Həkimlər, arxiv şəkli

Həkimlər barədə şok statistika

372
(Yenilənib 17:44 27.11.2016)
Hər 1000 həkimdən 5-i artıq dozada qəbul etdikləri narkotikdən ölürmüş

BAKI, 27 noy — Sputnik. Monaşa Universitetinin əməkdaşları həkimlərlə bağlı şok effekti verən bir məlumatın üstünü açıblar. Onların yaydığı məlumata görə, hər il ABŞ-da hər 1000 həkimdən 5-i artıq dozada narkotik qəbul etməkdən ölür. 

Elm adamları həmçinin təyin ediblər ki, həkimlər arasında narkotik asılılığından daha çox 40 yaşdan yuxarı qadınlar əziyyət çəkir. Onlarda özlərinə zərər vermək meylləri və depressiya çox güclüdür. 

Ən yüksək ölüm nisbəti baytarlar arasında qeydə alınıb. Onlar tez-tez ev heyvanlarının yuxuya verilməsində istifadə olunan barbituratların həddindən artıq qəbul edilməsindən ölürlər. 

Qeyd edək ki, 2003-2012-ci ilin 10 illik statistikasına əsasən ABŞ-da hər il narkotik vasitələrdən istifadə nəticəsində 404 tibb işçisi dünyasını dəyişib.

Universitet əməkdaşları bildiriblər ki, ümumilikdə dünya üzrə həkimlərin artıq dozada narkotik istifadəsindən ölüm halları nəzərəçarpacaq dərəcədə çoxdur. Bu statistikaya əsasən narkotikdən sonrakı yeri aşırı dərəcədə alkoqol qəbulu tutur.

372
Həbs, arxiv şəkli

Lerikli həkimin "yaxşılığı" cinayət işinin açılmağına səbəb oldu

18
Vov kənd tibb məntəqəsinin müdirinin gördüyü iş "wow" effekti yaradıb - indi o, həmkəndlisi ilə bahəm CM-nin iki maddəsi üzrə cavab verməli olacaq.

BAKI, 22 sentyabr — Sputnik. Lerikdə saxta COVID pasportu verən şəxslərlə bağlı cinayət işi başlanıb.

Lənkəran rayon prokurorluğundan Sputnik Azərbaycan-a verilən məlumata görə, "Lerik rayon mərkəzi xəstəxanası" PHŞ-nin Vov kənd tibb məntəqəsində bəzi şəxslərə "COVID-19" əleyhinə vaksinasiya olunmaları ilə bağlı saxta sənədlərin verilməsi barədə daxil olmuş müraciət əsasında Lənkəran rayon prokurorluğunda araşdırma aparılıb.

Araşdırmalarla Lerik rayonu, Siyov kənd sakini Mahir Əliyevin Vov kənd tibb məntəqəsinin müdiri işləyən həmkəndlisi Anar Məstəliyev ilə cinayət əlaqəsinə girərək Bakı şəhərində yaşayan bir neçə şəxsin vaksin vurulmadıqları halda I və II doza vaksin olunmaları ilə bağlı rəsmi sənədlərə müvafiq qeydlər etməklə həmin məlumatların elektron məlumat bazasına yerləşdirilməsinə əsaslı şübhələr müəyyən edildiyindən fakta görə Lənkəran rayon prokurorluğunda Cinayət Məcəlləsinin 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanıb.

Hazırda cinayət işi üzrə istintaq davam edir.

Eləcə də oxuyun:

18
Teqlər:
vaksin, vaksinasiya, COVID-19 pasportu, saxta, Lerik, cinayət işi
Mövzu:
Azərbaycanda COVID-19 əleyhinə vaksinasiya
 Azərbaycanda koronavirus infeksiyasına qarşı vaksinasiya

Koronavirusa qarşı peyvənd olunanlar xəstəliyi necə keçirirlər

111
(Yenilənib 21:59 22.09.2021)
Moskva merinin müavini xatırladıb ki, yoluxma hallarının yenidən artdığı dövrdə insanlar öz sağlamlığının və təhlükəsizliyinin qeydinə qalmalıdırlar.

