Limonlu çay

Mövsümi xəstəliklərə qarşı yeddi "zireh"

449
(Yenilənib 14:15 03.02.2017)
Hər il qış mövsümündə insanlar xəstəliklərdən qorunma yolları axtarırlar

BAKI, 2 fev — Sputnik. Qış mövsümündə, xüsusilə əhalisi çox olan şəhərlərdə mövsümi dəyişikliklərdən əmələ gələn xəstəliklər çoxalır. Hər ilin bu mövsümündə insanlar xəstəliklərdən qorunma yolları axtarır, yaxud yoluxduğu xəstəlikdən daha tez sağalmağa çalışırlar.

Terapevt-qastroenteroloq Mətanət Cəfərovanın Sputnik Azərbaycan-a bildirdiyinə görə, qış aylarında daha çox yuxarı tənəffüs yolları xəstəliklərinə rast gəlinir: "Bura qrip, adonovirus və ya bakterial mənşəli kəskin respirator xəstəlikləri, kəskin rinitlər, kəskin sinusitlər aiddir. Bu xəstəliklər hava-damcı yolu ilə yayılır".

"Bu il Azərbaycanda H3N2 virusu daha çox yayılıb və ağırlaşmalar verib. Ağırlaşmalardan əsasən pnevmaniya və otitlər (orta qulağın iltihabı) daha çox müşahidə edilirdi" — həkim deyib.

Müsahibimizin sözlərinə görə, qış xəstəliklərinin yayılması faizinə görə ikinci yerdə aşağı tənəffüs yollarının xəstəlikləri durur: "Bura bronxit, pnevmaniya, plevriti aid etmək olar. Bununla yanaşı, qış aylarında sidik və sidikçıxarıcı yolların xəstəlikləri — sistit, pielit, pielonefrit yaranır. Yaxud, xroniki böyrək xəstəliyi olanlar, xroniki pielonifritdən əziyyət çəkənlər qış aylarında bu xəstəliklərin kəskinləşməsi ilə qarşılaşır. Uzun zaman soyuq şəraitdə çalışanlarda kəskin sistit və ya kəskin pielonefrit yarana bilər".

Terapevt qış xəstəlikləri arasında üçüncü yeri revmatoloji xəstəliklərin, yəni, oynaq xəstəliklərinin tutduğunu qeyd edib: "Oynaq xəstəliyi olan insanlar özlərini daha çox quru və isti şəraitdə rahat hiss edirlər. Bir az soyuq və rütubətli havada revmatoloji xəstəliklər kəskinləşir. Revmatoidartritlər, revmatik qızdırma, reaktiv artritlər qış aylarında özünü daha çox biruzə edir".

M. Cəfərova bildirir ki, hormonol müalicə alan xəstələr də qış aylarında müəyyən problemlərlə qarşılaşırlar: "Havaların soyuq keçməsi immun çatışmazlığından müalicə alan şəxslərin müxtəlif xəstəliklərə yoluxmasına səbəb olur. Ümumiyyətlə, düzgün qidalanmaq insan orqanizmini güclü edir. Qış fəslində xəstəliklərdən qorunmaq üçün düzgün qidalanmaq əsas şərtdir. Qış fəslinə uyğun meyvə-tərəvəzlər yemək, çoxlu maye qəbul etmək, yatmaq sağlamlığın qorunması üçün əsas şərtdir. Böyüklər 8 saat gecə, uşaqlar isə 8 saat gecə, 2 saat isə gündüz yatmalıdırlar".

Qış aylarında xəstəliklərə yoluxmamaq üçün edilən ən böyük səhvlərdən biri qalın geyinməkdir. Çox zaman valideynlər elə düşünürlər ki, övladını qalın geyindirsə, ona soyuq olmayacaq və uşaq xəstələnməyəcək."Uşaqları qalın geyindirmək, ağzını şərfla möhkəm bağlamaq, üst-üstə geyindirmək olmaz. Uşaq tam nəfəs ala bilməlidir. Uşağa izah etmək lazımdır ki, nəfəsi burnu ilə alıb, ağzı ilə buraxsın. Şərfı ağıza küləkli havalarda bağlamaq olar" — deyə həkim bildirir.

