Ranazan süfrəsi

Bu gündən etibarən aşağıdakı qaydalara əməl etməsəniz...

189
(Yenilənib 16:54 06.06.2016)
Türkiyəli ekspertlər Ramazan ayında yeyib-içilməsi tövsiyyə olunan və olunmayan qidaların menyusunu hazırlayıblar

BAKI, 6 iyun — Sputnik. Müqəddəs Ramazan ayı yetişdi. Bu gün axşam niyyət axşamı, sabah isə orucluğun ilk günüdür. Havaların isti olmasının yaratdığı çətinliklərlə yanaşı, bu Ramazanda oruc tutma müddəti də çox uzun, yəni iftarla sahur arasında yemək yemə vaxtının da çox qısa olacaq. Bu vəziyyət sağlam həyat tərzinə necə təsir edəcək?

Bakıldakı Şəhidlər məscidi
© Sputnik / Murad Orujov

Türkiyəli tibb mütəxəssisi (daxili xəstəliklər üzrə ekspert) Ayça Kaya sağlam oruc tutmağın incə nöqtələrindən danışıb. Ramazanda ən böyük çətinliyin susuzluqla bağlı olduğunu deyən Kayanın sözlərinə görə, bu günlərdə iftarla sahur arasında yeməkdən çox su içmək məsləhətdir.

"İftarla sahur arasında minimum 8-10 stəkan su içmək lazımdır. Kifayət qədər su içməmək həkimə məsləhətləşmədən oruc tutan yaşlılarda şəkər, təzyiq və ürək xəstələrində böyrək çatmazlığına səbəb ola bilər", — həkim deyib.

O bildirib ki, çay və qəhvə suyun yerini verə bilməz: "Bu ikisini xüsusilə sahur süfrələrindən çıxarmaq lazımdır. Onun yerinə cökə, adaçayı kimi daha rahat çayları seçmək olar. İlk seçimimiz razyana çayı ola bilər. Bu çay həm mədəni rahatlaşdırır, həzmi asanlaşdırır, həm də gün ərzində adamın daha çox tox qalmasını təmin edir".

Mütəxəssis deyib ki, insanı tox tutacaq yeməklərdən qatıq və yumurtadan istifadə oluna bilər: "Xüsusilə sahur yeməyində. Sahurda yağlı yeməklər yemək gün ərzində susuzluğu artırır, dayanıqlılıq müddətini də qısaldır. Ən yaxşı sahur yeməyi qəhvəaltıdır, amma sahurda pide yeməyin. Ağ çörək qan şəkərini dalğalandırır və gün ərzində insana aclıq verir. Sahurda tam buğda və qara çörəklərdən istifadə edilməlidir".

Şəkər xəstələri, diqqət!

Ayça Kayanın sözlərinə görə, uzun müddət ac qalan zaman qanda şəkər hədsiz dərəcədə aşağı düşür: "Bu səbəbdən orucu xurma və bir stəkan su ilə açmaq ən yaxşısıdır. Xurma qan şəkərini çox yaxşı tarazlayır. Birdən çox yeyildiyi zaman mədə problemləri yaşana biləcəyindən, iftarı şorba ilə başlamaq da çox doğru bir seçimdir".

Mütəxəssis bildirir ki, Ramazanda kifayət qədər su istehlak edilmədiyi üçün, qəbizlik ən böyük problemlərdən birinə çevrilə bilər: "Ona görə hər süfrədə mütləq ən az iki növ salat olmalıdır. Biri yaşıl salat, yanında da qaynadılmış, bişmiş tərəvəz salatı ola bilər. Meyvələrdən də istifadə unudulmamalıdır. Süfrədə plov, pide, şorba, kartof və s. bir yerdə yeyilməməlidir. Çoxlu karbonhidrat qan şəkərini çox sürətli yüksəldə bilər".

