Şəkər tozu

Bu qida sizi sürətlə narkomaniyaya aparır

8766
Alimlərin yeni araşdırması, gündəlik rasionumuzun ayrılmaz tərkib hissəsi olan şəkərlə bağlı dəhşətli reallığı ortaya çıxarıb

BAKI, 14 dek — Sputnik. Qənd alkoqol və narkotik kimi asılılıq yaradırmış. Sputnik xarici mətbuata istinadən xəbər verir ki, bu barədə Amerikanın Prinston Universitetinin alimləri açıqlama veriblər. 

Mütəxəssislər bununla bağlı bir ay ərzində siçovullar üzərində eksperiment aparıblar. Onlar bir müddət bu gəmiriciləri şəkərə alışdırıblar. Sonra isə onları şəkər dietasına oturdublar. Belə ki, siçovullara verilən günlük şəkərin miqdarı tədricən azaldılıb. Sonra isə şəkər tamamilə siçovulların rasionundan çıxarılıb.

Siçovulların vəziyyəti getdikcə pisləşməyə başlayıb. Onlar halsız olmaları ilə diqqət çəkib. Mütəxəssislər onların orqanizmdə qlükozanın səviyyəsini qaldırmaq üçün onlara tərkibində spirt olan qidaları verməyə başlayıblar.

Buna baxmayaraq, gəmiricilərin fəallığı nəzərəçarpacaq dərəcədə aşağı düşüb. Onlar, hətta tədqiqatın aparıldığı hücrələrə olan maraqlarını da itiriblər. Əvvəlcə özlərini dəli kimi aparan, hara gəldi vuran siçovullar, sonra ya ölüblər, ya da mütəxəssislərin müdaxiləsi ilə xilas ediliblər.

Alimlərin sözlərinə görə, qənd, onun tərkibində olan dopamin ("xoşbəxtlik hormonu") səbəbindən asılılıq yaradır. Onlar qeyd ediblər ki, şəkər güclü asılılıq yaradan şeylərin (alkoqol və narkotikin) qəbuluna da maneçilik törədir. Alkoqoldan və narkotikdən çox istifadə edən insanların, tərkibində şəkər olan şeyləri xoşlamaması da bununla əlaqədardır.

Ardıcıl olaraq tərkibində alkoqolun az olduğu içkiləri içən insanlar, bir müddət sonra daha güclü tərkibi olan içkilərə meyl göstərməyə başlayırlar. Asılılıq isə o zaman üzə çıxır ki, artıq heç bir içki adamın alkoqola olan tələbatını ödəmir. Bir çox hallarda alkoqoldan ölən insanların qeyri-ənənəvi yollara üstünlük verdiyi müəyyən olunub. Məsələn, bir neçə halda alkoqol asılılığı olan insanın spirtli içkini iynə şəklində damara vuraraq öldüyü müəyyən edilib. Bəzən isə, heç nə ilə ovunmayan alkoqoliklər intihara üstünlük verirlər.

Eyni şey narkomanlarda da baş verir. Onlar əvvəl yavaş-yavaş aşağı dozalı narkotiklərdən başlayırlar. Sonra dozanı artırırlar. Əvvəllər tüstü şəklində qəbul edilən narkotiklər, sonra nəfəs yolu ilə və iynə vasitəsilə orqanizmə çəkilməyə başlayır. Bir çox hallarda isə onlar ya aşırı dərəcədə doza qəbul etmələri səbəbindən ölürlər, ya da heç nə ilə ovunmayaraq intihar edirlər.

Prinstonlu mütəxəssislər, eyni şeyin şəkərlə bağlı da baş verdiyini deyirlər. Bəzən ifrat dərəcədə şəkər qəbul edən insanlar müxtəlif xəstəliklərə düçar olurlar. Onlardan ən başlıcası isə şəkər çatışmazlığıdır. Bu, bir çox hallarda öldürücü olur.

