İlham Əliyev və Vladimir Putin

Bakı-Moskva əməkdaşlığı stereotipləri aradan qaldıracaq

40
(Yenilənib 12:02 04.04.2021)
Politoloq: "Müharibədən sonrakı dövrdə kommunikasiya xətlərinin bərpa edilməsi Rusiyanın Yaxın Şərqdəki maraqlarının təmin edilməsində vacib rol oynaya bilər. Azərbaycan-Türkiyə tandemi ilə əməkdaşlıq Rusiya üçün geniş imkanlar açır”

Elvin Səlimov, Sputnik Azərbaycan

BAKI, 4 aprel - Sputnik.  Ölkələrimiz arasında münasibətlərdə Azərbaycanın qələbəsi ilə başa çatan Vətən müharibəsindən sonra yaranmış yeni reallıqların təsiri hiss olunur

Aprelin 1-də Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin arasında telefon danışığı olub. Telefon söhbəti zamanı Dağlıq Qarabağ ətrafında yaranmış vəziyyət müzakirə olunub. Vəziyyətin bütövlükdə sabit olmasından, atəşkəs rejiminə dönmədən riayət edilməsindən məmnunluq ifadə edilib.

Qeyd edək ki, həmin gün Moskvada Azərbaycan və Rusiya xarici işlər nazirləri Ceyhun Bayramov və Sergey Lavrov arasında keçirilmiş görüşdə Rusiya, Azərbaycan və Ermənistan liderlərinin 9 noyabr 2020-ci il və 11 yanvar 2021-ci il razılaşmalarının həyata keçirilməsinin gedişatı, xüsusilə Dağlıq Qarabağdakı humanitar tapşırıqların həllinə dair məsələləri, regionda iqtisadi əlaqələrin və nəqliyyat kommunikasiyalarının bərpa olunması müzakirə edilmişdi.

Sputnik Azərbaycan Azərbaycan - Rusiya münasibətlərinin yeni regional şəraitdəki inkişaf perspektivləri və iki ölkə arasındakı  strateji tərəfdaşlığının bundan sonrakı hədəfləri ilə bağlı Millət vəkili Elşad Mirbəşir oğlu və politoloq Əhməd Əlilinin fikirlərini öyənib.

Millət vəkili, Azərbaycan-Rusiya parlamentlərarası əlaqələr üzrə işçi qrupunun üzvü Elşad Mirbəşir oğlu bildirib ki, Azərbaycan-Rusiya münasibətləri daim inkişafdadır və tərəflər hər zaman maraqlarını uzlaşdırmağı bacarır: “Bu münasibətlərdə ən vacib məqam ondan ibarətdir ki, əməkdaşlığın inkişafı və yeni istiqamətlərin müəyyənləşdirilməsi istəyi mövcuddur. Ötən il Azərbaycanın qələbəsi ilə başa çatan İkinci Qarabağ müharibəsində ordumuz torpaqlarımızı işğaldan azad edərək, Ermənistan tərəfini kapitulyasiya sənədini imzalamağa məcbur etdi.

Bu sənədin imzalanmasında Rusiyanın da rolu oldu. Müharibədən keçən dövr ərzində proseslərin inkişaf istiqamətləri təbii olaraq hər kəs üçün maraqlıdır. Prezidentlərin son telefon danışığında da keçmiş münaqişə zonasındakı vəziyyət müzakirə edilib və razılaşmanın şərtlərinə əməl edilməsi təqdir edilib. Kommunikasiya xətlərinin bərpa olunması bölgənin inkişafı və təhlükəsizliyinin təmin edilməsi üçün vacib şərtlərdəndir. Düşünürəm ki, dövlət başçıları telefon danışığı zamanı bu məsələ barəsində də fikir mübadiləsi aparıblar. Yekun oalraq bildirmək istəyirəm ki, Azərbaycan-Rusiya arasında bu cür əlaqələrin qurulması iki ölkənin strateji tərəfdaşlığının daha etibarlı olmasına və möhkəmləndirilməsinə xidmət edir.”

