Futbolçu Harri Keyn

Futbol üzrə Avropa çempionatının 1/4 final oyunlarının şərhi

1684
(Yenilənib 20:31 04.07.2021)
Dörddəbir final görüşlərinin nəticələri ədalətli idi və bu qitə birinciliyində real qüvvələr nisbətini əks etdirdi.

Hörmətli futbol pərəstişkarları, biz sizinlə son iki gün ərzində futbol üzrə on altıncı Avropa çempionatının gərgin 1/4 final oyunlarının şahidi olduq. Bu görüşlər qitənin dörd ən güclüsünü müəyyən etdi. Biz əsasən çox həyəcanlı atmosferdə keçmiş və komandaların hazırda nəyə qadir olduqlarını göstərməyə çalışdıqları bu oyunları diqqətlə izlədik. Qeyd etməliyəm ki, 1/4 finalın nəticələri ümumilikdə komandaların imkanlarına uyğun idi və gəlin birlikdə bu görüşləri yada salıb təhlil edək…

İsveçrə – İspaniya – 1:1 (penaltidən 1:3)

İsveçrəlilərin əzmkarlığına heyran oldum. Bu yığma hazırkı dünya çempionu Fransanı yarışdan kənarlaşdırdı və bir neçə dəfə Avropa, bir dəfə isə dünya çempionu olmuş ispanları da məğlub etməyə yaxın idi. İsveçrəlilərin məşqçisi Vladimir Petkoviç mübariz komanda yarada bilib və onlar öz oyunları ilə növbəti dünya çempionatında ststist olmayacaqlarını göstərirlər.  Komanda ispanlarla oyunda da əzmkarlıqla oynadı, lakin penaltilərdən məğlub oldu.

Lakin mənə elə gəılir ki, bu qanunauyğundur. Bəli ispanlar artıq əvvəlki deyillər: onların heyətində rəqibi qorxuya salan və təkbaşına oyunun taleyini həll edə bilən superoyunçular yoxdur. Lakin öz proqnozumda qeyd etdiyim ki, İspaniya hətt bu heyətlə səviyyəcə isveçrəlilərdən güclüdür. Pireneylilərin "bankirlər" üzrrində əsas vaxtda qələbə qazanmamasının səbəbi artıq isveçrəlilərin böyük uğurudur.

Əsas vaxtda qolları ancaq "bankirlər" vururdular. Oyunun 8-ci dəqiqəsində Zakariya avtoqolla fərqləndi və ispanlar hesabda irəli çıxdılar. Lakin isveçrəlilər ruhdan düşmədilər. İkinci hissədə "bankirlər"in kapitanı və "Liverpul"un yarımmmüdafiəçisi Cerdan Şakiri hesabı bərabərləşdirdi. İspanlar irəli çıxmağa cəhd edirlər. İsveçrəlilər yorğun görünürlər: onların fransıalarla gərgin oyunu öz sözünü deyir, üstəlik 77-ci dəqiqədə, Froylerin kobud oyuna görə meydançadan çıxarılmasından sonra "bankirlər" azlıqda qalırlar. İspanlar hücum edirlər, lakin qapıçı Yan Zommer əla oynayır. İspan hücumçuları əlavə vaxtda da rəqib qapısına yol tapa bilmirlər.

Penalti seriyasının vaxtı çatdı. Burada pireneylilər daha dəqiq oldular. Niyə hesabın qanunauyğun olduğunu hesab edirəm? Çünki penalti vuranda yarımfinala çıxmaq imkanının olduğunu hiss edərək (bu isə onlardan ötrü fantastik nəticə idi) çox həyəcanlanmağa başladılar və bunu sezmək mümkün idi. İspanlar da səhv edirdilər, lakin qapıçıları Unai Simonun uğurlu oyunu və "bankirlərin" səhvləri onlarda qələbəyə inam yaratdı.

Bütün dünyada futbol həvəskarlarının rəğbətini qazanmış İsveçrə yığması öz turnir yolunu ləyaqətlə başa vurur, ispanlar isə yarımfinala çıxırlar.

