Uşağın boğazını müayinə edən qadın, arxiv şəkli

“Çöpçülər həkimlərimizdən güclüdür”

10166
(Yenilənib 16:32 07.11.2016)
Sosial şəbəkə istifadəçiləri: Azərbaycanda camaat ona görə çöpçüyə gedir ki, ona həkimlərdən çox inanır

BAKI, 6 noy-Sputnik. Azərbaycanda tibbin qəbul etmədiyi, amma demək olar hər bir valideynin övladlarını ömürlərində heç olmasa bir dəfə də olsun apardıqları məkan var. Bu çöpçünün ünvanıdır. Sputnik-in əməkdaşı sosial şəbəkələrdə elə valideynlərin özlərinə sual ünvanlayıb: Çöpçülərə inanırsınız və gedirsiniz? Bu suala çox sayda sosial şəbəkə istifadəçisi cavab verib. Hətta sual bir sıra mübahisələrə də səbəb olub. Facebook istifadəçilərinin Sputnik-in sualına verdiyi cavablardan ən maraqlılarını təqdim edirik.

Pərvin Zeynalov-jurnalist: “Hazırda ən böyük ehtiyacım pampersə və çöpçüyədir. Əvvəllər çöpçüyə inanmasam da, iki oğlumu tez-tez çöpçüyə aparmaqla inanmışam. Bəxtimdən gözəl insan çıxıb qarşıma. Elə çöpçü var ki, 50 manata çöp çıxarır, mənim övladlarımın çöpçüsü isə 5 manata. Elə olub, uşaqlar qızdırmalı olub, hər nə eləsək də temperatur düşməyib, vəziyyəti pis olub. Çöpü çıxarılan kimi uşaq özünə gəlib, temperaturu düşüb.”

Aynur Şahkərimova-iqtisadçı: “Uşaqlarmı çöpçüyə aparmamışam. Amma tibdə çöpün adı boğazın armudvari cibinə düşmüş yad cisimdir. Əlbəttə, xarici ölkələrin vətəndaşlarında da boğaza sıçramış yad cism olur. Lakin fərq budur ki, orada onu endoskopiyadan sonra lor cərrahlar çıxarır, bizdə isə çöpçülər. Türkiyənin əyalətlərində onlara üfürükçülər deyirlər. Bunun da bir neçə səbəbi var: bir, ölkədə səhiyyəyə olan inamsızlıq, iki, tibbi müdaxilə prossesinin uzunluğu, uşağın bu vaxtda gözləməkdən yorularaq yatması, narkoz qəbul etməsi, üç, maddi durum. Ölkədə tibbi yolla boğaza düşmüş yad cismin çıxarılması haradasa 250-300 manata başa gəlir.” 

Günel Fərhadova–yazar: “Mən bu cür şeylərə inanmıram, aparmamışam, aparanları da anlamıram, cahillik kimi qəbul edirəm. Uşağa qarşı diqqətli olanda, nə yeyib içdiyinə baxanda, qoruyanda, "çöp" də düşməz. Bunu fırıldaqçılıq və insanları inandırmaq yolu ilə pul qazanmaq metodu hesab edirəm. Ətrafımda uşağını həftədə bir dəfə çöpçüyə aparan analar vardı, başa salmağa çalışırdım ki, uşağa çöp düşə bilməz. Bəziləri insanların sadəlövhlüyündən istifadə edir. Adi soyuqdəymə, dişçıxartma əlaməti olan kimi çöp söhbəti düşür ortalığa, dərhal qaçırlar uzaq bir məkanda yaşayan və məşhur çöpçüyə. Hətta bir dəfə analardan biri ilə getdim çöpçüyə ki, onun etdiyinə diqqətlə baxım. Baxdım, fırıldağının üstünü açdım, anaya bunu dedim, incidi. Çöpçü də anaya dedi ki, bir də o xanımın (yəni mənim) ayağı bura dəyməsin. Özü də hər dəfəsində taksiyə 5-10 manat, çöpçüyə ən azı 10 manat pul verənlər var. Tapıblar haqq yolunu, qazanırlar pullarını.”

Nəzakət Zeynallı-jurnalist: “Mən çöpçüyə inanıram. Əliçılpaq qadın iylənmiş yemək qalıqlarını üfürüb uşağın boğazından çıxardı. Uşağın da əhvalı düzəldi. Nərimanovda biri var fırıldaqçıdır. Mən Hövsanda getmişdim. Böyük adamlar da gəlir yanına.”