Politoloq Əhməd Əlili is hesab edir ki, ikinci Qarabağ müharibəsi həm Azərbaycan-Rusiya münasibətlərində, həm də regionun gələcəyində vacib dönüş nöqtəsidir: “Hazırda regionun siyasi dinamikası tamamilə dəyişib. Bu baxımdan Azərbaycan və Rusiyanın bu məqamları nəzərə alması çox vacibdir. Bu, əməkdaşlığın daha səmimi formada inkişaf etdirilməsinə səbəb ola bilər. Müharibədən sonrakı dövrdə kommunikasiya xətlərinin bərpa edilməsi Rusiyanın Yaxın Şərqdəki maraqlarının təmin edilməsində vacib rol oynaya bilər. Azərbaycan-Türkiyə tandemi ilə əməkdaşlıq Rusiya üçün geniş imkanlar açır”.

Politoloq bildirib ki, müharibəyə qədərki dövrdə Azərbaycan və Ermənistana yanaşmada bu iki ölkə arsında bərabərlik qoyulurdu, ancaq müharibənin nəticəsi göstərdi ki, bu bərabərlik yersizdir: “Rəsmi Bakı özü ilə İrəvan arasında bərabərlik işarəsinin qoyulmasına qane olmayacaq. Bir çox hallarda Rusiyanın daxilində Ermənistanı daha vacib müttəfiq kimi göstərməyə çalışırlar. Amma cənab Peskovun səsləndirdiyi fikirlər bu cəhdlərə ən yaxşı cavab ola bilər. O bildirmişdi ki, Azərbaycan-Rusiya münasibətləri qarşılıqlı faydalı münasibətlərdir, Rusiya-Ermənistan münasibətləri isə Ermənistan üçün faydalıdır. Azərbaycanda da bu cür bəyanatlar diqqətlə izlənilir və dəyərləndirilir. Azərbaycan cəmiyyətində də müəyyən maraq qrupları var ki, Rusiyanı tənqidi tonda təsvir etməyə çalışırlar. Əməkdaşlığın gücləndirilməsi bu fikirləri sıradan çıxaracaq”.

 

40
Qrafiti

ABŞ sanksiyalar yolu ilə özünün dünyadakı hökmranlığına son qoyur

11
(Yenilənib 22:17 09.04.2021)
Həm İran, həm də Koreya Xalq Demokratik Respublikasının təcrübəsində olduğu kimi illərlə ən sərt məhdudiyyətlər altında yaşamaq da mümkündür,

BAKI, 10 aprel — Sputnik, İrina Alksnis. Qərbdə Rusiya əleyhinə sanksiyalarının tətbiqi ilə bağlı hər şey öz qaydasındadır: kimsə onları işləyib hazırlayır və tətbiq edir, digərləri isə bu sanksiyalardan dəyən ziyanı minimuma endirmək üçün üsullar fikirləşib tapır. Ümumiyyətlə, bəzi hallarda bu rollar hətta üst-üstə düşür. Yəni, əvvəlcə sanksiyalar tətbiq olunur, sonra isə onların təşəbbüskarları özlərinin yaratdığı bataqlıqdan çıxmaq üçün çabalayırlar.

Rusiya isə öz faydası üçün yeni, lakin mahiyyətcə yeknəsəq tədbirlər görür: elitanın milliləşdirilməsindən tutmuş, texnoloji səyyarlığın təmin olunmasına qədər.

S-400 zenit raket komplekslərinin Türkiyəyə tədarükü, arxiv şəkli
© Photo by Handout / TURKISH DEFENCE MINISTRY / AFP

Hazırda Vaşinqton "Şimal axını-2" qaz kəmərinin taleyinə dair danışıqlarda iştirak edəcək xüsusi nümayəndəliyə kimin təyin olunması ilə məşğuldur.

"Politico" nəşrinin məlumatına görə, ABŞ Ədliyyə Nazirliyi tikilməkdə olan kəmərə qarşı növbəti iki sanksiya paketini təsdiq edib. Yeni "qara siyahı"da adı çəkilən kəmərin inşası və sonrakı istismarına cavabdeh olan İsveçrənin "Nord Stream 2 AG" şirkətinin və onun rəhbəri Matias Varniqin də adı var.

Layihənin cari ilin may ayında Konqresin təsdiqinə veriləcəyi gözlənilir. Lakin bu da dəqiq deyil, çünki yeni sanksiyalara dair son qərar hələ ki, qəbul olunmayıb. Aydındır ki, bu, Ağ Evin namizəd axtardığı emissarın danışıqlarından asılı olacaq. Həmin danışıqlar isə heç də Rusiya ilə deyil, Avropa ilə aparılacaq.