İtaliya - Belçika 2:1

Bu oyun aşkar şəkildə göstərdi ki, italyanlar qitənin ən güclü komandası adına əsas namizəddirlər. Roberto Mançini avstriyalılarla oyunda italyanların səhvlərini nəzərə alaraq Belçika yığmasının ulduz heyətinə qarşı optimal taktiki sxemi seçə bildi. Sonuncularda Eden Azar oynamırdı, o isə bilindiyi kimi hazırda özünün ən yaxşı formasında deyil. Lakin oyuna Kevin de Bryuyne çıxıb. O, Romelu Lukaku və digərləri ilə birlikdə Belçika yığmasını qitə birinciliyinin növbəti mərhələsinə çıxarmaq əzmində idi. Lakin italyanlar bunu etməyə imkan vermədilər. Apenninlilərin sürətli hücumları dünyanın ən güclü qapıçılarından olan Tibo Kurtuanı oyunun əvvəlindən çox narahat edirdi.

Oyunun əvvəlindən məlum olurdu ki, italyanlar mütləq vurmalıdırlar: bu 31-ci dəqiqədə baş verdi. Marko Verattnin ötürməsindən sonra Nikolo Barella qol vurdu. İtalyanlar hücumlarını davam etdirirlər və 44-cü dəqiqədə yığmanın və "Napoli" klubunun forvardı Lorenso İnsinye uzaqdan möhtəşəm  zərbə ilə topu Tibo Kurtuanın qoruduğu qapının yuxarı küncünə yönəldir. Sanki iş artıq bitmişdi, lakin… Birinci hissəyə əlavə olunmuş vaxtda italyanlar qaydaları pozurlar və VAR göstərir ki, bu cərimə meydançasında baş verib. Penalti təyin olunur və onu Romelu Lukaku dəqiq yerinə yetirir.

Futbol həvəskarları səbrsizliklə ikinci hissənin başlamasını gösləyirlər və gərgin möhtəşəm oyuna ümid edirlər. Lakin Roberto Mançini adaşı, Belçikanın baş məşqçisi ispan Roberto Martinesi üstələyə bildi. İtalyanlar belçikalılara öz oyunlarını "sırıya bilirlər", rəqiblərinə hücumlarını tam realizə etməyə imkan vermirlər. Bu məsələ onlarda alınır və italyanlar görüşü qələbə ilə başa vuraraq Avropa çempionatının yarımfinalına çıxırlar.

Belçika yığmasına gəldikdə, hazırkı ulduz oyunçular əbədi deyillər: onlar daha da yaşlanırlar, lakin ölkələri üçün hansısa fəxri titul qazana bilmirlər. Fikrimcə, növbəti dünya çempionatı möhtəşəm belçikalı oyunçular üçün öz azarkeşlərinin xatirində əcnəbi klubların parlaq ulduzları kimi yox, milli komandanın heyəti kimi yadda qalmaq baxımından sonuncu şans olacaq.

Çexiya - Danimarka 1:2

Bu oyun barədə mülahizələrimdə qeyd etmişdim ki, əgər oyun başlanandan danimarkalılara ruh yüksəkliyi əldə etməyə imkan verməsə, Çexiyanın uğur qazanmaq şansı var. Düşünmürəm ki, bu vacib faktı çexlərin baş məşqçisi Yaroslav Şilqava başa düşmürdü. Yəqin ki, onun oyunçuları məşqçi qərargahının tapşırılqlarına dəqiq əməl etmədilər. Oyunun əvvəlindən çexlər danimarkalılarla açıq futbol oynamağa başladılar ki, bunu etmək olmazdı. Danimarkalılar isə baş məşqçiləri Kasper Yulmandın ənənəvi göstərişlərini yerinə yetirərək ilk dəqiqələrdən Tomaş Vaslikin qapısına hücuma keçdilər. Onların əzmi 5-ci dəqiqədə qolla nəticələndi: Dileyni gözəl qol vurdu.

