* AZƏRBAYCAN *
Nikol Paşinyan, arxiv şəkli

Dərviş Parisdə ya Paşinyanın Qarabağla bağlı ad günü xülyaları

976
(Yenilənib 11:40 03.06.2021)
Görünən budur ki, Ermənistan Baş nazirinin səlahiyyətlərini icra edən Nikol Paşinyan artıq reallıq hissini və Vətən müharibəsinin bu ölkə üçün ağır fəsadlarını, itkilərini, nəticələrini unudur.

Ermənistan Baş nazirinin səlahiyyətlərini icra edən Nikol Paşinyanın gözlənilməz Fransa səfəri həm ölkədaxili, həm də ölkə xaricində birmənalı qarşılanmayıb. Ekspertlər isə seçki ərəfəsində Paşinyanın Parisə, daha sonra isə Brüsselə səfərini onun növbədənkənar parlament seçkisi öncəsi Qərbdən dəstək almaq istəməsi, həm də bu səfərlə özünün yerli auditoriya qarşısında nüfuzunu artırmaq cəhdi ilə əlaqələndirirlər. Ermənistanın Baş nazirinin səlahiyyətlərini icra edən şəxsin Fransa səfəri gözlənilənlərin əksinə heç də rəvan keçmədi. Belə ki, Nikol Paşinyan ölkəsinin Parisdəki səfirliyində diaspora nümayəndələri görüşə gedərkən erməni icmasının nümayəndələrinin etirazları ilə qarşılaşıb. Aksiya iştirakçıları Paşinyanın avtomobil karvanının səfirlik ərazisinə girişinin qarşısını almağa çalışıb. Hücum zamanı Ermənistanın Baş nazirinin xidməti avtomobillərindən birinin güzgüsü sındırılıb. Etirazçılar hətta "satqın", "siyasi əxlaqsız", "Nikol satqın" kimi şüarları belə səsləndirməkdən çəkinməyiblər.

Lakin ən maraqlı hadisələr Paşinyanın erməni diasporunun nümayəndələri ilə görüşü zamanı baş verib. Ya Fransa Prezidenti Emanuel Makronla görüşdən, ya da həmin gün öz ad günü olmasından ilhamlanan, cuşa gələn Nikol Paşinyan Rusiya və Azərbaycan liderləri ilə birgə ötən ilin noyabrın 10-da imzaladığı (heç harada imzalaması da bilinmir – red.) üçtərəfli bəyanatı kağız adlandırdı. O, bir az da irəli gedərək bu kağızın "müharibəni dayandırdığını, lakin problemi həll etmədiyini" həyasızcasına bildirib. Bütün bunlar isə Ermənistan Baş nazirinin müavini Mqer Qriqoryanın "Yerevanın Azərbaycan-Ermənistan sərhədində yaranan vəziyyətlə bağlı üçtərəfli işçi qrup formatda konstruktiv işi mümkünsüz hesab etməsi" barədə sensasion bəyanatından sonra baş verir.

Paşinyan Parisdə açıq şəkildə bəyan edib ki, ölkələr arasında yekun sülhün bərqərar olmasına hələ çox var və erməni xalqı davamlı sülhü əldə etmək üçün yeni çağırışlarla qarşılaşmalıdır. Görünən budur ki, Ermənistan Baş nazirinin səlahiyyətlərini icra edən Nikol Paşinyan artıq reallıq hissini və Vətən müharibəsinin bu ölkə üçün ağır fəsadlarını, itkilərini, nəticələrini unudur. Çünki, onun Parisdə üçtərəfli bəyanatla bağlı səsləndirdiyi fikirləri Qafqazda yeni müharibə anonsu və ölkə əhalisini buna hazırlamaq cəhdi kimi də dəyərləndirmək olar.

