Co Bayden, arxiv şəkli

Baş aldadan çax-çax: Bayden qondarma soyqırımı tanımaqla etdi?

479
(Yenilənib 16:21 25.04.2021)
ABŞ prezidentinin qondarma “erməni soyqırımını” tanıması Ankara üçün sürpriz olmasa da, Yerevan üçün gözlənilməz nəticələnə bilər. Niyəsi Sputnik Azərbaycan-ın  araşdırmasında.

Aleksandra Zuyeva, Sputnik Azərbaycan.

BAKI, 25 aprel – Sputnik. ABŞ prezidenti Co Bayden rəsmi olaraq 1915-ci il hadisələrini “erməni soyqırımı” kimi tanıdı. Bununla da sələflərinin hər vəchlə qaçındığı bir işi gördü.

Ağ Evdə “soyqırım” sözü səsləndi

Donald Tramp da daxil olmaqla Baydendən əvvəlki liderlər “böyük cinayət” mənasını verən Meds Yeghern terminini və “XX əsrin ən pis kütləvi vəhşiliyi” ifadələrini işlədirdilər.  

Düzdür, deyirlər ki, 1915-ci il hadisələrini “soyqırım” kimi təsnif edən ilk prezident Ronald Reyqan olub, ancaq onun 1982-ci ildə dediklərini heç kim rəsmi tanıma kimi hesab etmir. Üstəlik, bunu həm türk, həm də erməni ekspertləri deyirlər.

İndi isə o kəlmə Baydenin dilindən çıxdı.

Baydenin belə deyəcəyi bəlli idi. Cümə günü Türkiyə Prezidenti Rəcəb Tayyib Ərdoğanla telefonla danışarkən Bayden bu niyyətini gizlətməmişdi.

Ola bilsin, Ərdoğan özü də hadisələrin bu cür inkişafına hazır idi. Çünki Baydenin bəyananatına reaksiyası olduqca təmkinli idi. Türkiyə lideri sadəcə onu qeyd etdi ki, tarixi hadisələri siyasiləşdirmək Ankaraya təzyiq etməyə yardımçı olmayacaq. Üstəlik, dinc qonşuluq və qarşılıqlı hörmət əsasında Ermənistanla əlaqələrin inkişaf etdirilməsinə səslədi.

Bayden "soyqırım" ifadəsini işlətdi: Paşinyan razı qaldı, Çavuşoğlu "xəyanətdir" dedi>>

“Qarabağ böhranının yoluna qoyulmasından sonra biz Ermənistanla əlaqələrin inkişaf etdirilməsində hazır olduğumuzu bildirdik. Bu gün həmin çağırışımı təkrar edirəm”, - Ərdoğan dedi.

Azərbaycana zəng

Bundan dərhal sonra isə Türkiyə Prezidenti azərbaycanlı həmkarı İlham Əliyevlə telefonla danışdı. Əliyevin reaksiyası isə birmənalı idi – Azərbaycan Baydenin bəyanatını qəbuledilməz sayır: “O, regionda formalaşmaqda olan əməkdaşlıq meyllərinə ciddi zərbə vurdu”.

Azərbaycan XİN də analoji mövqe nümayiş etdirdi. Qurumun rəhbəri Ceyhun Bayramov əvvəlcə bəyanatında, sonra isə türkiyəli həmkarı Mövlud Çavuşoğlu ilə söhbətində “bəzi ölkə rəhbərlərinin 1915-ci il hadisələrini siyasiləşdirmək cəhdlərini” yolverilməz adlandırdı və vurğuladı ki, ABŞ prezidentinin sözləri “tarixi həqiqətlərin təhrif olunmasıdır”.

Tanımanın ilkin nəticələri

Gecəyə doğru Türkiyə XİN-ə ABŞ-ın Ankaradakı səfiri Devid Satterfild dəvət olundu. Mənbələrin verdiyi məlumata görə, səfirin diqqətinə Türkiyə tərəfinin Baydenin bəyanatının qəbuledilməz olduğu və heç bir hüquqi və tarixi əsasa malik olmadığı barədə rəyi çatdırılıb. Üstəlik, əlavə edilib ki, Amerika liderinin sözləri iki ölkənin münasibətlərinə xələl gətirir.

