QİÇS – Qazanılmış İmmun Çatışmazlığı Sindromu

QİÇS Azərbaycanda təhlükəli xəstəliklər siyahısından çıxarılacaq?

717
Professor Adil Qeybulla: "Bizə gələn QİÇS infeksiyasının böyük əksəriyyəti Rusiyanın payına düşür. Bizim gənclər Rusiyadan bu infeksiyanı Azərbaycana gətirirlər"

BAKI, 12 iyul — Sputnik. Bir neçə gün əvvəl QİÇS virusunun təhlükəli xəstəliklər siyahısından çıxarıldığı barədə xəbər vermişik. Məlumatı Avstraliyadan olan elm adamları açıqlayıblar. Onlar bu durumu, hələ ki ancaq öz ölkələrinə aid ediblər.

Avstraliyada bu xəstəliyin təhlükəli həddə olmadığını deyən tibb mütəxəssisləri hesab edirlər ki, artıq bu xəstəliyin nəzarətdə saxlanmasına ehtiyac qalmayıb: "İnsanlar buna müalicəsi olan xəstəlik kimi baxırlar. QİÇS-ə yoluxanlar müalicə alırlar və xəstəlikdən xilas olurlar".

Alimlərin sözlərinə görə, hazırda QİÇS-ə səbəb olan HİV-lə mübarizə davam edir: "QİÇS, əsasən səbəbi müəyyən edilməmiş HİV-ə yoluxma zamanı ortaya çıxır. Bu xəstəliyin müalicəsi zamanı qəbul edilən dərman preparatlarının tərkibi və keyfiyyəti önəmlidir. HİV-ə yoluxan xəstələr bu dərmanlar sayəsində uzun ömür yaşayırlar və ölüm təhlükəsindən uzaq olurlar".

Avstraliyanın QİÇS-lə Mübarizə Federasiyası hesab edir ki, xəstəliklə mübarizədə ölkələrin əməkdaşlığı vacibdir: "Avstraliyada görülən tədbirlər sayəsində müsbət nəticə əldə etmək mümkün olub".

Bəs Azərbaycanda necə? QİÇS xəstəliyi hələ də təhlükəli xarakter daşıyırmı? Bu virusla mübarizə necə aparılır? Müalicə ilə birdəfəlik xilas olmaq mümkündürmü?

Sputnik-in suallarını cavablandıran tibb elmləri doktoru, professor Adil Qeybullanın sözlərinə görə, QİÇS-ə qarşı effektiv dərman preparatları hazırlanıb və bu dərmanlar həm ömrü uzadır, həm də həyatı sağlamlaşdırır: "Hal-hazırda mövcud olan preparatlarla həyatın keyfiyyətinin yaxşılaşdırılması və ömrün uzadılması məsələlərində xeyli irəliləyiş var. Artıq bu infeksiya təhlükəli infeksiyalar sırasından çıxarılıb. 4 karantin infeksiyasından biri olan təbii çiçək də zamanında vaksinasiya hesabına bu siyahıdan çıxarılıb".

Həkim Adil Qeybulla
MeydanTV
Səhiyyə eksperti Adil Qeybulla

"İndi onun yerini qrip əvəz edir. Bu cür proseslər elmin inkişafı boyu həyata keçirilir. Bütün subtitırlara qarşı effektiv dərman preparatları hazırlanıb. Onlar həm ömrü uzadır, həm həyatın keyfiyyətini yaxşılaşdırır", — mütəxəssis bildirib.

Professor qeyd edib ki, Azərbaycanda da bu dərmanlardan var və dövlət xətti ilə xaricdən gətirilir.

O, ölkəmizdə QİÇS xəstəliyinin təhlükə siyahısından çıxarılmamasını isə belə izah edib: "Biz də Ümumdünya Səhiyyə Təşkilatı və digər təşkilatların təklifləri əsasında fəaliyyət göstəririk. Yəqin ki, bizdə də bu cür adekvat qərar olmalıdır. Amma mən hesab edirəm ki, QİÇS infeksiyası istənilən halda daim diqqət mərkəzində olmalıdır. Bunun yayılması, yoluxma hallarının qarşısının alınması üçün maksimum tədbirlər görülməlidir. Bu infeksiyanı qulaqardına vurmaq mümkün deyil. Biz kiçik ölkəyik, əhalimiz də azdır. Ona görə daha diqqətli olmalıyıq".

"Azərbaycanda 3 milyona yaxın insan miqrasiya durumundadır. Ölkədən kənara çıxırlar, gəlirlər. Bizə gələn QİÇS infeksiyasının böyük əksəriyyəti Rusiyanın payına düşür. Bizim gənclər Rusiyadan bu infeksiyanı Azərbaycana gətirirlər. Bu gün ayrı-ayrı ailələrdə QİÇS infeksiyasının olması faktları var", — mütəxəssis qeyd edib.

A. Qeybulla, maarifləndirmə baxımdan televiziya və digər KİV-lərin fəaliyyətini isə yetərsiz sayıb: "Bizim televiziya kanallarımız mənasız, lüzumsuz verilişlərin yerinə arada maarifləndirici, sosial videoçarxlar da yayımlasalar, yaxşı olar. Bunlar çox həssas mövzulardır. Başqa ölkələrdə buna diqqət yetirirlər, ancaq bizdə yox".

