Yeni təcili tibbi yardım avtomobilləri  - Sputnik Azərbaycan
SƏHİYYƏ
Tibb sahəsinə, xəstəliklərə, sağlamlıq mövzusuna dair materiallar

"Donuz qripi"nin Azərbaycana gəlməsi an məsələsidir

© Sputnik / Murad OrujovAfaq Əliyev, Sputnik Beynəlxalq mətbuat mərkəzi
Afaq Əliyev, Sputnik Beynəlxalq mətbuat mərkəzi - Sputnik Azərbaycan
Abunə olmaq
Afaq Əliyeva: "Bu günə kimi Azərbaycanda vəziyyət tam sabitdir, "donuz qripi" dediyimiz AH1N1 virusu aşkar olunmayıb"

“Donuz qripi”nin Azərbaycana gəlməsi an məsələsidir
BAKI, 5 fev — Sputnik. "Hələ dekabr ayından başlayaraq Azərbaycanla həmsərhəd olan İran İslam Respublikasında "donuz qripi" və ölüm hadisələri qeydə alınıb. Həmin hadisələrlə əlaqədar olaraq dekabrın 8-də Səhiyyə Nazirliyi tərəfindən əmr imzalandı. O əmrlə "donuz qripi"nə qarşı (AH1N1) Azərbaycanda profilaktik tədbirlərin gücləndirilməsinə qərar verildi. Bütün respublikanın müalicə və profilaktika müəssisələrinə konkret olaraq tapşırıqlar verildi".
Donuz qrippi - Sputnik Azərbaycan
SƏHİYYƏ
"Azərbaycanda "donuz qripi" qeydə alınsa..."

Sputnik xəbər verir ki, bunun Azərbaycan Respublikası Səhiyyə Nazirliyinin Respublika gigiyena və epidemiologiya mərkəzinin direktor müavini Afaq Əliyeva deyib. "Sputnik" Beynəlxalq Mətbuat Mərkəzində "Ölkədəki epidemioloji situasiya və viruslu xəstəliklərin profilaktikası ilə bağlı görülən işlər" keçirilən tədbirdə A. Əliyeva bildirib ki, Azərbaycanda bu qripdən qorunmaq üçün keçirilən tədbirlər hələ dekabr ayında başlanıb.

"Əgər hər hansı vətəndaşda qrip aşkarlanarsa, həmin şəxslərin izolyasiya edilməsi, müayinə edilməsi və diaqnoz qoyularaq Səhiyyə Nazirliyinin məlumatlandırılması barədə təlimat verilib. Yanvar ayında bizimlə həmsərhəd olan ətraf ölkələrdə bu xəstəliyin yayılması və qeydə alınması daha çox oldu. Gürcüstan, Türkiyə, Rusiya və Ukrayna ərazilərində də belə hadisələrin qeydə alınması daha ciddi tədbirlərin keçirilməsini tələb edirdi", —deyib direktor müavini.

Onun sözlərinə görə, bununla əlaqədar olaraq yanvar ayının 19-da Səhiyyə Nazirliyi tərəfindən üç nömrəli əmr imzalanıb: "Bu əmrdə "donuz qripi"nə qarşı tədbirlərin daha da gücləndirilməsi — əlavə tədbirlərin həyata keçirilməsi qərarı verildi".

Qripdən qorunmağın yolları - Sputnik Azərbaycan
İNFOQRAFİKA
"Donuz qripi": profilaktik yardım
Azərbaycanlıların bu virusa yoluxan ölkələrə tez-tez səyahət etdiyini nəzərə alsaq, "donuz qripi"nin Azərbaycana gəlməsinin an məsələsi olduğunu deyə bilərik. Lakin Afaq Əliyevanın sözlərinə görə, Azərbaycanda "donuz qripi" virusuna hələ ki rast gəlinməyib: "Bizdə AH1N1 qripi diaqnozu təsdiq olunmayıb. Hər hansı bir ağır xəstələr nisbətən resperator virus infeksiyanı — yəni qripə bənzər bir xəstəliyi ağır keçirən xəstələrin laborator müayinəsi həyata keçirilir. Bunun üçün bütün müalicə və profilaktika müəssisələrinə respublika gigiyena və epidemiologiya mərkəzi tərəfindən aplikatorlar paylanılıb".

"Yanvar ayında 300-dən yuxarı belə resperator infeksiyanı ağır keçirən xəstələrin müayinəsi həyata keçirilib və AH1N1 virusu aşkar olunmayıb. Yəni bu günə Azərbaycanda vəziyyət tam sabitdir, "donuz qripi" dediyimiz AH1N1 virusu aşkar olunmayıb", —rəsmi şəxs bəyan edib.

Qripdən daha çox kimlərin əziyyət çəkdiyinə gəldikdə isə, ekspert yaşlı insanları, xroniki xəstəliklərdən əziyyət çəkənləri və körpə uşaqları qeyd edib. Onun sözlərinə görə, belə insanlarda qrip simptomları müşahidə olunarsa onlar dərhal həkimə müraciət etməlidirlər.

Qeyd edək ki, insanlarda təşviş yaradan "donuz qripi" sürətlə yayılmaqda davam edir. Hava-damcı yolu ilə yayılan bu xəstəliyə yoluxanların sayı Azərbaycana qonşu olan ölkələrdə — Türkiyə, Rusiya, Gürcüstan və İranda xüsusilə artıb. Belə ki, bu ilin əvvəlindən "donuz qripi"ndən ölənlərin sayı Türkiyədə 57, Rusiyada isə 100 nəfərdən çoxdur.

Xəbər lenti
0