"Süfrədə toyuq, balıq və ya qırmızı ətdən biri mütləq olmalıdır. Protein kifayət qədər olmazsa, qarında yağlanma artır. Basdırma, sosiska, duzlu pendirlər su ehtiyacını artırır. Bunların yerinə pomidor, xiyar seçilməlidir. Meyvələri çiy yemək ən yaxşıdır. İftardan sonra mümkünsə yarım saat gəzmək lazımdır", — Kaya vurğulayıb.

Xüsusi Ramazan menyusu

Türkiyənin Acıbadem Universitetinin bəslənmə və diyeta bölümünün rəhbəri, professor Murat Baş da Ramazan üçün xüsusi menyu tərtib edib. Belə ki:

Birinci menyu

İftara:
— 1 xurma
— 2 qoz içi
— 1 dilim ağ pendir
— Yarım ovuc böyüklüyündə pide
— 1 çömçə şorba
— 1 qab tərəvəzlə ətin tez-tez qarışdırılaraq qızardılması
— 4 qaşıq yarma plovu
— 1 kasa qatıq
— Mövsümə görə salat

İftarla Sahur arasında:
— 10 çiyələk
— 2 dondurma

Sahurda:
— 1 yumurta və 2 yumurta ağından göbələkli omlet
— 1 dilim az duzlu ağ pendir
— 2 dilim tam taxıllı çörək
— 1 dilim qarpız
— tərəvəzlər (pomidor, xiyar)
— Bol su

İkinci menyu

İftara:
— 1 xurma
— 2 qoz içi
— 1 dilim ağ pendir
— Yarım ovuc böyüklüyündə pide
— 1 çömçə təzə pomidor şorbası
— 1 qab qıymalı-noxudlu bamya
— 1 kasa atlama
— Mövsümi salat

İftarla Sahur arasında:
— 1 dilim güllaç (rahat həzm edilən türk şirniyyatlarından biri)
— 1 ədəd tavada tez-tez qarışdırılaraq qızardılmış şaftalı

Sahurda:
— 2 qaynadılmış yumurta
— 1 dilim az duzlu ağ pendir
— 2 dilim tam taxıllı çörək
— 15 albalı
— 10 çiy badam
— tərəvəzlər (Pomidor, xiyar kimi)
— Bol su

"Hər orqanizmin fərqli xüsusiyyəti var"

Məsələ ilə əlaqədar həkim, tibbi ekspert Rasif Bağırov Sputnik-ə açıqlamasında deyib ki, qidanı az qəbul edəndə orqanizmin suya tələbatı da azalır: "Qida məhsulları qəbul olunanda orqanizmdə müəyyən mayelərin qəbuluna tələbat olur ki, həzm prosesi, parçalanma yaxşı getsin, yəni, biokimyəvi proseslərin gedişində suya ehtiyac yaranır".

Ekspert bildirib ki, havaların isti olması, orqanizmdə tərləmənin, buxarlanmanın çoxalması suya tələbi artırır: "Düşünmürəm, hansısa bir qida məhsulu var ki, suya dözümlülüyü artırsın. Yəni, bunu qəbul et, dözümlülüyü artırsın. Belə bir şey yoxdur".

"Hər bir orqanizmin özünün invidual olaraq tər ifraz etmə xüsusiyyəti var. Yəni, kütləvi şəkildə insanlara demək ki, məsələn, hansısa bir qidanı qəbul edin, dözümlülüyünüz artsın. Bu bir az çətin məsələdir", —deyə ekspert əlavə edib.

189
Teqlər:
Murat Baş, Ayça Kaya, sahur, imsak, iftar, orucluq, Ramazan ayı, Rasif Bağırov, qida
Əlaqədar
Azərbaycanda Ramazan təqvimi açıqlandı
Ramazan bayramı Çində böyük coşğuyla qeyd olunur
İŞİD Ramazanı 100 nəfəri partlatmaqla qeyd edib
Bu gün Azərbaycanda Ramazan bayramı qeyd olunur
Ramazan bayramında 4 gün istirahət
Ramazan ayında özbaşına dini təqvimlər çap edənlər cəzalandırılacaq
Vitaminlər, arxiv şəkli

B2 vitamini hansı problemlərə səbəb olur?

