Hamilə qadın

Hamilə qadınlara xəbərdarlıq: ana ölümlərinin səbəbləri açıqlandı

2483
(Yenilənib 20:02 28.12.2016)
Qadınların hamilə vaxtı həkim müayinəsindən keçməmək üçün səbəbləri olur

BAKI, 28 dek — Sputnik. Azərbaycanda hamilə qadınlar tez-tez anemiya və sidik yollarının infeksiyası xəstəlikləri ilə üzləşirlər. Bu barədə Sputnik-ə Azərbaycan Səhiyyə Nazirliyinin Mamalıq və Ginekologiya İnstitutunun həkim-ginekoloqu Leyla Məmmədova məlumat verir.

Onun sözlərinə görə, öz-özlüyündə bu xəstəliklər ölümə səbəb olmur, amma risk faktorunu artırır: "Misal üçün, anemiya, hətta doğuş zamanı qanaxma normal səviyyədə olsa belə, qadının həyatını itirməsinə ciddi səbəb ola bilər".

Ana ölümlərinə gəlincə, həkim deyib ki, bunun adi səbəbləri, adətən prieklampsiya (arterial təzyiqin yüksəlməsi, ödem və mərkəzi sinir sisteminin funksiyasının pozulması ilə xarakterizə olunur), qanaxma və tromboemboliyadır: "Hamiləlik dövründə hipertonik pozğunluqlar əsas patologiyalardan biridir. Biz tez-tez hamilələrdə bu problemə rast gəlirik."

Ginekoloq qeyd edib ki, Azərbaycanda ildən-ilə ana və uşaq ölümlərinə dair göstəricilərdə nəzərəçarpacaq azalma müşahidə olunur: "Misal üçün, 2008-ci ildə hər 100 min diri doğulan uşağa 25,3 ana ölümü faktı düşürdü. Son illərdə isə bu göstərici bir az da aşağı düşüb."

"Sağlam ana və uşaq Azərbaycan hökumətinin və Səhiyyə Nazirliyinin prioritet sahələrindən biridir. Bunun üçün səhiyyənin maddi-texniki baza sistemi yaxşılaşdırılıb. Doğuşa yardım sistemində islahatlar həyata keçirilib və tibb işçilərinin ixtisaslarının artırılması istiqamətində də tədbirlər görülüb. Ana və uşaqların mühafizəsi xidmətinin bütün işçilərinin qarşısında duran qlobal məsələlər ana ölümlərini azaltmaq, yeni doğulanların sağlamlıq keyfiyyətinin yaxşılaşdırılması, xəstəlik və ölümlərin aşağı düşməsidir." — deyə tibb işçisi bildirib.

Bununla yanaşı, Məmmədova qeyd edib ki, bu gün iri şəhərlərdə hamilə qadınların vaxtında qeydiyyata düşməsi problemi yoxdur: "Belə arzuolunmaz faktlara, əsasən bəzi kəndlərdə rast gəlinir. Lakin qadınların hamiləlik zamanı həkimlər tərəfindən müayinə edilməyə getməmələrinin bir çox səbəbləri də var. Əksər hallarda qadınların öz reproduktiv sağlamlıqlarına laqeyd yanaşması, sadəcə onların hamiləliyin mümkün mənfi təsirləri haqqında məlumatsız olmalarından irəli gəlir."

"Bəzən hamilə qadının ailəsi hesab edir ki, onu doğuşa qədər həkim müşahidəsinə aparmağa ehtiyac yoxdur. Bəzənsə qadınlar müəyyən vaxta qədər hamiləliklərini gizlətməyə çalışırlar və buna görə də həkimə getmirlər. Lakin hamiləliyin erkən vaxtlarda diaqnostikası bir sıra xoşagəlməz nəticələrdən qaçmağa kömək edir." — həkim vurğulayıb.

Onun sözlərinə görə, doğuşaqədərki dövrdə və xüsusilə hamiləliyin ilk 12 ayı ərzində bütün qadınlar mütləq ultrasəs müayinəsindən keçməlidirlər: "Bu müddət ərzində dölün inkişafında yaranan patologiyaların qarşısını almaq və zəruri olduqda qadının razılığı ilə hamiləliyi dayandırmaq mümkündür. Dölün həyat qabiliyyətli olmamasına səbəb olan patologiyalar aşkarlandıqda, hamiləliyi onun istənilən həftəsində başa çatdırmaq mümkündür. Bəzən elə hallar olur ki, ana heç nəyə, eləcə də bətnində uşağın inkişafında anormallığın olmasına baxmayaraq, onu doğmaqda israr edir."

