Quş yer planetinin heykəllin üstündə üçan zaman, arxiv şəkli

İsti-soyuq mif: amerikalılar iqlim məsələsi ilə oynayaraq dünyanı necə biçimləndirirlər

44
(Yenilənib 21:12 02.04.2021)
Məsələn, İlon Mask bir neçə ildən sonra dilin ünsiyyət vasitəsi kimi ləğv olunacağını vəd edir. Mormon-milyarder Trevor Milton isə dünyadakı ən partlayıcı qazlardan biri olan hidrogeni dəbli yanacaq vasitəsi kimi fəal şəkildə təbliğ edir.

BAKI, 2 aprel — Sputnik, Viktoriya Nikiforova. 2004-cü ildə Roland Emmerixin "Birisigün" adlı ekran işi dünya ekranlarına çıxdı. Bu ekran əsərində fəlakət filmlərində sevdiyimiz hər şey var idi: xüsusi zövqlə çəkilmiş kütləvi ölüm və dağıntı səhnələri, melodramatik hekayə, gözəl musiqi və finalda bütün çətinliklərin dəf edilməsi...

"Birisigün" filmi bu gün də maraqla izlənir, bununla belə, mənəvi cəhətdən əhəmiyyətini itirib və hətta "ziyanlı" hesab oluna bilər. Məsələ burasındadır ki, filmdə bəşəriyyəti məhvə sürükləyən fəlakətdən – qlobal soyuqlaşmadan bəhs olunur. Film "Dünyanı gözləyən güclü fırtına" ("The Coming World Superstorm" kitabı əsasında çəkilib ki, 30 il bundan əvvəl planetin buz bağlayacağı ilə bağlı belə kitablar hər yerdə satılırdı.

Yaşlı insanlar yaxşı xatırlayırlar, 1970-90-cı illərin ən qorxulu ssenarilərindən biri "yeni buz dövrü"nün başlayacağı ilə bağlı idi. Bu ssenarilər də indi bizi qlobal istiləşmə proqnozları ilə qorxudan eyni nəşrlər və televiziya kanalları tərəfindən səsləndirilirdi.

Bu mövzu 1960-cı illərin sonlarında ortaya atıldı və bu gün olduğu kimi intensiv şəkildə təbliğ edilməyə başlandı. "The New York Times", 1969-cu il: "Sonumuza iyirmi il qaldı".

"The Guardian", 1974: "Buz dövrü sürətli templə gəlir. Tezliklə bütün buğda ehtiyatı tükənəcək və yeməyə heç nə tapa bilməyəcəyik. Ancaq bundan əvvəl içməli sudan məhrum olacağıq. Venesiya, Maldiv adaları su altında qalacaq, Nyu-York Yeni Atlantida kimi okeanın dibinə gedəcək. 2000-ci ilə qədər bütün planet buzla örtüləcək".

Bəs elm adamları bu məsələyə necə yanaşdılar? Onlar da qlobal soyuqlaşmanın tezliklə başlayacağı və çox dəhşətli nəticələrə gətirib çıxaracağı barədə elə hey yeni dəlillər tapırdılar: "Hamımız öləcəyik!"

Alimlər monoqrafiyalar yazandan, seminarlar keçirəndən sonra hakimiyyətə müraciət etdilər: "Əziz cənab prezident! Bütün planetin gələcəyi ilə bağlı narahatlıq keçirdiyinizi bildiyimiz üçün sizi bəşəriyyətin hələ indiyə kimi görünməmiş miqyasda qlobal iqlim dəyişikliyi ehtimalı ilə qarşı-qarşıya qaldığı barədə məlumatlandırmağa borcluyuq. Soyuqlaşma sürətlə davam edir..." – 1972-ci ildə Braunovski Unuversitetinin görkəmli alimləri ABŞ prezidenti Niksona yazmışdılar.

