İcbari Tibbi Sığorta üzrə Dövlət Agentliyində keçirilən müzakirələr

İcbari tibbi sığorta üzrə avropalı ekspertlər Azərbaycana gəliblər

104
İcbari Tibbi Sığorta üzrə Dövlət Agentliyində keçirilən müzakirələrdə icbari tibbi sığorta sisteminin ödəmə metodları, Azərbaycanda icbari tibbi sığortanın tətbiqi üçün aparılmalı olan islahatlar müzakirə mövzusu olub

BAKI, 15 apr — Sputnik. Avropa İttifaqının maliyyələşdirdiyi "SOCEİUX" layihəsi çərçivəsində icbari tibbi sığorta və səhiyyə islahatları üzrə ekspertlər Mişel Villak, Erika Riçardson, Andrey Tretyak Azərbaycan Respublikasının Nazirlər Kabineti yanında İcbari Tibbi Sığorta üzrə Dövlət Agentliyinin (İTSDA) dəvəti ilə Bakıya gəliblər.

Bu barədə Sputnik-ə İTSDA-nın mətbuat xidmətinin rəhbəri Aynurə Əhmədova məlumat verib. Onun sözlərinə görə, ekspertlər Agentlikdə keçirilən görüşlərdə dünyada səhiyyənin maliyyələşmə yolları ilə bağlı təqdimat ediblər: "İcbari tibbi sığorta sisteminin ödəmə metodları, Azərbaycanda icbari tibbi sığortanın tətbiqi üçün aparılmalı olan islahatlar müzakirə mövzusu olub".

Bir həftə davam edən görüşlərdə Agentliyin mütəxəssisləri MDB və Avropa ölkələrinin icbari tibbi sığorta sistemləri haqqında söhbət açıblar. Azərbaycanın hansı ölkələrin təcrübəsindən yararlana biləcəyini, həmin ölkələrdə icbari tibbi sığorta sistemi qurularkən ortaya çıxan çətinlikləri və eyni problemlərlə üzləşməmək üçün önləyici tədbirlərin həyata keçirilməsi haqda fikir mübadiləsi aparıblar.

"Ekspertlər "SOCEİUX" layihəsi çərçivəsində Azərbaycanda icbari tibbi sığortanın tətbiqi ilə bağlı görülməli tədbirlər və mərhələli olaraq aparılmalı islahatlarla bağlı fəaliyyət planı hazırlayırlar", —deyə qurum sözçüsü bildirib.

Əlavə edib ki, İcbari Tibbi Sığorta üzrə Dövlət Agentliyinin direktoru Zaur Əliyev icbari tibbi sığortanın ayrı-ayrı komponentləri üzrə daha detallı araşdırmaların aparılması və Azərbaycana texniki dəstəyin göstərilməsini ekspertlərlə razılaşdırıb. Bugünkü görüşdə Nazirlər Kabinetinin sosial məsələlər şöbəsinin müdiri Musa Ələkbərov da iştirak edib.

104
Teqlər:
icbari tibbi sığorta, 'SOCEİUX' layihəsi, Aynurə Əhmədova, Zaur Əliyev, İcbari Tibbi Sığorta üzrə Dövlət Agentliyi, Avropa İttifaqı
Əlaqədar
İcbari Tibbi Sığorta üzrə Dövlət Agentliyinə direktor təyin edilib
Gələn ildən Azərbaycanda icbari tibbi sığorta sistemi tətbiq olunacaq
Məşhur sığorta şirkəti bağlandı
Xəsarət alanlara və itkin düşənlərin ailələrinə sığorta ödəniləcək
Azərbaycanda 3 milyon 113 mindən çox şəxsin hesabı sığortalanıb
 Tibb işçisi Dövlət Gömrük Komitəsinin hospitalında, arxiv şəkli

Pandemiyanın başa çatmasına hələ çox var - ÜST rəsmisi

8
"Delta" ştammı Avropada çox geniş yayılıb və qarşıdakı aylarda bütün dünyada ən geniş yayılmış ştamm olacaq.