Bundan az öncə isə ABŞ-ın Türkiyədəki səfirlik və konsulluqları “Baydenin bəyanatından sonra təhlükəsizlik tədbirləri qismində” aprelin 26 və 27-də bağlı olacaqlarını bildirmişdilər.

Bu cür ehtiyat  tamamilə özünü doğruldur: Türkiyə 106 il boyunca bir mövqedə idi ki, ölkə tarixində ermənilərə qarşı heç bir soyqırım olmayıb və dəfələrlə 1915-ci il hadisələrinin araşdırılmasına dəvət etmişdi.

Ankara xüsusilə Yerevana 1915-ci il arxivlərini açmağı və hadisələrin araşdırılması üçün birgə komissiyanın yaradılmasını təklif etmişdi. Ermənistan indiyədək bu çağırışa reaksiya verməyib.

Ərdoğan Qarabağ barədə - Qardaşlarımızın yanında olduq>>

İndi bir çox ekspertlərin fikrincə, arxiv məsələsi ilə bağlı situasiya gözlənilmədən Türkiyənin xeyrinə dəyişə bilər. İş burasındadır ki, Bayden “soyqırım” sözünü işlədərkən, Türkiyə  tərəfinin rəyinə görə, Ankaraya şər atıb.

Və bununla Ankara Amerika məhkəməsində iddia qaldıra bilər. Məhkəmə də bunun böhtan, yaxud da həqiqət olduğuna qərar verməlidir. Araşdırma üçün türklər öz arxivlərini açacaqlar, deməli, Ermənistan da eyni addımı atmalı olacaq.

Türkiyənin belə bir təşəbbüs göstərib-göstərməyəcəyi hələ məlum deyil. Ancaq bir şey aydındır: Baydenin bəyanatı geosiyasi gedişdir, “ermənilərin soyqırımı” isə ABŞ-Türkiyə münasibətlərində alqı-satqı alətindən başqa bir şey deyil.

Baydenin sözləri Ankara üçün sürpriz olmadı

Bununla Qafqaz Tarixi Mərkəzinin direktoru Rizvan Hüseynov da razılaşır. Sputnik Azərbaycan-la söhbətində o qeyd edib ki, qondarma soyqırımının tanınması Vaşinqtonun Ankaraya təzyiq vasitəsidir.

“Nəzərə alsaq ki, son zamanlar Qərbdə antitürk bloku güclənir, o zaman “soyqırım”ın tanınmasının uzun müddət düşünülmüş addım olduğu aydındır, üstəlik, əlbəttə ki, bu, Ankara üçün sürpriz olmadı”, - ekspert deyir.

Statusu çoxdan regional dövlət çərçivəsinə sığmayan Türkiyənin güclənməsi ABŞ-a sərf eləmir. Ona görə həmişə ermənipərəst və antitürk mövqe sərgiləyən Baydenin hakimiyyətə gəlməsi ilə başqa nəsə gözləməyə dəyməzdi, ekspert hesab edir.

Ankaranın sonrakı addımlarına gəlincə Hüseynov qeyd edir ki, Türkiyə tərəfi, gerçəkdən də böhtana görə məhkəməyə üz tuta bilər. Təbii ki, Amerika məhkəməsi də mütləq arxivlərin,  o cümlədən Bostonda saxlanan və qatı heç zaman açılmamış “Daşnaksütun” arxivlərinin açılmasında israr edə bilər. Və beləliklə aydın olacaq ki, öz bəyanatı ilə Bayden əslində Pandoranın qutusunu açıb.

“Ermənistanın Qarabağ müharibəsində uduzmasından sonra Qərb erməni tərəfin başını “soyqırımın” tanınması kimi çax-çax oyuncağıyla aldatmaya bilməzdi. Eyforiya səngiyəndən sonra isə  Yerevan bu bəyanatın onun üçün necə nəticələnə biləcəyini anlayacaq”, - Sputnik Azərbaycan-ın müsahibi söyləyir.

