Tibb bacısı, arxiv şəkli

Azərbaycanda toksikoloji zəhərlənmə halları azalıb

121
2015-ci ildə şöbəyə 2462 müraciət daxil olmuşdusa, 2016-cı ildə bu göstərici 2234 təşkil edib

BAKI, 17 yan — Sputnik. Azərbaycan səhiyyəsinin digər sahələrində olduğu kimi, ölkədə toksikoloji zəhərlənmə halları ilə də mübarizə aparılır. Səhiyyə Nazirliyinin (SN) mətbuat xidmətindən Sputnik-ə verilən məlumata görə, bu sahədə əhaliyə göstərilən tibbi xidmət sahəsində aparıcı müəssisə kimi Kliniki Tibbi Mərkəzin toksikologiya şöbəsinə mütəmadi olaraq toksiki və qida zəhərlənmələri, ilan və əqrəb sancma kimi şikayətlərlə müraciətlər qeydə alınır.

Məlum olduğu kimi, Kliniki Tibbi Mərkəzin toksikologiya şöbəsi Azərbaycan Respublikası Səhiyyə Nazirliyinin 17 iyul 1980-ci il tarixli 219 №-li əmrinə əsasən 27 iyul 1982-ci ildən fəaliyyət göstərir. Şöbənin əsas vəzifələri kəskin zəhərlənmiş və onun nəticəsində vəziyyəti ağırlaşmış xəstələrin müalicəsi və reabilitasiyası, aktiv detoksikasiya üsulları tələb edən, endogen intoksikasiyalı xəstələrin müalicəsi, şəhərin və respublikanın müalicə-profilaktika müəssisələrinə mütəxəssis məsləhətlərinin verilməsi və operativ köməklik göstərməsindən ibarətdir.

"Sevindirici haldır ki, 2016-cı ildə ölkədə toksikoloji zəhərlənmə halları azalıb. Əgər 2015-ci ildə şöbəyə 2462 müraciət daxil olmuşdusa, 2016-cı ildə bu göstərici 2234 təşkil edib" — nazirlikdən bildirilir.

Müraciətlərin 32,8% lazımi şəraitdə saxlanılmayan, istifadə təlimatına uyğun olaraq qəbul edilməmiş dərmanlardan zəhərlənlərin (T36-T50), 21% — dəm və başqa qazların toksiki təsiri (T58/T59), 14,1% — yandırıcı məhlullardan zəhərlənmələrin (T54) payına düşür.

121
Teqlər:
hal, toksikoloji, qida, səhiyyə, Səhiyyə Nazirliyi, zəhərlənmə
Əlaqədar
19 yaşlı qız sirkə turşusundan zəhərlənib
Avqustda Azərbaycanda rekord həddə qida zəhərlənməsi baş verib
Göyçayda toyda 30-dan çox qonaq zəhərlənib
Bakıda Ticarət Mərkəzində baş verən yanğın zamanı 10 nəfər tüstüdən zəhərlənib
Azərbaycanda vətəndaşlar zəhərlənməkdə davam edəcək
Saatlıda qidadan zəhərlənən qadın bir həftə sonra xəstəxanada ölüb
İki uşaq anası dərmandan zəhərlənib
Koronavirusа qarşı peyvənd, arxiv şəkli

Koronavirus peyvəndi üçün artıq 20 ölkədən müraciət var

21
(Yenilənib 19:55 11.08.2020)
İki qrup könüllülər üzərində 42 gün davam edən klinik tədqiqatlar nəticəsində müəyyən edilib ki, hər kəsin virusa qarşı immuniteti yaramıb.

BAKI, 11 avqust — Sputnik. Rusiyada COVID-19 əleyhinə peyvənd qeydiyyata alınıb. Sputnik Azərbaycan Rusiya mətbuatına istinadla xəbər verir ki, xarici KİV-lər artıq bu xəbəri Sovet İttifaqı tərəfindən Yerin ilk süni peykinin buraxılması ilə müqayisə ediblər. Artıq 20 ölkədən 1 milyard doza peyvənd almaq üçün müraciətlər daxil olub. Rusiyada isə əhalinin kütləvi şəkildə peyvəndlənməsi oktyabr ayında başlaya bilər.

Yeni peyvənd "Sputnik V"adlandırılıb, sınaqdan keçirilib və rekord müddətdə qeydiyyata alınıb. İnfeksiya əleyhinə dünyada ilk dərmanı hazırlamaq rus alimlərinə düz beş aya başa gəlib. Martın 11-də ÜST dünyada COVID-19-u pandemiya elan edib və bu gün "Rusiyada hazırlanmışdır" markalı peyvənd meydana qeydiyyata alınıb.