Paşinyanın öz bəyanatını Yerevandan deyil, Parisdən səsləndirməsinin arxasında məhz Fransa Prezidenti Emmanuel Makronun durduğu heç kəsə sirr deyil. Rəsmi Paris hələ də Qarabağ münaqişəsinin həlli ilə bağlı imzalanan üçtərəfli bəyanatdan kənar qalmasını həzm edə bilmir. Yeni reallıqdan kənarda qalan Fransa rəhbərliyi hər vəchlə başlanan prosesə müdaxilə etməyə, onu pozmağa cəhd göstərir. Rəsmi Paris yaxşı anlayır ki, Vətən müharibəsi zamanı həmsədrlik ruhuna zidd olaraq, neytral mövqe tutmaması, Ermənistanı açıq şəkildə dəstəkləməsi rəsmi Bakının ciddi narazılığına səbəb olub və Azərbaycan dəfələrlə bu ölkəni həmsədrlik mandatına uyğun olaraq neytral mövqe sərgiləməyə çağırıb. Azərbaycan XİN isə öz növbəsində Makron – Paşinyan görüşünə reaksiya verərək, Dağlıq Qarabağ adlı inzibati vahidin olmadığını, Bakı və Yerevan arasında birbaşa dialoqun mövcudluğunu, Fransanın bu məsələdə hər hansı bir rolunun olmadığını xüsusi ilə vurğulayıb.

Ermənistan Baş nazirinin səlahiyyətlərini icra edən Nikol Paşinyanın üçtərəfli bəyanat barədə səsləndirdiyi fikirləri Rusiyaya, onun prezidenti Vladimir Putinə qarşı demarş kimi də qəbul etmək olar. Müharibə günlərində Rusiya tərəfinə əməliyyatların dayandırılması ilə bağlı az qala yalvaran Paşinyan indi utanmadan bəyanatı kağız parçası adlandırır. Ermənistan Baş naziri bir növ Paris səfəri ilə öz həqiqi simasını göstərdi. Görünən budur ki, Paşinyan iyunun 20-də növbədənkənar parlament seçkilərində qalib gələcəyi təqdirdə, Ermənistanı Rusiyanın orbitindən çıxarmaq siyasətini davam etdirəcək. Bütün baş verənlər fonunda isə Ermənistan parlament seçkilərinin gərgin keçəcəyini və seçkilərdən sonra bu ölkədə siyasi böhranın daha da dərinləşəcəyini gözləmək olar.

Müharibə - Azərbaycan ərazilərinin işğaldan azad edilməsi

Qeyd edək ki, 2020-ci ilin sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb. Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görür.

Müdafiə Nazirliyinin məlumatına görə, Azərbaycan Ordusunun uğurlu əks-hücum əməliyyatları nəticəsində Füzuli-Cəbrayıl istiqamətində Qaraxanbəyli, Qərvənd, Kənd Horadiz, Yuxarı Abdurrəhmanlı, Böyük Mərcanlı və Nüzgar kəndləri işğaldan azad edilib.

Oktyabrın 3-də isə Azərbaycan Silahlı Qüvvələri strateji cəhətdən əhəmiyyətli daha bir yaşayış məntəqəsini - dövlət başçısının həmin gün Sugovuşan tarixi adını qaytardığı Madagiz kəndini azad edib. Həmin gün Tərtər rayonunun Talış kəndinin, Cəbrayıl rayonunun Mehdili, Çaxırlı, Aşağı Maralyan, Şəybəy və Quycaq kəndlərinin və Füzuli rayonunun Aşağı Əbdürrəhmanlı kəndinin azad edildiyi məlum oldu.

Oktyabrın 4-də Azərbaycan ordusu Cəbrayıl şəhərini və Cəbrayıl rayonunun doqquz kəndini - Karxulu, Şükürbəyli, Yuxarı Maralyan, Çərəkən, Daşkəsən, Horovlu, Dəcəl, Mahmudlu, Cəfərabadı azad edib.

Oktyabrın 5-də Azərbaycan ordusu Cəbrayıl rayonunun Şıxalıağalı, Məzrə və Sarıcalı, 9-da Hadrut qəsəbəsi, Çaylı, Yuxarı Güzlək, Gorazıllı, Qışlaq, Qaracallı, Əfəndilər, Süleymanlı, Sur, 14-də Füzuli rayonunun Qaradağlı, Xatunbulaq, Qarakollu, Xocavənd rayonunun Bulutan, Məlikcanlı, Kəmərtük, Təkə, Tağaser kəndləri işğaldan azad edilib.

