Yovşan - Artemisia annua

Bu bitkinin xərçəngi 16 saata yox etmək xassəsi təsdiqlənib

16500
(Yenilənib 20:50 09.04.2016)
ABŞ-ın Kaliforniya Universitetinin onkoloqları möhtəşəm kəşf ediblər.

BAKI, 9 aprel-Sputnik. ABŞ-ın Kaliforniya Universitetinin onkoloqları möhtəşəm kəşf ediblər. Onlar orqanizmdəki xərçəng hüceyrələrinin 98 faizini 16 saat ərzində məhv edən bitki tapıblar.

Sputnik-in məlumatına görə, amerikalı alimlərin xərçəngə qarşı ən səmərəli mübarizə vasitəsi kimi ortaya çıxardığı bitki hamımızın yaxşı tanıdığı "birillik yovşan" və ya "Artemisia Annua" deyilən adi alaq otudur.

Mütəxəssislər bildiriblər ki, 16 saat ərzində xərçəng hüceyrələrinin 98 faizini məhv etməyə qadir olan yovşan təkbaşına bədxassəli şişlərin yalnız üçdə bir hissəsini məhv edir, amma dəmir preparatları ilə birlikdə orqanizmi tamamilə bu xəstəlikdən təmizləyir.

 Ekspertlər yovşanın şəfalı xassələrini ağciyər xərçənginə tutulan könüllülər üzərində sınaqdan keçiriblər. Nəticə onları heyrətləndirib: eksperimentin bütün iştirakçıları sağlamlıqlarını mürəkkəb terapiyadan keçmədən bərpa ediblər.

Alimlər vurğulayırlar ki, "Artemisia Annua" insanlar üçün tamamilə təhlükəsizdir. Bu alaq otu seçim üsulu ilə işləyir, sağlam orqanlara və toxumalara toxunmadan bilavasitə bədxassəli şişləri məhv edir. Buna görə də yovşanı xərçəng şişinin inkişafının istənilən mərhələsində heç bir fəsad riski olmadan qəbul etmək olar.

Alimlərin yeni kəşfindən sonra dünyanın ən iri əczaçılıq şirkətlərindən biri yovşanın əsas komponenti olan artemizininin istehsalını qat-qat artırmağı vəd edib. Bundan sonra əczaçılar hər il təqribən xərçəngə qarşı 60 ton səmərəli dərman istehsal edəcəklər. Bu da onkoloji xəstəliklərin müalicəsində böyük sıçrayış etməyə və milyonlarla insanı ölümdən xilas etməyə imkan verəcək.

16500
Teqlər:
Artemisia Annua, yovşan, xərçəng, Kaliforniya, ABŞ
Əlaqədar
Cohanna Badviq: Xərçəng xəstəliyindən dərmansız 3 aya xilas olmaq mümkündür
Azərbaycanlı futbolçuda xərçəng xəstəliyi aşkarlandı
Xərçəng daha bir jurnalistin həyatına son qoydu
Xərçəng haqqında qorxunc faktlar
Xərçəng xəstəliyini aşkar edən sensor hazırlanır