"Qlobal soyuqlaşma" dərhal soyuq müharibədə "silah"a çevrildi. Məhz həmin dövrdə Sovet İttifaqı neft emalını rekord miqdarda artıraraq qaz hasilatına da başladı. 1973-cü ildə Qərb neft qiymətlərinin birdən-birə kəllə-çarxa qalxmasından ziyan gördü ki, bu vəziyyəti yaradan da ərəb ölkələri idi. Halbuki həmin vaxt rus kommunistləri maneəsiz şəkildə Sibirdə neft çıxarır, üstəlik, onu bütün dünyaya satırdılar. Prezident Nikson isə amerikalıları çətin iqtisadi vəziyyətə alışdırmağa – maşına benzini bir gündən bir vurmağa, şosedə saatda 100 kilometrdən sürətlə getməməyə, evdə temperaturu 18 dərəcədən yuxarı qaldırmamağa və tez-tez təyyarə ilə uçmamağa çağırırdı. Sonradan "Nüvə qışı" bu əfsanənin bir qoluna çevrildi və SSRİ-yə qarşı siyasi təzyiq məqsədilə istifadə olundu.

Bəs bütün bu qorxunc nağıllar hara yoxa çıxdı?

2006-cı ildə, "Birisigün" filminin premyerasından cəmi iki il sonra "Təşviş doğuran həqiqət" adlı sənədli film Kann Festivalında təqdim olundu. Bu filmin sponsoru və baş qəhrəmanı Amerikanın məşhur siyasi klanının nümayəndəsi, ABŞ-ın eks-prezidenti Albert Qor idi. Növbəti il Qor bu filmə görə Nobel mükafatı aldı. "Həqiqət" isə ondan ibarət idi ki, bizim bütün bəlalarımızın səbəbi qlobal istiləşmədir.

Ve yenə elə həmin "The New York Times", "The Guardian", CNN və BBC Amerika administrasiyasının yeni gündəm mövzusunu təbliğ etməyə başladılar: İnsan fəaliyyəti atmosferə atılan istixana qazlarının çoxalmasına gətirib çıxarır. Bu isə istiləşməyə səbəb olur. İstiləşmə isə yaxşı əlamət deyil. Niyə? Səbəbini soruşmayın.

Bir sözlə, yenə belə məlum oldu ki, hamımızın axırı çatıb. 2009-cu ildə Böyük Britaniya şahzadəsi Çarlz bəşəriyyətin sonuna cəmi 8 il qaldığını elan etdi. 2013-cü ildə isə "The Guardian" Arktikadakı buzlaqların iki ildən sonra əriyəcəyini xəbər verdi.

Alimlər gündəmdə olan məsələni daha da geniş müzakirə etməyə tələsdilər. Yenidən seminarlar, konfranslar keçirildi, prezidentlərə müraciətlər ünvanlandı. Bütün bunlar Kioto protokolunun və iqlim haqqında Paris müqaviləsinin imzalanması ilə nəticələndi. Halbuki bir çox ekspertlər indiyə qədər də qlobal istiləşmə haqqında mifi kəskin tənqid edirlər.

Amerikanın yeni mifinin, qlobal soyuqlaşma haqqında əfsanədə olduğu kimi, iqtisadi məntiqi var. Bu, rəqibləri sıradan çıxarmaq cəhdidir. Bundan asan nə var ki! Rusiyadan gətirilən buğdanı və qazı qaralayıb bazardan sıxışdırıb çıxarmaq, bunun əvəzində öz məhsullarını sırımaq.

Və qlobal istiləşmənin geosiyasi əsasları "iqlim kralı" Con Kerri tərəfindən açıq şəkildə ifadə edildi: "Heç bir dövlət bu problemi (iqlim problemini - red.) təkbaşına həll etməyə qadir deyil. Məsələnin həlli yolunu özəl sektor göstərəcək. Hökumətlərin vəzifəsi isə onlara şərait yaratmaqdır. Biz bunun üçün müharibədə olduğu kimi döyüşəcəyik".

