Giləmeyvə- moruq, çiyələk, böyürtkən

Qorxunc virus daşıyan meyvələrlə bağlı xəbərdarlıq

7672
Misirdən gətirilmiş çiyələklərdə hepatit daşıyıcıları aşkarlandı: 44 nəfər artıq yoluxub.

BAKI, 1 sen — Sputnik. Ötən gün ABŞ-da 55 nəfər Misirdən gətirilmiş dondurulmuş çiyələkdən hazırlanan smuzi içərək hepatitə yoluxublar.

Sputnik-in xarici KİV-lərə istinadla verdiyi xəbərə görə, aydın olub ki, xəstəliyin əlamətləri 6 ştatda üzə çıxıb. İlk hadisə 44 nəfərin yoluxduğu Vircinya ştatında qeydə alınıb. Merilend və Qərbi Vircinyada 4 nəfər, Şimali Karolinada, Oreqone və Viskonsin ştatlarının isə hərəsində bir nəfər bu xəstəliyə yoluxub. Xəstələrin yaş həddi 15-dən 68-ə qədərdir.

ABŞ-ın Xəstəliklərə Nəzarət və Onların Qarşısının Alınması üzrə Mərkəzinin (CDC) mətbuat katibi Nora Spenser-Lavoll bildirib ki, xəstəliyin uzun inkubasiya dövrü – 15 gündən 50 günə qədərdir.

İlkin simptomlar may ayında aşkarlanıb, bu vaxta qədər isə həkimlər yoluxma mənbəyini müəyyən edə bilməyiblər.

Artıq epidemioloqlara məlumdur ki, Misirdən gətirilmiş giləmeyvələrdən hazırlanmış smuzi “Tropical Smoothie Cafe” kafelər şəbəkəsində satılır. Bu hadisədən sonra kafenin sahibləri menyudan çiyələyi çıxarıblar və yeni partiyanı digər təchizatçılardan alıblar.

Qeyd edək ki, hepatit A – qara ciyərin virus mənşəli kəskin infeksion xəstəliyidir. Bu xəstəliyə qida və su vasitəsilə yoluxmaq mümkündür.

İnsan həyatı boyu hepatitə yalnız bir dəfə yoluxur və bundan sonra immun sistemi zəruri antitelin (antikor) istehsalına başlayır.

Adətən hepatitə yoluxmanın qarşısını almaq üçün peyvənd edirlər.

Xatırladaq ki, ABŞ-ın Federal Təhqiqatlar Bürosu ABŞ-a xaricdən, xüsusilə də Afrika və Asiya ölkələrindən gətirilən məhsullarla bağlı xəbərdarlıq yayıb. Bu xəbərdarlıqda bildirilir ki, ABŞ-a qarşı dinc terrordan – kütləvi xəstəliklərə və zəhərlənmələrə səbəb olacaq məhsullardan istifadə edilməsi  ehtimalı böyükdür.

“Elə viruslar var ki, onlar nəzarət-yoxlanış məntəqələrindən, laboratoriyalardan keçərkən ilkin əlamətləri biruzə vermirlər. Lakin bir müddət keçəndən sonra onlar inkişaf və mutasiya etməyə, insan həyatı üçün təhlükəyə çevrilməyə başlayırlar. FTB bu məhsulları ölkəyə gətirən, onları paylayan və istehlak edən insanlardan ehtiyatlı olmağı, hər hansı şübhə duyduqları an müvafiq orqanlara xəbər verməyi tövsiyə edir ” – deyə FTB-nin bəyanatında bildirilir.

 

Bir sıra ərəb ölkələrində baş verən xaos səbəbindən istehsal və ixrac olunan məhsullar üzərində dövlət nəzarəti zəifləyib. Hazırda başda ABŞ olmaqla əksər Qərb dövlətlərinin ərazisində ərəb ölkələrindən gətirilən məhsullardan istifadə xüsusilə riskli sayılır.

7672
Sinovac CoronaVac peyvəndi, arxiv şəkli

Azərbaycanda COVID-19-a qarşı peyvəndin vurulacağı tarix açıqlandı

55
(Yenilənib 18:48 15.01.2021)
İbrahim Məmmədov bildirib ki, sərtləşdirilmiş karantin rejiminin yumşaldılıb-yumşaldılmaması barədə isə məlumatı yoxdur.

BAKI, 15 yanvar — Sputnik. Azərbaycanda vaksinasiyanın başlayacağı tarix açıqlanıb. Sputnik Azərbaycan-ın məlumatına görə, bu barədə Nazirlər Kabinetinin Mətbuat Xidmətinin rəhbəri İbrahim Məmmədov TRT Avaz-a müsahibəsində deyib.

