Park Bulvar ticarət mərkəzində keçirilən Stop ADS aksiyası

SPİD-in qurbanı olan məşhurlar - inanılmazdır!

769
(Yenilənib 18:00 01.12.2016)
O, kimsəyə acımadan, təkcə sadə insanları deyil, varlıları və məşhurları da öz qurbanına çevirir

BAKI, 1 dek — Sputnik. Bütün dünyada 1 dekabr, "XX əsrin taunu" adlandırılan QİÇS-lə (SPİD) Beynəlxalq Mübarizə Günüdür. O, kimsəyə acımadan, təkcə sadə insanları deyil, varlıları və məşhurları da öz qurbanına çevirib. Sputnik bu xəstəlikdən həlak olan məşhurlar barədə yazısını təqdim edir.

SPİD-dən ölən ilk məşhur, Devid Bouinin işləri ilə tanınan Amerikanın avanqard ifaçısı Klaus Nomi olub. O, 6 avqust 1983-cü ildə vəfat edib.

Klaus Nomi
Klaus Nomi

SPİD-dən ölən ən məşhur ulduz, Queen qrupunun əfsanəvi vokalçısı Freddi Merkuri olub. O, öz xəstəliyini rəsmən 23 noyabr 1991-ci ildə, ölümündən 1 gün əvvəl bəyan edib.

Freddi Merkuri
© Photo : FB /
Freddi Merkuri

İsrailli müğənni və aktrisa Orfa Xaza 23 fevral 2000-ci ildə SPİD-dən ölüb. O, iki dəfə möcüzə nəticəsində ölümdən qaça bilib. Bu, ilk dəfə 1987-ci ildə baş verib. Onun ölkənin cənubundakı hərbi bazalardan birində verdiyi konsertdən qayıdarkən mindiyi İsrail HHQ-nə məxsus təyyarə qəzaya uğrayıb. Müğənni yüngül zədə ilə ölümdən qurtarıb. İkinci dəfə isə, 1994-cü ildə onun təyyarəsini ildırım vurub, amma təyyarə uğurlu eniş edə bilib. Üçüncü dəfə möcüzəvi xilas baş verməyib.

Məşhur yazıçı-fantast, "Mən robotam", "İki yüz yaşlı adam", "Dəyişiklik küləkləri" və digər kitabların müəllifi Ayzek Azimov 1983-cü ildə ürəyində cərrahiyyə əməliyyatı keçirilərkən, donorun qanından yoluxub. O, öz xəstəliyindən, təsadüfən təkrar əməliyyata girmək üçün baxış keçirilərkən xəbər tutub. Ayzek Azimov 6 aprel 1992-ci ildə 72 yaşında vəfat edib.

Ayzek Azimov
Ayzek Azimov

"Göylərin imkan verdiyi hər şey" və "Məftunedici aldanma" rolları ilə məşhurlaşan amerikalı aktyor Rok Hadson da SPİD-dən ölüb. O, 2 oktyabr 1985-ci ildə yuxudaykən vəfat edib. 17 il ərzində Hadson öz partnyoru Tom Klarkla yaşayıb.

Dünya şöhrətli rejissor Alfred Hiçkokun çəkdiyi "Psixo" filminin ulduzu, "Oskar" mükafatına bir neçə dəfə namizədliyi irəli sürülmüş Entoni Perkins SPİD olub və 60 yaşında sətəlcəmdən ölüb. Yeri gəlmişkən, onun həyat yoldaşı Berri Berenson 11 sentyabr 2001-ci ildə Nyu-Yorkda baş vermiş terror aktı nəticəsində vəfat edib. O, Bostondan Los Ancelesə uçan və Dünya Ticarət Mərkəzinin Şimal qülləsinə çırpılaraq partlayan AA-11 təyyarə reysinin sərnişini olub.

Əfsanəvi italyan modelyeri Franko Moskino 1994-cü ildə SPİD-dən ölüb. Hətta modelyerin ölümündən sonra da Moschino brendi uğurlu kommersiya nişanı olaraq qalır.

SPİD diaqnozu böyük rəqqas Rudolf Nuriyevə də qoyulub. VİÇ infeksiyasını tapan həkimlər müəyyən ediblər ki, Nuriyev 4 ildir bu ölümcül virusun daşıyıcısıdır. 6 yanvar 1993-cü ildə Rudolf Nuriyev 54 yaşında həyatını itirib.

Rudolf Nuriyev
© Sputnik / V. Vonog
Rudolf Nuriyev

BMT Baş Assambleyasının və Ümumdünya Səhiyyə Təşkilatının təşəbbüsü ilə 1988-ci ildə qəbul olunan qərara əsasən, 1 dekabr İmmun çatışmazlığı sindromu — HİV/SPİD-lə mübarizə günü kimi tarixə düşüb.