Onun sözlərinə görə, “soyqırım” məsələsi necə ki Avropa Məhkəməsinin yağlı nöqtəsi ilə Köhnə qitədə bağlandı, eləcə də ABŞ-da sonlandırılacaq.

ABŞ-ın maraqlarına rəğmən

Digər məsələlərdə isə Ankaranın davranışı, güman ki, o qədər də sərt olmayacaq, R.Hüseynov deyir. Onun fikrincə, bəzi türk siyasətçilərin amerika hərbçilərini İncirlik bazasından qovmaq çağırışlarına rəğmən, Türkiyə nə NATO bazalarını bağlayacaq, nə də Alyansdan çıxacaq.

“Amma amerikalıların beynəlxalq siyasətdə, eləcə də hərbi-siyasi maraqlarının qorunmasında, Yaxın Şərq bölgəsində problem və maneələri isə olacaq”, - ekspert vurğulayır.

Hüseynov hesab edir ki, hazırkı çətin şəraitdə Amerika Türkiyəyə söykənməli idi: ABŞ-ın bir dövlət kimi statusu xüsusilə Yaxın Şərqdə və islam aləmində zəifləyir, bu boşluqları isə Türkiyə uğurla doldura bilərdi.

“Ancaq amerikalılar belə etmədilər. İndi bu boşluqları Böyük Britaniya ilə Rusiya doldura bilərlər, bu isə son nəticədə yenə də Türkiyə ilə qarşılıqlı fəaliyyətə gətirib çılxaracaq, amma artıq ABŞ-ın maraqları burada nəzərə alınmayacq”, - Sputnik Azərbaycan-ın həmsöhbəti deyir.

“Bax, Bayden buna nail oldu. Və bunun əziyyətini ABŞ hələ uzun müddət çəkəcək. Bayden faktiki olaraq Türkiyə hökumətinin əl-qolunu açdı. Bundan sonra Ankara qaçınmağa çalışdığı fəaliyyətləri gerçəkləşdirə, Amerikanın maraqlarına zidd olan sərt addımlar ata bilər”, - ekspert bildirir.

Vaşinqton Ankaranı Avrasiya inteqrasiyasına təhrik edir

Türkiyəli politoloq Engin Özer isə öz növbəsində qeyd edir ki, Baydenin qondarma soyqırımı tanıması mahiyyətcə heç nəyi ifadə etmir. Türkiyə bundan heç cür ziyan görmədi. Ancaq digər tərəfdən, bu, ABŞ-ın Türkiyə ilə münasibətləri korlamağa hazır olduğuna dair bir siqnaldır.

İş burasındadır ki, son illər Türkiyə Çin və Rusiya ilə aktiv əməkdaşlığa başlayıb. Hazırda Türkiyə Çinin regionda strateji partnyoru və “Bir kəmər – bir yol” təşəbbüsünün ən vacib oyunçularındandır. Qarabağdakı situasiyanın dəyişməsindən sonra isə Ankara Moskva ilə də yaxınlaşdı, ekspert deyir.

Təbii ki, bütün bunlar amerikalıların xoşuna gəlmir və onlar öz narazılıqlarını qondarma soyqırımı tanımaq yoluyla da ifadə edirlər: “Ancaq belə görünür ki, tərsinə effekt alındı. Baydenin bəyanatı yalnız Türkiyənin Avrasiyaya inteqrasiyasını sürətləndirəcək”.

İncirlik bazasına gəlincə isə hətta Türkiyə tərəfi amerikalıların bazanı tərk etməsini tələb etsə belə, bu, ABŞ üçün böyük itki olmayacaq.

“Mənə elə gəlir ki, Ankara belə qərar verməyə tələsməyəcək. Bu o halda mümkündür ki, Amerika-Türkiyə münasibətləri tamamilə korlansın”, - Sputnik Azərbaycan-ın həmsöhbəti bildirir.
479
Teqlər:
şərh, ekspertlər, ABŞ, Türkiyə, tanımaq, qondarma "erməni soyqırımı", Co Bayden
Azərbaycan hərbçisi, arxiv şəkli

Azərbaycanda keçirilən hərbi təlimlərin sərhəd mübahisələri ilə əlaqəsi varmı?