717
Teqlər:
QİÇS virusu, Avstraliya, Adil Qeybulla, xəstəlik, Azərbaycan
Əlaqədar
İranda 7,4 min nəfər QİÇS-dən ölüb
Peşəkar Futbol Liqasından QİÇS-lə mübarizəyə dəstək
Bizə adi görünən bu xəstəlik tibb elmi üçün sirr olaraq qalır
Nazir: Ailə quranların 7%-də irsi qan xəstəlikləri aşkar olunub
Ölkəyə gətirilən meyvədə xəstəlik aşkarlandı
Aleksandr Myasnikov, arxiv şəkli

Məşhur həkim yenə qorxudur: "Fəlakətin bir addımlığındayıq"

22
(Yenilənib 15:25 29.11.2020)
"Virusoloqların sözləriylə desək, ciddi epidemiya bizdən bir-iki mutasiya aralıdır. Elə Çinin özündə müntəzəm olaraq quş və donuz qruplərinin mutasiyasını qeydə alırlar"

BAKI, 29 noyabr - Sputnik. Həkim və teleaparıcı Aleksandr Myasnikov dünyada yeni, ölüm göstəricisi yüksək olan pandemiyanın olacağı barədə xəbərdarlıq edib.

Sputnik Azərbaycan bildirir ki, bu barədə Myasnikov özünün Telegram kanalında yazıb.

 

Həkim qeyd edib ki, insanlar COVID-19 kimi epidemiyalara hazır deyillər. Üstəlik, onlara qarşı universal vaksin yoxdur.

"Əgər 35-40 faiz ölüm göstəricisi olan virus yayılsa, o cür vaksinin peyda olmasınadək on milyonlarla insan həlak olacaq. Dediyim odur ki, indi bütün alimlərin gücünü məhz bu cür vaksinin hazırlanmasına yönəltmək lazımdır! İstədikləri qədər pul və vəsaitlə təmin etmək lazımdır. Yoxsa sonra dəfələrlə baha başa gələcək", - o qeyd edib.

Myasnikov deyir ki, bəşəriyyət məhz qrip təhlükəsi altındadır - ya quş, ya da donuz.

"Virusoloqların sözləriylə desək, ciddi epidemiya bizdən bir-iki mutasiya aralıdır. Elə Çinin özündə müntəzəm olaraq quş və donuz qruplərinin mutasiyasını qeydə alırlar, fəlakətin bir addımlığındayıq!" - mütəxəssis yazıb.

22
Teqlər:
pandemiya, mutasiya, Çin, dünya, donuz qripi, Quş qripi, qrip, epidemiya
Koronavirus testi, arxiv şəkli

Dünyaya təəccüblənirdik, özümüz milyonu keçmişik: bu gün 38 nəfəri itirdik

44
(Yenilənib 14:47 29.11.2020)
İndiyədək ölkədə ümumilikdə 1181195 nəfərin koronavirus infeksiyasına yoluxması faktı müəyyən edilib

BAKI, 29 noyabr - Sputnik. Azərbaycan Respublikasında koronavirus (COVID-19) infeksiyasına 4170 yeni yoluxma faktı qeydə alınıb, 1985 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 38 nəfər vəfat edib.

İndiyədək ölkədə ümumilikdə 1181195 nəfərin koronavirus infeksiyasına yoluxması faktı müəyyən edilib, onlardan 73676 nəfər müalicə olunaraq sağalıb, 1361 nəfər vəfat edib, aktiv xəstə sayı 43158 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 17581, ötən müddət ərzində isə ümumilikdə 17182335 test aparılıb.

44
Teqlər:
rekord, ölənlər, yoluxma, Koronavirus, epidemiya, COVID-19, Azərbaycan
Mövzu:
Azərbaycanda koronavirus: son xəbərlər
Fransa polisi

"Demokratiyanın beşiyi"ndə iğtişaşlar: qanun layihəsi 133 min insanı özündən çıxardı

0
(Yenilənib 17:30 29.11.2020)
Polislərin foto və videolarının çəkilməsini qadağan edən qanun layihəsi Fransada 133 min insanı hiddətləndirib. Onlar küçələrə axışaraq polislərə "əl gəzdirməyi" özlərinə brc biliblər

BAKI, 29 noyabr - Sputnik. Fransada şənbə günü, noyabrın 28-də keçirilən "Qlobal təhlükəsizlik haqda" qanun layihəsinə qarşı etiraz aksiyalarında ən azı 62 polis əməkdaşı xəsarət alıb.

Sputnik Azərbaycan xarici KİV-ə istinadən bildirir ki, 23 polis işçisi Parisdə, 39-u isə əyalətlərdəki aksiyalarda yaralanıb.

Həmçinin bildirilir ki, iki nəfər etirazçı Baş Polis Müfəttlişliyinə hüquq-mühafizə orqanları tərəfindən zorakılığa məruz qaldıqları barədə şikayət edib.

Etiraz aksiyası zamanı suriyalı fotoqraf Əmir Əl-Həlbi başından yaralanıb. "Sərhədsiz reportyorlar"ın baş katibi Kristof Deluar fotoqrafa qarşı "polis tərəfindən yolverilməz zorakılığı" qınayıb.

Ölkə üzrə 80 etirazçı həbs edilib.

Noyabrın 28-də Fransanın 70 şəhərində "Qlobal təhlükəsizlik haqda" qanun layihəsinə qarşı etiraz aksiyaları keçirilib. Bu layihə faktiki olaraq polis və jandarmeriya əməkdaşlarının foto və videolarını çəkməyi qadağan edir. Etiraz aksiyalarında "Siz silahları endirin, biz də kameraları" şüarları səsləndirilib. Aksiyalarda 133 min nəfər iştirak edib.

0
Teqlər:
qanun layihəsi, xəsarət alanlar, polis, etiraz aksiyaları, iğtişaş, Fransa