Təzyiq

Ən hiyləgər xəstəlik: hər il 7,7 milyon insanın canını alır

507
Əksər hallarda hipertoniya simptomsuz inkişaf edir. Bir çox insanlar fikirləşirlər ki, yüksək təzyiq özünü baş ağrıları ilə büruzə verir.

BAKI, 17 noy — Sputnik. Son araşdırmalar göstərib ki, dünyada 1 milyarddan çox insan hipertoniyadan (yüksək arterial təzyiq) əziyyət çəkir. Statistikaya əsasən, kişilərdə bu xəstəliyə qadınlarla müqayisədə daha tez-tez təsadüf edilir.

Sputnik saglamolun.az-a istinadən xəbər verir ki, Ümumdünya Səhiyyə Təşkilatının məlumatına görə, hər il yüksək qan təzyiqi 7,7 milyon insanın ölümünə səbəb olur. Hipertoniya çox hiyləgər xəstəlikdir. Əksər hallarda hipertoniya simptomsuz inkişaf edir. Bir çox insanlar fikirləşirlər ki, yüksək təzyiq özünü baş ağrıları ilə büruzə verir.

Lakin bu çox təhlükəli yanılmadır. Hətta çox yüksək təzyiq zamanı baş ağrısı olmaya bilər. Məhz bu səbəbdən bir çox insanlar onlarda hipertoniyanın olmağından bixəbər olur. Xəstəlik isə gizli şəkildə inkişaf edir, ağır fəsadların yaranmasına (ürək və damar xəstəlikləri, infarkt, insult) gətirib çıxardır.

Müasir tibdə hipertoniya ilə mübarizə etmək üçün çox təsirli vasitələr var. Bu vasitələrin köməyi ilə təzyiqi normada saxlamaq, ağırlaşmaların qarşısını almaq mümkündür. Lakin bunun üçün xəstə vaxtında özündə bu xəstəliyin olmağından xəbərdar olmalı, vaxt itirmədən həkimə müraciət etməli və həkimin bütün göstərişlərinə dəqiqliklə əməl etməlidir.

Vaxtaşırı olaraq arterial təzyiqinizi ölçün. Göstəricilər 140/90 mm c.st. və bundan yuxarıdırsa, bu hipertoniyanın inkişafından xəbər verir. Dərhal həkimə müraciət edin.

507
Teqlər:
arterial təzyiq, hipertoniya, statistika, ölüm, xəstə, insan, xəstəlik
Əlaqədar
Harvard Universiteti: Acılı yeyin, xəstəliklərdən xilas olun
Azərbaycandakı xəstəxanalar nə dövlətin olacaq, nə də özəl
Ürək xəstələri, bu tövsiyyələri gözardı etməyin!
İki ağır xəstəliyin öhdəsindən təkbaşına gələn adam
Bu içki 42 günə xərçəng xəstəliyini məhv edir
Ölüləri yandırmaq vacib deyil, yoluxucu xəstəlik daşıyıcısı olsalar belə...
E-Təbib tətbiqi

TƏBİB-dən xəstələrə antibiotiklərlə bağlı xəbərdarlıq

1
(Yenilənib 22:59 22.10.2020)
"Xəstəliyin ilk simptomları üzə çıxan zaman bəzi insanlar özbaşına antibiotiklərdən istifadə edirlər" - TƏBİB.

BAKI, 22 oktyabr — Sputnik. Bəzən koronavirusa yoluxan gənc insanlarda da ağırlaşmalar ola bilər.

Sputnik Azərbaycan-ın məlumatına görə, bunu Səhiyyə Nazirliyinin İctimai səhiyyə və sanitariya və epidemioloji nəzarət şöbəsinin müdiri Nəzifə Mürsəlova deyib. Onun sözlərinə görə, sağlamlıq vəziyyəti normal olan 82 yaşlı insanların da koronavirusdan sağalması mümkün olub:

"Amma hər hansı gəncin xroniki xəstəliyi varsa və başqa ağırlaşmalar qeydə alınarsa, onun səhhətində daha ciddi ağırlaşmalar baş verə bilər".

N.Mürsəlova qeyd edib ki, gənc insanlar arasında ağırlaşmalar müraciətin gec edilməsi səbəbindən baş verir.

İnsanları özünümüalicədən də uzaqlaşmağı məsləhət görən N.Mürsəlova deyib ki, xəstəliyin ilk simptomları üzə çıxan zaman bəzi insanlar özbaşına antibiotiklərdən istifadə edirlər: "Bu zaman isə xəstənin vəziyyətində yaxşılaşma deyil, əksinə pisləşmə baş verir. Bu halda da xəstəxanaya düşən xəstəyə reanimasion yardım lazım olur".