O bildirib ki, gələn həftənin əvvəli Azərbaycanda vaksinasiyaya başlanılacaq: "Həm Türkiyə, həm də Azərbaycan Çin istehsalı peyvənd alıb. Azərbaycan Türkiyə ilə eyni vaksinləri alır. Bütün məsələlərdə olduğu kimi, bu məsələdə də Azərbaycan Türkiyə ilə həmrəylik nümayiş etdirdi".

İ.Məmmədov bildirib ki, sərtləşdirilmiş karantin rejiminin yumşaldılıb-yumşaldılmaması barədə isə məlumatı yoxdur.

55
Teqlər:
brifinq, Azərbaycan, peyvənd, Koronavirus, epidemiya, COVID-19
Koronavirus xəstəsi, arxiv şəkli

Şüa ilə koronavirusu müalicə etmək təhlükəlidir

8
(Yenilənib 01:13 15.01.2021)
"Bir insanı radiasiya ilə müalicə etməyə ehtiyac yoxdur. Müxtəlif radiasiya növləri mövcuddur. Rentgen şüaları və ultrabənövşəyi şüaların fərqi çox böyükdür"

BAKI, 15 yanvar — Sputnik. Koronavirusun radiasiya dozaları ilə müalicəsi təhlükəli ola bilər. Radiasiya və ultrabənövşəyi şüalardan səthləri və havanı dezinfeksiya etmək daha yaxşıdır. Sputnik Azərbaycan Rusiya mətbuatına istinadla xəbər verir ki, bu barədə tibb elmləri doktoru, virusoloq Anatoli Altşteyn danışıb.

Rusiya və Özbəkistandan olan elm adamları zəif dozalı radiasiyanın koronavirusu və mutasiyalarını insana zərər vermədən məhv edə biləcəyini müəyyən ediblər.

Bu barədə əvvəllər Ural Federal Universitetinin mətbuat xidməti də məlumat vermişdi.

Universitetdən verilən məlumata görə, COVID-19-a radiasiya təsirinin tədqiqi Ural Federal Universiteti və Özbəkistan Respublikası Elmlər Akademiyasının alimləri tərəfindən aparılır. Birgə tədqiqatlar zamanı yumşaq rentgen və ultrabənövşəyi şüalanmanın koronavirusa təsirinin xüsusiyyətləri aşkar olunub.

"Bir insanı radiasiya ilə müalicə etməyə ehtiyac yoxdur. Müxtəlif radiasiya növləri mövcuddur. Rentgen şüaları və ultrabənövşəyi şüaların fərqi çox böyükdür", - deyə Altşteyn bildirib.

Belə ki, bir insana içindəki koronavirusu öldürə biləcək dozada şüa verilərsə, onun özünə zərər vermək ehtimalı böyükdür.

Virusoloq buna alternativ olaraq qeyd edib: "Səthləri şüalandırmaq ən yaxşı dezinfeksiyadır. Havada bir virusu ultrabənövşəyi şüalarla öldürmək olar". 

8
Teqlər:
təhlükə, radiasiya, şüa, Koronavirus, epidemiya, COVID-19
Mövzu:
Yeni tip koronavirus pandemiyası
Türkiyə Prezidenti Rəcəb Tayyib Ərdoğan koronavirusdan peyvənd vurdurur

Ərdoğan koronavirus peyvəndindən sonra: "Sapsağlamam"

0
(Yenilənib 00:05 16.01.2021)
Türkiyə Prezidentinə yanvarın 14-də Çinin "Sinovac" şirkətinin istehsalı olan "CoronaVac" vaksini vurulub.

BAKI, 16 yanvar — Sputnik. Bu ana qədər hər hansı bir yan təsiri olmayıb. Sputnik Azərbaycan "Hurriyet" nəşrinə istinadən xəbər verir ki, bunu Türkiyə Prezidenti Rəcəb Tayyib Ərdoğan jurnalistlərə açıqlamasında bildirib.

"Bu ana qədər hər hansı bir yan təsiri olmayıb. Sapsağlamam. 28 gün sonra ikinci iynəmizi vurduracağıq", - deyə Ərdoğan qeyd edib.

Qeyd edək ki, Türkiyə Prezidenti Rəcəb Tayyib Ərdoğan canlı yayımda koronavirusa qarşı peyvənd edilib.

Türkiyə Prezidentinə Çinin "Sinovac" şirkətinin istehsalı olan "CoronaVac" vaksini vurulub.

0