Bu topdan sonra çexlər başa düşdülər ki, danimarkalılarla başqa futbol oynamaq lazımdır. Lakin artıq gec idi. Skandinavlar 42-ci dəqiqədə Dolberqin köməyilə hesabı 2:0-a çatdırdılar. Bu artıq qələbənin ayaq səsləri idi və çexlər irəli atıldılar. Onların əlindən ancaq ikinci hissənin əvvəlində bir qol vurmaq gəldi. Bunu bu çempionatda əla oynamış Patrik Şik etdi. Əminəm ki, bu oyunçu aparıcı Avropa klublarını ciddi maraqlandırır. Lakin onun yığması turnirlə vidalaşır, yarımfinala isə öz arzusuna 1992-ci il uğurunu, yəni, Avropa çempionluğunu təkrar etməyə bir addım da yaxınlaşmış Danimarka yığması çıxır.

İngiltərə - Ukrayna 4:0

Mənim Ukrayna yığmasına olan rəğbətimə baxmayaraq, ədalət naminə etiraf etmək lazımdır: ingilislər dəfələrlə güclü idilər. Ukraynalılar heç nə edə bilmədilər və ən əsası görünürdü ki, ingilislər var gücləri ilə oynamırlar. Mən artıq "Qaret Sautgeyt komandasını elə hazırlaşdırıb ki, ingilislər oyundan-oyuna güclənəcəklər" deyən mütəxəssislərə inanmağa başlayıram. Hər halda, biz görürük ki, bu mütəxəssislər haqlıdırlar və ən əsası Sautgeyt bunu bacarıb. Oyun barədə demək olar ki, o ingilislərin tam üstünlüyü ilə keçdi. Harvi Keyn bu oyunda iki top vurdu. Bu böyük forvardın oyunu alınanda bu, istənilən rəqib üçün təhlükəlidir! Digər iki topu Maquayr və Henderson vurdular. İngiltərə yığması yarımfinaldadır və bu çox ədalətlidir. Məncə, ingilislər çempionatda qələbəyə ciddi kökləniblər və buna nail olmaq üçün hər şeyi edəcəkıər.

Ukrayna millisinə gəldikdə, əminəm ki, Andrey Şevçenkonun komandasının gələcəyi var. Əgər məşqçi komanda ilə ağıllı işləməyə davam etsə və oyunçuların Avropa çempionatının dörddəbir finalından daha böyük nəticəyə nail olmaq həvəsi sönməsə, ukraynalıların gələcəkdə daha yüksək uğurlara imza atacağına ümid etmək olar.

Bizi isə sizinlə, hörmətli futbol həvəskarları, qitə birinciliyinin yarımfinal görüşləri gözləyir. Bütün futbol dünyası onları böyük maraqla gözləyir. Avropanın futbol üzrə on altıncı çempionatı davam edir…

 

1684
ABŞ, Gürcütsan və Bolqarıstan ordularının birgə təlimi, arxiv şəkli

Gürcüstanda Agile Spirit 2021 təlimləri: hədəflər vasitələr

23
ABŞ və alyansın hərbi manevrləri nə Gürcüstan xalqının təhlükəsizliyi üçün narahatlığı, nə də "itirilmiş əraziləri geri qaytarmaq" istəyini özündə əks etdirir.

 

BAKI, 24 iyul — Sputnik. Gürcüstan Müdafiə Qüvvələri ilə ABŞ Ordusunun Avropa və Afrikadakı Agile Spirit 2021 birgə təlimləri 26 iyul - 6 avqust tarixlərində beş təlim nöqtəsində - poliqonda və Vaziani hava limanında, Senaki aviabazasında, Orfololo və Sorta təlim meydançalarında baş tutacaq. Artıq ABŞ ordusunun zirehli avtomobilləri hava və dəniz yolu ilə Gürcüstana çatdırılıb ki, bu da faktiki olaraq manevrlərin "benefisiarı" sayılır.