1
Bakıda tibbi maska taxmış şəxs, arxiv şək

Azərbaycanda koronavirusa yoluxma niyə artır?

97
"Günəş şüalarının ekspozisiyasının azalması, havanın temperaturunun aşağı düşməsi və dəyişkən olması nəticəsində insanlar daha az hallarda açıq məkanlarda olurlar, toplaşdığı bağlı yerlərdə təmaslar artır, otaqlar soyuq olduğu üçün havalandırmaya riayət olunmur"

Zülfiyyə Quluyeva, Sputnik Azərbaycan

BAKI, 22 oktyabr — Sputnik. Koronavirusa yoluxmada yenidən artım müşahidə olunur. Azərbaycanda oktyabrın 21-də koronavirus infeksiyasına yeni 714 yoluxma faktı qeydə alınıb. Artıq bəzi rayonlarda koronavirusa yoluxma kəskin artdığından giriş-çıxış bağlanıb. Nazirlər Kabineti bir həftə öncə "Xüsusi karantin rejimi ilə bağlı əlavə tədbirlər barədə" qərarında dəyişiklik edib. Dəyişikliyə əsasən, xüsusi karantin rejimi dövründə operativ və xüsusi təyinatlı nəqliyyat vasitələrinin, habelə yükdaşıyan avtomobillərin hərəkəti istisna olmaqla, Sabirabad şəhərinə, Sabirabad rayonunun Cavad, Türkədi, Qalağayın və Kürkəndi kəndlərinə, Şəki şəhərinə və Kiş kəndinə giriş-çıxış dayandırılıb. Eyni zamanda Lənkəran rayonunun, Quba şəhərinin və Quba rayonunun bəzi kəndlərinə giriş-çıxışın dayandırılması ilə bağlı Nazirlər Kabineti tərəfindən Qərar qəbul edilib.

Sputnik Azərbaycan koronavirusa yoluxmanın kəskin artmasının səbəbini araşdırıb.

Tibbi Ərazi Bölmələrini İdarəetmə Birliyinin (TƏBİB) Xəstəliklərin profilaktikası və kontrolu şöbəsinin müdiri Yaqut Qarayeva bildirib ki, Şəkidə və Sabirabaddakı yeni yoluxma ocaqlarının yaranmasını mövsümlə əlaqələndirmək olmaz:

"Çünki havalar ciddi şəkildə soyumayıb, temperatur normal olaraq davam edir. Yeni ocaqlar daha çox ailə, müəssisə daxilində olur. Yeni yaranan ocaqların üzərinə düşüb, onu ləğv etməyə çalışırıq".

Səhiyyə Nazirliyinin baş infeksionisti Təyyar Eyvazov Sputnik Azərbaycan-a açıqlamasında bildirib ki, koronavirusla yoluxma hallarının artımı gözlənilən idi: "Buna hələ yay aylarında hazırlıq gedirdi. Əslində artımın özü yox, onun səviyyəsi bizi daha çox narahat etməlidir. Biz görürük ki, əhatə olunduğumuz ölkələrdə də hələ bir qədər əvvəl bu baş verib. Bu səbəbləri şərti olaraq iki qrupa ayırmaq olar.

Birinci qrup səbəblər təbiidir, yəni günəş şüalarının ekspozisiyasının azalması, havanın temperaturunun aşağı düşməsi və dəyişkən olması nəticəsində insanlar daha az hallarda açıq məkanlarda olurlar, toplaşdığı bağlı yerlərdə təmaslar artır, otaqlarda soyuq olduğu üçün havalandırmaya riayət olunmur. İnsanlar havaya uyğun düzgün geyim seçməkdə çətinlik çəkirlər, nəticədə tərləyir və ya soyuqlayırlar. Həmçinin soyuq havada yuxarı tənəffüs yollarının infeksiyalara qarşı müqaviməti bir qədər zəifləyir və s. İkinci qrup səbəblər isə bizim üçün daha əhəmiyyətlidir. Çünki bunlar korrektə oluna bilər və əhalinin davranışı ilə sıx bağlıdır. Yəni burada qeyd olunan maskanın taxılması, sosial məsafənin gözlənilməsi, təmasların azaldılması, respirator gigiyena qaydalarına əməl olunması, əllərin gigiyenası və s.-dir. Son zamanlar məhz bu qaydalara bir o qədər də ciddi riayət olunmur. Qeyd olunduğu kimi, neqativ dinamika izlənməkdədir. Bu özünü yoluxanların sayındakı artım və sağalanlarla nisbətdə üstünlük təşkil etməsi ilə göstərir".