43
Ermənistan lideri Nikol Paşinyanın mayda dilə gətirdiyi emosional bəyanatlarına Paris və Vaşinqtonun operativ reaksiyası tamamilə sürrealist təsir bağışlayır – Fransa Yerevana dərhal hərbi yardım göstərməyə hazırdır (BMT-nin mandatı əsasında).

BAKI, 18 may — Sputnik. Aleksandr Xrolenko, hərbi şərhçi. Azərbaycan ordusunun əvvəlcədən elan olunmuş taktiki təlimləri Ermənistanın ərazi bütövlüyü və təhlükəsizliyinə qarşı heç bir təhdid kəsb etmir. Təlimlərlə eyni vaxta düşmüş iki ölkə arasında dövlət sərhədinin demarkasiyası (yerlərdə işarələrin və postların yerləşdirilməsi) atəşsiz, Sovet dövrünün hərbi xəritələri əsasında və Rusiya, Azərbaycan və Ermənistan liderlərinin 2020-ci il 10 noyabr üçtərəfli razılaşması əsasında aparılır. Təbii ki, hərbi manevrlər və sərhəd demarkasiyası iki, tamamilə ayrı-ayrı tədbirlərdir və onları hansısa "təcavüz" adı altında birləşdirmək mümkün deyil.

Azərbaycan ordusu mayın 16-dan 20-nə qədər planlı təlimlər keçirir. Azərbaycanla Ermənistan arasında Sünik (Zəngəzur) vilayətində dövlət sərhədinin demarkasiyası fonunda baş verən xarici siyasi təlatüm isə ayrıca bir intriqa doğurur.

Demarkasiya həmişə çətin, lakin vacib işdir. Üçtərəfli danışıqlar SSRİ dövrünün xəritələrində inzibati sərhəd kimi qeyd olunmuş hissələrdə fikir ayrılığıını aradan qaldırmağa imkan verəcək. Uydurma bəhanə ilə KTMT-nin qüvvələri ilə hərbi əməliyyatları bərpa edərək Ermənistan daxilində siyasi böhranı aradan qaldırmaq cəhdləri səmərəsiz və perspektivsizdir.

Ermənistan lideri Nikol Paşinyanın mayda dilə gətirdiyi emosional bəyanatlarına Paris və Vaşinqtonun operativ reaksiyası tamamilə sürrealist təsir bağışlayır – Fransa Yerevana dərhal hərbi yardım göstərməyə hazırdır (BMT-nin mandatı əsasında). Ehtimal ki, sərhəd "kombinasiyasının" əsas məqsədi elə adı çəkilən təşkilatın nüfuzdan salınmasıdır.

Hərbi-siyasi oyunlar

Azərbaycan Silahlı Qüvvələrinin manevrlərində 125 min nəfər şəxsi heyətdən 15 min hərbi qulluqçu iştirak edir ki, bu da şəxsi heyətin 12%-i deməkdir. Təlimlərə zirehli texnika parkının 1/3-dən az hissəsi cəlb olunub. Hava məkanında da tapşırıqları yerinə yetirmək üçün uçuş aparatlarının 1/3-nə qədəri iştirak edir. Bu qüvvələr ciddi tapşırıqları həll edirlər, lakin Ermənistanın bütövlüyünə apriori heç bir təhlükə kəsb edə bilməz (özü də 2020-ci il 10 noyabr üçtərəfli razılaşmasından sonra). Bahar fəsli bir çox ölkələrdə hərbi təlimlər vaxtıdır.

ABŞ-ın Yerevandakı səfiri Linn Treysi mayın əvvəlində bildirib ki, "Ermənistanın KTMT-də təmsil olunması bu ölkəyə ABŞ tərəfindən hərbi yardım göstərilməsinə müəyyən məhdudiyyətlər yaradır". Buna paralel olaraq ABŞ Prezidenti Co Baydenin administrasiyası "Azadlığa dəstək aktına" 907-ci düzəlişin təxirə salınması müddətini uzadıb. Yəni Azərbaycana birbaşa hərbi yardım göstərilməsinə icazə verib. Belə təəssürat yaranır ki, Ermənistanı incə şəkildə KTMT-dən çıxmağa, "cazibə orbitini" dəyişməyə təhrik edirlər.

