* AZƏRBAYCAN *
Uhanda ekponatlar

ABŞ koronavirus pandemiyasının təqsirkarlarını tapıb

30
(Yenilənib 13:04 02.06.2021)
ABŞ dünyada Bioloji və Zəhərli Silahların Qadağan edilməsi üzrə Konvensiyanın icrasına qarşılıqlı nəzarət protokolunu imzalamayan azsaylı dövlətlərdən biridir.

BAKI, 2 iyun — Sputnik, Viktoriya Nikiforova. Tramp və Bayden qəfildən COVID-19-la bağlı razılığa gəliblər. Halbuki ABŞ-ın keçmiş prezidenti pandemiyanın əvvəlindən bəri virusun Çinin Uhan şəhərindəki bir laboratoriyadan dünyaya yayıldığını bəyan edirdi. Co Bayden və bütün demokratlar isə ağızları köpüklənə-köpüklənə virusun süni mənşəli olması fikrini inkar edirdilər.

Və indi birdən-birə iş dəyişdi. Keçən həftə prezident Bayden virusun bir laboratoriyada yaradılmasını mümkün hesab etdiyini bildirdi. "Facebook" isə bu müəmmalı xəstəliyin süni mənşəli olma ehtimalını müzakirə edən postlara qadağaları aradan qaldırdı.

Üstəlik, Vaşinqton rəhbərliyi koronavirusun süni şəkildə yaradılması ehtimalını qəbul edən kimi günahkar da tapıldı. Amerika kəşfiyyat xidmətləri prezident Baydenin əmri ilə istisnasız olaraq virusun mənşəyinin Çin versiyası ilə məşğul olacaq. Digər versiyalar diqqətə alınmır.

Çin Xalq Respublikasını səhlənkarlıqda və ya təxribatda ittiham etmək üçün heç bir əsas yoxdur, yalnız pandemiyanın başlaması ilə bağlı rəsmi açıqlamadan əvvəl "The Wall Street Journal"-da Uhandakı bəzi alimlərin koronavirusa bənzər bir virusa yoluxduqlarını iddia edən məqalədən başqa. Bir sözlə, bu məsələ tamamilə müəmmalıdır və öz təsdiqini tapmayıb.

Rəsmi Pekin amerikalı alimlərin virusları, o cümlədən, insan hüceyrələrinə nüfuz etmə ehtimalı yüksək olan vuruşlarla bağlı daha çox təcrübə apardıqlarını vurğulayaraq etirazını bildirir.

2019-cu ilin yay -payız hadisələrinin qrafiki də maraqlıdır. Avqust ayında ABŞ-ın məşhur hərbi bioloji laboratoriyası Fort-Detrik qəfildən bağlandı. Planetdəki ən təhlükəli virus və bakteriyalar orada saxlanılır və araşdırılır. Bu laboratoriyanın "kolleksiyasında" qarayara, çiçək və taun kimi xəstəliklər var.

 Laboratoriyanın adları son dərəcə məxfi saxlanılan alimləri həmin nümunələri həvəslə sinqadan keçirir və onların yeni, daha təhlükəli variantlarını işləyib-hazırlayırlar.

Yeri gəlmişkən, Rusiya Xarici İşlər Nazirliyinin də dəfələrlə xatırlatdığı kimi, ABŞ dünyada Bioloji və Zəhərli Silahların Qadağan edilməsi üzrə Konvensiyanın icrasına qarşılıqlı nəzarət protokolunu imzalamayan azsaylı dövlətlərdən biridir. Yəni, Rusiya və Çin də daxil olmaqla, bu konvensiyanı qəbul etmiş bütün dövlətlər bir-birinin laboratoriyalarını yoxlaya bilərlər. Ancaq ABŞ alimlərinin öz biolaboratoriyalarında nə işlə məşğul olduqları elmə məlum deyil.