"Antenatal (doğuşaqədərki) xidmət, qadının hamiləlik dövründə müayinə olunması, bir çox xoşagəlməz halların qarşısının alınmasına kömək edir. Amma hamiləliyə hazırlıq dövründə gələcəkdə ana və uşaq ölümlərinə səbəb olacaq bir sıra xəstəliklərin qarşısını almaq lazımdır." — deyə ginekoloq bildirib.

2483
Teqlər:
Leyla Məmmədova, ginekoloq, hamilə, müayinə, ölüm, həkim, ana, qadın, uşaq
Əlaqədar
Hamilələrə qarpız yemək olarmı?
Hamilə qadınlar buna qarşı mütləq müayinədən keçəcəklər
Səhiyyə nazirliyi: İyun ayınadək hamilə qalmayın
“Hamilə Qadınların Elektron Reyestri”nin tətbiqinə başlanıb
DİN əməkdaşları, arxiv şəkli

Saatlı polisi koronavirus xəstəsini küçədə tapdı

17
T.Hüseynovun karantin qaydalarına zidd davranaraq evini tərk etdiyi və qonşuluqda yaşayan sakinlərin evinin həyətinə daxil olaraq xəstəliyin yayılmasına real təhlükə yaratdığı müəyyən edilib.

BAKI, 4 dekabr — Sputnik. Saatlı Rayon Polis Şöbəsinin (RPŞ) əməkdaşları tərəfindən koronavirus pandemiyasının yayılmasının qarşısının alınması məqsədilə tədbirlər mütəmadi olaraq davam etdirilir. Daxili İşlər Nazirliyinin (DİN) Mətbuat Xidmətinin Bərdə regional qrupundan Sputnik Azərbaycan-a verilən məlumata görə, polis əməkdaşları tərəfindən rayon ərazisində koronavirus testi müsbət çıxan şəxslərin yaşadığı ünvanı tərk edib-etməməsi yoxlanılarkən bir nəfər rayon sakini, T.Hüseynovun karantin qaydalarına zidd davranaraq evini tərk etdiyi və qonşuluqda yaşayan sakinlərin evinin həyətinə daxil olaraq xəstəliyin yayılmasına real təhlükə yaratdığı müəyyən edilib.

Həmin şəxsin qanunazidd hərəkətlərinin qarşısı alınıb və müalicəsini davam etdirmək üçün yenidən yaşadığı ünvana gətirilib.

Saatlı RPŞ-nin İstintaq Bölməsində araşdırma aparılır.

17
Mağazada qadın, arxiv şəkli

Siyəzəndə mağazada satıcı işləyən COVID-19 xəstəsi müəyyən edilib

11
(Yenilənib 18:26 04.12.2020)
Sədan kənd sakini Rufanə Əliyevanın karantin qaydalarına zidd davranaraq yaşadığı ünvanı tərk etdiyi müəyyən edilib

BAKI, 4 dekabr — Sputnik. Siyəzən Rayon Polis Şöbəsinin əməkdaşları tərəfindən rayon ərazisində koronavirus testi müsbət çıxmış şəxslərin yaşadığı ünvanı tərk edib-etməməsi yoxlanılarkən rayonun Sədan kənd sakini Rufanə Əliyevanın karantin qaydalarına zidd davranaraq yaşadığı ünvanı tərk etdiyi müəyyən edilib.

Daxili İşlər Nazirliyinin Mətbuat Xidmətinin Quba regional qrupundan Sputnik Azərbaycan-a verilən məlumata görə, şöbə əməkdaşları tərəfindən R.Əliyeva satıcı kimi işlədiyi mağazada aşkarlanaraq yaşadığı ünvana qaytarılıb. Həmin şəxsin törətdiyi əmələ hüquqi qiymət verilməsi üçün Siyəzən RPŞ-də araşdırmalar aparılır.

11
Teqlər:
Daxili İşlər Nazirliyi, Koronavirus, Siyəzən
Biznes  ledi

İllərin sənətçisi yeni biznesə başlayıb

0
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

0