İdman zalında məşg edən insanlar

Artıq çəkidən xilas olmağın ən asan yolu tapıldı

5045
(Yenilənib 12:01 08.11.2016)
Həkimsiz, dərmansız, dietasız və heç bir xərc çəkmədən arıqlamaq istəyənlər bu xəbəri qaçırmasın

BAKI, 7 noy — Sputnik. ABŞ-da alimlər artıq kilolardan xilas olmağın ən asan üsulunu tapıblar. Koloradonun İctimai Səhiyyə Məktəbinin mütəxəssisləri bununla bağlı tədqiqat aparıblar. Sputnik xarici mətbuata istinadən xəbər verir ki, onların tədqiqatının əsasını aktiv həyat tərzinin təmin olunması təşkil edib.

Alimlər yüzlərlə könüllü üzərində eksperiment keçiriblər. Eksperimentdə iştirak edənlərin bir hissəsi piylənmədən əziyyət çəkənlər, bir hissəsi normal çəkiyə sahib olanlar, bir hissəsi isə artıq çəkidən azad olaraq çəkisini normada saxlayanlar olub. Tədqiqatda iştirak edənlərin hamısını — həm bütün vaxtını oturaraq keçirənləri, həm uzananları, həm də hərəkət edənləri davamlı olaraq müşahidə ediblər.

Nəticədə məlum olub ki, arıqlayan və çəkisini normada saxlamağı bacaran könüllülərin hamısı aktiv həyat tərzi keçirirlər. Amma gününü oturaq həyat tərzi ilə, ya da uzanaraq keçirənlər isə piylənməyə davam edirlər.

Mütəxəssislər piylənənləri gündə 12 min addım, normal çəkisi olanları 9 min, çəki atmışları isə 7 min addım yeriməyə cəlb ediblər. Nəticədə piylənənlər xeyli çəki atıblar, normallar və arıqlamışlar isə təkrar çəki yığmayıblar. İkincilərin yenidən artıq çəki yığmamasını isə onların gündəlik fiziki hərəkətləri təmin edib.

Beləliklə, mütəxəssislər o qənaətə gəliblər ki, piylənən insanlar gün ərzində digərlərinə nisbətən daha çox hərəkətdə olmalıdırlar. Onları piyləndirən yedikləri qidalar deyil, keçirdikləri oturaq və hərəkətsiz həyat tərzidir. Alimlərin fikrincə, oturaq işi olanlar gündə bir necə dəfə ayağa durmalı, yüngül fiziki hərəkətlər etməli, oturduqları yerdə bir neçə dəfə əyilib-durmalı, işdən sonra piyada xeyli məsafə qət etməyə çalışmalıdırlar.

Eksperimentlərdən gəlinin nəticə odur ki, hərəkətli həyat tərzi artıq çəkidən azad olmağa və təkrara çəki yığmamağa səbəb olur. Piylənmədən əziyyət çəkənlər dietasız, dərmansız, həkimsiz, ağır tapşırıqları yerinə yetirmədən çəkidən azad ola bilərlər.

Onlar, sadəcə hərəkətə başladıqdan sonra ilk günlər əzələlərində, ətraflarında hiss etdikləri ağrıya dözməyi bacarmalıdırlar. Sonrakı günlər isə o ağrı özbaşına yox olacaq, əvəzində isə sağlam və normal bədən quruluğuna sahib olacaqlar.

5045
Teqlər:
köklük, piylənmə, alim, arıqlamaq, ABŞ
Əlaqədar
İnanmayacaqsınız, o da piylənməyə səbəb olurmuş...
Bu üsulla 3 günə piyləriniz əriyəcək
Kök adamlara pis xəbər
Dünyada köklərin sayı arıqları üstələdi
Kökəlmək istəyənlər oxusunlar
KT, arxiv şəkli

"Tibbi ölçü cihazları dövlət yoxlamasından keçməlidir"

6
(Yenilənib 16:38 22.01.2021)
Məqsəd diaqnostikada istifadə olunan klinik-laborator, rentgen aparatları və s.  kimi diaqnostik tibbi cihazların qeyri-dəqiq ölçmələrinin vətəndaşların həyatı və sağlamlığına mənfi təsirinin qarşısını almaqdır.