21
Həzm sistemi də B2 vitamini çatışmazlığından da əziyyət çəkə bilər. Bu zaman maddələr mübadiləsi pozulur.

BAKI, 29 noyabr — Sputnik. Perdana Universitetinin mütəxəssisləri B2 vitamini çatışmazlığını təhlükəsi barədə danışıb.

Sputnik Azərbaycan xarici mətbuata istinadla xəbər verir ki, alimlər, vitamin B2 və ya riboflavinin antioksidan xüsusiyyətlərə sahib olduğunu, sərbəst radikalları təsirsiz hala gətirə bilmə qabiliyyətinə malik olduğunu və bəzi xəstəliklərin yaratdığı oksidləşmə zərərini azalda bildiyini qeyd edib. 

Yüksək səviyyədə sərbəst radikallar hüceyrələrə və toxumalara zərər verə bilər. Bu isə sonradan xərçəng, ürək-damar xəstəlikləri, diabet və Alzheimer xəstəliyi riskini artırır.

Eyni zamanda riboflavinin çatışmazlığı artan oksidləşdirici stres ilə əlaqədardır. Bu da hematopoetik sistemin funksiyaların pisləşməsinə, anemiya və eritroid hipoplaziyasına səbəb ola bilər.

Həzm sistemi də B2 vitamini çatışmazlığından da əziyyət çəkə bilər. Bu zaman maddələr mübadiləsi pozulur.

Bununla yanaşı mütəxəssislər bu maddənin orqanizm üçün lazımlı miqdarda olmamasının miqrenə, saç tökülməsinə, katarakta səbəb olduğunu qeyd edib.

21
Poz verən qadınlar, arxiv şəkli

Əvvəldən idi hüsnü-camalı... ya ucuz iynə ilə burun itirənlər

77
(Yenilənib 21:53 29.11.2020)
"Qan burun damarında dövr edə bilmədiyindən, qarşısı tıxandığından həmin yerdə tədricən göyərmə, nekrozlaşma, el arasında dediyimiz çürümə baş verir".

Zülfiyyə Quluyeva, Sputnik Azərbaycan

BAKI, 29 noyabr — Sputnik. Son vaxtlar sosial şəbəkələrdə burunun formasının əməliyyatsız dəyişdirilməsi ilə bağlı kosmetoloji xidmətlər təklif olunur. Burun korreksiyası adlanan bu xidmətə tələbat, demək olar ki, xeyli yüksəkdir. Rinoplastika əməliyyatı etdirməyə maddi imkanları olmayan və buna risk etməyən şəxslər kosmetoloqlara üz tutaraq burunlarını korreksiya etdirirlər. Bu kosmetoloji xidmətə günü-gündən artan maraq fəsadları ilə bağlı şikayətləri də artırıb. Sosial şəbəkələrdə burun korreksiyasından sonra burun nayihəsi nekrozlasan qadınların çoxsaylı şəkilləri yayılır. Onlar kosmetoloqlar tərəfindən burun korreksiyası etdirdikdən sonra burunlarının çürüdüyündən şikayətlənirlər. Sputnik Azərbaycan mövzunun aktuallığını nəzərə alaraq bu sahədə tanınmış kosmetoloq, Ay VİP Studionun direktoru Aytac Əsədova ilə söhbətləşib.

- Aytac xanım, son vaxtlar burun korreksiyası bir növ dəbə düşüb. Bu kosmetoloji xidmətdən yararlananlar arasında burnunun çürüməsindən şikayətlənənlər də az deyil. Bu kosmetoloji xidmət və onun fəsadları haqqında oxucularımıza məlumat verərdiniz...