Qısacası, suveren dövlətlərə səlahiyyətləri özəl şirkətlərə vermək təklif olunurdu. Məsələn, varisi Con Kerrinin həyat yoldaşı olan "Heinz" şirkəti kimi.

Milli dövlətlərə hamının iradı var, hakimiyyəti mətbəxdə tənqid etmək milyarderlərin ən sevimli hobbisidir. Amma bu gün özlərini dünya lideri kimi təqdim edən şirkət sahibləri son vaxtlar qeyri-adekvatlıq nümayiş etdirirlər.

Məsələn, İlon Mask bir neçə ildən sonra dilin ünsiyyət vasitəsi kimi ləğv olunacağını vəd edir. Mormon-milyarder Trevor Milton isə dünyadakı ən partlayıcı qazlardan biri olan hidrogeni dəbli yanacaq vasitəsi kimi fəal şəkildə təbliğ edir.

Bill Qeyts qlobal istiləşmə ilə mübarizə üçün ekzotik layihələri maliyyələşdirir. Məsələn, atmosferə tonlarla təbaşir buraxması üçün minlərlə təyyarəni eyni anda uçuşa göndərməyi təklif edir. Nəticədə bu təbaşir pərdəsi Günəşi örtəcək və dünya həqiqətən soyuqlaşacaq. Beləliklə, torpaqda heç nə bitməyəcək, yeməyə də bir şey tapmayacağıq. Əvəzində, qlobal istiləşməyə son qoyulacaq! Xeyr, xeyr, bu heç də zarafat deyil! Bu və buna bənzər layihələr Harvard Universitetinin alimləri tərəfindən ciddi şəkildə araşdırılır.

İndi bu milyarderlərin təşəbbüsləri sadəcə əyləncəli səfehlik təsiri bağışlayır. Yaxşı, bəs onlar həqiqətən dünyanı idarə etməyə başlasalar, necə? Onda heç kimin gülməyə həvəsi qalmayacaq.

Bu ilin aprel ayında keçirilməsi planlaşdırılan iqlim sammiti ərəfəsində bütün bunları yada salmağa dəyər. Çünki amerikalı tərəfdaşlarımız hər hansı bir fikri, o cümlədən, təbiəti qorumaqla bağlı köhnə məlum ideyanı kütləvi qırğın silahına necə çevirəcəklərini yaxşı bilirlər.

44
ZRK Tor

Amerikalılar Arktikaya çıxmağa hazırlaşırlar

7
(Yenilənib 21:20 14.04.2021)
Hazırda Pentaqonun sərəncamında cəmi bir ədəd saz vəziyyətdə olan buzqıran gəmi var - o da "Polar Star"dır.

BAKI, 14 aprel — Sputnik, Andrey Kots. ABŞ Arktikada Rusiyadan geri qalmamağa çalışır. ABŞ quru qoşunları bu günlərdə "Oshkosh Defense" konserni ilə Şimal Qütbü ətrafı üçün hərbi texnikanın işlənib hazırlanması barədə müqavilə imzalayıblar. Məlum olub ki, hazırda amerikalıların bu məqsədlər üçün müvafiq maşınları yoxdur. Onların sərəncamında olan texnika isə çoxdan köhnəlib. Ordu komandanlığı yeni maşınları artıq cari ilin avqustunda sınaqdan çıxarmaq niyyətindədir. Bəs bu maşınlar barədə nə məlumdur – Bu barədə "RİA Novosti"-nin materialında.

İyuna qədər hazır olmalı

Arktika şəraiti dünyanın istənilən ordusu üçün ciddi bir sınaqdır. Həddən artıq aşağı temperatur, üzən buz parçaları, infrastrukturun olmaması, logistikanın mətinliyi, qütb gecəsinin uzunluğu – bütün bunlar həmin ərazidə hər hansı qoşun bölmələrinin yerləşməsini çətinləşdirir.