Günel Cəlilova–müxbir: “Nənəmgilin qonşuluğunda çöpçü yaşayırdı. Bir gün ondan çöpçülüyün doğru olub- olmamasını soruşdum. Nənəm məni çöpçü qadıngilin evinə apardı.  Bir qadın qucağında uşaqla içəri daxil oldu və dedi ki, neçə gündür onun uşağı heç nə yemir, içmir, ancaq ağlayır. Çöpçü Pakizə xala uşağın anasına dedi ki, narahat olma, çöp qalıb. Mən indi çıxardaram. Çöpçü əlini yumaq adı ilə otaqdan ayrıldı və 5 dəqiqə keçməmiş geri qayıdıb barmağı ilə uşağın boğazını basdı, sonra ağzını onun ağzına dayayaraq üfürdü. Üfürərkən uşağın boğazında qalan gilas tumunu çıxardıb valideynə verdi. Valideyn də çöpçüyə həm pul verdi, həmdə alqış etdi.

Onlar gedəndən sonra Pakizə xaladan gilas tumunun uşağın boğazından necə çıxardığını sorusdum. O mənə dedi ki, hər mövsümün meyvəsinin çəyirdəyini, tumu,  ət qırığını mütləq evdə saxlayır. "Müştəri gələndə əlimi yumaq adi ilə onların yanından ayrılıb dilimin altına bunlardan birini qoyuram. Sonra uşağın boğazını basıram. Bogazı gələn adamın boğazı basılanda o rahatlayır. Boğazı basandan sonra uşağın  burnuna üfürürəm və o zaman dilimin altina qoyduğum tum və ya nəsə qırıntı əlimə gəlir. Beləliklə, valideyn uşağının boğazından çöp çıxdığına inanır" – deyə Pakizə xala bildirdi. Özüm müşahidə etmişəm. Çöpçülük deyə bir sənət yoxdur.”

Vaqif Qarayev-həkim: “Dəfələrlə vurğulanan bir fikri təkrar edim: Bütün normal doğulan uşaqlarin yuxari tənəffüs yollarinin quruluşu eynidir! Yəni ingilisin də, ispanin da, gürcünün də, rusun da, tatarın da və s. Eyni regionda doğulub böyüyən uşaqlar eyni qidadan istifadə edirlər! Amma nədənsə, bu çöp deyilən şey ancaq bizim uşaqların boğazında qalır. Məntiqlə ola bilərmi? Xeyr. Bizimkilərdən başqa hansı xalqda çöpçülər işləyir? Heç yerdə. Bizdən başqa kimsə çöpçüyə inanırmi? Xeyr! Çöpçüdən sonra vəziyyəti daha da pisləşən uşaqlar varmi? Kifayət qədər!".

10166
Mövzu:
Xalq təbabətinə marağın artması (5)
Həbs, arxiv şəkli

Lerikli həkimin "yaxşılığı" cinayət işinin açılmağına səbəb oldu

16
Vov kənd tibb məntəqəsinin müdirinin gördüyü iş "wow" effekti yaradıb - indi o, həmkəndlisi ilə bahəm CM-nin iki maddəsi üzrə cavab verməli olacaq.

BAKI, 22 sentyabr — Sputnik. Lerikdə saxta COVID pasportu verən şəxslərlə bağlı cinayət işi başlanıb.

Lənkəran rayon prokurorluğundan Sputnik Azərbaycan-a verilən məlumata görə, "Lerik rayon mərkəzi xəstəxanası" PHŞ-nin Vov kənd tibb məntəqəsində bəzi şəxslərə "COVID-19" əleyhinə vaksinasiya olunmaları ilə bağlı saxta sənədlərin verilməsi barədə daxil olmuş müraciət əsasında Lənkəran rayon prokurorluğunda araşdırma aparılıb.

Araşdırmalarla Lerik rayonu, Siyov kənd sakini Mahir Əliyevin Vov kənd tibb məntəqəsinin müdiri işləyən həmkəndlisi Anar Məstəliyev ilə cinayət əlaqəsinə girərək Bakı şəhərində yaşayan bir neçə şəxsin vaksin vurulmadıqları halda I və II doza vaksin olunmaları ilə bağlı rəsmi sənədlərə müvafiq qeydlər etməklə həmin məlumatların elektron məlumat bazasına yerləşdirilməsinə əsaslı şübhələr müəyyən edildiyindən fakta görə Lənkəran rayon prokurorluğunda Cinayət Məcəlləsinin 308.1 (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə cinayət işi başlanıb.