Digər tərəfdən Parisin Yerevanın xeyrinə bəyanatları (Fransa prezidenti Emmanuel Makron Azərbaycanı qoşunlarını Ermənistan ərazisindən çıxarmağa çağırıb) Cənubi Qafqazdakı kifayət qədər sakit vəziyyəti Ermənistan-Azərbaycan hərbi münaqişəsinin yenidən qızışmasına - münaqişə iştirakçılarının sayının ABŞ, Fransa, Türkiyə, İran və başqa ölkələr hesabına artmasına təhrik edir. Bunun kimə sərfəli olmasından asılı olmayaraq, hadisələrin bu cür inkişafı hökmən Rusiyanın maraqlarına zərbə olacaq. Yeri gəlmişkən, KTMT-də Sünik (Zəngəzur) vilayətində yaranmış münaqişəli vəziyyəti "üç gün ərzində" qiymətləndirməyə söz veriblər, aşkar hərbi təcavüz olmadığı üçün Ermənistana hərbi yardım barədə söhbət getmir. Bunun fonunda Azərbaycanın xarici işlər naziri Ceyhun Bayramov mayın 16-da çox sülhsevər şəkildə Ermənistanın KTMT-yə müraciətini "yerindəcə" həll edilə bilən problemin əsassız şəkildə siyasiləşdirilməsi cəhdi adlandırıb və qeyd edib ki, Azərbaycanın sərhəd qoşunları "öz ölkəsinin ərazisində" yerləşir.

Sərhəd kombinasiyası

Mayın 17-də Nikol Paşinyan növbəti dəfə kollektiv təhlükəsizlik müqaviləsi və Rusiya ilə strateji sistemində nəzərdə tutulmuş prosedurları aktivləşdirmək niyyətini dilə gətirib, belə ki, Ermənistan-Azərbaycan sərhədinin ayrı-ayrı hissələrində "gərginliyin artması tendensiyası" müşahidə olunur. Bəs həqiqətdə nə baş verir?

Rusiya, Azərbaycan və Ermənistan liderlərinin 2020-ci il 10 noyabr üçtərəfli razılaşmasına müvafiq olaraq Ermənistanla həmsərhəd olan Kəlbəcər və Laçın rayonları ərazisində Azərbaycanın sərhəd qoşunları yerləşdirilir. Həmin ərazilər 30 ilə qədər Ermənistanın nəzarətində olub. Bu gün sərhəd xətti bərpa olunur – razılaşma (onu nəzərə almamaq mümkün deyil) və SSRİ Baş Qərargahının 1970-ci illərdəki xəritələri əsasında. Çətin olan demarkasiya prosesində "kartoqrafik" problemlərin olması qaçılmazdır, lakin Ermənistan, Azərbaycan və Rusiyanın mütəxəssisləri tərəfindən tamamilə həll oluna biləndir (Vaşinqton və Parisi bu işə cəlb etmədən).

Ermənistan Müdafiə Nazirliyinin məlumatlarına görə, mayın 12-si səhər saatlarında "Azərbaycan Silahlı Qüvvələri "sərhədlərin dəqiqləşdirilməsi" bəhanəsi ilə sərhədyanı ərazilərdən birində müəyyən işlər görməyə çalışıblar. Ermənistan bölmələrinin gördüyü tədbirlərdən sonra Azərbaycan hərbçiləri bu işləri dayandırıblar". Bundan dərhal sonra vəziyyətin nizamlanmasına dair danışıqlar başlanıb. Çox vacib bir məqam – hərbi nazirlik yoxlanılmamış məlumatları yaymamağa çağırıb, xüsusilə də bu təlaşın yayılmasına gətirib çıxara bilərsə (təəssüf ki, heç də hamı buna riayət etməyib).

