Xəstəxana - Hospital

Azərbaycandakı xəstəxanalar dövlətin olacaq, özəl

382
(Yenilənib 10:27 28.10.2016)
Mütəxəssislərin fikrincə, tibb müəssisələrinə publik hüquqi şəxs statusu verilməsi icbari sığorta sisteminin tətbiqi ilə əlaqəlidir

BAKI, 27 okt — Sputnik. Azərbaycanda publik hüquqi şəxs statusunda fəaliyyət göstərəcək dövlət xəstəxanaları qismən, bələdiyyə xəstəxanaları isə əsasən pullu xidmət göstərəcək. Bu, Nazirlər Kabinetinin "Dövlət orqanlarının və səhmləri dövlətə məxsus olan hüquqi şəxslərin tabeliyindəki tibb müəssisələrinin Nümunəvi Nizamnaməsi"nə etdiyi dəyişiklikdə əksini tapıb.

Nizamnaməyə əsasən, indiyə qədər dövlət xəstəxanalarının vəzifəsi pulsuz tibbi xidmət göstərmək olub. Bu müəssisələrin yalnız növləri Nazirlər Kabineti tərəfindən müəyyən edilən ixtisaslaşdırılmış pullu tibbi yardım göstərmək hüququ var idi. Dəyişikliyə əsasən isə bundan sonra dövlət xəstəxanaları yalnız "Əhalinin sağlamlığının qorunması haqqında" qanunla müəyyən edilmiş hallarda pulsuz xidmət göstərəcək. Eyni zamanda, dövlət adından yaradılan müəssisələrdə əvvəlki qaydada növləri Nazirlər Kabineti tərəfindən müəyyən edilən ixtisaslaşdırılmış pullu tibbi yardım xidməti olacaq.

Nizamnaməyə edilən digər dəyişikliyə əsasən, bələdiyyə adından yaradılan müəssisələrdə pullu tibbi xidmət göstəriləcək. Yalnız "Əhalinin sağlamlığının qorunması haqqında" qanunda müəyyən edilmiş pulsuz tibbi xidmət göstərmə halları istisna olacaq. Qeyd edək ki, "Əhalinin sağlamlığının qorunması haqqında" qanun pullu və pulsuz tibbi xidmətlərlə əlaqədar istisnaları müəyyən edir.

Vaqif Qarayev
© Vaqif Qarayevin şəxsi arxivindən
Vaqif Qarayev

"Böyük ehtimalla dövlət tabeliyində olan müəssisələri də pullu edib, icbari tibbi sığortanı tətbiq etməyə çalışırlar. Yəni, bütün əhalini sığortalaya bilməyiblər, xüsusilə işləyən əhalini. Sığorta barədə, ancaq işsiz kateqoriya üçün danışılır, işləyənlər barədə heç bir söhbət yoxdur", — sözügedən dəyişikliyi Sputnik-ə şərh edən, pediatr Vaqif Qarayev belə deyib.

Həkim Rasif Bağırov isə hesab edir ki, bu addımın atılması ölkədə müəyyən iqtisadi problemlərin olmasına görə, büdcəyə müəyyən qədər vəsaitin gətirilməsinə görə ola bilər. "Aydın məsələdir ki, bu sahədə müəyyən sahələrində böyük pullar fırlanır. İndi bu pulların leqal formaya çevrilib büdcəyə yönəldilməsinə şərait yaratmaq istəyirlər. Düşünürəm ki, bu proses əhaliyə göstərilən tibbi xidməti daha da pisləşdirəcək", — o, Sputnik-ə açıqlamasında bildirib.

Səhiyyə Nazirliyinin hüquqi nəzarət sektorunun müdiri Elxan Əzizov
© Photo : APA
Səhiyyə Nazirliyinin hüquqi nəzarət sektorunun müdiri Elxan Əzizov

Səhiyyə Nazirliyinin Hüquq və daxili nəzarət sektorunun müdiri Elxan Əzizov isə Sputnik-ə açıqlamasında deyib ki, hökumət hüquqi sənədləşməni bugünkü qanunvericiliyin tələblərinə uyğunlaşdırır: ""Publik hüquqi şəxslər" haqqında qanun qəbul olunub. Publik hüquqi şəxslərin də özlərini maliyyələşdirib saxlaya bilməsi üçün pullu xidmətlər göstərmək imkanı olacaq. Müxtəlif sahələrdə, o cümlədən səhiyyə sahəsində tibb müəssisələri publik hüquqi şəxslər olacaq. Amma onlar yenə də dövlət müəssisələri olacaq və icbari tibbi sığorta sisteminə keçənə qədər vətəndaşlara pulsuz xidmətlər göstərməyə davam edəcək. Müəssisələr üçün pullu xidmət göstərmək imkanı Nazirlər Kabinetinin yeni qərarında əks olunur. Artıq müəssisələr dövlətin büdcəsindən pul almayacaq, pulu sığorta şirkətindən alacaq".