8766
Teqlər:
asılılıq, qənd, şəkər, alkoqol, siçovul, narkomaniya, narkoman, alim, narkotik
Əlaqədar
Restoran və kafelərdə müştərilər yedikləri qidanın tərkibini biləcəklər
Pediator: Süni qidalar uşaqlarda ciddi fəsadlar yaradır
Bu qidaları əsla ətlə yeməyin
Bu robot canlı orqanizmlərlə qidalanır
Bu qida əlavələri orta ömür müddətini 20 il artırıb
Bu qidaların istifadəsi qadağan edildi
Körpələrə yedirdiyiniz qidaların tərkibindən xəbəriniz var?
Sinovac CoronaVac peyvəndi, arxiv şəkli

Azərbaycanda COVID-19-a qarşı peyvəndin vurulacağı tarix açıqlandı

55
(Yenilənib 18:48 15.01.2021)
İbrahim Məmmədov bildirib ki, sərtləşdirilmiş karantin rejiminin yumşaldılıb-yumşaldılmaması barədə isə məlumatı yoxdur.

BAKI, 15 yanvar — Sputnik. Azərbaycanda vaksinasiyanın başlayacağı tarix açıqlanıb. Sputnik Azərbaycan-ın məlumatına görə, bu barədə Nazirlər Kabinetinin Mətbuat Xidmətinin rəhbəri İbrahim Məmmədov TRT Avaz-a müsahibəsində deyib.

O bildirib ki, gələn həftənin əvvəli Azərbaycanda vaksinasiyaya başlanılacaq: "Həm Türkiyə, həm də Azərbaycan Çin istehsalı peyvənd alıb. Azərbaycan Türkiyə ilə eyni vaksinləri alır. Bütün məsələlərdə olduğu kimi, bu məsələdə də Azərbaycan Türkiyə ilə həmrəylik nümayiş etdirdi".

İ.Məmmədov bildirib ki, sərtləşdirilmiş karantin rejiminin yumşaldılıb-yumşaldılmaması barədə isə məlumatı yoxdur.

55
Teqlər:
brifinq, Azərbaycan, peyvənd, Koronavirus, epidemiya, COVID-19
Koronavirus xəstəsi, arxiv şəkli

Şüa ilə koronavirusu müalicə etmək təhlükəlidir

8
(Yenilənib 01:13 15.01.2021)
"Bir insanı radiasiya ilə müalicə etməyə ehtiyac yoxdur. Müxtəlif radiasiya növləri mövcuddur. Rentgen şüaları və ultrabənövşəyi şüaların fərqi çox böyükdür"

BAKI, 15 yanvar — Sputnik. Koronavirusun radiasiya dozaları ilə müalicəsi təhlükəli ola bilər. Radiasiya və ultrabənövşəyi şüalardan səthləri və havanı dezinfeksiya etmək daha yaxşıdır. Sputnik Azərbaycan Rusiya mətbuatına istinadla xəbər verir ki, bu barədə tibb elmləri doktoru, virusoloq Anatoli Altşteyn danışıb.

Rusiya və Özbəkistandan olan elm adamları zəif dozalı radiasiyanın koronavirusu və mutasiyalarını insana zərər vermədən məhv edə biləcəyini müəyyən ediblər.

Bu barədə əvvəllər Ural Federal Universitetinin mətbuat xidməti də məlumat vermişdi.

Universitetdən verilən məlumata görə, COVID-19-a radiasiya təsirinin tədqiqi Ural Federal Universiteti və Özbəkistan Respublikası Elmlər Akademiyasının alimləri tərəfindən aparılır. Birgə tədqiqatlar zamanı yumşaq rentgen və ultrabənövşəyi şüalanmanın koronavirusa təsirinin xüsusiyyətləri aşkar olunub.

"Bir insanı radiasiya ilə müalicə etməyə ehtiyac yoxdur. Müxtəlif radiasiya növləri mövcuddur. Rentgen şüaları və ultrabənövşəyi şüaların fərqi çox böyükdür", - deyə Altşteyn bildirib.

Belə ki, bir insana içindəki koronavirusu öldürə biləcək dozada şüa verilərsə, onun özünə zərər vermək ehtimalı böyükdür.

Virusoloq buna alternativ olaraq qeyd edib: "Səthləri şüalandırmaq ən yaxşı dezinfeksiyadır. Havada bir virusu ultrabənövşəyi şüalarla öldürmək olar". 

8
Teqlər:
təhlükə, radiasiya, şüa, Koronavirus, epidemiya, COVID-19
Mövzu:
Yeni tip koronavirus pandemiyası
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0