Soyuq müharibə dövründə SSRİ-dən fərqli olaraq Birləşmiş Ştatlar bu regiona kifayət qədər diqqət ayırmırdılar. Ona görə də hazırda Pentaqonun sərəncamında cəmi bir ədəd saz vəziyyətdə olan buzqıran gəmi var - "Polar Star". Rusiyada isə 40-dan artıq bu kimi gəmi var. Bundan əlavə, amerikalıların Arktikada demək olar ki hərbi bazası yoxdur.

Quru qoşunları üçün çətin qütb şəraitində yükləri və hərbi qulluqçuları daşımağa qadir olan texnikası da çatmır. Bunun üçün yararlı olan texnika isə İsveç istehsalı olan ikihəlqəli tırtıllı "Bandvagn 206" maşınlarıdır ki, onlar da "Small Unit Support Vehicle" (SUSV, yəni bölmələrə kiçik dəstək maşını) adı altında bölmələrin təchizatına daxil edilib. Lakin həmin maşınların ilk nümunələri artıq 40 il əvvəl konveyerdən çıxıb.

Quru qoşunları avtomobil parkını yeniləmək qərarına gəlib və "ColdWeather All-Terrain Vehicle" (CATV, soyuq hava üçün "basar-keçər") proqramı çərçivəsində müsabiqə elan edib.

Pentaqon bu layihə çərçivəsində dartıcı avtomobilin işlənib hazırlanması, inşası və sınaqlarına 2021-ci maliyyə ilində 6,6 milyon dollar, daha sonra isə 110 ədəd "basar-keçər"in alınmasına 9,25 milyon dollar vəsait xərcləməyə hazırdır.

Sonralar CATV parkının 163 ədədə qədər genişləndirilməsi nəzərdə tutulur. Basar-keçərin ilk nümunələrinin artıq iyunun 14-də hazır olacağı gözlənilir. Sınaqlar Alyaskadakı poliqonda cari ilin avqustundan dekabr ayınadək davam edəcək. Müsabiqənin qalibi 2022-ci maliyyə ilində müəyyən olunacaq.

Dörd variant

Gözlənildiyi kimi, müsabiqəyə dörd variantda CATV təqdim olunacaq. Ümumi təyinatlı "basar-keçər"ə sürücüdən əlavə ən azı 9 əsgər yerləşə bilməli və onun ən azı üç gün səyyar şəkildə yaşamaq üçün avadanlıq və sursatı olmalıdır.

Həmin texnikanın tibbi avadanlıq quraşdırılmış sanitar variantı isə iki tibb işçisi, 2 nəfər uzanıqlı və 4 nəfər yüngül yaralı şəxslər üçün nəzərdə tutulur.

Komandanlıq üçün variant müasir rabitə və qoşunları idarəetmə vasitələri ilə təchiz olunacaq.

Və nəhayət yük daşıyan variant uzaq məsafələrə iri qabaritli yüklərin daşınması üçün nəzərdə tutulur.

"Bu maşınlar ekstremal aşağı temperaturlarda başqa texnikanın hərəkət edə bilmədiyi ərazidə geniş spektr vəzifələri yerinə yetirməyə qadir olmalıdır. Onlar çətinlik çəkmədən buz üzərində hərəkət edə bilməli, su maneələrini aşmalı, hündür yerlərə asanlıqla dırmaşmalı və yanacağı qənaətlə işlətməlidirlər", - deyə ABŞ ordusunun CATV proqramına cavabdeh olan zabiti Tim Qoddet bildirib.

Müsabiqə iştirakçıları yeni basar-keçəri əvvəlki nümunələr əsasında hazırlamağa qərar veriblər. "Oshkosh" və "ST Engineering" əsas kimi ikihəlqəli "Bronco 3" tırtıllısını götürüblər. Adı çəkilən maşın artıq 20 ildir ki, Böyük Britaniya ordusunda istifadə olunur və Əfqanıstandakı döyüşlərdə iştirak edib.