O, bildirib ki, pullu xidmətlərin yaxın zamanda tətbiqi nəzərdə tutulmur: "İcbari tibbi sığorta sistemi tam işə düşməyənə qədər bu, tətbiq edilməyəcək. Sığorta sistemi tətbiq olunduqdan sonra dövlət müəssisələrində pullu xidmətlər tətbiq olunacaq. Nazirlər Kabineti pullu xidmətlərin hansı xidmətlərə aid olacağını müəyyən etdikdən sonra o mexanizm işə düşə biləcək".

İqtisadi araşdırmalar mərkəzinin rəhbəri Qalib Toğrul
© Photo : Qalib Togrul
İqtisadi araşdırmalar mərkəzinin rəhbəri Qalib Toğrul

İqtisadi Tədqiqatlar Mərkəzinin rəhbəri Qalib Toğrul isə Sputnik-ə açıqlamasında deyib ki, publik hüquqi şəxs son vaxtlar bütün dünyada bir idarəetmə formasıdır: "Bu, əslində ictimai idarəetmə ilə dövlət idarəetməsinin qarışıq bir formasıdır. Yəni, bu, tam şəkildə nə dövlətdir, nə də ictimai idarəetmə forması. Ortada olan bir şeydir. Bunun həm təsərrüfat fəaliyyəti, həm maliyyə fəaliyyəti həm də idarə olunması ilə bağlı müəyyən müstəqillikləri var. Söhbət dövlət müəssisələri olan xəstəxanalardan gedirsə, çox yaxşı olardı ki, onun idarə olunması ilə bağlı kollegial şəkildə bir orqan yaradılsın. Yəni, qanun buna icazə verib. Ya da ola bilər ki, bir nəfər rəhbər-idarəedici olsun".

Ekspert bunu, daha çox büdcədən səhiyyəyə yönələn xərclərin azaldılması məqsədilə yəni, bu cür dövlət müəssisələrinin özünü maliyyələşməyə keçməsi məqsədilə atılmış addım kimi qiymətləndirir: "Bu addımın büdcənin yükünün azaldılması istiqamətində əhəmiyyətli rolu olacaq. Gözləyirəm ki, hələ bundan sonra, məsələn, uşaq evləri, qapalı və açıq tipli təlim-tərbiyə müəssisələri, təhsil müəssisələri ilə bağlı da bu cür idarəetmə formalarından istifadə etsinlər".

Bələdiyyə xəstəxanalarının yaradılmasına gəlincə, ekspert bildirib ki, bu, indiki vaxtda real olan məsələ deyil: "Hazırda bələdiyyələrin elə də maliyyə imkanları yoxdur ki, öz xəstəxanalarını yaradıb pullu xidmət göstərsinlər. Digər bir məsələ qanunvericiliklə bağlıdır. Bələdiyyə müəssisələri ilə bağlı bələdiyyə qanunvericiliyində bir çox ziddiyyətli məqamlar var. Mülki Məcəllə də buna imkan vermir".

"Hansısa bələdiyyə tərəfindən yaradılan müəssisənin təsisçisinin bələdiyyə olması ilə bağlı Azərbaycanda elə bir təcrübə yoxdur. Yəni, hansısa bələdiyyə müəssisəsi olsun və onun təsisçisi bələdiyyə olsun. Bu da Vergilər Nazirliyi tərəfindən bu şəkildə qeydə alınsın. Belə bir təcrübə yoxdur. İlk növbədə bu cür bələdiyyə müəssisələrinin yaradılması üçün Mülki Məcəllədə olan müvafiq müddəalara dəyişiklik olmalıdır", — Q. Toğrul bildirib.