Və Fort-Detrik laboratoriyası naməlum qəza səbəbindən bağlandı. Yüksək məxfilik qəzanın miqyasını açıqlamağa imkan vermir. Elə həmin ilin sentyabr ayında ABŞ-da qəribə bir ağciyər xəstəliyi epidemiyası başladı. Əvvəlcə bunu elektron siqaretlərin, daha doğrusu, həmin siqaretlər üçün nəzərdə tutulmuş hansısa qarışığın ayağına yazmağa cəhd göstərdilər. Guya həmin maddə ölümcül dərəcədə təhlükəlidir.

Xəstəliyin simptomlarına pnevmoniya, daxili orqanların sıradan çıxması aid edilir ki, bu da COVID-19-un əlamətlərinə çox bənzəyir. Oktyabr ayında ABŞ hərbçiləri beynəlxalq təlim çərçivəsində Uhana yollanır və bir sıra çinli mütəxəssislərin fikrincə, beləliklə də Amerika koronavirusu yerli sakinlərə ötürülür.

Çinli yoldaşların versiyası mübahisə doğura bilər, amma ümumilikdə ABŞ-ın irəli sürdüyü ittihamlardan daha ağlabatandır.

ABŞ-da koronavirusa nəzarət üzrə səlahiyyətli şəxs olan Entoni Fauçi bir il ərzində vurusun süni mənşəli olması barədə bütün versiyaları qətiyyətlə rədd etdi. Sosial şəbəkələrdə isə virusun təbii mənşəli olmasına şübhə edənlər linç olundu.

Görkəmli fransız virusoloqu, Nobel mükafatı laureatı Lyuk Montanyenin koronavirusun süni mənşəli olması ilə bağlı açıqlaması ona az qala, karyerası və nüfuzu bahasına başa gələcəkdi. Halbuki o, sadəcə, SARS-CoV-2-nin quruluşundakı ardıcıllığın HİV virusuna bənzədiyini nümayiş etdirərək koronavirusun süni mənşəli olduğuna işarə etmişdi.

Çin mənşəli Amerika virusoloqu Bin Lyu bir il əvvəl Pitsburqda koronavirusun quruluşu ilə bağlı bir araşdırma apardığı vaxt güllələndi. O, maraqlı bir kəşf etdiyini elan edən kimi öldürüldü.

Amerika media maşını ümumi razılığa gələrək ortaya belə bir fikir atdı: əgər sən mütərəqqi fikirli liberal və demokratsansa, o zaman bütün qəlbinlə Baydenə səs verər, özünü şüurlu şəkildə təcrid edər və koronavirusun təbii mənşəyinə inanarsan. Yox əgər əyni çuxalı fermersənsə, onda Trampa səs verər, bitib-tükənməyən özünütəcrid tədbirlərini tənqid edər və koronovirusun laboratoriyada yaradıldığına inanarsan.

Əsas internet platformaları və sosial şəbəkələr cəmiyyətin məhz bu yolla bölgüsünü gücləndirdilər. Ancaq bunların əksəriyyəti sırf Amerikasayağı təsir alətləridir. Belə təəssürat yaranır ki, virusun təbii mənşəli olması ilə bağlı versiya məhz amerikalı tərəfdaşların öz laboratoriyalarını gizli saxlamaq məqsədilə aqressiv şəkildə tətbiq olunur.

Bununla belə, hələ ortada koronavirusun təbii mənşəli olduğuna dair elmi dəlillər yoxdur. Sonuncu dəfə ötən qış ÜST-ün Çinə yollanan missiyası həmin dəlillərin axtarışına çıxmışdı. Ancaq mütəxəssislər virusun yarasalardan insana keçmə yollarını tapa bilmədilər.

Hətta bir müddət alimlər günahı kələzlərin üstünə də yıxdılar. Ancaq bu nadir heyvanların virusu insanlara necə ötürə biləcəyi aydın deyildi. Axırda yarasalar da, kələzlər də oyundan kənarda qaldı. ÜST ekspertləri Uhan laboratoriyasından virusun kənara sızmasına dair heç bir əsas tapa bilmədilər.