Əslində, hər iki partiya nümayəndələrinin Konqresdə təzyiq göstərərək "Şimal Axını-2" layihəsini nəyin bahasına olursa olsun dayandırılmasını tələb etdikləri Bayden administrasiyasının əsas problemi budur: Berlin təkidlə qaz kəmərini müdafiə edir. Və demokratların Trampın ciddi şəkildə zərər vurduğu Avropa ilə münasibətləri bərpa etmək istəyi sərt addımların atılmasını Ağ Ev üçün arzuolunmaz edir. Nəticədə Vaşinqton strateji əhəmiyyət daşıyan layihəni müdafiə edən Qərbi Avropanın inadkarlığını yumşaltmaq üçün danışıqlara ümid edir. Bu arada, jurnalistlərin də xatırlatdıqları kimi, artıq layihənin 96 faizi başa çatıb. Hərçənd, ortada sanksiya məsələsi də var. Bu məqamda "Bloomberg" seçkilərə müdaxilə və haker hücumlarına görə Rusiyaya qarşı yeni sanksiyaların tətbiq olunacağı barədə məlumat yaydı. Həmin məlumata görə, Rusiya Federasiyasının ayrı-ayrı fərdlərinə və təşkilatlarına qarşı yeni sanksiyaların tətbiq olunması, Vaşinqtonda "diplomat adı altında" fəaliyyət göstərən Rusiya kəşfiyyat zabitlərinin ABŞ-dan qovulması kimi radikal addımlar atıla bilər. Mənbə onu da bildirib ki, sanksiyalar böyük ehtimalla, Rusiya Prezidenti Vladimir Putinə yaxın insanlar, həmçinin seçkilərə müdaxilədə iştirak etmiş qurumlara şamil oluncaq.

Bu addımın Vaşinqton üçün "yan effekt" yaradacağı da qaçılmazdır. Bu yaxınlarda Rusiyanın ABŞ-dakı səfiri Anatoli Antonovun da qeyd etdiyi kimi, Vaşinqton yerli diplomatlara qarşı viza müharibəsinə başlayıb və bu səbəbdən hər iki ölkənin diplomatik missiyası texniki mütəxəssislər də daxil olmaqla kadr çatışmazlığı ilə qarşı-qarşıya qalıblar. Ancaq Rusiya səfirliyinin işçiləri "çətinliklərə və məhrumiyyətlərə sinə gərdikləri halda", amerikalılar işləmək məcburiyyətində qaldıqları dözülməz şəraitdən dəfələrlə şikayətlənərək bildiriblər ki, yüksək rütbəli diplomatlar səfirlik binası qarşısındakı qarı özləri kürüməli olur, dezinfeksiyaedici məhlulları özləri qarışdırırlar. Nəhayət, iş o yerə çatdı ki, ABŞ-ın Vladivostok və Yekaterinburqdakı iki konsulluğu texnik səbəblər üzündən fəaliyyətini dayandırmalı oldu.

Son illərdə sanksiya məsələsi həm Rusiya daxili proseslər, həm də beynəlxalq münasibətlər kontekstində adi, maraqsız mövzuya çevrilib. Qloballaşan birqütblü dünyada sanksiyalar, həqiqətən də, mövcud sistemi gücləndirmək üçün bir vasitə idi. Həm İran, həm də Koreya Xalq Demokratik Respublikasının təcrübəsində olduğu kimi illərlə ən sərt məhdudiyyətlər altında yaşamaq da mümkündür, ancaq yaddan çıxartmaq olmaz ki, bunun əvəzi vətəndaşların aşağı yaşayış səviyyəsi, milli iqtisadiyyatın və texnoloji inkişafın tənəzzülü ilə ödənir. Həmin vaxt sanksiyalar ölkənin inkişaf etmiş sivilizasiyalardan geri qalması demək idi: məsələn, SWIFT sisteminə əlçatanlığın olmaması və alternativ milli ödəmə sisteminin yaradılmaması səbəbindən mağazada adicə kartla ödənişi etmək mümkün deyildi.