Oktyabrın 15-də Azərbaycan Ordusu tərəfindən Füzuli rayonunun Arış, Cəbrayıl rayonunun Doşulu, Xocavənd rayonunun Edişə, Düdükçü, Edilli, Çiraquz kəndləri, 16-da Xocavənd rayonunun Xırmancıq, Ağbulaq, Axullu, 17-də Füzuli rayonunun Qoçəhmədli, Çimən, Cuvarlı, Pirəhmədli, Musabəyli, İşıqlı, Dədəli kəndləri və Füzuli şəhəri işğaldan azad olunub.

Oktyabrın 18-də Azərbaycan Silahlı Qüvvələri Xudafərin körpüsünün üzərində Azərbaycan bayrağını qaldırıblar. Bir gün sonra isə Cəbrayıl rayonunun Soltanlı, Əmirvarlı, Maşanlı, Hasanlı, Alıkeyxalı, Qumlaq, Hacılı, Göyərçin Veysəlli, Niyazqulular, Keçəl Məmmədli, Şahvəlli, Hacı İsmayıllı, İsaqlı kəndləri azad edilib.

Oktyabrın 20-də Füzuli rayonunun Dörd Çinar, Kürdlər, Yuxarı Əbdülrəhmanlı, Qarğabazar, Aşağı Veysəlli, Yuxarı Ayıbasanlı, Cəbrayıl rayonunun Səfərşa, Hasanqayda, Fuğanlı, İmambağı, Ağtəpə, Yarəhmədli, Daş Veysəlli, Xocavəndin Ağcakənd, Mülküdərə, Daşbaşı, Günəşli (Noraşen), Çinarlı (Vəng), Zəngilan rayonunda Havalı, Zərnəli, Məmmədbəyli, Həkəri, Şərifan, Muğanlı kəndləri və Zəngilan şəhəri azad edilib.

Oktyabrın 21-də Füzuli rayonunun Gecəgözlü, Aşağı Seyidəhmədli, Zərgər kəndləri, Cəbrayıl rayonunun Balyand, Papı, Tulus, Hacılı, Tinli kəndləri, Zəngilan rayonunun Mincivan qəsəbəsi, Xurama, Xumarlı, Sarıl, Babaylı, Üçüncü Ağalı, Hacallı, Qırax Müşlan, Üdgün, Turabad, İçəri Müşlan, Məlikli, Cahangirbəyli, Baharlı kəndləri işğaldan azad edilib.

Oktyabrın 22-də Füzuli rayonunun Mollavəli, Yuxarı Rəfədinli, Aşağı Rəfədinli, Cəbrayıl rayonunun Sirik, Şıxlar, Məstəlibəyli, Dərzili kəndləri, Zəngilanın Kolluqışlaq, Malatkeşin, Kənd Zəngilan, Genlik, Vəliqulubəyli, Qaradərə, Çöpədərə, Tatar, Tiri, Əmirxanlı, Qarqulu, Bartaz, Dəlləkli kəndləri və Ağbənd qəsəbəsi işğaldan azad olunub.

Oktyabrın 23-də Qubadlı rayonunun Zilanlı, Kürd Mahrızlı, Muğanlı və Alaqurşaq, Xocavənd rayonunun Dolanlar, Bünyadlı, Cəbrayıl rayonunun Dağ Tumas, Nüsüs, Xələfli, Minbaşılı, Veysəlli, Zəngilan rayonunun Vənədli və Mirzəhəsənli kəndləri, 25-də Zəngilan rayonunda Birinci Alıbəyli, İkinci Alıbəyli, Rabənd, Yenikənd, Cəbrayıl rayonunda Qovşudlu, Sofulu, Dağ Maşanlı, Kürdlər, Hovuslu, Çələbilər, Qubadlı rayonunda Əfəndilər, Yusifbəyli, Çay Tumas, Xanlıq, Sarıyataq, Mollabürhan və Qubadlı şəhəri işğaldan azad edilib.