Laboratoriya tədqiqatlarının miqyasındakı fərq də amerikalı tərəfdaşların xeyrinə deyil. ÇXR-in xaricdə bioloji laboratoriyaları yoxdur. ABŞ-ın isə yüzdən çox belə laboratoriyası var, özü də dünyanın nə az, nə çox – 25 ölkəsində. Qəribə təsadüfdür ki, onların əksəriyyəti Rusiya və Çin sərhədləri boyunca cəmləşib. Yalnız Ukraynada Amerikanın 16 belə bioloji laboratoriyası mövcuddur.

Bəs həmin laboratoriyalarda hər hansı bir təhlükəli hadisə baş veribmi? Bəli, özü də kifayət qədər. 2015-ci ildə Amerikanın "USA Today" jurnalı yüzlərlə belə hadisədən bəhs etmişdi. Jurnalistlər yalnız 2014-cü ildə baş vermiş sızmalar arasında Ebola, quş qripi və çiçək xəstəliyi törədicilərinin olduğunu bidirmişdilər. ABŞ Müdafiə Nazirliyi "səhvən" Cənubi Koreyadakı bazaya canlı qarayara sporu göndərmişdi. Hətta koreyalılar ölümcül epidemiyadan qorxuya düşərək etiraz aksiyası da keçirmişdilər.

Amerika alimləri Gürcüstandakı bioloji laboratoriyada "Gilead" şirkəti (əsas səhmdarlarından biri ABŞ-ın keçmiş müdafiə naziri Donald Ramsfelddir) tərəfindən hazırlanmış yeni və olduqca zəhərli dərmanı insanların üzərində sınaqdan keçirdı. Aparılan təcrübələr nəticəsində 73 nəfər həlak oldu.

Beləliklə, göründüyü kimi ən xoşagəlməz şübhələrə səbəb olan təəccüblü ardıcıllıqla çoxdan kökü kəsilmiş xəstəliklərin epidemiyası Amerika bioloji laboratoriyalarının fəaliyyət göstərdiyi yerdə yenidən başlayır.

Çətin ki, ölümcül virus və bakteriyaların laboratoriyadan kənara sızmasının adi səhlənkarlıq və ya planlı bir əməliyyat olduğunu nə vaxtsa öyrənək. Əslində, bunların heç biri yaxşı deyil, ancaq qlobal səviyyədə hökumət təxribatından söhbət gedirsə, nəzəri cəhətdən bunun yavaş və qəti addımlarla irəliləyən Çinin üslubunda olmadığını söyləmək mümkündür. Bu cür ani jestlər son vaxtlar bütün dünyada xaos yaradan və bununla da öz çöküşünü yubatmağa çalışan məhz amerikalı tərəfdaşlarımız üçün xarakterikdir.

30
Böyük Vətən Müharibəsində əsgərlərin döyüş bölgəsinə göndərilməsindən əvvəl təlimi, arxiv şəkli

Ölkə səksən il bundan əvvəl qalib gələcəyini bilərək döyüşə girdi

268
(Yenilənib 17:33 22.06.2021)
Qələbə üçün bütün bu qurbanlar əbəs yerə verilməyib. Biz bu gün məhz həmin misli görünməmiş fədakarlıqlar sayəsində yaşayırıq.

BAKI, 22 iyun — Sputnik, Yelena Qarayeva. "Dortmund" məxfi kəlməsi səsləndi və alman təcavüzkarının ağır zərbəsi gecə yuxusunda olan dinc kəndlərə, şəhərlərə, tarlalara, çöllərə, meşələrə, doğmalarımızın, babalarımızın, nənələrimizin, atalarımızın yatdığı evlərə endirildi.

Zərbə onlara dəydi... Yəni bizə, bizim hamımıza...

Səksən il bundan əvvəl "birləşmiş Avropa" qitəsi bütün gücü ilə üstümüzə hücuma keçdi. SSRİ-yə həm Fransanın maşınqayırma sənayesi, həm də Norveçdəki poladəritmə zavodları tərəfindən dəstəklənən vermaxt ordusu hücum etdi, Belçikanın SS batalyonları da bu işə cəlb edildi, Rumıniya aviasiyası da havaya qaldırıldı. Nasist zabitləri Xorvatiya hərbi hissələrinə də əmrlər yağdırırdılar.