Qış aylarında edilən səhvlərdən biri də evlərin çox isidilməsidir: "Bəzi pasientlər etiraf edirlər ki, evlərini hətta 30 dərəcəyə qədər qızdırırlar. Bu da çöldəki hərarətlə böyük fərq yaradır. Bu zaman insan evdən çölə çıxanda, çöldəki hava —1 dərəcədirsə, bu zaman kəskin temperatur fərqi yaranır. Temperatur fərqi yaşayan insanlar daha çox xəstələnirlər. Qış aylarında otaq temperaturu 19-22 dərəcə olmalıdır. Uşaq otaqlarında isə 23 dərəcə olmalıdır. Temperatur fərqi çox olduğu zaman bədən stressə girir. Xəstəlikdən qorunmaq üçün buna əhəmiyyət vermək lazımdır".

Stress qədər orqanizmi yoran ikinci bir xəstəlik yoxzdur. Qış xəstəliklərindən qorunmaq üçün stressdən də uzaq olmaq lazımdır. Stress orqanizmin müqavimətini zədələyir və immun sistemini zəiflədir. Nəticədə, orqanizmin virus və bakteriyalara yoluxma riski artır.

"Yanınızda antiseptik salfetlər gəzdirin. Salfetlərə bir neçə damcı spirt əlavə edib çantanıza qoyun. İctimai nəqliyyatdan istifadə etdikdən sonra və ya xəstə insanla görüşdükdən sonra əllərinizi mütləq bu salfetlərlə silin. Bu salfetlərdən bağçaya və ya məktəbə gedən uşaqlarınızın çantasına qoymağınız onları mikrob və bakteriyalardan qoruyar. Uşaqlarınıza başa salın ki, qida qəbul etməzdən əvvəl əllərini bu salfetlərlə silsin" — Cəfərova vurğulayır.

O məsləhət görür ki, əgər ətrafımızda xəstə insanlar varsa, tibbi maskalardan istifadə etmək lazımdır: "Hava necə soyuq olsa da, mütləq açıq havada olmağa, günəş vannası qəbul etməyə çalışın. Bu, həm uşaqlar, həm də böyüklər üçün çox önəmlidir".

Və son olaraq, mütəxəssis qış xəstəliklərindən qorunmaq üçün aşağıdakı tövsiyələri verir:

1. Bol maye qəbul etmək

Aynurə Muradova
© Photo : Şəxsi arxiv
Aynurə Muradova

2. Meyvə-tərəvəz yemək
3. 8 saat yatmaq
4. Stressdən uzaq olmaq
5. Xəstə insanlardan uzaq olmaq
6. Gigiyena qaydalarına əməl etmək
7. Təmiz hava qəbul etmək lazımdır.

Həkim Aynurə Muradova da bildirir ki, qış xəstəliklərindən qorunmaq üçün düzgün qidalanma önəmlidir: "Qış xəstəliklərindən qorunmaq üçün ev şəraitində sarımsaqlı qatıq yemək məsləhətdir. Sarımsaq qış xəstəliklərinin qarşısını alır. Alma, limon, nar şirəsi, yumurta, ət, toyuq, pendir, süd, qatıqla qidalanmaq önəmlidir. Bütün bunlarla yanaşı, balıq və balıq yağı da qəbul edilməlidir".

Onun sözlərinə görə, müxtəlif bitki çayı dəmləmələri də qış xəstəliklərindən qoruyur: "Belə ki, çay dəmləyən zaman zəncəfil əlavə etmək qrip və soyuqdəyməni daha tez sağaldır. İtburnu, zəncəfil, şam fıstığı, ada çayı dəmləmələri badamcıq iltihabı, soyuqdəymə, ağciyər xəstəlikləri zamanı çox xeyirlidir".

449
Teqlər:
Aynurə Muradova, qış ayları, Mətanət Cəfərova, qış mövsümü, həkim-terapevt, stress, virus, xəstə, həkim, xəstəlik, hava
Əlaqədar
Xəstəliyə qalib gəlmək üçün bu məsləhətə riayət edin
"Əvvəllər içdiyimiz su xəstəlik mənbəyi idi..."
Azərbaycanda 3 minə yaxın xəstə o günü gözləyir
400-ə yaxın xəstəliyin siqnalı - onu nəzarətsiz buraxmayın
Baş nazir təcili xəstəxanaya yerləşdirildi
21-ci əsrin xəstəliyi: onlar illüziya ilə reallığı ayıra bilmirlər
İtaliyada epdimioloji vəziyyət

İtaliyada sabahdan yeni qadağalar tətbiq olunacaq

15
İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

BAKI, 25 oktyabr - Sputnik. İtaliyada epidemioloji vəziyyətin pisləşməsi səbəbindən oktyabrın 26-dan məhdudiyyətlər artırılır.