Yeddi il əvvəl başlayan Rusiyaya qarşı sanksiyalar dalğasının əsas məqsədi də ölkəmizə bu şəkildə təsir göstərmək idi. Ancaq tamamilə əks nəticəyə gətirib çıxardı.

Sanksiyalar həm Qərbin birliyini, həm də bütövlükdə ABŞ-ın lider mövqedə olduğu qlobal sistemi zədələyir. On il əvvəl bu sanksiyalar "ipə-sapa yatmayan ölkələrin" texnoloji cəhətdən geri qalması üçün mexanizm rolunu oynayırdısa, indi onların inkişafını stimullaşdıran vasitəyə çevrilib.

İndi bizə yalnız Vaşinqtonun özünə açıq şəkildə zərər verən bu prosesi niyə davam etdirməsinin səbəbləri üzərində baş sındırmaq qalır. Bəlkə də, Amerika isteblişmenti sadəcə baş verənlərin əsl mahiyyətini görmür. Yaxud da, gerçəkliyi dərk etsələr belə, ABŞ-ın dünyadakı hegemonluğuna son qoyan bu prosesi dayandırmaq iqtidarında deyillər.

11
Xarici İşlər naziri Ceyhun Bayramov və İƏT Baş katibi Yusif bin Əhməd Əl-Osaymin arasında görüş

Azərbaycan Qarabağı cənnətə çevirəcək - prosesə İslam ölkələri qoşulur

1485
(Yenilənib 16:51 10.04.2021)
"Qarabağ otuz ilə yaxın davam edən işğal ərzində elə bir günə salınıb ki, bir dənə də salamat infrastruktur qalmayıb. Anlayırıq ki, bu illər ərzində düşmənin işi Qarabağı yerlə-yeksan etmək olub".

Elvin Səlimov, Sputnik Azərbaycan

BAKI, 9 aprel — Sputnik. "Azərbaycanı qələbə münasibətilə təbrik edirəm. Prezidenti də 30 il işğaldan sonra qaytarılan ərazilərə görə təbrik etdim. Torpaqlar sahibinə qaytarılıb. Bu kabus başa çatıb, lakin hekayənin yarısı bitib, digər yarısı da var. Siz diplomatik yollardan istifadə etmisiniz bu illər ərzində. Azərbaycan bir başqa ölkənin ərazisinin 1 santimetrinə də girməyib".

Bu sözləri İƏT Baş katibi Yusif bin Əhməd Əl-Osaymin Xarici İşlər naziri Ceyhun Bayramovla birgə keçirdiyi mətbuat konfransında deyib.

Xatırladaq ki, bir neçə gün öncə Ermənistanın Azərbaycana qarşı təcavüzünə dair İslam Əməkdaşlıq Təşkilatının Təmas Qrupunun üzvləri Azərbaycana səfərə gəlib. Onlar işğaldan azad edilmiş ərazilərdə olublar.

Sputnik Azərbaycan post-müharibə dövrü problemlərinin həllində İƏT ilə əməkdaşlıq və Qarabağın yenidən qurulmasında təşkilatın rolu ilə bağlı Milli Məclisin İctimai birliklər və dini qurumlar komitəsinin üzvü, millət vəkili Anar İsgəndərovun və Orta Doğu araşdırmalar mərkəzinin rəhbəri Sədrəddin Soltanın fikirlərini öyrənib.

  • Xarici İşlər naziri Ceyhun Bayramov və İƏT Baş katibi Yusif bin Əhməd Əl-Osaymin arasında görüş
    © AR Ministry of Foreign Affairs
  • Xarici İşlər naziri Ceyhun Bayramov və İƏT Baş katibi Yusif bin Əhməd Əl-Osaymin arasında görüş
    © AR Ministry of Foreign Affairs
  • Xarici İşlər naziri Ceyhun Bayramov və İƏT Baş katibi Yusif bin Əhməd Əl-Osaymin arasında görüş
    © AR Ministry of Foreign Affairs
1 / 3
© AR Ministry of Foreign Affairs
Xarici İşlər naziri Ceyhun Bayramov və İƏT Baş katibi Yusif bin Əhməd Əl-Osaymin arasında görüş

