Bakıda aptek

Bakı apteklərində xərçəngə qarşı dərmanlar yoxa çıxıb

752
Xərçəng xəstələrinə pulsuz veriləcək dərmanlar niyə ölkəyə qanunsuz yollarla gətirilir?

BAKI, 25 noy — Sputnik. Azərbaycanda apteklərin piştaxtalarından xərçəngə qarşı mübarizədə istifadə olunan dərmanlar yoxa çıxıb. Sputnik-in məlumatına görə, qaçaqmalçılar bu yolla pul qazanmaq istəyirlər.

Qeyd edək ki, hələ oktyabr ayında Dövlət Gömrük Komitəsinin (DGK) verdiyi məlumata görə, gömrükçülər Gürcüstandan Azərbaycana dərman preparatlarının idxalının qarşısını alıblar. Tovuz rayon Gömrük İdarəsinin "Sınıq körpü" nəzarət-buraxılış məntəqəsində, içərisində 20 flakon "Calcium folinate", 9 flakon "Cytosar", 6 flakon "Docetaxel AqVid", 20 flakon "Gemcitabin", 98 flakon "Ciklofosfan", 9 flakon "Docetaxel Accord", 30 flakon "Oxaliplatin", 30 flakon "Oncosid" və 6 bağlama "Oncofluor" olan avtomobil saxlanılıb.

Bildirək ki, hələ ötən il Azərbaycanın Tarif (Qiymət) Şurası bir sıra preparatların topdan və pərakəndə satış qiymətlərini tənzimləyib. Tarif Şurasının saytında verilən məlumata görə, bu həyati əhəmiyyətli dərmanların qiymətləri kifayət qədər yüksəkdir.

Misal üçün, şiş əleyhinə olan "Oxaliplatin" preparatı, onun istehsal olunduğu ölkədən asılı olaraq apteklərdə 74 manatdan 2 min 834 manata qədər dəyişir. Ağ ciyər xərçəngində (III-IV dərəcədə) və mədəaltı vəzin karsinomasında istifadə olunan "Gemcitabin"in qiyməti 28 manatdan 1688 manata qədər, süd vəzi xərçəngində istifadə olunan "Docetaxel" 90 manatdan 752 manata qədər, megaloblastik anemiyaya qarşı istifadə olunan "Calcium folinate" 7 manatdan 106 manatadəkdir.

Yeri gəlmişkən, qaçaqmalçılar tərəfindən uğursuzcasına gətirilən dərmanların qiymətlərinə TŞ-nin saytındakı qiymət cədvəlində rast gəlmədik. Bununla yanaşı, maraqlıdır ki, bu dərmanları şəhərin apteklərindən tapmaq mümkündürmü?

Bunun üçün, sadəcə Bakı aptek xidmətinin "153" vahid nömrəsinə müraciət etmək kifayətdir. Operator bu siyahıda olan dərmanların heç yerdə olmadığını birmənalı şəkildə bildirir. Lakin "Elit" aptekinə müraciət etsəniz, onlar bu dərmanları tapmaqda sizə kömək edə bilərlər.

Məlum olub ki, bu dərmanları praktiki olaraq apteklərdən tapmaq mümkün deyil. Amma onları sifariş etmək olar. Öz növbəsində məsələni Səhiyyə Nazirliyinin dərmanlara nəzarət edən Analitik Ekspertiza Mərkəzi ilə də aydınlaşdırmalı olduq. Ekspertlərə apteklərdə axtarılan dərmanların qeydiyyatdan keçib-keçmədiyini müəyyənləşdirmək üçün bir neçə gün vaxt lazım gəldi.