Oktyabrın 28-də Azərbaycan Ordusu Zəngilanın Birinci Ağalı, İkinci Ağalı, Üçüncü Ağalı, Zərnəli, Füzulinin Mandılı, Cəbrayılın Qazanzəmi, Xanağabulaq, Çullu, Quşçular, Qaraağac, Qubadlının Qiyaslı, Əbilcə, Qılıcan, 30-da Cəbrayıl rayonunun Xudaverdili, Qurbantəpə, Şahvələdli, Xubyarlı, Zəngilan rayonunun Aladin, Vejnəli, Qubadlı rayonunun Kavdadıq, Məmər, Mollalı kəndlərini işğaldan azad edib.

Noyabrın 2-də Cəbrayıl rayonunun Çapand, Hacı İsaqlı, Qoşa Bulaq, Zəngilan rayonunun Dərə Gilətağ, Böyük Gilətağ, Qubadlı rayonunun İşıqlı, Muradxanlı, Milanlı, 4-də Ordumuz Cəbrayıl rayonunun Mirək, Kavdar, Zəngilan rayonunun Məşədiismayıllı, Şəfibəyli, Qubadlı rayonunun Başarat, Qarakişilər, Qaracallı, 7-də Füzulinin Yuxarı Veysəlli, Yuxarı Seyidəhmədli, Qorqan, Üçüncü Mahmudlu, Qacar, Divanalılar, Cəbrayılın Yuxarı Məzrə, Yanarxac, Qubadlının Qəzyan, Balasoltanlı, Mərdanlı, Zəngilanın Beşdəli, Xocalının Qarabulaq, Quşçubaba (Moşxmaat), Xocavəndin Ataqut, Tsakuri kəndləri işğaldan azad edilib.

Noyabrın 8-də Şuşa şəhəri erməni qəsbkarlardan təmizlənib.

Hərbi əməliyyatların dayandırılması və tam atəşkəs barədə üçtərəfli bəyanat

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

Həmçinin oxuyun: 

* Paşinyanın bu sözləri aləmi qatacaq: Azərbaycan-Rusiya sərhədində də...

* Nikol Paşinyanı təhdid edirlər, bəs o, geri çəkiləcəkmi?

* Paşinyandan İlham Əliyevlə bağlı növbəti iddia

* İlham Əliyev: Bilmirəm, Paşinyan kapitulyasiya aktını hansı tində imzalayıb

976
Böyük Vətən Müharibəsində əsgərlərin döyüş bölgəsinə göndərilməsindən əvvəl təlimi, arxiv şəkli

Ölkə səksən il bundan əvvəl qalib gələcəyini bilərək döyüşə girdi

268
(Yenilənib 17:33 22.06.2021)
Qələbə üçün bütün bu qurbanlar əbəs yerə verilməyib. Biz bu gün məhz həmin misli görünməmiş fədakarlıqlar sayəsində yaşayırıq.

BAKI, 22 iyun — Sputnik, Yelena Qarayeva. "Dortmund" məxfi kəlməsi səsləndi və alman təcavüzkarının ağır zərbəsi gecə yuxusunda olan dinc kəndlərə, şəhərlərə, tarlalara, çöllərə, meşələrə, doğmalarımızın, babalarımızın, nənələrimizin, atalarımızın yatdığı evlərə endirildi.

Zərbə onlara dəydi... Yəni bizə, bizim hamımıza...

Səksən il bundan əvvəl "birləşmiş Avropa" qitəsi bütün gücü ilə üstümüzə hücuma keçdi. SSRİ-yə həm Fransanın maşınqayırma sənayesi, həm də Norveçdəki poladəritmə zavodları tərəfindən dəstəklənən vermaxt ordusu hücum etdi, Belçikanın SS batalyonları da bu işə cəlb edildi, Rumıniya aviasiyası da havaya qaldırıldı. Nasist zabitləri Xorvatiya hərbi hissələrinə də əmrlər yağdırırdılar.