Agile Spirit-in 2021-ci il deklarativ məqsədi – 15 iştirakçı ölkənin qoşunları arasında "operativ uyğunlaşdırmanı" artırmaqdır ki, bu da heç bir əhəmiyyət kəsb etmir. Çünki ortada uyğunlaşdırılmalı xüsusi bir şey yoxdur. Təlimlərin sayı çox deyil və faktiki olaraq iki tərəf – Amerika və Gürcüstan iştirak edir. 2500 iştirakçıdan 700-ü Amerika, 1600-ü isə Gürcüstan hərbçiləridir. Əgər yerdə qalan 200 "süngü"nü digər iştirakçı ölkələrin sayına bölsək, hər bayrağa cəmi 20 nəfər düşər.

Bu cür təmsil olunma, çətin ki, "Tərəfdaşlıqdan keçən güc" devizi altında təşkil olunan çoxmillətli döyüş əməliyyatlarının keyfiyyətini artırsın. Aydın məsələdir ki, təlimlərin əsl məqsədi Amerika hərbi komandanlığı tərəfindən regional əməliyyatlar teatrının öyrənilməsi və Cənubi Qafqazdakı Rusiya Federasiyası və müttəfiqlərinə qarşı yeni təxribatlardır. ABŞ və tərəfdaşlarının növbəti güc nümayişinin yalnız və yalnız Rusiyaya ünvanlandığını anlamaq üçün Qafqazın coğrafi xəritəsinə baxmaq kifayətdir.

Amerika ordusu bu komanda heyətləri ilə təmsil olunur: ABŞ-ın Avropadakı Xüsusi Əməliyyatları, 21-ci Müharibə Dəstək Teatrı, 7-ci Ordu, 173-cü Hava-Desant Briqadası, 1-ci Piyada Briqadası, ABŞ-ın Avropadakı Hərbi Hava Qüvvələri, Corciya Milli Qvardiyası və başqaları... Bu komandanlıqların tabeliyindəki bütün qoşunlar qəfildən Gürcüstanda peyda olsalar, hər şey baş verə bilər.

Agile Spirit 2021 proqramına briqadaların komanda məntəqələrində qarşılıqlı fəaliyyət, batalyon səviyyəsində döyüş atəşi ilə poliqon təlimləri ("real təlim şəraitində") daxil edilib.

Ən nəzərəçarpan epizodlar - Gürcüstan, Böyük Britaniya və Polşanın iştirakı ilə hava-desant əməliyyatı və Gürcüstan, ABŞ, Böyük Britaniya, Rumıniya və Polşanın Sorta poliqonunda xüsusi əməliyyat qüvvələrinin bəzi birgə hərəkətləridir.

Qalan iştirakçıların - Azərbaycan, Almaniya, Latviya, Litva, Estoniya, Kanada, İtaliya, İspaniya, Türkiyə və Ukraynanın nə işlə məşğul olacağı hələ məlum deyil. Lakin alyans rəsmi olaraq Rusiyanı 2030-cu ilədək əsas hərbi təhlükə hesab edir və "varyaqlar"ın Gürcüstanda olması üçün konseptual və taktiki əsas budur.

Onuncu "ruh"

Agile Spirit 2021 manevrləri dinc əhalisinin təhlükəsizliyinə birbaşa təhdiddir. Məsələn, estoniyalı tərəfdaşlar təlim zonasında meşələri tez-tez yandırırlar, Ukrayna əsgərləri təsadüfən gürcü kəndlərini atəşə tuta bilərlər, Amerika xüsusi təyinatlıları isə kənd təsərrüfatı müəssisələrinə basqın etməyə alışıblar. Hər şeydən əvvəl isə Gürcüstan zirehli texnika kolonnaları Senaki-Leselidze və Xaşuri-Axalsixe-Vale avtomobil yollarını bağlaya bilər.