BAKI, 22 yanvar — Sputnik. Mülkiyyət formasından asılı olmayaraq, səhiyyə sahəsində istifadə olunan tibbi ölçü cihazları istismara verilənədək və təmirdən sonra ilkin yoxlamadan, istismar prosesində isə dövrü yoxlamadan keçirilməlidir. Bunu Sputnik Azərbaycan-a Antiinhisar və İstehlak Bazarına Nəzarət Dövlət Xidmətinin sektor müdiri Elməddin Quliyev deyib.

Məqsəd göstərilən səhiyyə xidmətləri zamanı xəstəliklərin diaqnostikasında istifadə olunan klinik-laborator, rentgen aparatları və s. kimi diaqnostik tibbi cihazların qeyri-dəqiq ölçmələrinin vətəndaşların həyatı və sağlamlığına mənfi təsirinin qarşısını almaqdır. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti səhiyyə sahəsində xidmət göstərən subyektlərin nəzərinə çatdırır ki, "Ölçmələrin vəhdətinin təmin edilməsi haqqında" Azərbaycan Respublikası Qanununa əsasən, səhiyyə sahəsində yalnız üzərində yararlılığına dair yoxlama nişanı və ya yoxlama haqqında şəhadətnaməyə malik tibbi ölçü cihazlarından istifadəyə icazə verilir.

İnzibati Xətalar Məcəlləsinə əsasən, səhiyyə sahəsində ölçmələrin tipi təsdiq edilməmiş və ya yoxlamadan keçirilməmiş ölçmə vasitələrindən istifadəyə görə vəzifəli şəxslər üçün 1500 manatdan 2000 manatadək, hüquqi şəxslər üçün 3000 manatdan 4000 manatadək məbləğdə cərimə olunur. Mülkiyyət formasından asılı olmayaraq, səhiyyə sahəsində xidmət göstərən subyektlər tibbi ölçü cihazlarını ilkin yoxlamadan və ya dövrü yoxlamadan keçirmək üçün "Azərbaycan Metrologiya İnstitutu" publik hüquqi şəxsə və ya ölçmələrin vəhdətinin təmin edilməsi sahəsində akkreditasiya olunmuş digər qurumlara müraciət edə bilərlər.

İstehlakçılara tövsiyə olunur ki, səhiyyə xidmətlərindən istifadə edərkən ölçmələrin qeyri-dəqiq nəticələri ilə qarşılaşmamaq üçün tibbi ölçü cihazlarının yararlılığına dair təsdiqedici sənədi tələb etsinlər, yoxlamadan keçməmiş tibbi cihazlarla göstərilən xidmətləri almaqdan çəkinsinlər. Bu kimi hallarla qarşılaşdıqları təqdirdə istehlakçılara İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə müraciət etmələri tövsiyə olunur (tel: 498-15-01 və 498-15-04).

6
Sputnik V peyvəndini, arxiv şəkli

Ekspert "Sputnik-V" peyvəndinin digər preparatlardan yenilikçi fərqini açıqladı

5
(Yenilənib 14:28 22.01.2021)
"Yüksək effektivlik fərziyyəsi səbəbindən adenovirusun müxtəlif vektorlarının istifadəsi strategiyası hər zaman bizi maraqlandırıb və indi bu, öz təsdiqini tapdı"

BAKI, 22 yanvar — Sputnik. Rusiyanın koronavirus əleyhinə "Sputnik-V" peyvəndi birvektorlu preparatlardan daha yaxşı nəticə göstərir – bu fikri Rusiya vaksini üzrə beynəlxalq elmi məsləhət şurasının mütəxəssisi Karlos Sala səsləndirib.

"Yüksək effektivlik fərziyyəsi səbəbindən adenovirusun müxtəlif vektorlarının istifadəsi strategiyası hər zaman bizi maraqlandırıb və indi bu, öz təsdiqini tapdı, çünki eyni platformadakı peyvəndlərlə müqayisədə nəticələr daha yaxşıdır", – deyə RİA Novosti ondan sitat gətirərək bildirir. Ekspert bunu "yenilikçi nəticə" adlandırıb.

Qeyd edək ki, "Sputnik-V" peyvəndi SARS-CoV-2 virusunun spark zülalının daxil olduğu adenoviral vektorlar əsasında yaradılıb. Adenovirusların özləri çoxalma qabiliyyətindən məhrumdur - onlar insan orqanizminin hüceyrələrinə genetik material (antigen) çatdırma funksiyası daşıyır.