Mətbuat da səfərbər edildi. Hitlerin təbliğat maşını ən az onun tankları və təyyarələri qədər diqqətlə yığılmışdı. Yozef Gebbels radio müraciətində vurğulayırdı: "22 iyun 1941-ci ildə Avropa bolşevik-sovet Rusiyasına cavab vermək qərarına gəldi".

Berlin vermaxtın və nasizmin qalib gələcəyinə şübhə etmirdi, ancaq "sovetlərin cavabı" özünü çox gözlətmədi.

Bu cavab Konstantin Simonovun – hamımızın yaxşı xatırladığı çalsaç cəbhə yazıçısı deyil, gənc, o zamanlar 25 yaşında olan "Qırmızı ulduz"un hərbi müxbirinin – göndərdiyi müraciətdə səsləndirildi.

Simonov Qərb cəbhəsinə Böyük Vətən müharibəsinin başlamasından beş gün sonra gəlmişdi və sonralar xatirələrində sərhədçi-zabitlərlə söhbətindən sitatlar gətirirdi. O deyirdi: "Hamının zastavalarda həlak olduğu barədə məlumat aldım. Axıra kimi döyüşmüşdülər. Orada olanların hamısı həlak olmuşdu. Mənim öz ailəm də orada, Qrayev yaxınlığındadır. Arvadım, iki uşağım, anam, bacım... Bu dünyada nəyim, kimim varsa, hamısı oradadır".

Acından ölən uşaqlarını xizəklərlə basdırmağa aparırdılar

Elə həmin gün, iyunun 29-da "Barbarossa" planını işləyib hazırlayanlardan biri, general Qalder öz gündəliyində yazır: "Cəbhədən gələn xəbərlər təsdiqləyir ki, ruslar hər yerdə son nəfərə qədər döyüşürlər". Hərçənd, Qalder öz rəhbərliyinə qələbə məlumatları göndərirdi.

Simonov daha sonra qeyd edirdi: "Bəzilərinin müharibədən sonra nə yazdıqlardan asılı olmayaraq, onda heç kim Şərq cəbhəsində onların tamamilə darmadağın etdikləri sovet ordusunun nə vaxtsa Almaniya ərazisinə girəcəyini ağlına belə gətirmirdi".

Reyxin ən yüksək generallarının qiymətləndirmələri 1940-cı ilin mayında Avropa hakimiyyətinin və xalqlarının davranışlarına əsaslanırdı: cəmi beş həftə ərzində Hollandiya Krallığı (kapitulyasiya sənədi mayın 14-də imzalandı), Belçika Krallığı (kapitulyasiya sənədi mayın 28-də imzalandı) və nəhayət, Fransa (kapitulyasiya sənədi iyunun 17-də imzalandı) nasistlərin ayaqları altına düşdü.

İngilis Ekspedisiya Qüvvələri Dunkerkdən qaçdı, vermaxtın əsgərləri isə bir-bir Avropa paytaxtlarına daxil oldular. Avropalılar onlara müqavimət göstərmədilər. Mənzərəli məkanlarda xoş gəzinti, ləzzətli yeməklər, keyfiyyətli şərab və məğlub olmuşlar tərəfindən yaxşı qəbul – vermaxt üçün Qərbi Avropada müharibə bundan ibarət idi.

İndi pasifizm tərəfdarları və heç vaxt müharibə olmasın deyənlər bildirirlər ki, "bu qanlı təcrübə" ölkələr arasındakı "keçmiş düşmənçiliyi" aradan qaldıraraq Avropanın birləşməsinə və dinc qitəyə çevrilməsinə səbəb oldu.

Əslində bu, həqiqətən də qanlı təcrübə idi və qanı tökülən də SSRİ xalqları idi. Məhz SSRİ vətəndaşları həm öz ölkələri, həm də Avropa dövlətlərinin hər qarışı üçün canları bahasına mübarizə aparmalı oldular.

Sovet hərbçiləri Ştrausun Vyanadakı məzarına əklil qoyduqları bir vaxtda vermaxt ordusunda xidmət edənlər Puşkinin qəbrinə mina basdırırdılar.