"Bronco 3"-ün güllədən qoruyan zirehi var, üzərində pulemyot quraşdırılıb, dibi V şəkillidir ki, bu da mina partlaması zamanı zərəri xeyli azaldır. Bu basar-keçər maneələri 5 km/saat sürətlə aşa bilir.

"BAE Systems" şirkəti ikihəlqəli "Beowulf" əsasında yeni bir basar-keçər təqdim etmək niyyətindədir. Onun bir çox xüsusiyyətlərinə görə "Bronco 3" və SUSV-un analoqu olacağı, lakin daha çox yükgötürmə qabiliyyətinə malik olacağı bildirilir.

Rusiyaya çatmalı

Bir ay öncə dərc olunmuş "Arktika strategiyasında" amerikalılar aşkar şəkildə regionda Moskva və Pekini sıxışdırmaq niyyətlərini bəyan ediblər. Burada Pentaqonu narahat edən əsas məsələ Rusiyanın dünyada ən iri buzqıran donanmaya, Şimal dairələrində hərbi bazalar şəbəkəsinə və ekstremal hava şəraitində hərəkət etməyə qadir olan texnika arsenalına malik olmasıdır.

Rusiyanın Arktika regionundakı demək olar ki bütün quru texnikası ikihəlqəli tırtıllı DT-30 "Vityaz" basar-keçəri əsasında qurulub. Bu maşınlar isə hətta ən kəskin şaxtalardan da qorxmur (-55 dərəcə). Yeni "Pantsir" və "Tora"lar isə S-400 uzaq mənzilli zenit-raket komplekslərinin yerləşmə rayonunu qorumaqla məşğuldur.

Bundan əlavə, rus hərbçilərinin sərəncamında ekstremal şaxtalı havalara uyğunlaşdırılmış tam dartı gücünə malik "Ural" və KAMAZ-lar, TTM-1901 "Berkut" qarda yeriyən, kabinəsi isidilən maşınları və hava yastığı üzərində hərəkət edən katerlər, habelə it və maral qoşquları da var.

Böyük Vətən müharibəsi illərində həmin bu heyvan qoşquları qütb ətrafı ərazilərin müdafiəsində böyük rol oynayıb. Belə ki, bu qoşqular vasitəsilə döyüş sursatı və şəxsi heyət lazımi yerə çatdırılırdı. Məsələ ondadır ki, heyvanlar hətta texnikanın aciz qaldığı yerlərdən də keçməyə qadirdir. Bundan əlavə, Arktikada xidmət aparan hərbçilər üçün tank, piyada döyüş maşınları və vertolyotların xüsusi modifikasiyaları da hazırlanır.

 

7
Sualtı qayıq

Suya dalan BOSS: Rusiyada ucuz sualtı qayıq hazırlanıb

6
(Yenilənib 20:02 14.04.2021)
Gözəgörünməz patrul: suya dalan BOSS gəmisi Rusiyada hazırlanıbGözəgörünməz patrul: suya dalan BOSS gəmisi Rusiyada hazırlanıb

BAKI, 14 aprel — Sputnik. Aleksandr Xrolenko, hərbi şərhçi. Rusiya gəmiqayırma sənayesinin elmi və texnoloji səviyyəsi konstruktor ideyalarının həllinə qeyri-standart yanaşmağa imkan verir. Eyni zamanda suüstü gəmi və submarina funksiyalarını icra edə bilən "Straj" patrul gəmisi müxtəlif ölkə mütəxəssislərini təəccübləndirməyə qadirdir. Yeni gəmi BOSS (Border and Offshore Submersible Sentry) adı altında ixrac olunacaq.