BAKI, 24 iyul — Sputnik. Koronavirus pandemiyasının başa çatmasına hələ çox var. "Delta" ştammı Avropada çox geniş yayılıb və qarşıdakı aylarda bütün dünyada ən geniş yayılmış ştamm olacaq.

Sputnik Azərbaycan xəbər verir ki, Avropa Xəstəliklərin Profilaktikası və onlara Nəzarət Mərkəzinin və ÜST-ün Avropa Regional Bürosunun məlumatında bu barədə xəbərdarlıq edilib.

Məlumata görə, aparılmış müşahidələr göstərir ki, iyunun 28-dən iyulun 11-dək təhlil üçün kifayət qədər məlumat təqdim etmiş 28 ölkədən 19-da "Delta" ştammı üstünlük təşkil edir. Cari meyllərin təhlili belə deməyə əsas verir ki, qarşıdakı aylarda "Delta" variantı qlobal miqyasda üstünlük təşkil edəcək. Avropa ölkələrinin, demək olar ki, hamısında bu ştamm aşkar edilib. Əgər daha güclü virus yaranmasa, "Delta" variantı geniş yayılmaqda davam edəcək".

ÜST-ün Avropa Regional Bürosunun direktoru Hans Klüge deyib: "Pandemiyanın başa çatmasına hələ çox var. Təəssüf ki, bizim regiona daxil olan ölkələrin çoxunda "Delta" ştammının yayılması hallarının xeyli artması müşahidə olunur".

H.Klüge daha sonra bildirib ki, əhalinin peyvəndlənməsi üzrə bütün səylərə baxmayaraq, milyonlarla insan hələ də peyvəndlənməyib və bu səbəbdən onların xəstəxanaya düşmək riski qalır.

Koronavirusun ştammları

Xatırladaq ki, Uhanda SARS-Cov-2 yeni tip koronavirusunun yayılması barədə məlumatı 2019-cu il dekabrın 31-də Çin Ümumdünya Səhiyyə Təşkilatına verib. 2020-ci ilin martında isə ÜST koronavirus epidemiyasını pandemiya elan edib.

2021-ci il iyunun 2-də Ümumdünya Səhiyyə Təşkilatı qərar verib ki, COVID-19-a səbəb olan koronavirus ştammları bundan sonra yunan əlifbasının hərfləri ilə adlandırılsın.

Bunadək koronavirus ştammları "coğrafi" adlarla bilinirdi – virusun yeni versiyası hansı ölkədə geniş yayılırdısa, həmin ölkənin adı ilə da adlandırılırdı. Ancaq ÜST-də belə hesab etdilər ki, bu sistem ayrı-seçkiliyə səbəb olur və ölkələr haqqında əsassız mənfi assosiasiya yarada bilər. Elə bu səbəbdən də, SARS-CoV-2-nin "Çin mənşəli" virus adlandırılmasına son qoyulub.

Beləliklə, hazırda koronavirusun "Britaniya" ştammı "Alfa", Cənubi Afrika ştammı "Beta", "Braziliya" ştammı "Qamma", Hindistan ştammı "Delta", Cənubi Amerika ştammı isə "lyambda" adlandırılır.

Xatırladaq ki, Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyinin birgə yaydığı məlumata görə, son dövrdə ölkə xaricindən gələn şəxslərdən alınmış nümunələrdən 31-də B.1.617 (Delta) variantı aşkar olunub. Nümunələrdən 9-da isə B.1.1.7 (20 Alpha V1, Britaniya) variantı aşkar olunub.

Onu da əlavə edək ki, Baş nazir Əli Əsədovun imzaladığı qərara əsasən, Azərbaycan ərazisində xüsusi karantin rejiminin müddəti 1 sentyabr saat 06:00-dək uzadılıb.