Biz ikinci cəbhənin açılmasını düz üç il gözlədik və müttəfiqlərin Ardenlərdəki hücumu dəf ediləndə Çörçill Stalinə kömək üçün, demək olar ki, yalvarmağa başladı. Baş Komandanlığın Vista-Oder əməliyyatının vaxtı səkkiz gün irəli çəkilir. Polşada Qızıl Ordunun hücumunun başlamasını sürətləndirmək barədə qərar isə bir neçə saatın içində verilir.

Nasistlər Leninqradı mühasirədə saxlayır və qəhrəman şəhərin sakinləri acından ölən uşaqlarını xizəklərlə basdırmağa aparırlar, halbuki qələbədən sonra Berlinin komendantı, general Berzarin bütün alman uşaqlarının peyvənd olunması və südlə təmin edilməsi barədə əmrlər verirdi.

80 il əvvəl başlayan və 1418 gün sürən müharibədə keçilən yol yalnız xalqımıza azadlıq gətirmədi, Maydanek və Auşvits krematoriyalarının sobalarını söndürmədi, Krakovu məhv olmaqdan qurtarmadı, Drezden qalereyasını, xəzinəsini xilas etmədi, həm də insanlıq və humanizmin dəyərini bir daha təsdiqlədi. Və həmin dəyərləri Avropa dərhal mənimsəyərək "özünün ümumi dəyərləri" elan etdi.

"Bir daha əsla"

Avropa özü azadlığa çıxandan sonra ehtirasla urbi et orbi – "Bir daha əsla" vəd edərək yavaş-yavaş başqa müharibələrə qoşuldu. Şimali və Qərbi Afrikada müstəqillik tərəfdarları ilə döyüşdü, Hind-Çində hərbi əməliyyatlar apardı. Sonra növbə Yuqoslaviyaya ("Miloseviç diktaturası və serblərin zülmünə" qarşı mübarizə kimi qələmə verilən – bütün bunları yaxşı xatırlayırıq) çatdı.

On ildən sonra növbə Ukraynaya da gəldi. Ukraynada – Avropa İttifaqı də daxil olmaqla, tamamilə açıq şəkildə əvvəl bir, sonra ikinci dəfə müharibə qızışdırıldı. Həm birinci, həm də ikinci halda, həm 2004-cü ildə, həm də 2013-2014-cü illərdə "başqalarına" qarşı nifrət mühiti yaradıldı.

Yuqoslaviya münaqişəsində olduğu kimi, nasistlərə rəğbət bəsləyənlər dərhal başlarını qaldırdılar, Hitlerin davamçıları və müharibə cinayətkarları isə dərhal "azadlıq və müstəqillik uğrunda mübarizə aparanlar və "Rusiyanın təsirindən xilas edənlərə" çevrildilər.

Müharibə mövzusuna qayıtsaq, Pavlovun Stalinqraddakı evinin – yalnız bir evin və təkcə bir müqavimət tağımı tərəfindən 58 gün müdafiə olunduğunu unutmamalıyıq. Bu, vermaxt qoşunlarının indi birləşmiş və "pasifist" olan qitə Avropası boyunca yürüşündən daha uzun çəkmişdi.

Gəlin, hər şeydən əvvəl bir məsələni yaddan çıxartmayaq: əcdadlarımızın, yaxınlarımızın, həmvətənlərmizin qəhrəmanlığını "milyonlarla təcavüzə məruz qalmış alman qadını", "qənimət eşelonları" və "oğurlanmış sənət kolleksiyaları" haqqında hekayələrlə gözdən salmaq cəhdi "yalnız bir hüceyrənin quruluşunu dəyişdirilməklə bütün orqanizmin xərçənginə gətirib çıxarmaq, ümumi genetik kodumuzu məhv etməyin bir yoludur.

Gəlin, nəhayət, dərk edək ki, "Rusiyanın militarizmi" ilə bağlı bütün bu səs-küy ağlasığmaz və misli görünməmiş bir şeyə nail olmuş – nasizmin belini qıraraq bütün Avropa qitəsinin qarşısında baş əydiyi bu hərbi gücün dörddə üçünü məhv etmiş ölkəyə həsəd aparmaqdan başqa bir şey deyil.