Yekunda ictimaiyyətlə iş üzrə mütəxəssis Esmira Əkbərova sorğumuza cavab göndərdi. Və orada həqiqətən də təsdiq edilir ki, Avstriya istehsalı olan "Calsiumfolinate-Ebewe" (DV №12-0763), Niderland istehsalı olan "Docetaxel Teva" (DV №12-0547), "Gemcitabin Teva" (DV №14-01581), Avstriya istehsalı olan "Oxaliplatin Ebewe" (DV №12-0550) dövlət qeydiyyatından keçib. Lakin məlum olmayan səbəblərdən sadəcə "Docetaxel Teva"nın (N: GE8512) bir partiyası Azərbaycana göndərilib.

O, həmçinin qeyd edib ki, Azərbaycanda Nazirlər Kabinetinin "Onkoloji xəstələrin dərman vasitələri ilə təminatı Qaydası"na əsasən onkoloji xəstəliklərdən əziyyət çəkən şəxslər üçün dərman siyahısı tərtib olunub.

Həqiqətən də çoxdandır, apteklərdə olmayan dərmanların adları xəstələrə tamamilə pulsuz verilən dərmanların cədvəlində qeyd olunub. Lakin bir sual cavabsız qalır: əgər belədirsə, onda niyə xəstələrə pulsuz verilməli olan həmin dərmanlar xaricdən ölkəmizə qanunsuz yollarla gətirilir? Məlum olduğu kimi, tələbat olan yerdə təklif də olmalıdır.

752
Teqlər:
qaçaqmal, gömrük, xərçəng, aptek, dərman, qiymət
Əlaqədar
Külli miqdarda dərman preparatı məhv edildi
Alimlər gecə yataqda ikən arıqladan dərmanı kəşf ediblər
Azərbaycanda dərmanların qiyməti yenidən bahalaşacaq
Sevgilisini psixotrop dərmanlara alışdırıb və...
BMT-dən dərmanlarla bağlı qorxunc açıqlama
Dərman bazarında növbəti böhran başlayıb
Xəstəxana, arxiv şəkli

Kişiyə hamilə diaqnozu qoyulmasına aydınlıq gətirildi

22
(Yenilənib 15:49 24.11.2020)
Səmra Hacıyeva vətəndaşa şəkərsiz diabetlə bağlı göndərişi öz xidməti kompyuterindəki hamiləliklə bağlı hazırlanmış sənədin surəti üzərində hazırlayıb. Bu zaman hamiləlik sözünü silməyi unudub.

BAKI, 24 noyabr — Sputnik. Dünən sosial şəbəkələrdə və bəzi Kütləvi İnformasiya Vasitələrində Azərbaycanda kişiyə hamilə diaqnozu qoyulması ilə bağlı yayılan məlumatlar əsasında araşdırma aparılıb.

Bu barədə Sputnik Azərbaycan-a TƏBİB-dən verilən məlumatda bildirilir ki, araşdırma nəticəsində məlum olub ki, 23.11.2020-ci il tarixində Xaçmaz şəhər sakini İlkin Əzməmmədova təqdim olunan sənəddə Xaçmaz Rayon Mərkəzi Xəstəxanasının kargüzarı Səmra Hacıyeva tərəfindən mexaniki səhvə yol verilib.

© Photo : Azerbaijan's Management Union of Medical Territorial Units
İlkin Əzməmmədova təqdim olunan sənəd

Belə ki, Səmra Hacıyeva vətəndaşa şəkərsiz diabetlə bağlı göndərişi öz xidməti kompyuterindəki hamiləliklə bağlı hazırlanmış sənədin surəti üzərində hazırlayıb. Bu zaman hamiləlik sözünü silməyi unudub. Sənəd çap edildikdən sonra elə yerindəcə səhv aşkarlanıb və düzəliş olunaraq vətəndaşa düzgün variantda arayış təqdim olunub. Kargüzar arayışı yenidən tərtib edən zaman vətəndaş stolun üzərindəki ilkin çap olunmuş arayışın fotosunu çəkərək sosial şəbəkə hesabında paylaşıb. Məsələ ilə bağlı İlkin Əzməmmədovla da əlaqə saxlanılıb. O, paylaşımı zarafatla etdiyini və daha sonra sildiyini bildirib.

