Təzyiq ölçən cihaz

Bu tibbi cihazlarla - ölümlə oynamayın!

968
Apteklərdən alınan elektron təzyiqölçə aparatlarının keyfiyyətsiz olması, əksər hallarda ümumiyyətlə səhv nəticə göstərməsi ilə bağlı şikayətlər artır. Əczaçılar isə, yararsız çıxanlar cihazlara cavabdeh olmadıqlarını bildirirlər.

BAKI, 13 may — Sputnik. "Şəhərdəki apteklərindən birindən 65 manata elektron təzyiqölçən aparat aldım. Amma, deyilən bütün qaydalara riayət etməyimizə baxmayaraq, aparat səhv nəticə ortaya çıxardı".

Bunu Sputnik-ə müraciət edən, paytaxt sakini Nailə Əhmədova deyib. Onun sözlərinə görə, elektron cihazla atasının təzyiqini ölçərkən, ilk dəfə 174 göstərib, ardınca ikinci dəfə ölçüblər, bu dəfə isə təzyiq 180 olub: "Təcili yardım çağırmalı olduq. Təcili yardım həkimi atamın təzyiqini öz təzyiqölçəni ilə ölçdü və 130 göstərdi. Bu zaman anladıq ki, bizə satılan təziq aparatı xarabdır".

Qadın həmin cihazı aldığı aptekə apararaq qaytarmaq istəyib: "Lakin aptekin müdiri cihazi geri qaytarmaq istəmədi. "Biz elektron cihazlara cavabdeh deyilik" söyləyərək məsuliyyəti boynundan atmağa çalışdı. Mən ödəniş çekini göstərərək, alınan malı 14 gün ərzində geri qaytarmaq və ya dəyişmək, hətta məhkəməyə müraciət etmək hüququmun olduğunu söylədim. Nəhayət, qanunları sadaladıqdan sonra cihazı qaytarıb, pulumu geri ala bildim".

Məsələni Sputnik-ə şərh edən hüquqşunas Səməd Vəkilov, aptekin yanaşmasının qanunsuz olduğunu deyib: "Alıcı aldığı malı 14 gün ərzində, məhsulun alqı-satqısını təsdiq edən çeki ilə birlikdə, satın aldığı müəssisəyə geri qaytara və ya dəyişdirə bilər. Məhsulu dəyişmək istəməyən satıcı alıcıya yazılı surətdə məhsulu geri almama səbəbini bildirməlidir. Bu zaman alıcı məhkəməyə müraciət edə bilər".

Həkim, tibbi ekspert Rasif Bağırov isə Sputnik-ə açıqlamasında, sözügedən yararsız cihazların insanların həyatını riskə atdığını bildirib: "Bu cihazların xüsusi işlədilmə qaydaları var. Xəstənin oturması, üzərində dəmir cihazların olmaması, cihaz taxılmış əlini düzgün tutması əsas şərtlərdəndir. Bunlara əməl olunmadıqda cihaz düzgün rəqəm göstərmir və bu zaman xəstə düzgün müayinədən keçmir".

Ekspert belə cihazlardan peşəkarların istifadə etməsini tövsiyyə edir: "Amma biz həkimlər də elektron olmayan, qulaq ilə eşidilən təzyiq ölçənə üstünlük veririk. Bu aparatlar daha yaxşı və reallığa yaxın olanı göstərir. Ev şəraitinə də belə qulaq ilə ölçülən təzyiq aparatlarının alınmasını məsləhət görərdim. Çalışsınlar, elektron tibbi cihazlar almasınlar".

968
Teqlər:
cihaz, təzyiqölçən aparat, Səməd Vəkilov, təzyiq, Rasif Bağırov, aptek
Əlaqədar
Apteklərdə dəhşətli mənzərə: "Utandığımdan üzlərinə baxa bilmədim"
Apteklərdə hələ də qadağan olunmuş dərmanlar satılır
Avtomobilimizdə "apteçka", yoxsa aptek daşıyacağıq?
Manatın dəyərdən düşməsi apteklərə necə təsir etdi?
Apteklərdə reyd keçirilib, çoxlu qanunsuzluqlar aşkarlanıb
Apteklərdə dərmanları niyə tapa bilmirik?
Koronavirus testi, arxiv şəkli

Azərbaycanda son sutkada 714 nəfər koronavirusa yoluxdu - Yenə rekord

0
(Yenilənib 15:17 21.10.2020)
Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

BAKI, 21 oktyabr — Sputnik. Azərbaycanda bu gün koronavirus infeksiyasına 714 yeni yoluxma faktı qeydə alınıb, 176 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 7 nəfər COVID-19-dan vəfat edib. Hazırkı dövrədək ölkəmizdə 46 min 593 nəfərin koronavirus infeksiyasına yoluxması faktı müəyyən edilib. Onlardan 40 min 448 nəfər müalicə olunaraq sağalıb, 642 nəfər vəfat edib. Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

0
Moskvada tibb işçiləri, arxiv şəkli

Qonşu ölkədə bir gündə 300-dən çox şəxs öldü

38
(Yenilənib 12:46 21.10.2020)
Ümumilikdə, Rusiyada bu xəstəliyə yoluxanların sayı 1447335-ə çatıb. Rusiyada pandemiya yayılandan 24952 nəfər COVID-19-dan vəfat edib.

BAKI, 21 oktyabr — Sputnik. Son bir sutka ərzində Rusiyada 15700 koronavirusa yeni yoluxma halı aşkarlanıb. Sputnik Azərbaycan Rusiya Operativ Qərargahına istinadən xəbər verir ki, bir gün ərzində qonşu ölkədə 317 nəfər ölüb.

Ümumilikdə, Rusiyada bu xəstəliyə yoluxanların sayı 1447335-ə çatıb. Rusiyada pandemiya yayılandan 24952 nəfər COVID-19-dan vəfat edib. Ölkədə bu virusdan sağalanların sayı 1096560-a çatıb.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus dünyanın əksər regionları və ölkələrində yayılıb. Dünyada koronavirus infeksiyasına indiyədək yoluxanların sayı 40,7 milyonu keçib, 1,2 mindən çox adam isə virus səbəbilə ölüb.

Ümumdünya Səhiyyə Təşkilatı (ÜST) fevralın 11-də infeksiyanın törətdiyi xəstəliyin adını COVID-19 qoyub, martın 11-də isə koronavirusu pandemiya elan edib.

38

Bank soyğunçusu 18 nəfəri girov götürdü, yarım milyon istəyir

0
Beş yüz min dollar pul tələb edən soyğunçunun şəxsiyyətini müəyyənləşdirmək mümkün olmayıb. O, indi də helikopter istəyir

BAKI, 21 oktyabr — Sputnik. Gürcüstandakı banklardan birini soymağa çalışan şəxs 18 nəfəri girov götürüb. Sputnik Gürcüstan-ın verdiyi məlumata görə, soyğunçu 500 min dollar pul, maşın və helikopter tələb edib. Gürcüstan Daxili İşlər Nazirliyinin yaydığı yazılı məlumatda bildirilir ki, Zuqdidi şəhərində bir banka girən silahlı şəxs orada işləyən insanları girov götürüb. Soyğunçunun şəxsiyyəti hələ müəyyənləşdirilməyib. Bildirilir ki, onun əlində qumbara var və tələblərinin 18:00-dək yerinə yetirilməsini istəyir.

Açıqlamada o da bildirilir ki, hadisə yerinə xüsusi təyinatlı polis dəstəsi göndərilib və girov götürülən şəxslərin xilas olunması üçün əməliyyat keçirilir.

0