Mətbuat da səfərbər edildi. Hitlerin təbliğat maşını ən az onun tankları və təyyarələri qədər diqqətlə yığılmışdı. Yozef Gebbels radio müraciətində vurğulayırdı: "22 iyun 1941-ci ildə Avropa bolşevik-sovet Rusiyasına cavab vermək qərarına gəldi".

Berlin vermaxtın və nasizmin qalib gələcəyinə şübhə etmirdi, ancaq "sovetlərin cavabı" özünü çox gözlətmədi.

Bu cavab Konstantin Simonovun – hamımızın yaxşı xatırladığı çalsaç cəbhə yazıçısı deyil, gənc, o zamanlar 25 yaşında olan "Qırmızı ulduz"un hərbi müxbirinin – göndərdiyi müraciətdə səsləndirildi.

Simonov Qərb cəbhəsinə Böyük Vətən müharibəsinin başlamasından beş gün sonra gəlmişdi və sonralar xatirələrində sərhədçi-zabitlərlə söhbətindən sitatlar gətirirdi. O deyirdi: "Hamının zastavalarda həlak olduğu barədə məlumat aldım. Axıra kimi döyüşmüşdülər. Orada olanların hamısı həlak olmuşdu. Mənim öz ailəm də orada, Qrayev yaxınlığındadır. Arvadım, iki uşağım, anam, bacım... Bu dünyada nəyim, kimim varsa, hamısı oradadır".

Acından ölən uşaqlarını xizəklərlə basdırmağa aparırdılar

Elə həmin gün, iyunun 29-da "Barbarossa" planını işləyib hazırlayanlardan biri, general Qalder öz gündəliyində yazır: "Cəbhədən gələn xəbərlər təsdiqləyir ki, ruslar hər yerdə son nəfərə qədər döyüşürlər". Hərçənd, Qalder öz rəhbərliyinə qələbə məlumatları göndərirdi.

Simonov daha sonra qeyd edirdi: "Bəzilərinin müharibədən sonra nə yazdıqlardan asılı olmayaraq, onda heç kim Şərq cəbhəsində onların tamamilə darmadağın etdikləri sovet ordusunun nə vaxtsa Almaniya ərazisinə girəcəyini ağlına belə gətirmirdi".

Reyxin ən yüksək generallarının qiymətləndirmələri 1940-cı ilin mayında Avropa hakimiyyətinin və xalqlarının davranışlarına əsaslanırdı: cəmi beş həftə ərzində Hollandiya Krallığı (kapitulyasiya sənədi mayın 14-də imzalandı), Belçika Krallığı (kapitulyasiya sənədi mayın 28-də imzalandı) və nəhayət, Fransa (kapitulyasiya sənədi iyunun 17-də imzalandı) nasistlərin ayaqları altına düşdü.

İngilis Ekspedisiya Qüvvələri Dunkerkdən qaçdı, vermaxtın əsgərləri isə bir-bir Avropa paytaxtlarına daxil oldular. Avropalılar onlara müqavimət göstərmədilər. Mənzərəli məkanlarda xoş gəzinti, ləzzətli yeməklər, keyfiyyətli şərab və məğlub olmuşlar tərəfindən yaxşı qəbul – vermaxt üçün Qərbi Avropada müharibə bundan ibarət idi.

İndi pasifizm tərəfdarları və heç vaxt müharibə olmasın deyənlər bildirirlər ki, "bu qanlı təcrübə" ölkələr arasındakı "keçmiş düşmənçiliyi" aradan qaldıraraq Avropanın birləşməsinə və dinc qitəyə çevrilməsinə səbəb oldu.

Əslində bu, həqiqətən də qanlı təcrübə idi və qanı tökülən də SSRİ xalqları idi. Məhz SSRİ vətəndaşları həm öz ölkələri, həm də Avropa dövlətlərinin hər qarışı üçün canları bahasına mübarizə aparmalı oldular.