Döyüş meydanında ölənləri, yaralananları, köləliyə məhkum edilənləri, əsir düşərgələrinə göndərilənləri, işgəncələrə məruz qalanları, güllələnənləri, asılanları yada salaraq bir daha təkrarlayaq ki, Qələbə üçün bütün bu qurbanlar əbəs yerə verilməyib. Biz bu gün məhz həmin misli görünməmiş fədakarlıqlar sayəsində yaşayırıq.

Yaddaşımız və kədərimiz isə onlarla ucaltdığımız ortaq və əbədi abidəmizdir.

 

Eləcə də oxuyun:

  • Ceyhun Bayramov və Sergey Lavrov Böyük Vətən müharibəsi ilə bağlı şeir dedi

  • Keçmişə baxmayaraq açıq olmaq - Putin

  • İkinci Dünya müharibəsi ilə bağlı mif və əfsanələr

268
Haker

Hakerlərin qurbanı olan məşhur azərbaycanlılar: Virtual hücumlardan necə yaxa qurtarmalı

6799
(Yenilənib 01:36 22.06.2021)
Azərbaycanın iki məşhur siması - Xalq artisti Miri Yusif və müğənni Sevda Yahyayevanın rəsmi "Facebook" hesabları oğurlanıb.

Bir neçə həftə bundan əvvəl müğənni Sevda Yəhyayevanın, qısa zaman öncə isə Xalq artisti Miri Yusifin profilləri ələ keçirilib. Sözügedən hesabda Yəhyayevanın 319 min, Miri Yusifin isə 161 min izləyicisi var. Həmin səhifələr Şərqi Asiyadan olan dələduzlar tərəfindən fişinq metodu ilə oğurlanıb.

Proqramçı mühəndis Əkrəm Babayev prosesin necə baş verdiyini izah edib. Proqramçının Sputnik Azərbaycan-a verdiyi açıqlamasına görə, bu da bir oğurluq üsuludur: "Sizə "fake" giriş səhifəsi atırlar. Məsələn, həmin linkə girən kimi yenidən "Facebook"a giriş istənilir. Hansı ki, eynilə "Facebook" giriş səhifəsinin kopyasıdır. Link yerinə diqqət etsəniz, görərsiniz ki, başqa linkdir. Təbii ki, buna diqqət edilmir və istifadəçi yenidən öz login və şifrəsini yazaraq hesabına daxil olur. Yazdığı login və şifrə linki göndərən hakerə yönlənir. İstifadəçilərə məsləhətim budur ki, elə linklər atılanda daxil olmasınlar".

Bunun qarşısını almaq üçün hansı qabaqlayııcı tədbirlər görmək lazımdır? Mütəxəssis öz tövsiyələrini verdi:

"Bunun üçün ikifaktorlu doğrulama qoymaq lazımdır. "Facebook" və "Gmail"-ə bağlı nömrələri xarici nömrəyə bağlamaq, qoyulan parolların simvolunu bol etmək, ikifaktorlu doğrulamanı xüsusi mobil əlavəyə əlavə etmək lazımdır. Bundan başqa, "Facebook"-a bağlı olan "Gmail" hesabı da eynilə ikifaktorlu doğrulamaya qoymaq və həm "Facebook", həm də "Gmail" üçün ehtiyat nüsxə ikifaktorlu kodları götürmək və "Gmail"-ə başqa bir dostun "Gmail"-ini bağlamaq lazımdır. Ən pis halda "Gmail"-in satdığı xüsusi açarı almaq lazımdır".

"İkifaktorlu doğrulama nədir? İkifaktorlu doğrulama odur ki, sizin parolunuzu bildiyim halda, məndən ikinci dəfə şifrə istəyir və o şifrə telefonda sizin hesabınıza bağlı olan mobil əlavədədir. O proqram da 30 saniyədən bir generasiya (yenidən yaranma) olunur və kodu ora yazmalısınız. İkifaktorlu doğrulamanın digərində isə telefona mesaj göndərilir və ya zəng olunur. Sizə kod verilir və siz o kodu yazmaqla girə bilirsiniz", - deyə Ə.Babayev əlavə edib.