Hazırda cinayət işi üzrə istintaq davam edir.

Eləcə də oxuyun:

16
Teqlər:
vaksin, vaksinasiya, COVID-19 pasportu, saxta, Lerik, cinayət işi
Mövzu:
Azərbaycanda COVID-19 əleyhinə vaksinasiya
 Azərbaycanda koronavirus infeksiyasına qarşı vaksinasiya

Koronavirusa qarşı peyvənd olunanlar xəstəliyi necə keçirirlər

80
(Yenilənib 21:59 22.09.2021)
Moskva merinin müavini xatırladıb ki, yoluxma hallarının yenidən artdığı dövrdə insanlar öz sağlamlığının və təhlükəsizliyinin qeydinə qalmalıdırlar.

 

BAKI, 22 sentyabr — Sputnik. Peyvənd olunmuş şəxslər arasında koronavirusa yoluxanların sayı çox deyil, onlar xəstəliyi bir xeyli yüngül keçirir, tək-tük hallarda xəstəxanaya yerləşdirilirlər. RİA Novosti xəbər verir ki, bu sözləri jurnalistlərlə söhbətində Moskva şəhər merinin sosial inkişaf üzrə müavini Anastasiya Rakova deyib.

O xatırladıb ki, yoluxma hallarının yenidən artdığı dövrdə insanlar öz sağlamlığının və təhlükəsizliyinin qeydinə qalmalıdırlar: maska taxmalı, peyvənd olunmalı, vaxtı çatanda vaksinin növbəti dozasını vurdurmalıdırlar.

"Qeyd etmək istəyirəm ki, vaksinasiya yoluxma riskini kifayət qədər aşağı salmağa imkan verən vasitədir. Peyvənd olunmuş şəxslər arasında koronavirusa yoluxanların sayı azdır, onlar xəstəliyi çox yüngül keçirir, nadir hallarda xəstəxanaya yerləşdirilirlər", – deyə Rakova vurğulayıb.

Eləcə də oxuyun: 

80
Teqlər:
COVID-19, epidemiya, Koronavirus, vaksin, xəstə, xəstəlik
Aytən Səfərova, arxiv şəkli

Tanınmış aparıcı etiraz etdi: "Bir uşağı bütün nəsil yola salmağa gəlib"

0
Aparıcı özünün də məktəbə getməsini tənqid edənlərə: "Ağzigöyçəklər üçün məlumat: mən və kadrda gördüyünüz valideynlər ən axırda daxil olduq qapıdan. Bir dəqiqə keçmədi, hamımızı çıxartdılar", - cavabını verib.

BAKI, 23 sentyabr — Sputnik. Aparıcı Aytən Səfərova məktəblərdəki sıxlıqdan gileylənib.

Sputnik Azərbaycan xəbər verir ki, övladı Raulu birinci sinfə yollayan aparıcı məktəbə gələn valideynləri tənqid edib. "Təsəvvür edin, valideynlər şikayət edirlər. Bir uşağı qapıdan 8 nəfər yola salır. Heç bir müəllim qınanılası deyil. Sonra deyirlər, izdihamda dayanıb gözləyirik. Bir uşağı bütün nəsil yola salmağa gəlib", - deyə Səfərova bildirib.

Aparıcı özünün də məktəbə getməsini tənqid edənlərə: "Ağzigöyçəklər üçün məlumat: mən və kadrda gördüyünüz valideynlər ən axırda daxil olduq qapıdan. Bir dəqiqə keçmədi, hamımızı çıxartdılar" , -cavabını verib.

Məlumat üçün bildirək ki, Səfərova 1998-ci ilin aprel ayından etibarən ANS ÇM radiosunda fəaliyyətə başlayıb. Əvvəlcə radioda xəbər buraxılışlarının və "İsti-İsti" verilişinin aparıcısı, daha sonra ANS TV-də "Pressing", "İç xəbər" və "Xəbərçi" verilişlərinin prodüseri, "İç xəbər", "Kökaltı", "Salam, Azərbaycan" verilişinin müxbiri və aparıcısı, "Xəbərçi" verilişinin aparıcısı, prodüseri, Baş aparıcı-redaktoru vəzifələrində çalışıb. 2015-ci il sentyabrın 1-də A.Səfərova ANS TV-dən ayrılıb. Elə həmin vaxt da "Azad Azərbaycan" telekanalından təklifi qəbul edərək bu teleşirkətlə əməkdaşlığa başlayıb.

0