Sovet hərbçiləri Ştrausun Vyanadakı məzarına əklil qoyduqları bir vaxtda vermaxt ordusunda xidmət edənlər Puşkinin qəbrinə mina basdırırdılar.

Biz ikinci cəbhənin açılmasını düz üç il gözlədik və müttəfiqlərin Ardenlərdəki hücumu dəf ediləndə Çörçill Stalinə kömək üçün, demək olar ki, yalvarmağa başladı. Baş Komandanlığın Vista-Oder əməliyyatının vaxtı səkkiz gün irəli çəkilir. Polşada Qızıl Ordunun hücumunun başlamasını sürətləndirmək barədə qərar isə bir neçə saatın içində verilir.

Nasistlər Leninqradı mühasirədə saxlayır və qəhrəman şəhərin sakinləri acından ölən uşaqlarını xizəklərlə basdırmağa aparırlar, halbuki qələbədən sonra Berlinin komendantı, general Berzarin bütün alman uşaqlarının peyvənd olunması və südlə təmin edilməsi barədə əmrlər verirdi.

80 il əvvəl başlayan və 1418 gün sürən müharibədə keçilən yol yalnız xalqımıza azadlıq gətirmədi, Maydanek və Auşvits krematoriyalarının sobalarını söndürmədi, Krakovu məhv olmaqdan qurtarmadı, Drezden qalereyasını, xəzinəsini xilas etmədi, həm də insanlıq və humanizmin dəyərini bir daha təsdiqlədi. Və həmin dəyərləri Avropa dərhal mənimsəyərək "özünün ümumi dəyərləri" elan etdi.

"Bir daha əsla"

Avropa özü azadlığa çıxandan sonra ehtirasla urbi et orbi – "Bir daha əsla" vəd edərək yavaş-yavaş başqa müharibələrə qoşuldu. Şimali və Qərbi Afrikada müstəqillik tərəfdarları ilə döyüşdü, Hind-Çində hərbi əməliyyatlar apardı. Sonra növbə Yuqoslaviyaya ("Miloseviç diktaturası və serblərin zülmünə" qarşı mübarizə kimi qələmə verilən – bütün bunları yaxşı xatırlayırıq) çatdı.

On ildən sonra növbə Ukraynaya da gəldi. Ukraynada – Avropa İttifaqı də daxil olmaqla, tamamilə açıq şəkildə əvvəl bir, sonra ikinci dəfə müharibə qızışdırıldı. Həm birinci, həm də ikinci halda, həm 2004-cü ildə, həm də 2013-2014-cü illərdə "başqalarına" qarşı nifrət mühiti yaradıldı.

Yuqoslaviya münaqişəsində olduğu kimi, nasistlərə rəğbət bəsləyənlər dərhal başlarını qaldırdılar, Hitlerin davamçıları və müharibə cinayətkarları isə dərhal "azadlıq və müstəqillik uğrunda mübarizə aparanlar və "Rusiyanın təsirindən xilas edənlərə" çevrildilər.

Müharibə mövzusuna qayıtsaq, Pavlovun Stalinqraddakı evinin – yalnız bir evin və təkcə bir müqavimət tağımı tərəfindən 58 gün müdafiə olunduğunu unutmamalıyıq. Bu, vermaxt qoşunlarının indi birləşmiş və "pasifist" olan qitə Avropası boyunca yürüşündən daha uzun çəkmişdi.

Gəlin, hər şeydən əvvəl bir məsələni yaddan çıxartmayaq: əcdadlarımızın, yaxınlarımızın, həmvətənlərmizin qəhrəmanlığını "milyonlarla təcavüzə məruz qalmış alman qadını", "qənimət eşelonları" və "oğurlanmış sənət kolleksiyaları" haqqında hekayələrlə gözdən salmaq cəhdi "yalnız bir hüceyrənin quruluşunu dəyişdirilməklə bütün orqanizmin xərçənginə gətirib çıxarmaq, ümumi genetik kodumuzu məhv etməyin bir yoludur.