Rusiyanın COVID-19 əleyhinə peyvəndi

Avqust ayında Rusiya Səhiyyə Nazirliyi Qamaleya Mərkəzi tərəfindən hazırlanmış və Rusiya Birbaşa İnvestisiyalar Fondu ilə birlikdə istehsal olunan COVID-19 əleyhinə dünyada ilk peyvəndi qeydə aldı. Ona "Sputnik-V" adı verildi. Preparat üç həftəlik fasilə ilə iki komponentin tətbiq edilməsini nəzərdə tutur.

Koronavirusa qarşı ikinci rus peyvəndi olan "EpiVacCorona" "Vektor" Novosibirsk mərkəzinin preparatıdır. Bundan başqa, Rusiya Elmlər Akademiyasının Çumakov adına İmmunobioloji Tədqiqatların Araşdırılması və İnkişafı Mərkəzində "canlı" peyvəndin klinik sınaq mərhələsi davam edir. Artıq qeydiyyatı üçün sənədlər Səhiyyə Nazirliyinə təqdim olunub.

Xatırladaq ki, bir qədər bundan əvvəl Sputnik radiosu Macarıstanda bu məsələləri tənzimləyən qurumun "Sputnik-V" peyvəndinin təsdiqlənməsini tövsiyə etdiyi barədə məlumat vermişdi.

 

5
Teqlər:
Sputnik-V peyvəndi, vaksin, vaksinasiya, Koronavirus, epidemiya, COVID-19
Mövzu:
Yeni tip koronavirus pandemiyası
Müdafiə naziri general-polkovnik Zakir Həsənov və Böyük Britaniya və Şimali İrlandiya Birləşmiş Krallığının Azərbaycandakı fövqəladə və səlahiyyətli səfiri Ceyms Şarp arasında görüş

Azərbaycan Britaniya hərbi sahədə əməkdaşlıq edəcəklər?

0
(Yenilənib 16:41 22.01.2021)
Səfir Ceyms Şarp deyib ki, Azərbaycan-Böyük Britaniya əlaqələrinin, xüsusilə hərbi sahədə əməkdaşlığın inkişafı üçün səylərini bundan sonra da əsirgəməyəcək.

BAKI, 22 yanvar — Sputnik. Müdafiə naziri general-polkovnik Zakir Həsənov yanvarın 22-də Böyük Britaniya və Şimali İrlandiya Birləşmiş Krallığının Azərbaycandakı fövqəladə və səlahiyyətli səfiri Ceyms Şarp ilə görüşüb. Bu barədə Sputnik Azərbaycan-a Müdafiə Nazirliyindən məlumat verilib.

Müdafiə naziri azad edilmiş ərazilərdə ordumuz tərəfindən həyata keçirilən tədbirlər, həmçinin Azərbaycan Ordusunda aparılan islahatlar və digər məsələlər barədə səfirə məlumat verib.

Görüş zamanı iki ölkə arasında müdafiə sahəsində, o cümlədən hərbi-texniki sahədə əməkdaşlıq üçün böyük potensialın olduğu və bu imkanların genişləndirilməsinin vacibliyi vurğulanıb.

Tərəflər ölkələrimiz arasında hərbi təhsil sahəsində əldə olunan razılaşmaların həyata keçirilməsinin, hərbi ingilis dili kurslarında dinləyicilərin sayının artırılmasının zəruriliyini xüsusi qeyd edib.

Öz növbəsində diplomat Vətən müharibəsində qazanılan qələbə münasibətilə Azərbaycan xalqını təbrik edib.

Azərbaycan-Böyük Britaniya əlaqələrinin, xüsusilə hərbi sahədə əməkdaşlığın inkişafı üçün səylərini bundan sonra da əsirgəməyəcəyini qeyd edən C.Şarp ikitərəfli əməkdaşlıq çərçivəsində Böyük Britaniyanın azad edilmiş ərazilərin minalardan və partlamamış döyüş sursatlarından təmizlənməsi işlərində Azərbaycana köməklik göstərə biləcəyini bildirib.

Görüşdə regional və ikitərəfli əməkdaşlıq, həmçinin qarşılıqlı maraq doğuran bir sıra digər məsələlər müzakirə edilib.

0
Teqlər:
Böyük Britaniyanın Azərbaycandakı səfiri, Böyük Britaniya