22
Teqlər:
TƏBİB, diaqnoz, hamilə
Koronavirus testi, arxiv şəkli

Hansı amillər koronavirus testinin nəticəsinə təsir göstərə bilər?

18
"Pasiyent üç saat ərzində nə su içməli, nə siqaret çəkməli, nə də dişlərini fırçalamalıdır", –  virusoloq xəbərdarlıq edir.

BAKI, 24 noyabr — Sputnik. Mütəxəssislər koronavirus üçün test verərkən yanılma riskini azaltmaq üçün hansı qaydalara riayət etmək lazım gəldiyini açıqlayıblar. Sputnik Azərbaycan-ın RİA Novosti-yə istinadla yaydığı məlumata görə, yüksək kateqoriyalı terapevt Tatyana Romanenko bildirib ki, koronavirus testini acqarına vermək və prosesdən əvvəl ağzı antiseptik məhlulla yaxalamaq lazımdır.

"Əgər burundan yaxma götürüləcəksə, bəzi qaydalara riayət etməyə ehtiyac var: yaxma burun keçidlərindən götürüldüyü üçün, məsələn, əgər pasiyent testdən əvvəl burnunu təmizləyibsə və ya yuyubsa, onda dəqiq nəticə əldə etmək mümkün deyil", – deyə mütəxəssis bildirib.

Rusiya Xalqlar Dostluğu Universitetinin Yoluxucu Xəstəliklər şöbəsinin müdiri Qalina Kojevnikova isə qeyd edib ki, pasiyentin başqa davranışları da testin nəticəsinin səhv olmasına gətirib çıxara bilər.

"Pasiyent üç saat ərzində nə su içməli, nə siqaret çəkməli, nə də dişlərini fırçalamalıdır", – deyə virusoloq xəbərdarlıq edib.

Biologiya elmləri doktoru, professor Aleksey Aqranovski isə bildirib ki, testin nəticəsinə nümunələrin özünün hazırlanma keyfiyyəti də təsir göstərə bilər.

18
İlham Əliyev, arxiv şəkli

İlham Əliyev: Mən xoşbəxt adamam ki, dörd dəfə Məkkə ziyarətində olmuşam

0
(Yenilənib 17:15 24.11.2020)
Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

BAKI, 24 noyabr — Sputnik. "Bu gün mən Ağdam məscidinə Məkkədən gətirdiyim "Qurani-Kərim"i bağışladım. Mən xoşbəxt adamam ki, dörd dəfə Məkkə ziyarətində olmuşam. Bir dəfə rəhmətlik atamla, üç dəfə isə Prezident kimi. Xoşbəxtəm ki, mən ailə üzvlərimlə bərabər müqəddəs Kəbənin içində dualar etmişəm. Hər bir insanın ürəyində nə varsa, mənim ürəyimdə də eyni duyğulardır. Etdiyim duaların arasında birinci duam torpaqlarımızın işğaldan azad edilməsi idi. Allahdan xahiş edirdim, mənə güc versin ki, biz torpaqları işğalçılardan azad edək, o xoşbəxtliyi bizə nəsib etsin, biz yenə də dədə-baba torpağımıza qayıdaq".

Sputnik Azərbaycan xəbər verir ki, bu barədə Prezident İlham Əliyev Ağdam məscidinin qarşısında çıxışı zamanı deyib.

Dövlət başçısı bildirib:

"Bu gün burada, vandallar tərəfindən dağılmış məscidin önündə deyirəm ki, xoşbəxt adamam. Bir daha Allaha şükür edirəm ki, mənim dualarımı eşidib, bu gücü mənə verib. Biz gücümüzü səfərbər edərək bax, bu tarixi günləri yaşayırıq. Bu, həqiqətən də tarixi günlərdir. Bəlkə də çoxəsrlik Azərbaycan tarixində buna bənzər şərəfli və qürurlu günlər olmayıb. Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

0