Gəlin, nəhayət, dərk edək ki, "Rusiyanın militarizmi" ilə bağlı bütün bu səs-küy ağlasığmaz və misli görünməmiş bir şeyə nail olmuş – nasizmin belini qıraraq bütün Avropa qitəsinin qarşısında baş əydiyi bu hərbi gücün dörddə üçünü məhv etmiş ölkəyə həsəd aparmaqdan başqa bir şey deyil.

Döyüş meydanında ölənləri, yaralananları, köləliyə məhkum edilənləri, əsir düşərgələrinə göndərilənləri, işgəncələrə məruz qalanları, güllələnənləri, asılanları yada salaraq bir daha təkrarlayaq ki, Qələbə üçün bütün bu qurbanlar əbəs yerə verilməyib. Biz bu gün məhz həmin misli görünməmiş fədakarlıqlar sayəsində yaşayırıq.

Yaddaşımız və kədərimiz isə onlarla ucaltdığımız ortaq və əbədi abidəmizdir.

 

Eləcə də oxuyun:

  • Ceyhun Bayramov və Sergey Lavrov Böyük Vətən müharibəsi ilə bağlı şeir dedi

  • Keçmişə baxmayaraq açıq olmaq - Putin

  • İkinci Dünya müharibəsi ilə bağlı mif və əfsanələr

268
Haker

Hakerlərin qurbanı olan məşhur azərbaycanlılar: Virtual hücumlardan necə yaxa qurtarmalı

6799
(Yenilənib 01:36 22.06.2021)
Azərbaycanın iki məşhur siması - Xalq artisti Miri Yusif və müğənni Sevda Yahyayevanın rəsmi "Facebook" hesabları oğurlanıb.

Bir neçə həftə bundan əvvəl müğənni Sevda Yəhyayevanın, qısa zaman öncə isə Xalq artisti Miri Yusifin profilləri ələ keçirilib. Sözügedən hesabda Yəhyayevanın 319 min, Miri Yusifin isə 161 min izləyicisi var. Həmin səhifələr Şərqi Asiyadan olan dələduzlar tərəfindən fişinq metodu ilə oğurlanıb.

Proqramçı mühəndis Əkrəm Babayev prosesin necə baş verdiyini izah edib. Proqramçının Sputnik Azərbaycan-a verdiyi açıqlamasına görə, bu da bir oğurluq üsuludur: "Sizə "fake" giriş səhifəsi atırlar. Məsələn, həmin linkə girən kimi yenidən "Facebook"a giriş istənilir. Hansı ki, eynilə "Facebook" giriş səhifəsinin kopyasıdır. Link yerinə diqqət etsəniz, görərsiniz ki, başqa linkdir. Təbii ki, buna diqqət edilmir və istifadəçi yenidən öz login və şifrəsini yazaraq hesabına daxil olur. Yazdığı login və şifrə linki göndərən hakerə yönlənir. İstifadəçilərə məsləhətim budur ki, elə linklər atılanda daxil olmasınlar".

Bunun qarşısını almaq üçün hansı qabaqlayııcı tədbirlər görmək lazımdır? Mütəxəssis öz tövsiyələrini verdi:

"Bunun üçün ikifaktorlu doğrulama qoymaq lazımdır. "Facebook" və "Gmail"-ə bağlı nömrələri xarici nömrəyə bağlamaq, qoyulan parolların simvolunu bol etmək, ikifaktorlu doğrulamanı xüsusi mobil əlavəyə əlavə etmək lazımdır. Bundan başqa, "Facebook"-a bağlı olan "Gmail" hesabı da eynilə ikifaktorlu doğrulamaya qoymaq və həm "Facebook", həm də "Gmail" üçün ehtiyat nüsxə ikifaktorlu kodları götürmək və "Gmail"-ə başqa bir dostun "Gmail"-ini bağlamaq lazımdır. Ən pis halda "Gmail"-in satdığı xüsusi açarı almaq lazımdır".