Peyvənd üzərində 17 elmi institutdan olan onlarla ən yaxşı hərbi virusoloq və biokimyaçılar çalışıb. dı. Koronavirus peyvəndi üçün platforma Ebola virusu dərmanı olub. İki qrup könüllülər üzərində 42 gün davam edən klinik tədqiqatlar nəticəsində müəyyən edilib ki, hər kəsin virusa qarşı immuniteti yaranıb.

Yeni dərmanın təsirini sınaqdan keçirənlər arasında kişi və qadın, hərbçi və mülki şəxslər var. Təcrübə xatirinə onlar bir aydan çox müddətə təcrid olunmuş vəziyyətdə qalıblar. Vladimir Putinin qızı da peyvəndin effektivliyini özündə sınadı.

"Mənim qızlarımdan biri özünə peyvənd etdirdi. Yəni, o da bu təcrübədə iştirak etdi. Birinci peyvənddən sonra onun hərarəti 38 C idi, sonrakı gün 37 C. İkinci peyvənddən sonra temperaturu bir qədər də artdı, sonra hər şey keçdi. Hazırda özünü yaxşı hiss edir və titrləri yüksəkdir" - deyə Putin bildirib.

Rusiyada peyvənd istehsalı qısa müddətdə başlayacaq. İlin sonunadək istehsalın ayda 10 milyon dozaya çatdırılması planlaşdırılır. Peyvənd ilk olaraq, həkimlər, müəllimlər və yaşlı insanlara vurulacaq.

Rusiya əhalisinin kütləvi pulsuz peyvəndi oktyabr ayında başlayacaq. İndi Rusiyaya dünyanın 20 ölkəsindən 1 milyard doza dərman preparatının alınması üçün müraciətlər daxil olub.

21
Koronavirus testi, arxiv şəkli

Azərbaycanda koronavirusa yoluxma sayı yenidən artdı

891
(Yenilənib 16:45 11.08.2020)
Son sutka ərzində yeni yoluxma hallarının müəyyənləşdirilməsi ilə əlaqədar 6 318, ötən müddət ərzində isə ümumilikdə 796 459 test aparılıb.

BAKI, 11 avqust - Sputnik. Azərbaycanda koronavirus (COVID-19) infeksiyasına 84 yeni yoluxma faktı qeydə alınıb, 214 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 3 nəfər vəfat edib.

Посмотреть эту публикацию в Instagram

Публикация от Sputnik Azərbaycan (@sputnik.az)

İndiyədək ölkədə ümumilikdə 33 731 nəfərin koronavirus infeksiyasına yoluxması faktı müəyyən edilib, onlardan 30 856 nəfər müalicə olunaraq sağalıb, 495 nəfər vəfat edib, 2 380 nəfərin xüsusi rejimli xəstəxanalarda müalicəsi davam etdirilir.

Son sutka ərzində yeni yoluxma hallarının müəyyənləşdirilməsi ilə əlaqədar 6 318, ötən müddət ərzində isə ümumilikdə 796 459 test aparılıb.

891

Ekspert: "Dövlət şirkətlərinə qoyulan investisiyaların səmərəliliyi suallar yaradır"

0
(Yenilənib 09:47 12.08.2020)
İqtisadçı ekspert Fuad İbrahimov deyir ki, şəffaflığın təmin edilməsi gələcəkdə lazımsız və arzuolunmaz xərclərdən azad olmağa şərait yaradacaq
Fuad İbrahimov: “İnvestisya Holdinqi şəffaflığı təmin edəcək”

Dövlət şirkətləri, elə bil ki, sosializm iqtisadi modelində işləyir. Bunu Prezident İlham Əliyev avqustun 6-da ölkəmizdə koronavirus pandemiyası ilə mübarizə sahəsində görülən tədbirlər və sosial-iqtisadi vəziyyətlə bağlı videoformatda keçirilən müşavirədə çıxışı zamanı deyib.

İqtisadçı ekspert Fuad İbrahimov Sputnik Azərbaycan-a deyir ki, bəzi dövlət şirkətlərinin fəaliyyətində şəffaflıq müşahidə olunmur və illərdir qoyulan investisiyaların səmərəliliyi suallar yaradır:

“Ümidvaram ki, Azərbaycan İnvestisiya Holdinqinin yaradılması ilə belə şirkətlərdə şəffaflığın təmin olunması mümkün olacaq. Maliyyə dövriyyəsində şəffaflığın təmin edilməsi gələcəkdə lazımsız və arzuolunmaz xərclərdən azad olmağa şərait yaradacaq. İndiki şəraitdə belə bir holdinqin yaradılması məqsədəuyğundur”.

Fuad İbrahimovun geniş şərhinə audiofaylda qulaq asa bilərsiniz

0