Dəniz texnikası üzrə "Rubin" mərkəzi konstruktor bürosu özündə suüstü gəmi və sualtı qayıq xüsusiyyətlərini birləşdirən yeni, "Straj" suya dala bilən patrul gəmisinin layihəsini təqdim edib. Qayığın nisbətən ucuz qiyməti və ölçüləri, yüksək texniki göstəriciləri, ənənəvi olaraq yüksək səviyyədə etibarlılığı, göyərtəsində geniş spektrdə raket-torpeda silahlarının (həmçinin elmi tədqiqat avadanlığının) daşınması imkanlarına görə BOSS müdafiə büdcəsi böyük olmayan bir çox ölkələr üçün maraq kəsb edir.

"Rubin" konstruktor bürosu submarinaların layihələndirilməsi üzrə dünya liderlərindən biri və Rusiyada sualtı gəmilərin, müxtəlif tipli aparatların işlənib hazırlanmasında (o cümlədən mülki) 120 illik təcrübəsi olan sualtı gəmiqayırma üzrə konstruktor bürosudur.

Zahirən BOSS uğurlu konstruksiyaya malik olan və dünyada ən çox kütləvi satılan 613 layihəsi (o da "Rubin"in məhsuludur) çərçivəsində hazırlanmış dizel-elektrik sualtı qayığını xatırladır. Suya dalan BOSS-un texniki xüsusiyyətləri də oxşardır: komplektləşməsindən asılı olaraq onun uzunluğu 60-70 metr, su tutumu 1000 tona qədər, ekipaj heyəti isə 42 nəfərdir. "Straj" idarə olunan raketlər, torpedalar, uçan aparatlar, artilleriya qurğuları və patrul fəaliyyəti üçün kiçik ölçülü üzmə vasitələri ilə təchiz oluna bilər. Silah, avadanlıq və cihazların seçimində "Straj"ın yaradıcıları yenə də artıq sınaqdan çıxmış, müasir submarina, suüstü gəmi və təyyarə nümunələrinin təchizatına əsaslanıblar.

"Armata"dan da sürətli: Rusiyada yeni təkərli tanklar hazırlanır>>

Yeni "nautilusun" sualtı və suüstü vəziyyətdə ehtimal olunan hədəfləri döyüş gəmiləri və texnoloji cəhətdən güclü düşmənin sahil obyektləri, habelə daha zəif təchiz olunmuş piratlar, qaçaqmalçılar, brakonyerlər də ola bilər. Yeni gəmi həmçinin kəşfiyyat və elmi-tədqiqat məqsədləri üçün də səmərəli şəkildə istifadə oluna bilər.

NATO-nun baş ağrısı

Yeni gəminin imkanları və yerinə yetirə biləcəyi tapşırıqların tam sprektrini təsəvvür etmək üçün 613 layihəsini (NATO sinifləndirməsinə görə – "Whiskey") yada salmaq lazımdır. "Üçyivli tüfəng qədər" sadə və etibarlı olan, 1347 ton su tutumuna malik, 76 metr uzunluqda, 6,6 metr enində, 18,5 düyün sürətlə 200 metr dərinlikdə hərəkət edə bilən bu submarina suüstü vəziyyətdə 850 mil (15 min km-dən çox) məsafə qət etməyə qadir idi. Onun göyərtəsində 533 mm kalibrli 6 ədəd (4-ü burun, 2-si arxa tərəfdə) torpeda aparatı var. Özü də həmin torpedalar nüvə başlıqları ilə də təchiz oluna bilərdi (döyüş komplektinə 12 torpeda və ya 22 mina daxil idi). 52 nəfər ekipaj heyəti olan gəmi 30 sutka ərzində səyyar şəkildə fəaliyyət göstərməyə qadir idi.

613 layihəsi torpeda gəmisi kimi nəzərdə tutulmuşdu. Amma onun əsasında 6 ədəd modifikasiya edilmiş, raketlə silahlanmış submarina da hazırlanmışdı. Belə ki, həmin nümunələrin konteynerlərində uçuş məsafəsi 300 km olan P-5 qanadlı raketləri yerləşdirilmişdi (suüstü vəziyyətdən sahildəki obyektlərə atəş açmaq üçün).