"İkifaktorlu doğrulama nədir? İkifaktorlu doğrulama odur ki, sizin parolunuzu bildiyim halda, məndən ikinci dəfə şifrə istəyir və o şifrə telefonda sizin hesabınıza bağlı olan mobil əlavədədir. O proqram da 30 saniyədən bir generasiya (yenidən yaranma) olunur və kodu ora yazmalısınız. İkifaktorlu doğrulamanın digərində isə telefona mesaj göndərilir və ya zəng olunur. Sizə kod verilir və siz o kodu yazmaqla girə bilirsiniz", - deyə Ə.Babayev əlavə edib.

Bəs "Gmail" oğurlanarsa, hansı addım atılmalıdır? Bu sualı proqramçı belə izah edib: "Kimsə sizin "Gmail"-i oğurlayarsa, "xüsusi açar"la qaytara bilərsiniz. Xüsusi açar - usb girişi ilə kompüterə taxılır. Həmin açarı da "Gmail"-ə daxil olub hesabınıza tanıdırsınız. Doğrulamanı da o açarla etdiyiniz anda heç kim qıra bilməz. Bu açar məsələsini "Gmail" şəxsən özü mənə bildiriş kimi vermişdi. Hansı ki, mənim "Gmail"-im oğurlanmağa cəhd olunurdu".

Bəs səhifəni oğurlayan hakerin kimliyini müəyyən etmək mümkündürmü?

""Facebook"-da hesabınız itərkən əlaqəyə keçəcək dostları da seçmək lazımdır. Hesabı qaytarmaq üçün o dostlara kod göndərilir. Bu da digər təhlükəsizlik tədbirlərindən biridir. Amma sonda bildirim ki, bütün bunlara baxmayaraq, hədəfdə olmağının dərəcəsindən asılıdır. Əgər böyük bir hədəfdəsənsə, bunun qarşısını almaq mümkün deyil. Yenə də sındıra bilirlər. Səhifəni oğurlayan hakerin kimliyini təxmin etmək mümkün olsa da, bu, 100%-lik deyil".

Xatırladaq ki, bu yaxınlarda türkiyəli məşhur model və aparıcı Elif Uzunun "Instagram" hesabı oğurlanmışdı. Mobil telefonuna gələn mesajı açandan sonra məşhurun başına belə hadisə gəlib. İddiaya görə, onun dostluğunda olan müğənni, aktyor, model, siyasətçilər təhdid ediliblər.

Onun sözlərinə görə, hesabı ələ keçirən fırıldaqçılar dostluğunda olanlara təhdid mesajları yollayaraq deyiblər ki, əllərində onlara məxsus görüntülər var. Bu yolla həmin şəxslərdən pul istəyiblər. Bəziləri buna inanaraq onların dediyi hesaba pul köçürüb, bəziləri isə Uzuna zəng edərək bu barədə xəbər veriblər. Uzunun şikayət məktubundan sonra qısa müddətdə hesabı qayıtsa da, artıq çox miqdarda pul oğurlanıb.

Qeyd edək ki, anoloji hadisələrlə nəinki şou-biznes, eləcə də siyasi liderlər də qarşılaşır.

6799
Lənkəranda qətl yerində post-patrul xidmətinin avtomobili

Lənkəranda iki nəfərin qətlinin təfərrüatı

0
Lənkəranda axşam saatlarında qohumlar hələlik bilinməyən səbəblərdən bir-birilərini qanlarına qəltan ediblər.

BAKI, 23 iyun - Sputnik. Lənkəranda qohumlar arasında qətl hadisəsi baş verib.

Sputnik Azərbaycan-ın bölgə müxbrinin məlumatına əsasən, hadisə Havzava kəndində olub. 

Gecə saatlarında Lənkəran rayonunun Havzava kəndi ərazisində kənd sakini, 1982-ci il təvəlüddlü Seymur Şiriyev 2 nəfəri: əmisi oğlu, 1987-ci il təvəllüdlü Elmar Şiriyevi və bibisi nəvəsi, 1992-ci il təvəllüdü Alim Mirzəyevi ov tüfəngi ilə qətlə yetirib. Mərhumların qohumlarının fikrincə, qatıl lüləsi kəsilmiş tüfənglə cinayəti törədib. Hazırda polis qətli törədən S.Şiriyevin axtarışlarını davam etdirir. 