382
Teqlər:
Elxan Əzizov, Vaqif Qarayev, publik hüquqi şəxs, Qalib Toğrul, Nazirlər Kabineti, xəstəxana
Əlaqədar
Anomal istilər 6 min insanı xəstəxanalıq edib
İlan iki dostu xəstəxanalıq etdi
Səhiyyə naziri Şirvan Mərkəzi Rayon Xəstəxanasındadır
Rayon xəstəxanalarında nikaha girmək istəyənlər üçün xüsusi kabinetlər yaradılıb
"Formula-1" ilə əlaqədar Neftçilər Xəstəxanasında xüsusi şəraitli palata yaradılıb
Diktor Sabir Ələsgərov xəstəxanaya yerləşdirilib
Koronavirus

Koronavirusu neytrallaşdıran 28 anticisim aşkar edilib

26
(Yenilənib 18:29 11.07.2020)
Tədqiqatçılar tərəfindən aşkar edilmiş anticisimlər patogenin proteininə birləşir və virusun sağlam hüceyrələrə daxil olmasına mane olur.

BAKI, 11 iyul — Sputnik. Köln Universitet Klinikasından və Almaniyanın İnfeksiya Tədqiqatları Mərkəzindən olan bir qrup alim koronavirusu neytrallaşdırmaq ehtimalı yüksək olan 28 anticismi aşkar ediblər.

Bu barədə Sputnik Azərbaycan Almaniyanın İnfeksiya Tədqiqatları Mərkəzinə istinadən xəbər verir.

"Biz orqanizmin infeksiyaya qarşı immun cavabını daha ətraflı öyrənməyi və bununla yanaşı COVID-19-un müalicəsində istifadə oluna biləcək anticisimləri tapmağı planlaşdırırdıq", - layihənin rəhbəri Florian Klayn bildirib.

Mütəxəssisin sözlərinə görə, tədqiqatçılar tərəfindən aşkar edilmiş anticisimlər patogenin proteininə birləşir və virusun sağlam hüceyrələrə daxil olmasına mane olur.

Alimlər anticisimlərin xüsusiyyətlərini "Boehringer Ingelheim" əczaçılıq şirkəti ilə birlikdə öyrənməyə davam edirlər. Klinik tədqiqatların bu il başlaya biləcəyi ehtimal olunur. Mütəxəssislər inanırlar ki, virusu neytrallaşdıran anticisimlər bir neçə həftə fəal olur və bu dövrdə insanı xəstəlikdən qoruya bilər.

26
Mövzu:
Dünyanı cənginə almış bəla
Ciyerlərin rentqeni, arxiv şəkli

Ciyərlərimizdəki "buzlu şüşə": Koronavirusa yoluxmadığımızı necə öyrənə bilərik?

885
(Yenilənib 14:29 11.07.2020)
"Koronavirusa yoluxmuş şəxslərdə “buzlu şüşə” əsasən plevral boşluğa, ağciyərin aşağı hissəsində qeydə alınır. Həkim bu kliniki gedişlərdən bilir ki, “buzlu şüşə” xəstədə koronavirusun fəsadıdır, yoxsa yox!"

Zülfiyyə Quluyeva, Sputnik Azərbaycan

BAKI, 11 iyul — Sputnik. Son günlər koronavirusa yoluxma şübhəsi ilə kompüter tomoqrafiyasına (KT) üz tutanların sayı kəsin artıb. Məlumatlara görə, test zamanı koronavirusa yoluxduğu aşkarlanmayanların KT zamanı bu virusa yoluxduğu müəyyən edilir. Əsas əlamət isə ağciyərdə “buzlu şüşə” effektinin yaranmasıdır.

Amma bu günlərdə Azərbaycan Tibb Universitetinin Tədris Cərrahiyyə Klinikasının radioloqu, ATU-nun Şüa Diaqnostikası kafedrasının müdiri, dosent Məlahət Sultanovanın "buzlu şüşə”nin mahiyyətini açıqlaması müəyyən suallara yol açıb. Radioloq deyib ki, indi onlara ən çox verilən sual “buzlu şüşə” görüntüsünün indiyədək mövcud olub-olmaması ilə bağlıdır. Həkim qeyd edir ki, bu, yalnız COVID-19 xəstələri üçün səciyyəvi deyil, digər xəstəliklərdə də görülə bilər. Lakin bu görüntü pandemiya dönəmində uyğun kliniki-laborator əlamətlərlə izlənilərsə, onda diaqnoz COVID xəstəliyi kimi dəyərləndirilir.

