Yadər Babazadə

Bakıda məşhur xəstəxananın "kimsəsizlər" palatasından reportaj

798
(Yenilənib 21:43 08.01.2016)
Xəstəxananın 13 nömrəli "kimsəsizlər" palatasında yalnız iki xəstə yatır. Yemək bişirilən kimi də tibb bacıları ilk növbədə onlara yemək aparırlar ki, kimsəsiz olduqlarını hiss etməsinlər.

BAKI, 8 yan — Sputnik. "Qış ayı idi. Böyük otaqdan çarpayı olan mətbəxə keçdim. Kustar üsulla hazırlanan elektrik sobasını yandırdım ki, guya qənaət edəcəyəm. Onu keçirdib, mətbəxdə çarpayının yanına qoydum. Balaca otaqdan istifadə etdim ki, işıq pulu az yazsın, işləmirəm deyə. Yorğanımın bir hissəsi düşübmüş "tok peçi"nin üstünə. Birdən-birə yorğanım alışdı, mən də özümü itirdim, çünki belə hadisə ilə heç vaxt rastlaşmamışdım. Hətta özümü mətbəxtdən çölə atıb qışqırdım. Qonşular gələnədək mən artıq yanmışdım…".

Bunu Sputnik-in əməkdaşına Respublika Yanıq Mərkəzində müalicə alan xəstə Yadər Babazadə danışır. O, Siyəzən rayonu, B.Dəmirov küçəsi, mənzil 12 ünvanında yaşayıb. Ötən ilin noyabrın 4-də mənzildə yanğın baş verir və onu Siyəzən Regional Müalicə və Diaqnostika Mərkəzinə yerləşdirirlər. 12 gün orada müalicə aldıqdan sonra, onu Respublika Yanıq Mərkəzinə köçürdülər. Xəstənin sözlərinə görə, o özü bu xəstəxanaya köçürülmək istəyib və müalicəsindən razıdır.

"Mən bir dəfə burada müalicə almışam. Onda başqa xəstəliklə yatırdım və müalicə yaxşı keçdi deyə dedim, oraya gedim. Getdim öz rayon xəstəxanamıza və dedim, məni bura göndərsinlər. Allah köməkləri olsun, göndərdilər məni bu xəstəxanaya. İndi bu xəstəxanada müalicə alıram, lakin yadımdan çıxıb neçənci gündür burdayam. Müalicəm gedir, Allah həkimlərin, həmçinin tibb bacılarının köməkləri olsun. Razıyam müalicəmdən", —deyir Y. Babazadə.

Xəstəxananın "Yanıq şöbəsi"nin həkim-cərrahı Ülviyyə Zeynalova bildirir ki, hazırda xəstə kafi vəziyyətdədir, rahat gəzə bilir: "Xəstə Babazadə Yadər Qədir oğlu 1967-ci il təvəllüddür. 16 noyabr 2015-ci il tarixində hər iki budun, baldırın və ayaqların 3B və 4-cü dərəcəli texniki yanığı ilə daxil olub. Şöbəyə gəlməmişdən qabaq Siyəzən rayonunda xəsarət alıb. Özünün dediyinə görə, bir az içkili olub və sobanın yanında yatanda yorğan alışıb və elə oradanca yana-yana qaçıb qonşuya. Təcili tibbi yardımla aparıblar Siyəzən rayon xəstəxanasına, orada müalicə alıb. Sonradan görülüb ki, yaralar dərindir və bunun əməliyyata ehtiyacı olacaq, ona görə tibbi yardım maşını ilə bizim şöbəyə göndərilib".

Həkim-cərrah Ülviyyə Zeynalova
Şəxsi arxivindən
Həkim-cərrah Ülviyyə Zeynalova

Həkim deyir ki, şöbəyə daxil olunan gündən xəstə müayinə və müalicə olunub: "Hər iki ayağına 17 dekabr 2015-ci il tarixində autodermoplastika əməliyyatı icra olunub. Əməliyyatdan sonrakı dövr rahat keçib, donor dəriləri tutub. Hal-hazırda xəstə kafi vəziyyətdədir, rahat gəzir".

Xəstəxanadan əldə etdiyimiz məlumata görə, xəstənin müalicəsi artıq başa çatıb və o, oranı tərk etməlidir. Lakin müəyyən səbəblərdən xəstə oranı tərk etməkdən imtina edir, hətta deyilənə görə, bəzən qışqıraraq öz haqqını tələb edir.