Qətlə yetirilənlərin meyitləri müayinə olunması üçün Məhkəmə-Tibbi Ekspertiza və Patoloji Anatomiya Birliyinin Lənkəran Rayon Şöbəsinə təhvil verilib. Faktla bağlı araşdırmalar aparılır.

"Evdə idim, bir də gördüm, camaat qışqırır, pencərədən çıxıb soruşdum ki, “Bala, nə olub?” Kimdən nə baş verdiyini soruşdumsa da heç kim bir şey demədi", - qətlə yetirilən Alim Mirzəyevin qaynatası Məmmədrza Hacırza oğlu Məmmədov Sputnik Azərbaycan-ın bölgə müxbirinə kürəkəni və yaxın qohumunun qətlə yetirilməsi haqqında danışarkən deyib.

“Elmarın atası da gəlib nə baş verdiyini soruşdu, “Bilmirəm” dedim.  Sonra mənə Alimin meşədə vurulduğunu dedilər.  “Sən nə danışırsan? Onu meşədə kim vura bilər? Alimin 2 metr boyu var, onun qolunun uzunluğu elə 1 metrdən çoxdur. Ona kim yaxın gələ bilər?” - deyə fəryad etdi. Dedilər, vurublar, ancaq salamatdır. Elə bu dəmdə Sərdar kişi oğlunun gəlini ilə bir yerdə malların dalıyca bağa getdiyini dedi. Amma bizim evin yanından kimsə keçib, bağa tərəf getməmişdi. Sonra isə başqa biriləri dedilər ki, Alim salamatdır, Elmarı tüfənglə Sərdarın qardaşı oğlu, elə mənim də qohumum olan Seymur vurub. Tez aşağıya düşdüm, Sərdara yaxınlaşıb vəziyyəti soruşdum. Mənə Alimin vurulduğunu dedi, mən isə “Mənə isə dedilər, Elmarı vurublar” söylədim. Mən tez Təcili Tibbi Yardım Stansiyasına zəng vurdum ki, gəlsinlər və iki nəfərin öldürüldüyünü polislərə xəbər etsinlər. 

Biz qaça bilmədik, amma kəndin cavanları meşəyə qaçdılar. Bunların ikisi də meşədə vurub. Gəlib evdən tüfəngi götürüb sonra dirəyib Alimə, onu meşəyə aparıb. Bu rəhmətlik də qəti səsini çıxarmayıb. Mənim qızımın baldızı onları görüb, amma nə olduğunu anlamayıb. Uşağın ağlına gəlməyib ki, bunların biri-biriləri ilə araları yoxdur və onlar bir yerdə haraya gedirlər? Həmin Seymurun ailəsi qonşuluqda heç kimlə yola getmir. Alimin bir xəstə uşağı da var”.

Mərhum Elmarın atası Sərdar Şiriyev bir uşağın gəlib ona oğlunun vəziyyətnin pis olduğunu dediyini bildirdi: “Elmarın meyitini gətirmək üçün gəlib evdən nərdivan apardılar, amma onun öldüyünü mənə demədilər. Soruşdum, nə olub? Dedilər, Sərrafın oğlu Elmarı vurub, səbəb? Səbəbi bilinmir nədir. Gedib meşəyə odun doğrayan yerdə Elmarı vurub.  O, həm mənim qonşum, həm də qardaşım oğludur. Heç əmioğlu da əmioğlunu vurar? Elmarın 3 uşağı, Alimin isə bir körpə balası atasız qaldı".

Eləcə də oxuyun:

  • Ağdaşda hər kəs şokdadır: Kənd sakini qardaşını qətlə yetirib, həmkəndlisini isə yaralayıb

  • Məhkəmə iclasından sonra qan düşdü: bir qadın da belə öldürüldü

  • Adil Suleymanov: “Qardaşıma bəraət verilərsə, Avropa məhkəməsinə müraciət etmərik”

0