769
Teqlər:
məşhur, həlak, ölüb, SPİD, QİÇS, ölüm, vəfat, ulduz, xəstəlik
Əlaqədar
Əgər özünüzdə bu halları hiss edirsinizsə, damar xəstəliyiniz var
Azərbaycanda psixi xəstələrlə bağlı qorxulu statistika
Ən hiyləgər xəstəlik: hər il 7,7 milyon insanın canını alır
Harvard Universiteti: Acılı yeyin, xəstəliklərdən xilas olun
Dünyada 3 milyon uşaq infeksion xəstəliklərdən öləcək
Azərbaycandakı xəstəxanalar nə dövlətin olacaq, nə də özəl
Dövlət xəstəxanaları ləğv edilir
Koronavirus testi, arxiv şəkli

Azərbaycanda koronavirusa yoluxmada azalma qeydə alındı

47
(Yenilənib 17:00 26.10.2020)
Azərbaycanda bu gün koronavirus infeksiyasına 527 yeni yoluxma faktı qeydə alınıb, 131 nəfər müalicə olunaraq sağalıb, 8 nəfər isə vəfat edib.

BAKI, 26 oktyabr — Sputnik. Azərbaycanda bu gün koronavirus infeksiyasına 527 yeni yoluxma faktı qeydə alınıb, 131 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 8 nəfər COVID-19-dan vəfat edib. Hazırkı dövrədək ölkəmizdə 50 min 486 nəfərin koronavirus infeksiyasına yoluxması faktı müəyyən edilib. Onlardan 41 min 410 nəfər müalicə olunaraq sağalıb, 679 nəfər vəfat edib. Aktiv xəstə sayı 8397 nəfərdir. Ötən müddət ərzində 1 milyon 298 min 348 test aparılıb. Bugünkü test sayı isə 6814-dir.

47
Əlaqədar
Daha 9 şagirddə koronavirus aşkarlandı
Azərbaycanda koronavirus: son sutkada 128 yoluxma
Koronavirus daha tez öldürməyə başlayıb
Daha 20 şagirddə koronavirus aşkarlandı

Vasif Əliyev: “Yenidən sərt karantin rejiminə keçilə bilər”

60
(Yenilənib 09:52 26.10.2020)
TƏBİB-in İnfeksiya xəstəlikləri üzrə işçi qrupunun rəhbəri Vasif Əliyev deyir ki, yumşalmalardan sonra təkrar artımın ola biləcəyi dəfələrlə qeyd edilib
Vasif Əliyev: “Elə edək ki, zabitlərimizi koronavirusa da düçar etməyək”

“Biz öncə də demişdik ki, yoluxma artıma doğru gedir. Hazırki rəqəmlərdən də bunu görə bilərik. Təəssüf ki, bu artım davam edəcək. İnsanlarda o qədər arxayınlıq yaranıb ki... Belə olsa, iki həftədən sonra daha pis nəticələri görə bilərik”. Sputnik Azərbaycan xəbər verir ki, bunu TƏBİB-in İnfeksiya xəstəlikləri üzrə işçi qrupunun rəhbəri Vasif Əliyev deyib.

O bildirib ki, yoluxmaların sayı gələcəkdə hərbi-zabit heyətinə də təsir göstərə bilər. “Xəstəxanalarda həkim, eyni zamanda çarpayı qıtlığına səbəb ola bilər. Bu problem bizim qələbə sevincimizə mənfi təsir edə bilər. Elə edək ki, koronavirusa zabitlərimizi də düçar etməyək. Sadəcə, fərdi məsuliyyətsizlik, arxayınlaşma yarandı. Baxmayaraq yumşalmalardan sonra təkrar artımın ola biləcəyin dəfələrlə qeyd etmişdik. İnsanlar təmasdan qaçmalıdırlar. Zəruri olmadıqca bir-birinin evinə getməməlidirlər. Qapalı məkanlarda maska mütləq istifadə etməlidirlər. Hal-hazırda kritik günlər yaşayırıq. Avropa ölkələrində ciddi nəzarət tədbirləri görülür. Əgər belə artım olsa, sərt karantin rejiminə keçilə bilər”.

Vasif Əliyevin fikirlərinə audiofaylda qulaq asa bilərsiniz

60

Manas Ata Dədə Qorqudun ruhu sizə kömək olsun - Qırğız ziyalılar İlham Əliyevə dua etdi

0
(Yenilənib 01:31 27.10.2020)
Qırğız ziyalılardan İlham Əliyevə dəstək: "Azərbaycan bizə türk xalqlarının totem quşunu - havaya qalxarkən qanadından yaralanan azadlıqsevər qızıl qartalı xatırladır".

BAKI, 27 oktyabr — Sputnik. "Biz, Aytmatov Əskər Çingizoviç, Osmanaliyev Kayrat Mederbekoviç, əsas vəzifəsi qırğız və türk yazıçısı Çingiz Aytmatovun yaradıcılıq və mənəvi irsinin qorunub saxlanılması və təbliği, onun humanist ideallarının təşviqi olan “Ç.Aytmatov adına Beynəlxalq İssık-Kul Forumu” İctimai Birliyinin üzvləriyik".

