Həkimlər, arxiv şəkli

Xəstəni narazı salan həkimin maaşı kəsiləcək

420
Tibbi xidmətin təşkili ilə bağlı tətbiq olunacaq yenilik mütəxəssislər tərəfindən müsbət dəyərləndirilir. Amma bəzi xəstəxanaların boşalma təhlükəsi də narahatlıq yaradır.

BAKI, 2 fev — Sputnik. "Fevral ayından etibarən xəstəxanalara maliyyələşməni göstərdiyi xidmətə görə verəcəyik. Yəni, bir həkim nə qədər xəstə müraciət edəcəksə, ona uyğun əmək haqqı formalaşacaq".

Sputnik Azərbaycan-ın məlumatına görə, bunu Nazirlər Kabineti yanında İcbari Tibbi Sığorta üzrə Dövlət Agentliyinin direktoru Zaur Əliyev deyib. Onun sözlərinə görə, bu halda həkim daha yaxşı xidmət göstərməkdə maraqlı olacaq: "Belə olan halda onun xəstəsi çox olacaq və bu da öz növbəsində onun maliyyələşməsinə təsir edəcək".

İcbari tibbi sığortanın nəzarət mexanizmlərinin olacağına diqqət çəkən Z. Əliyev bildirib ki, vətəndaş hər hansı səbəbdən həkimdən narazı qalarsa, Agentlik bu məsələni araşdıracaq: "Araşdırmanın yekununda görsək ki, həkim xəstəyə ehtiyacı olmayan xidmət göstərib, yaxud keyfiyyətdə hansısa qüsur olub, onda həkimin göstərdiyi xidmətə görə maliyyələşməni verməyəcəyik. Yaxud da həkimi cərimə edəcəyik".

"Bunun da bir neçə yolu olacaq. Bu səbəbdən də həkim xəstəyə lazım olmayan xidmətlər göstərməyəcək. Eyni zamanda, sabah onun maliyyələşməsində hansısa problem olmaması üçün xidməti daha keyfiyyətli formada göstərməkdə maraqlı olacaq" — direktor bildirib.

Z. Əliyevin sözlərinə görə, uşaqlar, işləməyən əlil və təqaüdçülər, eləcə də tələbələrin sığorta haqqı dövlət tərəfindən ödəniləcək və onlar sığortaçı sayılacaq: "2017-ci ilin iyun-iyul aylarında bütün ölkə üzrə bu sistemin tədbiq olunacağı barədə yekun qərar verə biləcəyik".

Məsələni Sputnik Azərbaycan-a şərh edən həkim, tibbi ekspert Rasif Bağırovun sözlərinə görə, bu qaydanın tətbiqi ilə xəstənin sərbəst şəkildə həkim seçmək imkanı olacaq: "Çünki, xəstə pul ödəyirsə, istədiyi həkimə müraciət etmək şansı olmalıdır. Xəstəyə hansı həkimin yanına getməsi ilə bağlı nəsə demək düzgün deyil. Xəstə həkimi sərbəst şəkildə seçməlidir. Adətən dünyanın hər yerində belə qəbul olunur. Xəstə istədiyi həkimə müraciət edir".

Dövlət Agentliyinin direktorunun "Həkim xəstəyə ehtiyacı olmayan xidmət göstərsə, maaşı verilməyəcək, yaxud cərimə olunacaq" sözlərini isə ekspert belə dəyərləndirib: "Bunu hansısa qurumun öz üzərinə götürməsi məqsədəuyğun deyil. Bu rol inzibati qaydada xəstə ilə həkim arasında olan məsələ kimi hüquq-mühafizə orqanları tərəfindən aydınlaşdırılır, müəyyənləşdirilir".

"Xəstə istədiyi həkimə müraciət etməlidir, seçimində sərbəst olmalıdır. Məsələn, bu gün təcili yardım ilə xəstələri hansısa bir yerə aparanda nə qədər çətinliklər olur. Xəstə deyir ki, bu xəstəxananı istəmirəm, xoşuma gəlmir, başqa xəstəxananı istəyirəm və s. Amma hamısı da bir istiqamətə gedəndə çətinlik yaranır" — Bağırov vurğulayıb.

O, başqa bir məqama diqqət çəkib: "Görürsən ki, xəstələr bir xəstəxanaya yönəlir. Belə çıxır ki, o biri xəstəxanalar boş qalmalıdır? Həkimlərin kvalifikasiya dərəcəsini qaldırmaqla bu problemi həll etmək olar. Yəni, həkimlər arasında attestasiyalar keçirilməlidir. Sabah xəstəni harasa aparanda deməsin ki, orada həkimlər savadsızdır, ora getmək istəmirəm. Və bir istiqamətdə xəstələrin axını baş verməsin".