Danışıqlarda iştirak edən Azərbaycanın Dövlət Sərhəd Xidməti bunları qeyd edib:

"10 noyabr 2020-ci il tarixində imzalanmış üçtərəfli bəyanata əsasən işğaldan azad edilmiş Laçın və Kəlbəcər rayonlarının Ermənistan ilə həmsərhəd bölgələrində çətin dağ relyefi quruluşuna və iqlim şəraitinə malik olan məntəqələrdə hava şəraitinin yaxşılaşması ilə Azərbaycan sərhəd qüvvələri ölkəmizə aid mövqelərdə yerləşdirilir. Bu proses adi rejimdə və sistematik qaydada icra edilir".

Azərbaycan Xarici İşlər Nazirliyi mayın 13-də bəyan edib: "Müstəqilliyini bərpa etdiyi vaxtdan etibarən iki dövlət arasında məlum səbəblərdən dövlət sərhədi olmayıb və bu səbəbdən hazırda tərəflərin fikir ayrılığı ilə müşayiət olunan qəliz texniki prosesdən söz gedir".

Bəs bu qədər hay-küy haradandır? Əslində, guya ki, tərəflərin mövqelərində təlaş üçün heç bir səbəb yoxdur. Bakının da erməni tərəfinə heç bir iradı yoxdur. Regionda olan Rusiya hərbçiləri isə ümumiyyətlə heç bir səs-küylü bəyanat vermirlər – adi rejimdə əhalinin təhlükəsizliyini təmin edirlər, Ermənistanın Sünik (Zəngəzur) vilayətində üçtərəfli danışıqlarda iştirak edirlər.

Rusiyalı sərhədçilər, razılaşmaya əsasən, avtomobil yolunun Sünik vilayətindən keçən problemli hissəsində hərəkətin təhlükəsizliyinə və fasiləsizliyinə cavabdehdirlər (Gorus – David Bek və Gorus – Qafan). Burada həmçinin Rusiyanın 102-ci hərbi bazasının iki dayaq məntəqəsi yaradılıb ki, bu da Ermənistanın cənub hissəsinin təhlükəsizliyinə əlavə zəmanətdir.

Azərbaycan qoşunlarının Sünikdə (Zəngəzur) ehtimal olunan irəliləməsini Rusiya qoşunları ilə birbaşa hərbi toqquşma variantı kimi təsəvvür etmək olar. Uydurma ssenaridir.

Tarixən belə olub ki, MDB məkanında sərhədyanı münaqişələr adi günlərin qaydasıdır, daha müharibəyə başlamaq üçün səbəb deyil. Demarkasiya problemləri KTMT və ya NATO-nun virtual bayraqlarının yellədilməsini deyil, ikitərəfli danışıqların aparılmasını, diplomatik və texnoloji qərarların qəbul edilməsini tələb edir. Ermənistan və Azərbaycan sadəcə olaraq demarkasiya fazasını "yaşayıb" keçməlidirlər, axı yerlərdə qeyd olunmuş sərhəd olmasa, dövlət də olmur.

KTMT-nin güc ilə təsirinə gəldikdə isə, kəskin hərəkətlər üçün əsas və faktlar yoxdur. Azərbaycan sərhədçilərinin Ermənistan ərazisinə 3500 metr irəliləməsi barədə məlumatlar aşkar olaraq qəribə görünür. Burada kim kimi çaşdırmağa çalışır? KTMT-də müharibə və sülh problemləri ilə ciddi və məsuliyyətli mütəxəssislər məşğul olur. Ermənistana qarşı real təhlükə olmayacağı təqdirdə KTMT-nin hərbi reaksiyası da olmayacaq.

KTM haqqında müqavilənin 2-ci maddəsində deyilir: "İştirakçı – dövlətlər onların maraqlarına toxunan beynəlxalq təhlükəsizliyə dair bütün vacib məsələlərlə bağlı bir-biri ilə məsləhətləşmələr aparacaq və bu məsələlərlə bağlı mövqelərini razılaşdıracaqlar. Bir və ya bir neçə iştirakçı dövlətin təhlükəsizliyinə, ərazi bütövlüyünə və suverenliyinə və ya beynəlxalq sülh və təhlükəsizliyə qarşı təhdid yarandığı təqdirdə, iştirakçılar dərhal mövqelərinin əlaqələndirilməsi və yaranmış təhlükənin aradan qaldırılması məqsədilə müştərək məsləhətləşmələr mexanizmini işə salacaqlar".