Sputnik Azərbaycan-ın məlumatına görə, "Çingiz Aytmatov adına Beynəlxalq İssık-Kul Forumu" İctimai Birliyinin üzvlərinin Azərbaycan Prezidenti İlham Əliyevə ünvanladığı məktub bu sətirlə başlayır.

Məktubda daha sonra deyilir:

"Biz qürur duyuruq ki, Çingiz Aytmatovun kitabları qardaş Azərbaycanda çox oxunur və sevilir, Azərbaycan xalqı onu öz yazıçısı kimi qəbul edir.

Biz ölkənizin inkişaf edən bir dövlət qurmaq istiqamətində qazandığı uğurlara, dünya miqyasında malik olduğu nüfuza sevinirik.

Bununla yanaşı, hər zaman azərbaycanlı qardaşlarımızın uzun müddətdir sağalmayan yarası - işğal olunmuş Dağlıq Qarabağ problemi ilə bağlı ağrı-acısını bölüşmüşük.

Azərbaycan bizə türk xalqlarının totem quşunu - havaya qalxarkən qanadından yaralanan azadlıqsevər qızıl qartalı xatırladır. Qızıl qartal havada qürurla yeni üfüqlərə doğru uçur, lakin yaralı qanad ona daha yüksəklərə qalxmağa və uçmağa imkan vermir.

İndi Qarabağda müharibə gedir və bütün dünya hərbi əməliyyatların gedişini narahatlıqla izləyir.

Azərbaycan Ordusu yüksək döyüş ruhu, döyüş qabiliyyəti və qalib gəlmək əzmi nümayiş etdirir.

Böyük Lev Tolstoyun və Çingiz Aytmatovun ardınca müharibənin insan zəkasına və mahiyyətinə zidd fenomen olduğuna əminik. Ancaq bəzən xalq belə bir addım atmağa məcbur olur. Vətəninə, torpağına məhəbbət - bu müqəddəs hiss hər bir xalqa instinktiv səviyyədə xasdır.

Azərbaycanlılar üçün Qarabağ onları birləşdirən milli meqafikrə, müstəqil dövlət olaraq yetkinlik və məsuliyyət imtahanına, ölkəsinin suverenliyini və ərazi bütövlüyünü qorumaq əzminə çevrildi.

Uca Allahdan döyüş əməliyyatlarının ən qısa müddətdə bitməsini, danışıqlar prosesinin bərpa edilməsini və Qarabağın Azərbaycanın ayrılmaz hissəsi olduğu dərk edilərək problemin sülh yolu ilə həll olunmasını diləyirik.

Hər hansı müharibə, xüsusilə mülki əhaliyə qarşı bəşəriyyətin əsrlər boyu yaşadığı acı təcrübə əsasında aparılan müharibə qaydalara məhəl qoyulmadığı zaman qəddarlıq və insanlıqdan kənar nəticələrə gətirib çıxarır.

Müharibə cinayətlərinin bilərəkdən və soyuqqanlılıqla törədilməsi, Ermənistan ordusunun cəbhə xəttindən çox uzaqda yerləşən sülhsevər Azərbaycan şəhərlərini qəsdən bombalaması faciəvidir və dərindən pislənilməlidir. Uşaqlar da daxil olmaqla mülki şəxslərin qurban olması çox təəssüf doğurur.

Cənab Prezident, Sizə və bu hücumlar nəticəsində həlak olanların yaxınlarına dərin hüznlə başsağlığı veririk. Yerləri cənnət olsun. Bütün yaralıların tezliklə sağalmalarını arzu edirik.

Əminik ki, bu cür çirkin hərəkətlər Azərbaycan Ordusunun döyüş ruhunu qıra bilməyəcək, Azərbaycan xalqını qorxutmayacaq, müharibənin gedişini öz xeyrinə dəyişə bilməyəcək, əgər bu qeyri-insani hərəkətlərin məqsədi belə idisə.

Cənab Prezident, Siz dahi atanız və bütün Azərbaycan xalqının atası - Heydər Əliyevin işlərinin layiqli davamçısısınız.

İndi Azərbaycan xalqının qarşınıza qoyduğu tarixi vəzifənin - ölkənin ərazi bütövlüyünün bərpası üçün həlledici andır. Əminik ki, müdrik və uzaqgörən lider olaraq, bu missiyanı qardaş Azərbaycan xalqı naminə, bölgədə və dünyada sülhün və sabitliyin qorunması naminə, beynəlxalq hüquq və sivil vasitələr çərçivəsində danışıqlar yolu ilə layiqincə yerinə yetirməkdə uğur qazanacaqsınız. Ulu əcdadlarımız Manas Ata və Dədə Qorqudun ruhu bu nəcib işdə sizə kömək olsun".

0