Mahir Məmmədli həkim-dermotoloq
© Photo : Mahir Məmmədlinin şəxsi facebook səhifəsi
Mahir Məmmədli həkim-dermotoloq

Həkimin fikrincə, kadrların düzgün yerləşdirilməsi, onların hazırlıq səviyyəsinin yüksək olması, xəstəxanalar haqqında müsbət göstəricilərin ortaya çıxması xəstələrin bütün xəstəxanalara bərabər şəkildə yerləşdirilməsinə imkan yaradar.

Həkim Mahir Məmmədli də Sputnik Azərbaycan-a açıqlamasında bu qaydanın tətbiqini müsbət hesab etdiyini deyib: "Həkimlər artıq öz üzərində ciddi düşünəcəklər. Məqsədimiz insana xidmət etməkdir. Bunun tətbiqi pasientlərə olan diqqəti daha da artıracaq. Həkim pasientlərinə diqqətlidirsə, onların qayğısına qalırsa, həm də yaxşı qazanacaq".

"İstənilən halda bacarıqlı, qabiliyyətli mütəxəssislər bu zaman önə keçəcəklər. Zəif mütəxəssis öz üzərində işləməyə məcbur olacaq. Bu, çoxdan tətbiq edilməli idi. Dünya təcrübəsində bu, var. Vətəndaş üçün də rahat olacaq" — Məmmədli əlavə edib.

Qeyd edək ki, 2017-ci il yanvarın 1-dən Azərbaycanda ilk dəfə icbari tibbi sığorta sisteminin tətbiqinə başlanılıb. İlkin olaraq bu sistem Yevlax və Mingəçevirdə həyata keçirilir. Mingəçevir şəhərinin və Yevlax rayonundakı dövlət səhiyyə sisteminə daxil olan qurumlar (Məhkəmə Tibbi Ekspertiza və Patoloji Anatomiya Birliyinin şöbələri, sanitariya və epidemioloji xidmət, əczaçılıq və tibbi təhsil müəssisələri, habelə psixonevroloji və narkoloji dispanserlər istisna olmaqla) Nazirlər Kabineti yanında İcbari Sığorta üzrə Dövlət Agentliyinin tabeliyində fəaliyyət göstərirlər.

420
Teqlər:
Mahir Məmmədli, sığorta, tibb, Zaur Əliyev, İcbari Tibbi Sığorta üzrə Dövlət Agentliyi, Rasif Bağırov, xəstə, həkim, maaş, ekspert, xəstəxana, xidmət
Əlaqədar
Bu Yeni il bayramını həkimlər hələ çox xatırlayacaq
Həkimlərdən valideynlər üçün "həyacan təbili"
"Müəllim və həkimlərin maaşları artırılsın!"
Həkimlər barədə şok statistika
Həkimlər sınıqçıların hansı sirrini çözə bilmirlər?
“Çöpçülər həkimlərimizdən güclüdür”
Sarımsaq, arxiv şəkli

Təbii antibiotik zərərli imiş

14
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

14
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq
Bill Geyts

Bill Geyts tarix verdi - Həyat zaman normala dönər?

35
(Yenilənib 21:00 05.12.2020)
Bill Geyts inkişaf etdirilən peyvəndlər və müalicə üsulları sayəsində ABŞ-ın 2021-ci ilin yazına qədər normala dönə biləcəyini söyləyib

BAKI, 5 dekabr — Sputnik. “Microsoft” şirkətinin qurucusu Bill Geyts pandemiyanın gedişatı ilə bağlı bir açıqlama verib.

Sputnik Azərbaycan NTV-yə istinadla xəbər verir ki, Bill Geyts qarşıdakı 4-5 ayın pandemiya ilə mübarizədə çətin olacağı ilə bağlı xəbərdarlıq edib. O, peyvənd istehsalının bahar aylarında artacağını və nəzərəçarpacaq dəyişikliyin yaşanacağını vurğulayıb.

Bill Geyts inkişaf etdirilən peyvəndlər və müalicə üsulları sayəsində ABŞ-ın 2021-ci ilin yazına qədər normala dönə biləcəyini söyləyib. Milyonçu maska taxmağın və sosial məsafə saxlamağın vacibliyini bir daha diqqətə çatdırıb.

Qeyd edək ki, Bill Geyts koronavirus peyvəndi araşdırmaları üçün bir çox şirkətə milyonlarla dollar sərmayə qoyub.

35
Teqlər:
vaksin, pandemiya, Koronavirus, COVID-19, epidemiya, "Microsoft", Bill Qeyts, Bill Gates
Mövzu:
Dünyanı cənginə almış bəla