Eləcə də oxuyun:

8
Teqlər:
pandemiya, 'Delta' ştammı, ştamm, Koronavirus, epidemiya, COVID-19
Mövzu:
Yeni tip koronavirus pandemiyası
Xəstənin müayinəsi, arxiv şəkli

Alimlər süd vəzisi xərçəngi hüceyrələrinin 95%-ni məhv ediblər

13
(Yenilənib 06:11 24.07.2021)
Siçanlar üzərində təcrübədən çıxarılmış ErSO preparatı həm adi şişlərin, həm də metastazların öhdəsindən gəlir.

BAKI, 24 iyul — Sputnik. ABŞ-ın İllinoys universitetinin alimlərinin işləyib hazırladıqları üsul süd vəzisi hüceyrələrini demək olar ki, tamamilə məhv etməyə qadirdir. Sputnik Azərbaycan Rusiya mediasına istinadən xəbər verir ki, müvafiq tədqiqatın nəticələri “Science Translational Medicine” məcmuəsində dərc olunub.

Alimlərin hazırladığı və siçanlar üzərində təcrübədən çıxarılmış ErSO preparatı həm adi şişlərin, həm də metastazların öhdəsindən gəlir. Təcrübə göstərir ki, heyvanların orqanizmi hətta böyük dozalarda da ErSO preparatının təsirini yaxşı keçirir. Müalicə başlandıqdan bir neçə gün sonra xərçəng hüceyrələrinin sayı orta hesabla 99%-dən çox azalıb.

Metodun unikallığı ondadır ki, onun yan təsirləri yoxdur. ErSO-nun aktivliyi süd vəzisi şişlərinin əksəriyyətində rast gəlinən estrogen reseptorundan asılı olur. Preparat onunla birləşərək a-UPR hüceyrə yolunu aktivləşdirir ki, bu da öz növbəsində xəstəliyə yoluxmuş hüceyrələrin böyüməsinə şərait yaradır və onları stresdən qoruyur.

"Hətta bir neçə xərçəng hüceyrəsi sağ qalsa belə, onlar ErSO ilə təkrar müalicəyə həssaslığını itirmir", — deyə tədqiqatın müəlliflərindən biri olan biokimyaçı Devid Şapiro bildirib.

Alimlər yeni preparatın insanlar üzərində təsirini öyrənərək, onun digər xərçəng hüceyrələrinə təsir edib-etməyəcəyini araşdırmaq niyyətindədirlər.

Həmçinin oxuyun:

Baş onkoloq hansı insanlarda xərçəng riskinin yüksək olduğunu açıqladı

Mütəmadi olaraq qan vermək infarkt və xərçəng riskini azaldır

13

Xalq artisti Səməd Səmədov vəfat edib

0
"Toylar kralı" adını qazanan S.Səmədov 1946-cı il sentyabrın 17-də Aşqabadda anadan olmuş, 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçmüşdü.

BAKI, 24 iyul - Sputnik. Azərbaycanın xalq artisti Səməd Səmədov vəfat edib.

Sputnik Azərbaycan APA-ya istinadən bildirir ki, bu barədə müğənni Tural Qismət məlumat verib.

Qeyd edək ki, S. Səmədov bu gün koronavirusdan dünyasını dəyişib.

"Toylar kralı" adını qazanan S.Səmədov 1946-cı il sentyabrın 17-də Aşqabadda anadan olmuş, 1948-ci ildə zəlzələ nəticəsində ailəsi ilə birlikdə Bakıya, İçərişəhər məhəlləsinə köçmüşdü.

Bülbül adına musiqi məktəbinin skripka sinfini bitirdikdən sonra A.Zeynallı adına Musiqi Məktəbinin nəzəriyyə sinfində oxuyub.

1988-ci ildən toylarda çıxış edib. 2000-ci ildə əhali arasında aparılan sorğunun nəticələrinə görə, Səməd Səmədov rəsmi olaraq "Toylar Kralı" adını qazanıb. O, Müstəqil 'Qrant' Milli İctimai Mükafatının ikiqat sahibi, 150 müxtəlif mahnının, 5 albomun, 20 klipin ifaçısı idi. 12 sentyabr 2011-ci ildə Xalq artisti fəxri adına layiq görülmüşdü.

0
Teqlər:
xalq artisti, ölüm, Səməd Səmədov