Millət vəkil Anar İsgəndərov bildirib ki, İƏT Azərbaycana ən yaxın və onun haqq işini müdafiə edən ən mühim təşkilatdır: "Azərbaycan İƏT üzvlüyünə qəbul olarkən hələ SSRİ-nin tərkibində idi. Təşkilatın Azərbaycana həmişə xüsusi münasibəti olub. İƏT torpaqlarımızın işğal altında qaldığı günə qədər Ermənistanı işğalçı ölkə kimi qəbul edib. Hər zaman Azərbaycanın haqq işinə dəstək olub. Təşkilatda Ermənistana haqq verəcək bir cümlə də deyilməyib. Azərbaycan 44 günlük müharibədə öz tarixi torpaqlarını qaytarandan sonra da İƏT Azərbaycanı dəstəkləyib".

"Bu gün Azərbaycan Qarabağda geniş quruculuq işləri həyata keçirir. İƏT-in üzvü olan ölkələr bu prosesdə Azərbaycana dəstək olacaqlarını ifadə edirlər. Burada qeyri-adi, təəccüblü, möcüzəli bir şey yoxdur. Qarabağ otuz il yaxın davam edən işğal ərzində elə bir günə salınıb ki, bir dənə də salamat infrastruktur qalmayıb. Anlayırıq ki, bu illər ərzində düşmənin işi Qarabağı yerlə-yeksan etmək olub. Azərbaycan Qarabağı cənnətə çevirəcək. Ona görə də hazırda dost köməyinə ehtiyacımız var" – deyə A.İsgəndərov bildirib.

Orta Doğu araşdırmalar mərkəzinin rəhbəri Sədrəddin Soltan isə bildirib ki, İƏT müharibəyə qədərki dövrdə də Ermənistanı işğalçı dövlət kimi qəbul edirdi və bunu bütün toplantılarında açıq şəkildə ifadə edirdi. Bu təşkilatın üzvü olan ölkələr beynəlxalq siyasi arenada Azərbaycana dəstək verirdilər. Çünki İƏT həm də BMT-də Müşahidə Şurasının üzvüdür. Amma onu da qeyd etməliyik ki, təşkilatın ayrı-ayrı üzvləri Ermənistana münasibətdə fərqli mövqedə dayanırlar. Bu təşkilatın bəzi üzvləri müharibə dövründə Azərbaycanı dəstək olan dövlətlərə qarşı təxribatla məğul oldular".

Politoloq bildirib ki, müharibədən sonrakı dövrdə də təşkilat Qarabağın quruculuq işlərində rol ala bilər: "Buna misal olaraq İslam bankı tərəfindən kreditlərin verilməsini deyə bilərik. Eyni zamanda ayrı-ayrı üzv ölkələr də quruculuq işlərinin həyata keçirilməsində iştirak edə, keçmiş münaqişə zonasında vəziyyətin normallaşması üçün Azərbaycana dsətək ola bilərlər. Müharibənin başa çatmasını ifadə edən 9 noyabr bəyanatı var. Bu bəyanatın müddəalarının yerinə yetirilməsi üçün İƏT vacib rol oynaya bilər".

1485
Nyu-Yorkda Tayms-skver meydanı, arxiv şəkli

Məşhurlar Nyu-York küçələrini podiuma çevirdilər - FOTO

0
Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

BAKI, 10 aprel — Sputnik. Nyu-Yorkda "Michael Kors Collection"ın nümayişi keçirilib.

Sputnik Azərbaycan xarici mediaya istinadən xəbər verir ki, pandemiya ilə əlaqədar olaraq tədbir rəqəmsal formatda baş tutub: modellərin yürüşü video qeydiyyata alınıb, ictimaiyyətə isə daha sonra təqdim ediləcək.

​Amma buna baxmayaraq, "Michael Kors Collection"dan ilk fotolar mediaya sızıb. Kadrlardan görünür ki, İrina Şeyk, Bella Hadid, Naomi Kempbell, Eşli Qrem, Liya Kebede, Helena Kristensen və Alek Uek Nyu-York küçələrini əsl podiuma çeviriblər.

​Dünyaca məşhur modellərin bir araya toplaşması nadir hadisə hesab olunur. Ona görə də şounun çox yaddaqalan olacağı barədə proqnozlar verilib.

0
Teqlər:
Nyu-York, moda