- Bu aktual mövzuya toxunduğunuz üçün təşəkkür edirəm. Öncə qeyd edim ki, burun korreksiyası adlandırdığımız kosmetoloji xidmətə tələbat, doğrudan da çoxdur. Gün ərzində biz bəzən 20 belə şəxs qəbul edirik. Onlar arasında təkcə burnunun görünüşündə dəyişiklik etmək istəyənlər yox, rinoplastik əməliyyata müraciət edənlər də var. Bəzən rinoplastik əməliyyat etdirəndən sonra burnun ucunda sallanma olur. Ona görə də, xüsusilə xanımlar kosmetoloqlara müraciət edib burunlarında yaranmış bu qüsurları aradan qaldırmaq üçün burun korreksiyası etdirirlər. Amma qeyd etdiyiniz kimi, bu heç də hər kəsdə uğurlu alınmır. Hətta deyərdim ki, bəzən çox böyük fəsadlara, burnun nekrozlaşmasına gətirib çıxardır.

- Burun korreksiyası zamanı nekrozlaşmaya səbəb olan amil nədir?

- Qeyd etdiyim kimi, burnun formasında dəyişiklik üçün müxtəlif nayihələrə gel vurulur. Bəzən insanlar buna adi kosmetoloji xidmət kimi yanaşırlar. Amma əslində bu çox böyük peşəkarlıq tələb edən kosmetik xidmətdir. Mən öz tələbələrimə də deyirəm ki, burun korreksiyası və işıq dolğusu sizin ən sonda edəcəyiniz iş olmalıdır. Çox təəssüf ki, üz anatomiyasından xəbərdar olmayan, iynə vurmağı bacarmayan şəxslər bu gün kosmetoloq həkim kimi fəaliyyət göstərirlər. Əzələyə iynə vurmağı bacarmayan insanın çox sayda damarın keçdiyi burun nayihəsinə iynə vurması çox təhlükəlidir. Onlar iynəni buruna vurarkən müəyyən tibbi prosedurlara əməl etməlidirlər. İynə buruna yeridildikdən sonra geri çəkilməlidir. Biz şprisin burunda damara düşmədiyinə əmin olmalıyıq. Naşı kosmetoloqlar bunu bilmirlər. Onlar şprisin içindəki geli buruna yeridirlər. Bu zaman həmin gel damara daxil olur. Beləcə damarda qanın dövr etməsinin qarşısını alır. Qan həmin nayihədə damarda dövr edə bilmədiyindən, qarşısı tıxandığından həmin yerdə tədricən göyərmə, nekrozlaşma, el arasında dediyimiz çürümə baş verir.

- Dediklərinizdən belə bəlli olur ki, bu əslində çox riskli bir kosmetik xidmətdir. Bəs bunun müalicəsi mümkündürmü?

- Əlbəttə ki, mümkündür. Amma vaxtında müraciət etmədikdə çox böyük fəsadlar verə bilər. Biz öncə müalicə edərək burun damarına vurulmuş o geli əridib damardan kənarlaşdırmalıyıq. Əks halda çürümənin qarşısını almaq çətin olar.

- Bu xidmətdən yararlanan qadınlara bir peşəkar kimi nə tövsiyə edərdiniz?

- İlk tövsiyəm odur ki, burun korreksiyası ilə bağlı müraciət etdikdə kosmetoloqun peşəkarlığına əmin olsunlar. Bu gün müxtəlif kosmetoloqlar öz Instagram səhifələrində qüsursuz burunları fotoşopla düzəldərək öz əl işləri kimi səhifələrdə yayırlar. Bu şəkilləri görən qadınlar hesab edirlər ki, bu qüsursuz burun onların əl işləridir. Beləcə, aldanaraq burun korreksiyası etdirirlər. Bu zaman fəsadlar ortaya çıxır.

- Burun korreksiyası üçün kosmetoloq hansı biliklərə malik olmaldır?