Agile Spirit təlimləri dinc, nisbətən çiçəklənən Gürcüstanda 2011-ci ildən bəri keçirilir və hazırki təlimlər sayca onuncudır. 2018-ci ildən bu yana Agile Spirit təlimləri hər iki ildən bir keçirilir (2020-ci ildə pandemiya nəticəsində təlimlər baş tutmayıb).

ABŞ və alyansın hərbi manevrləri nə Gürcüstan xalqının təhlükəsizliyi üçün narahatlığı, nə də "itirilmiş əraziləri geri qaytarmaq" istəyini özündə əks etdirir. Xarici qoşunlar on illərdir ki, "dəstək bazaları" şəbəkəsi yaratmaq, sabitliyi pozmaq üçün Gürcüstandan istifadə edir və bununla da yalnız Cənubi Qafqazdakı hərbi-siyasi gərginliyin artmasına xidmət edirlər.

Vaşinqton inadla Tbilisini Moskva ilə ikinci silahlı qarşıdurmaya itələyir, halbuki 2008-ci ilin avqustunda "Təmiz Sahə" Gürcüstan əməliyyatının nəticələrini hələ heç kim yaddan çıxarmayıb.

Müstəqil Gürcüstanın "NATO kursu" ilə getməyə, yenidən silahlanmağa və "əməliyyat uyğunluğunu "inkişaf etdirməyə daha yüz il haqqı var, ancaq Gürcüstanın nöqteyi-nəzərindən "üsyankar" qonşularının təhlükəsizliyi Rusiyanın iqtisadi və hərbi gücü tərəfindən möhkəmləndirilib.

Moskva Tbilisi ilə NATO arasında yaxınlaşma təhlükəsi barədə bir neçə dəfə açıq xəbərdarlıq edib və RF Silahlı Qüvvələri Baş Qərargahının qarşılıqlı strateji planlaşdırması heç kimə sirr deyil.

Alyansın Gürcüstan dağlarındakı manevrləri bütün iştirakçılar üçün ağır itki və nəticələrə gətirib çıxara bilər. Bir də ki, ümumiyyətlə, hərbiləşdirmə heç vaxt ölkələrin inkişafına və çiçəklənməsinə töhfə verməyib.

Yenidən silahlanma və "qoparılış"

3,9 milyon əhalisi olan kiçik və yoxsul Gürcüstan dünya hərbi güc reytinqində Çad və Zimbabvedən sonra 92-ci yerdədir.

Gürcüstan ordusunun 20 000 fəlaiyyətdə olan hərbçisi var. Quru qoşunlarında döyüşqabiliyyətli dörd briqada mövcuddur, silahlanmasına 163 tank, təxminən 156 özüyeriyən texnika və yedəkli silah, 50 raket qurğusu var. Üç il ərzində tank və artilleriya sayı əhəmiyyətli dərəcədə azalıb, lakin Gürcüstan müasir və bahalı NATO standartları ilə ayaqlaşaraq hava hücumundan müdafiə sistemini uğurla inkişaf etdirir. Və nədənsə yüzlərlə tank əleyhinə raket alır.

Heç kim bu respublikanı təhdid etməsə də, kifayət qədər silahı var (hava məkanına nəzarət obyektləri - Qara dənizin qərb hissəsi və Rusiyanın cənubu daxil olmaqla, qonşu ölkələr – 470 kilometrə qədər radius əhatə edir).

Gürcüstan ərazisinin qərbdən şərqə qədər uzunluğu 440 kilometr, şimaldan cənuba isə 200 kilometrə çatmır. İnkişaf etmiş hava hücumundan müdafiə sisteminə yüz milyonlarla lari xərcləməyin heç bir mənası yoxdur, bu yalnız ABŞ və NATO qoşunlarının Qafqazdakı genişmiqyaslı əməliyyatı zamanı yerləşdirilməsi üçün lazım gələ bilər.