43
Nikol Paşinyan, arxiv şəkli

Niyə Paşinyana Azərbaycanla sərhəddə gərginlik sərf edir - Rəy

41
(Yenilənib 20:38 18.05.2021)
"Milli Müdafiə" jurnalının baş redaktoru İqor Korotçenko Sputnik-in studiyasında gündəmdəki suallara cavab verib.

BAKI, 18 may — Sputnik. Ermənistan baş nazirinin vəzifəsini icra edən Nikol Paşinyan faktiki olaraq öz seçki kampaniyasının aktiv mərhələsinin startındadır, ona görə də onun Azərbaycanla sərhəddəki vəziyyətlə bağlı KTMT-yə müraciəti sırf siyasi qərardır. "Milli Müdafiə" ("Национальная оборона") jurnalının baş readktoru İqor Korotçenko Sputnik-ə eksklüziv müsahibəsində belə bir bəyanatla çıxış edib.

"Bir tərəfdən, Paşinyan nümayiş etdirmək istəyir ki, erməni maraqlarının keşiyində dayanıb, digər tərəfdən fəal şəkildə ona hücum edən siyasi rəqiblərinin əllərindən onların üstün mövqelərini almaq istəyir", - analitik deyib.

Korotçenko xatırladıb ki, Azərbaycan öz ərazi bütövlüyünü bərpa etdikdən sonra, o cümlədən Qarabağ üzrə üçtərəfli bəyanatla nəzərdə tutulmuş vacib məsələlərdən biri sərhədlərin demarkasiyasıdır. Onun sözlərinə görə, əsas olaraq SSRİ SQ Baş qərargahının topoqrafik xəritələri götürülür, həmin xəritələrdə Azərbaycan SSR və Ermənistan SSR arasındakı inzibati sərhəddin xətləri kifayət qədər aydın göstərilib.

Ekspert hesab edir ki, bu gün bu proses ətrafında qaldırılmış hay-küy yersiz siyasiləşdirmədir.

Azərbaycanın bu günlərdə keçirdiyi hərbi təlimlərin Ermənistanla sərhəddəki vəziyyətlə əlaqəlidirmi və KTMT XİNŞ-in sabah keçiriləcək iclası baş verənlərə necə təsir edəcək - bu suallara cavab tapmaq üçün Sputnik-in YouTube kanalındakı müsahibəyə baxın.

41

"Eurovision-2021": Azərbaycan təmsilçisi finala yüksəldi

34
Rotterdamda 16 ölkədən olan nümayəndələrin iştirakı ilə beynəlxalq mahnı müsabiqəsinin birinci yarımfinalı keçirilib.

BAKI, 19 may — Sputnik. Azərbaycanın "Eurovision-2021" beynəlxalq mahnı müsabiqəsindəki təmsilçisi Samirə Əfəndi (Efendi) mayın 22-də Ahoy zalının səhəsində keçiriləcək finala yüksəlib.

Mayın 18-i gecə saatlarında Rotterdamda müsabiqənin birinci yarımfinalı keçirilib. Yarımfinalda 16 ölkənin - Azərbaycan, Litva, Sloveniya, Rusiya, İsveç, Avstraliya, Şimali Makedoniya, İrlandiya, Kipr, Norveç, Xorvatiya, Belçika, İsrail, Rumıniya, Ukrayna və Maltanın nümayəndələri iştirak ediblər.

Samirə Efendi "Mata Hari" mahnısı ilə 14-cü çıxış edib.

Builki müsabiqənin şüarı “Open up!”-dır. İkinci yarımfinal mayın 20-də keçiriləcək.

Xatırladaq ki, Azərbaycan təmsilçiləri artıq bir dəfə bu mötəbər müsabiqənin qalibi olublar. 2011-ci ildə Eldar Qasımov - Nigar Camal cütlüyü bu uğura imza atıb.

34