Подопытные мыши в лаборатории

Möcüzə: Vərəm diaqnozu qoyan siçovullar

2099
Bu siçovullar qabdakı bəlğəmi qoxlamaqla diaqnoz qoyurlar və buna görə bananla mükafatlandırılırlar.

BAKI, 10 avq-Sputnik. Vərəmin sürətlə yayıldığı bir zamanda Mozambik və Tanzaniyadan olan mütəxəssislər bu xəstəliyin diaqnozunun daha tez və ucuz yolla — nəhəng kisəli siçovullar vasitəsilə qoyulması üsulunu aşkar ediblər.

Pişik böyüklüyündə olan bu siçovullar iybilmə qabiliyyətləri vasitəsilə vərəm diaqnozu qoymaq üçün istifadə olunan ənənəvi üsulların müəyyənləşdirə bilmədiyi 10 min nəfərdə adıçəkilən xəstəliyin əlamətlərini tapıblar.

Sputnik "CBC"yə istinadla xəbər verir ki, tədqiqatı həyata keçirən həkimlərdən biri Stüart Reyd vərəm törədən bakteriyaların insan orqanizmində bir sıra birləşmələr ifraz etdiyini bildirib. Diqqətə çatdırıb ki, məhz həmin siçovullar xüsusi dəqiqliklə həmin elementləri aşkar etmək qabiliyyətinə malikdirlər. Xüsusi olaraq əhilləşdirilmiş bu siçovullar qabdakı bəlğəmi qoxlamaqla bir növ diaqnoz qoyurlar və hər reaksiyalarına görə əzilmiş bananla mükafatlandırılırlar.

İnkişaf etmiş ölkələrdə analizlər xüsusi mikroskoplar ilə həyata keçirilir. S.Reyd aşkar etdikləri vasitənin bu ənənəvi üsuldan daha sürətli və dəqiq olduğunu iddia edir: "Mikroskop vasitəsilə gündə 20 xəstənin vəziyyəti müəyyənləşirsə, siçovullar 20 dəqiqə ərzində 100 xəstəyə diaqnoz qoya bilərlər".

Qeyd edək ki, Dünya Səhiyyə Təşkilatı siçovullar vasitəsilə vərəm diaqnozunun qoyulmasının genişmiqyaslı tətbiqini məqsədəuyğun hesab etməsə də, Efiopiya və bir sıra digər Afrika ölkələri bu üsuldan tam istifadə etmək üçün daha geniş tədqiqatların aparılması qərarına gəliblər.

2099
Teqlər:
Tanzaniya, siçovul, vərəm, Dünya Səhiyyə Təşkilatı, Mozambik
Əlaqədar
Sosial şəbəkədə rekord qıran siçovul

Azərbaycanda son sutkada koronavirusa yoluxan ölənlərin sayı açıqlandı

22
(Yenilənib 19:03 25.01.2021)
İndiyədək ölkədə ümumilikdə 229 032 nəfər koronavirus infeksiyasına yoluxub. Onlardan 220 565 nəfər müalicə olunaraq sağalıb, 3 093 nəfər vəfat edib, aktiv xəstə sayı 5 374 nəfərdir.

BAKI, 25 yanvar - Sputnik. Azərbaycan Respublikasında koronavirus (COVID-19) infeksiyasına 57 yeni yoluxma faktı qeydə alınıb, 273 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azəbaycan-a verilən məlumata görə, COVID-19 üçün götürülən analiz nümunələri müsbət çıxmış 11 nəfər vəfat edib.

İndiyədək ölkədə ümumilikdə 229 032 nəfər koronavirus infeksiyasına yoluxub. Onlardan 220 565 nəfər müalicə olunaraq sağalıb, 3 093 nəfər vəfat edib, aktiv xəstə sayı 5 374 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 3 257, ötən müddət ərzində isə ümumilikdə 2 364 809 test aparılıb.

22
Teqlər:
Koronavirus, epidemiya, COVID-19
Tünzalə Ağayeva, arxiv şəkli

Bir vaxtlar "evdə qal" kampaniyasını təbliğ edirdi, indi TƏBİB-ə şikayət edir

32
(Yenilənib 15:40 25.01.2021)
"Bizim reallıqda sadaladıqlarımın heç biri işləmir, bunun obyektiv və subyektiv səbəbləri var. Alternativ fəaliyyət imkanları da yoxdur hələlik, təəssüf".

Şahpəri Abbasova, Sputnik Azərbaycan

BAKI, 25 yanvar — Sputnik. Xalq artisti Tünzalə Ağayeva TƏBİB-ə müraciət edib. Sputnik Azərbaycan xəbər verir ki, müğənni bu barədə özünün "Facebook" səhifəsində yazıb: "Hörmətli TƏBİB, pandemiya boyu bütün qaydalara riayət edən və "evdə qal" kampaniyasının təbliğatçılarından olan Xalq artisti kimi sizə müraciət edirəm. Qonşu Türkiyə və Rusiya kimi ölkələrin sənətçilərinin pandemiya dövründə bəlli çərçivədə də olsa fəaliyyətlərini görürük. Nə vaxta qədər bizdə mədəniyyət, i̇ncəsənət sahəsinə qarşı qadağalar davam edəcək?! Nəzərinizə çatdırım ki, təəssüf ki, əksər Azərbaycan musiqiçilərinin, eləcə də mənim müəllif hüquqlarımızın qorunması və hər hansı bir gəlir əldə edilməsi mövzusu yox dərəcəsindədir".

Xalq artisti həmkarlarının acınacaqlı vəziyyətindən danışdı: "Belə reallıqda, maddi gəlir və alternativ fəaliyyət şəraiti olmayan vəziyyətdə imkan yaradın ki, biz də digər təcrübədə olduğu kimi, bəlli sayda auditoriyalı konsertlər, tədbirlər edə bilək və bilirsiniz ki, bu təqdirdə minlərlə insan ağır vəziyyətdən çıxa bilər. Minlərlə musiqiçi sadəcə gündəlik qazancla yaşayır, onlardan artıq dünyasını dəyişənlər də oldu, çox yazıq, digərləri də paramparça vəziyyətdədirlər. Bununla Musiqi Mədəniyyəti çox qiymətli sənətçiləri itirə-itirə gedir".

Müğənni əlavə edib ki, Azərbaycan tanınmışları haqqında əksər insanlar tərəfindən olduqca yanlış bir təsəvvür var: "Baxın, başqa ölkələrdə musiqiçi, artist kimi məşhurlaşmaq çox yaxşı qazanmaq deməkdir. Albom, konsert satışı, internetdə rəqəmsal ticarət, müəllif hüquqlarından gələn gəlir həmin məşhurun qazancıdır. Bizim reallıqda sadaladıqlarımın heç biri işləmir, bunun obyektiv və subyektiv səbəbləri var. Alternativ fəaliyyət imkanları da yoxdur hələlik, təəssüf. Bizdə məşhur musiqiçi və artist olmaq iş adamı demək deyil. O, Allahın verdiyi səs telləri, istedadı, sadəcə sənət bacarığı sayəsində fəaliyyət göstərir və 1 ildir tamamən, 100% durğunluq içindədir. Bu vəziyyət musiqi mədəniyyətinə töhfələr verə bilən istedadlı peşəkarların itkisinə aparır".

32
Teqlər:
müraciət, Tibbi Ərazi Bölmələrini İdarəetmə Birliyi, Tünzalə Ağayeva

Xırdalanda partlamış evin dağıntıları altından qadın meyiti çıxarılıb

0
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

0