. Yaxşı savadı və müalicəsinə cavabdeh olan həkimin hər zaman xəstəsi olacaq. Ümumiyyətlə, həkim xəstə ilə mehriban davranmalı, onun dərdini başa düşməyə çalışmalıdır. Biz hər zaman belə görmüşük. Bəzən mətbuatda həkimlərin kobud davranışları haqqında qeyd edilir, məəttəl qalıram. Həkimlik elə bir işdir ki, şəxsi həyatında olan problemi belə, xəstəyə hiss etdirməməlisən. Pasienti gülərüz qarşılayıb, müayinə edib, müalicə yazıb yola salandan sonra öz problemini düşünməlisən. Hal-hazırda həkimlərin çoxu xəstəyə xidmətə görə əmək haqqı alır. Odur ki, bu yeniliyin tətbiqi həkimlərin çox hissəsinə təsir etməyəcək".

Sorğunun nəticələrinə görə, həkimlər bu qaydaların tətbiqinə müsbət yanaşırlar. Ancaq onu da qeyd edək ki, özəl sektorda olan həkimlər onsuz da əmək haqqını xəstə sayına görə alırdı. Xəstənin çox olması isə bu həkimlərin davranışı və müalicəsinin yüksək səviyyədə olmasına bağlı idi.

1287
Teqlər:
pasient, yeni qayda, tibb, İcbari Tibbi Sığorta üzrə Dövlət Agentliyi, əməkhaqqı, xəstə, səhiyyə, həkim, maaş
Əlaqədar
Həkimlərdən valideynlər üçün "həyacan təbili"
Təcili yardım həkimləri artıq küçələri səhv salmayacaqlar
"Müəllim və həkimlərin maaşları artırılsın!"
Həkimlər barədə şok statistika
Həkimlər sınıqçıların hansı sirrini çözə bilmirlər?
“Çöpçülər həkimlərimizdən güclüdür”
Post Patrul Xidmətinin avtomobilləri, arxiv şəkli

Bir gündə 19 koronavirus xəstəsinə cinayət işi açıldı

11
(Yenilənib 10:29 01.12.2020)
On doqquz nəfər barəsində CM-nin 139-1.1-ci (Epidemiya əleyhinə rejimin, sanitariya-gigiyena və ya karantin rejimlərinin pozulması, xəstəliklərin yayılmasına səbəb olduqda və ya xəstəliklərin yayılması üçün real təhlükə yaratdıqda) maddəsilə cinayət işi başlanılıb.

BAKI, 1 dekabr — Sputnik. Daxili işlər orqanları əməkdaşları respublika üzrə yaşayış yerini tərk edən aktiv koronavirus xəstələri ilə bağlı araşdırmaları davam etdirir.

Sputnik Azərbaycan Daxili İşlər Nazirliyinin Mətbuat xidmətindən verilən məlumata istinadla xəbər verir ki, noyabrın 30-da keçirilən tədbirlər nəticəsində yaşayış yerini tərk edən 28 nəfərin yeri müəyyən edilərək saxlanılıb.

Saxlanılıan şəxslərdən 26-sı evə qaytarılıb, 2 aktiv xəstə isə xəstəxanaya yerləşdirilib. Həmin xəstələrən 19 nəfər barəsində Cinayət Məcəlləsinin 139-1.1-ci (Epidemiya əleyhinə rejimin, sanitariya-gigiyena və ya karantin rejimlərinin pozulması, xəstəliklərin yayılmasına səbəb olduqda və ya xəstəliklərin yayılması üçün real təhlükə yaratdıqda) maddəsilə cinayət işi başlanılıb.