 

BAKI, 22 sentyabr — Sputnik. Peyvənd olunmuş şəxslər arasında koronavirusa yoluxanların sayı çox deyil, onlar xəstəliyi bir xeyli yüngül keçirir, tək-tük hallarda xəstəxanaya yerləşdirilirlər. RİA Novosti xəbər verir ki, bu sözləri jurnalistlərlə söhbətində Moskva şəhər merinin sosial inkişaf üzrə müavini Anastasiya Rakova deyib.

O xatırladıb ki, yoluxma hallarının yenidən artdığı dövrdə insanlar öz sağlamlığının və təhlükəsizliyinin qeydinə qalmalıdırlar: maska taxmalı, peyvənd olunmalı, vaxtı çatanda vaksinin növbəti dozasını vurdurmalıdırlar.

"Qeyd etmək istəyirəm ki, vaksinasiya yoluxma riskini kifayət qədər aşağı salmağa imkan verən vasitədir. Peyvənd olunmuş şəxslər arasında koronavirusa yoluxanların sayı azdır, onlar xəstəliyi çox yüngül keçirir, nadir hallarda xəstəxanaya yerləşdirilirlər", – deyə Rakova vurğulayıb.

Eləcə də oxuyun: 

111
Teqlər:
COVID-19, epidemiya, Koronavirus, vaksin, xəstə, xəstəlik
Aytən Səfərova, arxiv şəkli

Tanınmış aparıcı etiraz etdi: "Bir uşağı bütün nəsil yola salmağa gəlib"

0
Aparıcı özünün də məktəbə getməsini tənqid edənlərə: "Ağzigöyçəklər üçün məlumat: mən və kadrda gördüyünüz valideynlər ən axırda daxil olduq qapıdan. Bir dəqiqə keçmədi, hamımızı çıxartdılar", - cavabını verib.

BAKI, 23 sentyabr — Sputnik. Aparıcı Aytən Səfərova məktəblərdəki sıxlıqdan gileylənib.

Sputnik Azərbaycan xəbər verir ki, övladı Raulu birinci sinfə yollayan aparıcı məktəbə gələn valideynləri tənqid edib. "Təsəvvür edin, valideynlər şikayət edirlər. Bir uşağı qapıdan 8 nəfər yola salır. Heç bir müəllim qınanılası deyil. Sonra deyirlər, izdihamda dayanıb gözləyirik. Bir uşağı bütün nəsil yola salmağa gəlib", - deyə Səfərova bildirib.

Aparıcı özünün də məktəbə getməsini tənqid edənlərə: "Ağzigöyçəklər üçün məlumat: mən və kadrda gördüyünüz valideynlər ən axırda daxil olduq qapıdan. Bir dəqiqə keçmədi, hamımızı çıxartdılar" , -cavabını verib.

Məlumat üçün bildirək ki, Səfərova 1998-ci ilin aprel ayından etibarən ANS ÇM radiosunda fəaliyyətə başlayıb. Əvvəlcə radioda xəbər buraxılışlarının və "İsti-İsti" verilişinin aparıcısı, daha sonra ANS TV-də "Pressing", "İç xəbər" və "Xəbərçi" verilişlərinin prodüseri, "İç xəbər", "Kökaltı", "Salam, Azərbaycan" verilişinin müxbiri və aparıcısı, "Xəbərçi" verilişinin aparıcısı, prodüseri, Baş aparıcı-redaktoru vəzifələrində çalışıb. 2015-ci il sentyabrın 1-də A.Səfərova ANS TV-dən ayrılıb. Elə həmin vaxt da "Azad Azərbaycan" telekanalından təklifi qəbul edərək bu teleşirkətlə əməkdaşlığa başlayıb.

0