Xəstəxana, arxiv şəkli

Həkimlərdən valideynlər üçün "həyacan təbili"

8338
"Adi bir diqqətsizlik, səhlənkarlıq, gələcəyimiz olan uşaqlarda ağır yanıq xəsarətlərinin ortaya çıxaması ilə nəticələnir"

BAKI, 26 dek — Sputnik. Tibb elmləri namizədi Həmzə Əzizbəyov və həkim Ülviyyə Zeynalova Sputnik vasitəsilə valideynlərə xabardaredici-maarifləndirici müraciət ünvanlayıblar. Müraciətin mətnini olduğu kimi təqdim edirik:

Uşaqlarda yanıqlar, müalicəsinin çətinliyinə, fəsadlarının aradan qalxma tezliyinə, qalıq əlamətlərinin çoxluğuna görə fərqlənir və sosial-iqtisadi problem xarakteri daşıyır. Bir sıra hallarda yanıqlar vətəndaşlar tərəfindən düzgün olaraq qavranılmır və ya anlamaq istənilmir. Bununla gündəlik praktiki fəaliyyətimizdə rastlaşırıq.

Belə ki, valideynlərlə söhbət zamanı, cansız yana bilən predmetlərin yanması anlaqlı şəkildə qarşılansa da, təhlükəli dərəcədə yanmış uşağın vəziyyətinin izahı tez-tez əks reaksiyalarla müşahidə olunur. Bu isə hansı yanıqların təhlükəli və fəsadlı, hansı yanıqların qalıq əlamətləri xarakteri daşıdığını izah etməyə zərurət yaradır.

Uşaqlarda termiki yanıqlar daha çox rast gəlinir. Xüsusilə 1-4 yaşlar arasında, qaynar mayelərin (su, çay, süd, şor bişirmə, mürəbbə, bulyon və yağın) yanıqları çoxluq təşkil edir və uşaq yanıqlarının 48-52%-ni əhatə edir.

Yanıq səthinin sahəsi 10%-dən çox olduğu halda, o yanıq ciddi müalicə tələb edir. Yanıq səthinin sahəsi 20%-dən yüksək olarsa, həyat üçün artıq real təklükə yaradır. Bununla yanaşı, yaraların dərinliyinin önəmi ciddi əhəmiyyət kəsb edir.

Bunu bilmək lazımdır ki, dəri 3 qatdan ibarətdir. Birinci (epidermis) və ikinci (derma) qatı ilə yanaşı, 3-cü qat da (dəri altı piy qatı) yanığa məruz qalarsa, bu, dərin yanıq deməkdir. Dərin yanıqlarda dermanın heç zaman öz təbii quruluşunu tam bərpa etmək mümkün olmur və mütləq qalıq əlamətləri qalır. Yəni bu və ya digər dərəcədə çapıqlara mütləq olaraq rast gəlinir. Baş-üz, boynun, döş nahiyyəsində olan dərin yanıqlar üzün eybəcərləşməsinə gətirib çıxarır. Oynaq nahiyyələrində olan çapıqlar oynaqların hərəkətinin pozulması və məhdudlaşması ilə müşayiət olunur.

Bu əlamətlər, uşaq böyüdükcə daha kəskin formada ortaya cıxır. Bunlardan əlavə, nazik (atrofik) çapıqlar bir sıra hallarda alalıqla (depiqmentasiyalarla) müşahidə edilməklə yanaşı, tez-tez yaralanmağa meylli olur. Qalın (hipertrofik) çapıqlar uzun müddətli ağrı və qaşınmalarla gedir və uzun müddətli müalicələr tələb edir.

Xüsusilə, allergik uşaqlarda rast gəlinən kelloid çapıqlar çox təhlükəlidir. Müalicəyə çox çətin tabe olması ilə yanaşı, şiddətli qaşınmalarla, sürəkli ağrılarla, yuxu pozğunluqları ilə və eləcə də sinir sisteminin pozğunluqları ilə gedir. Onu da bilmək lazımdır ki, bədən səthinin 20%-indən çox olan dərin yanıqlardan sonra uşaqlarla, xüsusilə qara ciyərin, böyrəklərin, həzm yolları orqanlarının, qan-damar sisteminin, sinir sisteminin bərpası prosesi uzun zaman alır.