Xəstə isə yaşadığı evin yanmadığını qeyd edərək tezliklə ora qayıdacağını bildirdi: "Yaxınlarım Siyəzən rayonundadır, bəlkə də heç bilmirlər başıma belə iş gəlib. Mən elə özüm getdim Siyəzən rayon xəstəxanasına, oradan da məni bura göndərdilər. Heç kəsə mən xəbər etməmişəm. Səbəbi odur ki, yola getmirəm. Bir-iki günə özümə gəlib, çıxıb gedəcəm. Evimə gedəcəm, nə edim, mən burada kiminsə boynundan yapışıb qalası deyiləm ki".

Həkim Ülviyyə Zeynalova xəstənin yaxınları ilə bağlı məlumat əldə etmək üçün Siyəzən Rayon Polis Şöbəsi ilə də əlaqə saxladıqlarını bildirdi: "Siyəzən Rayon Polis Şöbəsinin sahə müvəkkili ilə əlaqə saxlamışıq. Onun verdiyi məlumata görə, heç kimsəsi yoxdur. Özü isə gah deyir ailəm var, gah deyir qızım var, gah deyir qaynanam qızımla yoldaşımı qoymur yanıma gəlməyə, gah deyir qızım burada BDU-da oxuyur və yoldaşım onun yanında qalır. Amma burada yatdığı gündən indiyənədək heç kim onun yanına gəlməyib, nə də onun haqqında maraqlanan olub".

Qeyd edək ki, xəstəxananın 13 nömrəli "kimsəsizlər" palatasında yalnız iki xəstə yatır. Yemək bişirilən kimi də tibb bacıları ilk növbədə onlara yemək aparırlar ki, kimsəsiz olduqlarını hiss etməsinlər.

798
Teqlər:
yanıq, cərrah, həkim, xəstəlik, xəstəxana
Əlaqədar
Səhiyyə Nazirliyi həkimləri səfərbər etdi
Bu həkimə qulaq asın və stressdən canınızı birdəfəlik qurtarın
Azərbaycanda həkim axtarışı elektronlaşdırılıb
Qəhvə dənəcikləri, arxiv şəkli

Hər dəfə çay qəhvə qəbulundan sonra...

18
(Yenilənib 21:32 17.01.2021)
H'kimin sözlərinə görə, gözəl gülüş üçün rəngli qazlı içkilərdən, ədviyyat və souslardan imtina etmək lazımdır.

BAKI, 17 yanvar — Sputnik. Seçenov Universitetinin Stomatologiya İnstitutunun direktoru İrina Makeeva, verdiyi müsahibədə, dişlərin rənginə mənfi təsir edən məhsulları sadalayıb.

Sputnik Azərbaycan Rusiya mətbuatına istinadla xəbər verir ki, dişləri daha çox qara qarağat, çuğundur, albalı və qırmızı şərab ləkələyir. Həkim bu məhsullarda turşu və rəngləmə piqmentlərinin olduğunu bildirib.

Onun sözlərinə görə, gözəl gülüş üçün rəngli qazlı içkilərdən, ədviyyat və souslardan imtina etmək lazımdır.

Həkim çay və qəhvədən daimi istifadənin dişləri qaraltdığını da vurğulayıb: "Çay və qəhvə dişləri boyayır. Çay daha çox təsir edir. Bunun səbəbi çayın tərkibində piqmentlərin və turşuların olmasıdır".

Mütəxəssis hər dəfə çay və ya qəhvə qəbulundan sonra ağzı yaxalamağı və ya ferment tərkibli bir diş köpüyü istifadə etməyi tövsiyə edib.

18
İsraildə epdimioloji vəziyyət

İsraildə “Pfizer” vaksini vurulan 13 nəfər üz iflici olub

18
Ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb.

BAKI, 17 yanvar - Sputnik. İsraildə yeni növ koronavirus infeksiyasına qarşı “Pfizer” vaksini ilə peyvənd olunan 13 nəfər üz iflici olub.

“Report”un məlumatına görə, bu barədə “The Jerusalem Post” İsrail Səhiyyə Nazirliyinin hesabatına istinadən xəbər verib.

Nazirlik bildirib ki, üz iflici olanların sayı daha çox ola bilər.

Qeyd edək ki, ötən ilin 20 dekabr tarixində İsraildə yeni növ koronavirus (COVID-19) infeksiyasına qarşı kütləvi vaksinasiya prosesinə başlanılıb. İlk olaraq İsrailin Baş naziri Binyamin Netanyahu peyvənd olunub.

18

İki gün əvvəl ordudan tərxis olunan könüllü əsgər ölüb

0
Onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.

“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.

İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.

Faktla bağlı araşdırma aparılır.

0