1950-1957-ci illər ərzində Sovet donanması ümumilikdə 215 ədəd 613 tipli dizel-elektrik submarinası alıb. Bu o deməkdir ki, ölkədə hər beş gün ərzində 1 submarina inşa olunurmuş. Layihənin uğurlu olduğunu o da sübut edir ki, 613 tipli qayıqlar Sovet İttifaqı dağılana qədər, yəni təqribən 40 il xidmətdə olublar.

Sirkon raketinin buraxılışı, arxiv şəkli
© Photo : Ministry of Defence of the Russian Federation

Bu çoxfunksiyalı gəmilər kütləvi şəkildə xaricə də satılıb (təqribən 40 ədəd): Bolqarıstan, Kuba, İndoneziya, Misir, Suriya, KXDR, Polşa. Çinə isə gəminin texniki sənədləri təqdim olunduqdan sonra Şanxay və Xankou zavodlarında 20 ədəd 613 tipli submarina inşa olunub.

Təbii ki, yeni suya dalan BOSS da 613 layihəsinin əsas xüsusiyyətlərini mənimsəyib – möhkəmlik, etibarlılıq və səmərəlilik. Bütün qalan xüsusiyyətlərinə görə isə BOSS keyfiyyətcə yeni, daha güclü silah, rabitə, naviqasiya və hidroakustika sistemləri ilə təchiz olunmuş XXI əsr gəmisidir.

Gəminin potensialı

Rusiya hərbi dəniz donanmasında son zamanlara qədər su akvatoriyasının patrulu ilə keşikçi qayıqlar məşğul idi. Ənənəvi suüstü gəmilərlə suya dala bilən BOSS arasında bərabərlik işarəsi qoymaq çətindir. Belə ki, yeni gəminin istismar xüsusiyyətləri "Rubin"də çalışan mütəxəssislərin hibrid submarina hazırladıqlarını deməyə imkan verir.

Bütün bunlardan əlavə, BOSS gəmisi ekipaj və sahil infrastrukturu işçilərinin hazırlığı üçün nisbətən ucuz "sinif otağı" kimi də istifadə oluna bilər. Bu isə ayrı-ayrı ölkələrin milli sualtı qüvvələrinin inkişaf etdirilməsi, təcrübə qazanması və daha sonra "tam formatlı" submarina almasına hazırlığı üçün də məqsədəuyğundur.

6
Teqlər:
patrul, ucuz, Rusiya, sualtı qayıq, gəmi
ABŞ prezidneti Co Bayden, arxiv şəkli

Baydenlə Putinin görüşü yaxın həftələrdə baş tuta bilər

0
"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək" - Blinken.

BAKI, 15 aprel - Sputnik. ABŞ Prezidenti Cozef Bayden rusiyalı həmkarı Vladimir Putinə "yaxın həftələrdə" görüşməyi təklif edib.

Sputnik Azərbaycan-ın məlumatına görə, bunu ABŞ dövlət katibi Entoni Blinken deyib. Bir qədər öncə isə Ağ Ev görüşün yaxın bir neçə ay ərzində baş tuta biləcəyini bildirmişdi.

​"Biz Rusiya ilə stabil və təxmin edilən münasibətləri üstün tuturuq. Bu, öz növbəsində kommunikasiya xətlərinin açıq olmasını tələb edir ki, biz baxışlarımız, siyasət, Rusiyanın hərəkətlərinə qarşı etirazımız barədə aydın danışa bilək. Bu, yanlışlardan qaçmaq üçün vacibdir. Bunu da siz dünən gördünüz: Bayden prezident Putinə zəng vuraraq yaxın həftələrdə görüşməyi təklif etdi", - Blinken Brüsseldə təşkil olunmuş mətbuat konfransında deyib.

0
Teqlər:
görüş, Cozef Bayden, Vladimir Putin