Gürcüstan təkcə Amerika istehsalı olan "Javelin" Tank Əleyhinə Raket Kompleksinə 75 milyon dollardan çox vəsait xərcləyib, ancaq belə məlum olub ki, bu da kifayət etmir və silahın yeni partiyasına ehtiyac var.

Tbilisinin Rusiya sərhədləri yaxınlığında NATO hərbi potensialından hər hansı bir şəkildə istifadə etmək planları təəccüb doğurur.

Alyansa üzv ölkələrin keçmiş Yuqoslaviya, Liviya, Əfqanıstan, İraq və Suriyada apardıqları son hərbi əməliyyatların nəticələri yalnız NATO-nun "təcrübə" ölkələrinin regional sabitliyi və milli təhlükəsizliyi ilə uyğunsuzluğundan xəbər verir. Gürcüstanı həqiqi təhdidlər isə yalnız ABŞ və Şimali Atlantika Alyansından gözləyir.

Rusiya xarici işlər naziri Sergey Lavrov iyulun 23-də bəyan etdi: "Yaxın qonşularımızı, bizə qardaş xalqları "ya Qərb, ya Rusiya Federasiyası" şəklində seçim etməyə məcbur qoyaraq ətrafımızda qeyri-stabillik kəməri yaratmağa çalışırlar"..

Dağıdıcı düşmənçilik məntiqinin kökündə Qərb tərəfdaşlarının tətbiq etdiyi silahlanma, Gürcüstanın Rusiyadan "qoparılması, Qərblə qarşılıqlı öhdəliklər olmadan hərbi-siyasi "münasibətlər" dayanır – yəni, dalana aparan yol...

Eləcə də oxuyun:

23
Qadın Tokioda Olimpiya Oyunları yazısı olan dispelyin qarşısından keçir, arxiv şəkli

Olimpiada Tokio həmişəki böyük problemlər

18
(Yenilənib 01:44 23.07.2021)
Yaponiya əhalisinin 80%-ə qədəri Olimpiadanın keçirilməsinin əleyhinədir, lakin onların rəyi təşkilatçıları qətiyyən maraqlandırmır.

İyulun 23-də Tokioda Yay Olimpiya Oyunlarına start veriləcək. Əsas idman forumunun hələ 2020-ci ildə keçirilməsi planlaşdırılırdı. Lakin koronavirus pandemiyası üzündən tədbir məcburən təxirə salındı. Qarşıdakı Olimpiadada dünyanın 206 ölkəsindən 12,5 min idmançı iştirak edəcək. Yarış proqramına 33 idman növü daxil edilib və idmançılar 339 Olimpiya medalı uğrunda mübarizə aparacaqlar.

Tokioda keçirilməli olan ilk Olimpiadaya müharibə mane olub

İlk dəfə əsas idman forumunu Yaponiya 1940-cı ildə keçirmək niyyətində olub. Həmin il ölkənin 2600 illiyi qeyd olunurdu və bu, xüsusi bir simvolizm kimi nəzərdən keçirilirdi. Bundan əlavə, oyunların bu ölkədə keçirilməsi üçün yapon idmançılarının inkişafı da əsas idi, 1932-ci ildə yaponiyalılar ümumi hesabda medalların sayına görə beşinci yerə yüksəlmişdilər.

Yaponiyanın təşkilat komitəsi aqressiv və işgüzar fəaliyyət göstərirdi: idmançıların və nümayəndə heyətlərinin ölkə ilə tanışlıq səyahətlərinin təşkili üçün yarım milyon dollar vəsait ayrılmışdı. Təşkilat komitəsi Avropa ölkələri liderlərinin əksəriyyətini bu Asiya ölkəsinə səs verməyə razı salmışdı. Hətta Benito Mussolinini də növbəti oyunlarda Romanın namizəd kimi irəli sürülməsi müqabilində Yaponiyaya səs verməyə razı sala bilmişdilər.

Nəticədə, 1936-cı ilin yayında Beynəlxalq Olimpiya Komitəsi (BOK) Olimpiadanın Yaponiyada keçirilməsi barədə q