Sputnik Azərbaycan “Qafqazinfo”ya istinadla məlumat verir ki, bu gün İtaliya Baş Nazirinin Mətbuat xidməti tərəfindən açıqlanan yeni qaydalara uyğun olaraq bütün kinoteatr, teatr, idman zalları və hovuzlar bağlanacaq.

Restoran və barlar işə davam edəcək, lakin vaxt məhdudiyyəti ilə - axşam saat 6-dək.

Qeyd edək ki, İtaliyada bu günə qədər 504 min 509 nəfər koronavirusa yoluxub, 37 min 210 nəfər vəfat edib. 264 min 117 nəfər isə xəstəlikdən sağalıb.

15
Koronavirus testi, arxiv şəkli

Ölkədə daha 946 nəfər COVID-19-a yoluxub, 228 nəfər sağalıb

37
Azərbaycanda COVID-19-a yeni yoluxma hallarının müəyyənləşdirilməsi ilə əlaqədar aparılan testlərin sayı da açıqlanıb.

BAKI, 25 oktyabr - Sputnik. Azərbaycan Respublikasında koronavirus (COVID-19) infeksiyasına 946 yeni yoluxma faktı qeydə alınıb, 228 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 7 nəfər vəfat edib.

Azərbaycanda COVID-19-a yeni yoluxma hallarının müəyyənləşdirilməsi ilə əlaqədar aparılan testlərin sayı da açıqlanıb.

Nazirlər Kabineti yanında Operativ Qərargahdan verilən məlumata görə, ölkədə son sutka ərzində 10037, hazırkı dövrədək isə 1291534 test aparılıb.

37

İlham Əliyev Azərbaycanı dəstəkləyən ölkələrin başçılarına məktublar ünvanlayıb

0
Prezident BMT TŞ-da Azərbaycanı dəstəkləyən ölkələrin dövlət və hökumət başçılarına məktublar ünvanlayıb.

BAKI, 25 oktyabr - Sputnik. Məlum olduğu kimi, bu günlərdə BMT Təhlükəsizlik Şurasında Ermənistan-Azərbaycan münaqişəsi ilə bağlı baş tutmuş müzakirələrdə Qoşulmama Hərəkatının və eyni zamanda, hazırda Təhlükəsizlik Şurasının üzvü olan ölkələr - İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadin təklif edilən sənəd layihəsinə Təhlükəsizlik Şurasının 1993-cü ildə qəbul edilmiş 822, 853, 874, 884 saylı qətnamələrinə istinadın daxil edilməsinə dair israrlı mövqe nümayiş etdiriblər. Nəticədə Təhlükəsizlik Şurasının daimi üzvləri olan ATƏT-in Minsk qrupunun həmsədr ölkələri hazırladıqları bəyanat layihəsini geri götürməyə məcbur olublar.

Sputnik Azərbaycan xəbər verir ki, bununla əlaqədar, Azərbaycan Respublikasının Prezidenti İlham Əliyev tərəfindən İndoneziya, Tunis, Niger, Dominikan Respublikası, Vyetnam, Cənubi Afrika Respublikası və Sent-Vinsent və Qrenadinin dövlət və hökumət başçılarına məktublar ünvanlanıb.

Prezident İlham Əliyev, arxiv şəkli
© Official website of President of Azerbaijan Republic

Məktublarda BMT Təhlükəsizlik Şurasında keçirilmiş müzakirələr zamanı göstərdikləri prinsipial mövqeyə görə sözügedən ölkələrə təşəkkür ifadə olunub.

Məktublarda qeyd edilib ki, bu ölkələrin belə qəti mövqe sərgiləmələri onların Bandunq prinsiplərinə, Qoşulmama Hərəkatının dəyərlərinə sadiqliyini, multilateralizmə və beynəlxalq hüquqa olan hörmətini nümayiş etdirir. Bu mövqe ikitərəfli münasibətlərimizdə tarixi dostluq əlaməti kimi qəbul olunur.

Daha sonra məktublarda bildirilir ki, həmin ölkələrin davamlı dəstəyi münaqişənin beynəlxalq hüquq və Təhlükəsizlik Şurasının məlum qətnamələri əsasında həllinə töhfə verəcək.

Sonda isə ikitərəfli münasibətlərimizin, eləcə də BMT və Qoşulmama Hərəkatı çərçivəsində çoxtərəfli əməkdaşlığımızın uğurla inkişaf edəcəyinə əminlik ifadə olunub.

0
Mövzu:
Azərbaycan və Ermənistan arasında müharibə