Baş infeksionist bildirib ki, proses nəzarət olunandır və istənilən hallarda vəziyyətə uyğun adekvat qərarlar verilə bilər: "Bu qərarlar Operativ Qərargah tərəfindən qəbul olunaraq tətbiq edilir. Mənfi dinamikanın aradan qaldırılması ilə bağlı xeyli təcrübə toplanılıb. Hesab edirəm ki, son vaxtlarda yoluxanların sayının bir müddət az olması əhalidə arxayınlıq yaradıb. Maska taxanların sayı azalıb, əhalinin daha çox toplaşdığı yerlərdə sosial məsafə gözlənilmir. İctimai nəqliyyatda eyni hallar müşahidə olunur. Buna görə də bir daha əhali ilə maarifləndirmə işləri aparılmalı və bu qaydalara əməl olunmasına nəzarət ciddiləşdirilməlidir. İnsanlarımıza müraciət edərək onu da çatdırmaq istərdim ki, bu qaydalara birgə əməl etməklə biz yoluxmaların sayını azalda bilərik və bu da bizim dövlətimizə bütün səyləri Qarabağ istiqamətində cəmləşdirməyə imkan verər.

Vətəndaşlar qeyd olunan qaydalara ciddi əməl etməli, təmasları, xüsusilə hərbçilərlə sıx təmasları minimuma endirməlidir. Özünü narahat hiss edən insan müvafiq şikayətlər olarsa, tibbi yardım üçün vaxtında müraciət etməlidir. Başa düşmək lazımdır ki, Ordumuzun döyüş qabiliyyəti əsgər və zabitlərimizin sağlamlığından bilavasitə asılıdır. Bu baxımdan onlara maddi və mənəvi dəstək olaq, lakin koronavirusu unutmayaq".

Qeyd edək ki, Şəki-Zaqatala üzrə koronavirusa yoluxma 2,0, Aran bölgəsi üzrə 10,5 faizdir. Azərbaycanda 2 noyabr saat 06:00-dək xüsusi karantin rejimi tətbiq olunub.

97
Teqlər:
infeksionist, Azərbaycan, yoluxma, Koronavirus, epidemiya, COVID-19
Əlaqədar
Azərbaycanda son sutkada 714 nəfər koronavirusa yoluxdu - Yenə rekord
Gürcüstanda vəziyyət pisləşir: Bir gündə 15 nəfər koronavirusdan öldü
Azərbaycanda koronavirusa ən çox qadınlar yoluxub -statistika
Vasif Əliyev: “İnsanlar son günlər sanki koronavirusu unudublar”
Bu gündən Azərbaycanda karantin rejimi yenidən sərtləşdirilib
Mal əti satışı, arxiv şəkli

Azərbaycana mal əti dərman idxalı artıb

0
(Yenilənib 23:00 22.10.2020)
Təzə meyvə idxalı 15,1%, bitki yağları 2,9%, kərə yağı, digər süd yağları və pastaları 38,9%, çay 5,9%, kartof 1,2%, təzə tərəvəz 29,9%, minik avtomobilləri 28,8% və s. artıb.

Xalid Məmmədov, Sputnik Azərbaycan

BAKI, 22 oktyabr — Sputnik. 2019-cu ilin yanvar-avqust ayları ilə müqayisədə 2020-ci ilin yanvar-avqust aylarında ölkəmizə təzə meyvə idxalı 15,1%, bitki yağları 2,9%, kərə yağı, digər süd yağları və pastaları 38,9%, çay 5,9%, mal əti 18,4%, kartof 1,2%, təzə tərəvəz 29,9%, minik avtomobilləri 28,8%, dərman vasitələri 1,7 dəfə, hesablama maşınları, blok və qurğuları 14,8%, qara metallardan çubuqlar 1,8 dəfə, məişət soyuducuları 3,1% artıb.

Sputnik Azərbaycan bu barədə Dövlət Statistika Komitəsinə istinadla məlumat verir.

Bu ilin 8 ayında buğda idxalı 20,1%, xam şəkər və şəkər 0,4%, quş əti və onun əlavə məhsulları 9,9%, siqaretlər 78,9%, qara metallardan borular 12,7%, polad prokatı 7,7%, mineral gübrələr 5,7%, rezin şinlər 20,2%, məişət kondisionerləri 30,9%, mebellər 23,6%, yük avtomobilləri 13,4%, polietilen 27,5%, paltaryuyan maşınlar 11,1%, qara metallardan künclüklər 8%, avtobuslar 56,1%, sement və sement klinkerləri 27,1% azalıb.

0