Respublikanın baş ftiziatrı Elcan Məmmədbəyov Sputnik Azərbaycan-a açıqlamasında bildirib ki, “buzlu şüşə” effekti əsasən koronavirusun fəsadıdır: "Belə halda ağciyərdə qan dövranında durğunluq əmələ gəlir. Bu da infeksiyanın öz təsirini göstərməsi ilə bağlıdır. Çünki koronavirus nəticəsində qanda durğunluq yaranır".

E.Məmmədbəyovun sözlərinə görə, ağciyərdə “buzlu şüşə” düzgün müalicə apardıqda tez aradan qalxır: "Əsas odur ki, vaxtında müraciət edib, vaxtında aşkarlamaq lazımdır. Əgər çox gec müraciət edilsə ağciyər üçün böyük fəsad verə bilər".

Baş fitiziatr bildirir ki, KT-ni kor-koranə etdirmək olmaz: "Xəstə KT-ni həkim göndərişi əsasında etdirməlidir. İlk növbədə həkim ağciyərlərə qulaq asmalı, xəstəni müayinə etməlidir. Xəstədən məlumat toplayıb qərar çıxartmalıdır ki, KT lazımdır, yoxsa yox. Bundan sonra ehtiyac olarsa xəstəyə KT etdirmək tövsiyə olunur".

E. Məmmədbəyov bildirir ki, rentgen ağciyərdə “buzlu şüşə” effekti ilə bağlı düzgün cavab verməyə bilər.

Elmi-Tədqiqat Ağciyər İnstitutunun İkinci Pulmonologiya şöbəsinin müdiri Sevda Mustafayeva isə əks fikir söyləyir. S. Mustafayeva Sputnik Azərbaycan-a açıqlamasında bildirib ki, “buzlu şüşə” digər pnevmoniyalarda da qeydə alına bilər. Amma S. Mustafayeva ağciyərdə “buzlu şüşə” effektinin koronaviruslu xəstələrdə fərqləndiyini söyləyir. Onun sözlərinə görə, koronavirusa yoluxmuş şəxslərdə “buzlu şüşə” əsasən plevral boşluğa, ağciyərin aşağı hissəsində qeydə alınır: "Həkim bu kliniki gedişlərdən bilir ki, “buzlu şüşə” xəstədə koronavirusun fəsadıdır, yoxsa yox. Bu həkimin KT müayinəsi ilə aşkarlanır. Həmin kompüter tomoqrafiyaya baxan həkim bunu asanlıqla müəyyən edir".

885
Mövzu:
Azərbaycanda koronavirus: son xəbərlər
Londonda küçələrin birində, arxiv şəkli

Min illərin sirli qətlinin üstü açıldı

0
(Yenilənib 00:04 12.07.2020)
Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb.

BAKI, 12 iyul — Sputnik. Böyük Britniyada sürətli bir yol çəkmək üçün layihə üzərində çalışan arxeoloqlar, dəmir dövrünə aid insan skeleti tapıblar.

Sputnik Azərbaycan xarici mətbuata istinadla xəbər verir ki, insan qalıqlarının üzü üstə olması və əllərinin arxadan bağlı olması onun qətlə yetirildiyini sübut edir. Bu barədə layihənin rəsmi saytında məlumat verilib.

Vendover yaxınlığındakı Uelvik fermasında aparılan qazıntılar zaman kişi skeleti tapılıb. O üzü üstə yerə basdırılıb və əlləri kürəyinin arxasına bağlanıb. Bu cür qeyri-adi dəfn üsulu insanın qətl və ya edam qurbanı olduğunu göstərir.

Doktor Reyçel Vuud tapıntını sirli adlandırıb. O, mütəxəssislərin bu ölümün səbəbləri barədə məlumat verə biləcəyinə ümid etdiyini bildirib.

Bununla yanaşı, arxeoloqlar bu ərazidə neolit ​​dövründən orta əsrlərə qədər dörd min il davam edən qədim insanların fəaliyyətlərinin izlərini aşkar ediblər. Belə ki, burada Stounhencə bənzəyən taxtadan hazırlanmış diametri 65 metr olan dəyirmi abidə tapılıb.

Digər maraqlı bir tapıntı, bir qurğuşun tabutdakı skelet olub. Alimlərin fikrincə, bu şəxs yüksək statusa sahib olub. Çünki belə bir bahalı dəfn üsulunu ödəmək üçün imkanları olmalıdır.

0