- İlk növbədə kosmetoloqun mütləq şəkildə tibbi təhsili olmalıdır. Dünən dırnaq qaynaq edənlər, lazer edənlər burun korreksiyası xidməti təklif edirlər. Əlbəttə ki, bu yolverilməzdir. Kosmetoloq hansısa sertifikatı alıbsa, bu onun peşəkarlığına dəlalət etmir. Kosmetoloq həkim kimi fəaliyyət göstərənlərin mütləq şəkildə tibbi biliyi olmalıdır. Bu bilikləri olmasa, onlar, əlbəttə ki, iynəni üzün hansı nahiyəsindən vurmağın fəsadlara səbəb olacağını bilməyəcəklər. Çox təəssüf ki, bu gün adi evdar qadınlar da işsizlik problemlərini həll etmək üçün kosmetoloq kimi fəaliyyət göstərirlər. Bu da qeyd etdiyiniz fəsadların yaranmasına gətirib çıxarır.

- Müasir dövrümüzdə xanımlara göstərilən kosmetik xidmətlərin çeşidi günü-gündən artır. Gözəlləşmək üçün bu yenilikləri sınaqdan keçirənlər arasında arzusuna çatanlar da olur, əks effekt görənlər də. Bu gün ən çox fəsadlar hansı kosmetik xidmətlər zamanı baş verir?

- Dolğulardan istifadəyə günümüzdə tələbat yüksəkdir. Amma çalışmalıyıq ki, istifadə edilən kosmetik məhsullar keyfiyyətli olsun. Biz Səhiyyə Nazirliyinin yoxlamasından keçən kosmetik vasitələrdən yararlanırıq. Bəzən bizim mərkəzin qapısını döyüb aşağı qiymətə müxtəlif kosmetoloji məhsullar təklif edənlər olur. Amma biz onları qəbul etmirik. Bu məsələ həm də kosmetoloqun insafına bağlı məsələdir. Çox arzu edərdim ki, bu məsələyə aidiyyatı qurumlar tərəfindən nəzarət artırılsın. Tibbi təhsili olmayanların kosmetoloq kimi fəaliyyətinə icazə verilməməlidir. Bu zaman biz kosmetik xidmətlərlə bağlı fəsadlara, şikayətlərə də az rast gələrik.

77
Teqlər:
dəb, rinoplastika, çürümə, gözəllik salonu, Bakı, kosmetoloq, iynə, gel, burun
Dieqo Armando Maradona

Maradonanın həkimi ittihamlara cavab verdi

0
(Yenilənib 23:55 29.11.2020)
Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər

BAKI, 29 noyabr - Sputnik. Argentina millisinin sabiq oyunçusu Dieqo Armando Maradonanın həkimi Leopold Luke futbolçunun ölümü barədə ittihamlara reaksiya verib.

Sputnik Azərbaycan xarici mətbuata istinadən bildirir ki, həkim baş verənlərdə heç kimi, o cümlədən də özünü günahkar bilmir. O həmçinin istintaqla əməkdaşlıq etməyə hazır olduğunu da deyib. Luke vurğulayıb ki, Maradonanın evindəki tibbi heyət futbolçunun alkoqol asılılığından müalicəsi ilə məşğul idi və ürəktutmasının qarşısını ala bilmədi.

Bu gün məlumat yayılıb ki, Lukenin evində və klinikasında axtarış aparılıb. Bundan başqa həkimi Maradonaya kömək göstərməməkdə və bilməyərəkdən onun ölümünə səbəb olmaqda ittiham edirlər.

​Maradona noyabrın 25-də 60 yaşında dünyasını dəyişib. Ölümə səbəb üərk çatışmazlığı səbəbindən ağciyərdə kəskin şişkinlik yaranması olub.

Dieqo Maradona "Barselona", "Napoli", "Nyuells Old Boyz"  klublarında oynayıb. Argentina millisi ilə 1986-cı ildə dünya çempionu olub. Futbol tarixində ən parlaq oyunçulardan hesab olunur.

0
Teqlər:
axtarış, ittiham, həkim, ölüm, Dieqo Armando Maradona