Bəs "Gmail" oğurlanarsa, hansı addım atılmalıdır? Bu sualı proqramçı belə izah edib: "Kimsə sizin "Gmail"-i oğurlayarsa, "xüsusi açar"la qaytara bilərsiniz. Xüsusi açar - usb girişi ilə kompüterə taxılır. Həmin açarı da "Gmail"-ə daxil olub hesabınıza tanıdırsınız. Doğrulamanı da o açarla etdiyiniz anda heç kim qıra bilməz. Bu açar məsələsini "Gmail" şəxsən özü mənə bildiriş kimi vermişdi. Hansı ki, mənim "Gmail"-im oğurlanmağa cəhd olunurdu".

Bəs səhifəni oğurlayan hakerin kimliyini müəyyən etmək mümkündürmü?

""Facebook"-da hesabınız itərkən əlaqəyə keçəcək dostları da seçmək lazımdır. Hesabı qaytarmaq üçün o dostlara kod göndərilir. Bu da digər təhlükəsizlik tədbirlərindən biridir. Amma sonda bildirim ki, bütün bunlara baxmayaraq, hədəfdə olmağının dərəcəsindən asılıdır. Əgər böyük bir hədəfdəsənsə, bunun qarşısını almaq mümkün deyil. Yenə də sındıra bilirlər. Səhifəni oğurlayan hakerin kimliyini təxmin etmək mümkün olsa da, bu, 100%-lik deyil".

Xatırladaq ki, bu yaxınlarda türkiyəli məşhur model və aparıcı Elif Uzunun "Instagram" hesabı oğurlanmışdı. Mobil telefonuna gələn mesajı açandan sonra məşhurun başına belə hadisə gəlib. İddiaya görə, onun dostluğunda olan müğənni, aktyor, model, siyasətçilər təhdid ediliblər.

Onun sözlərinə görə, hesabı ələ keçirən fırıldaqçılar dostluğunda olanlara təhdid mesajları yollayaraq deyiblər ki, əllərində onlara məxsus görüntülər var. Bu yolla həmin şəxslərdən pul istəyiblər. Bəziləri buna inanaraq onların dediyi hesaba pul köçürüb, bəziləri isə Uzuna zəng edərək bu barədə xəbər veriblər. Uzunun şikayət məktubundan sonra qısa müddətdə hesabı qayıtsa da, artıq çox miqdarda pul oğurlanıb.

Qeyd edək ki, anoloji hadisələrlə nəinki şou-biznes, eləcə də siyasi liderlər də qarşılaşır.

6799
Azərbaycanın T-55 tankları Ağdamda

Ağdamı azad edən igidlərimizə medal verilir - SİYAHI

6523
Ağdam rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş hərbçilərimiz xüsusi medalla təltif olunurlar

BAKI, 24 iyun - Sputnik. Azərbaycan Respublikasının Ağdam rayonunun işğaldan azad edilməsi
uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin bir qrup hərbi qulluqçusu “Ağdamın azad olunmasına görə” medalı ilə təltif ediliblər.

Bu barədə Prezident İlham Əliyev müvafiq sərəncam imzalayıb.

Təltif olunmuş hərbçilərimizin siyahısı ilə buradan tanış olmaq mümkündür.

---------------

29.12.2021

16:11

Azərbaycan Respublikasının Ağdam rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin bir sıra hərbi qulluqçuları “Ağdamın azad olunmasına görə” medalı ilə təltif edilirlər.

Sputnik Azərbaycan bildirir ki, bu barədə Azərbaycan Prezidenti İlham Əliyev müvafiq sərəncam imzalayıb.

Təltif olunmuş hərbçilərimizin siyahısı ilə bu linkdən tanış ola bilərsiniz.

6523
Teqlər:
Sərəncam, Prezident İlham Əliyev, Azərbaycan Ordusu, medal, döyüş, Qarabağ, Ağdam