11
Teqlər:
Cinayət Məcəlləsi, cinayət işi, xəstə, Koronavirus
Tibbi Ərazi Bölmələrini İdarəetmə Birliyinin (TƏBİB) İdarə Heyəti yanında tibbi-elmi komitənin sədri, professor Akif Qurbanov

Professor: “Pandemiyanın vaxt bitəcəyini proqnozlaşdırmaq olar”

15
(Yenilənib 23:51 30.11.2020)
Tibbi Ərazi Bölmələrini İdarəetmə Birliyinin (TƏBİB) İdarə Heyəti yanında tibbi-elmi komitənin sədri, professor Akif Qurbanov deyir ki, təkrar xəstələnmə zamanı xəstəliyin özünü necə göstərməsinə dair sübut olunmuş məlumatlar yoxdur
Akif Qurbanov: “Təkrar yoluxmanı proqnozlaşdırmaq mümkün deyil”

“Bütün dünyada təkrar yoluxma halları var. Ona görə də yoluxmuş şəxs arxayınlaşmamalıdır ki, bu xəstəliyi keçirmişəm və qorunma tədbirlərinə ehtiyac yoxdur”. Sputnik Azərbaycan xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) İdarə Heyəti yanında tibbi-elmi komitənin sədri, professor Akif Qurbanov deyib.

“Birinci dəfə xəstəliyi keçirənlər ikinci dəfə onu simptomsuz keçirə bilərlər. Bu da yoluxma saylarının artımına səbəb ola bilər. Çünki həmin şəxslər infeksiya mənbəyinə çevrilə bilərlər. Təkrar xəstələnmə zamanı xəstəliyin özünü necə göstərməsinə dair sübut olunmuş məlumatlar yoxdur. Lakin bu zaman ən yüngül xəstəlik halından ən ağırına qədər müşahidə oluna bilər. Hazırda təkrar yoluxmanı proqnozlaşdırmaq mümkün deyil. Çünki bu barədə kifayət qədər sübut və materiallar yoxdur. Pandemiyanın nə vaxt bitəcəyini elmi cəhətdən proqnozlaşdırmaq olar. İnsanların 70 faizinin, yəni üçdə ikisinin orqanizmində koronavirusa qarşı immunitet yaranacağı zaman virus aramızdan gedəcək”, – deyə professor bildirib.

Akif Qurbanovun fikirlərinə audiofaylda qulaq asa bilərsiniz

15
Teqlər:
pandemiya, simptom, yoluxma, dünya, Koronavirus, epidemiya, COVID-19
Mövzu:
Dünyanı cənginə almış bəla
Laçın, arxiv şəkli

Laçının peykdən görüntüsü yayıldı

0
(Yenilənib 12:28 01.12.2020)
Bu görüntülər Laçın rayonu erməni işğalından azad olunduqdan sonra "Azersky" peyki vasitəsilə çəkilib.

BAKI, 1 dekabr — Sputnik. "Azercosmos" bu gün Azərbaycana təhvil verilən Laçın rayonunun peyk görüntülərini yayıb. Sputnik Azərbaycan-ın məlumatına görə, görüntülər Laçın erməni işğalından azad olunduqdan sonra "Azersky" peyki vasitəsilə çəkilib.

Qeyd edilir ki, Laçın rayonu ötən illər ərzində Ermənistanı Dağlıq Qarabağdakı separatçılar ilə birləşdirdiyi üçün düşmən tərəfdə böyük önəm daşıyıb. Laçında son illər ərzində Ermənistan tərəfindən qeyri-qanuni məskunlaşma işləri aparılıb. Laçın Tarix Muzeyindən Azərbaycanın mədəni irsini əks etdirən kolleksiyalar talan edilib. Təbii sərvətlərlə zəngin Laçın rayonunda olan Turşsu, Qaladərəsi, Nağdalı kimi müalicəvi bulaqlar, VI əsrə aid Alban Ağoğlan məbədi, XIV əsrə aid Məlik Əjdər türbəsi və digər mədəni abidələrə qarşı vandalizm əməlləri törədilib.

0
Teqlər:
kolleksiya, Dağlıq Qarabağ, peyk, Laçının azad olunması