Yuxarıda göstərilənlər, adi bir diqqətsizlik, səhlənkarlıq, gələcəyimiz olan uşaqların üzünün eybəcərləşməsi, oynaqlarının sıradan çıxması, normal inkişafına əngəl törədən daxili orqanlarında pozğunluqların baş verməsi və daha ağır yanıq xəsarətlərinin ortaya çıxaması ilə nəticələnir. Böyüdükcə bədəndə olan çapıqların, xüsusilə qızlarımızda ağır sinir komplekslərinin yaranmasına gətirib çıxardığının dəfələrlə şahidi olmuşuq.

Belə nəticələr biz peşəkar həkimləri, sözün həqiqi mənasında çox incidir, narahat edir. Aydın görünür ki, yanıqlar çox ciddi sosial-iqtisadi problem xarakteri daşıyır. Sonda valideynlərə bildirmək istəyirik ki, bu mövzuda çox ciddi olsunlar, körpələrimizi isti mayelərdən uzaq tutsunlar, qoruyucu tədbirləri gözardı etməsinlər və gələcəyimizi qorusunlar.

8338
Teqlər:
çapıq, tibb, valideyn, xəstə, yanıq, həkim, xəsarət, uşaq
Əlaqədar
Üç yaşlı uşaq evdə yanaraq öldü
Bakıda azyaşlı uşaqlar yaş həddi qoyulmuş filmlərə niyə buraxılır
Kimsəsiz uşaqlar üçün böyük fürsət
Uşaqlarla bağlı yeni qanun layihəsi hazırlanır
Rusiyada baş verən qəzada 10 uşaq ölüb
Şəkidə iki uşaq anası olan gənc qadın faciəli şəkildə həyatını itirib
Rusiya Prezidenti Vladimir Putin

Putin koronavirus peyvəndlərinin effektivliyindən danışdı: "Sovet məktəbi sağdır"

21
(Yenilənib 22:53 29.10.2020)
Putin vurğulayıb ki, ilk növbədə Rusiya vətəndaşları koronavirus əleyhinə vaksinlər ilə təmin olunacaqlar.

BAKI, 29 oktyabr — Sputnik. Rusiyanın koronavirus əleyhinə olan hər iki vaksini təhlükəsiz və effektivdir. Sputnik Azərbaycan RİA Novosti-yə istinadən xəbər verir ki, bunu Rusiya Prezidenti Vladimir Putin bildirib.

"Rusiya vaksinlərinin sınaqları davam edir, ümid edirəm ki, bu ilin sonunda kütləvi vaksinləşməyə başlaya bilərik", - deyə Prezident qeyd edib.

O vurğulayıb ki, ilk növbədə Rusiya vətəndaşları koronavirus əleyhinə vaksinlər ilə təmin olunacaqlar. Lakin Rusiya vaksinlər üzrə intellektual mülkiyyətin satışını həyata keçirməyə və ya xarici tərəfdaşların meydançalarında onların istehsalını təmin etməyə hazırdır.

Putin eyni zamanda qeyd edib ki, Rusiyada koronavirus əleyhinə vaksinin hazırlanması ölkədə elmin inkişaf etdiyini, sovet məktəbi sağdır.

21
 Koronavirus testi üçün burundan götürülən yaxma, arxiv şəkli

Yeni antirekord: Azərbaycanda bir sutkada COVID-ə yoluxanların sayı mini ötdü

105
(Yenilənib 15:42 29.10.2020)
Azərbaycanda indiyədək ümumilikdə 53152 nəfər koronavirus infeksiyasına yoluxub, onlardan 42516 nəfər müalicə olunaraq sağalıb, 708 nəfər vəfat edib, aktiv xəstə sayı 10636 nəfərdir

BAKI, 29 oktyabr - Sputnik. Azərbaycan Respublikasında koronavirus (COVID-19) infeksiyasına 1015 yeni yoluxma faktı qeydə alınıb, 483 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 9 nəfər vəfat edib.

Azərbaycanda indiyədək ümumilikdə 53152 nəfər koronavirus infeksiyasına yoluxub, onlardan 42516 nəfər müalicə olunaraq sağalıb, 708 nəfər vəfat edib, aktiv xəstə sayı 10636 nəfərdir.

Ölkədə son sutka ərzində 11813, hazırkı dövrədək isə 1331287 test aparılıb.

105
Mövzu:
Azərbaycanda koronavirus: son xəbərlər
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

0
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

0