Sirkon raketinin buraxılışı, arxiv şəkli

"Sirkon" Qərb gəmilərini Rusiya sahillərindən qovub

37
(Yenilənib 19:01 28.03.2021)
“Sirkon” bir zərbə ilə 6 milyard funt dəyərində iki yeni Britaniya eskadra mina gəmisini vura bilər.

BAKI, 28 mart — Sputnik, Aleksandr Xrolenko, hərbi şərhçi. Zapolyaryedə və Şimal dəniz yolunda NATO-nun və ABŞ HDQ-nin güc vasitəsilə təzyiq cəhdlərinə Rusiya hipersəs “Sirkon”ların buraxılışları ilə cavab verir.

“Tərəfdaşlar” belə arqumentlərə cavab verməyə texnoloji olaraq hazır deyillər. Onlara ancaq beynəlxalq hüquq arenasında öz sərhədlərini və milli maraqlarını müdafiə edən Rusiyanın ünvanına böş ittihamlar və bəyanatlar vermək qalır.

Şimal donanmasının raket gəmiləri diviziyasından 22350 layihəsinin baş freqatı "Sovet İttifaqı Donanmasının admiralı Qorşkov" martın 24-də döyüş hazırlığı vəzifələrinin yerinə yetirilməsi , raket-artilleriya silahları ilə dəniz hədəflərinə atəş və “Sirkon” hipersəs raketlərinin sınaqları üçün Barens dənizinə çıxıb.

“Admiral Qorşkov”un 800 km-dək raket atəşləri 25-27 martda uğurla həyata keçirilib və NATO-dan olan “tərəfdaşlar”ın yüksək marağına səbəb olub. ABŞ və NATO-nun hərbi-dəniz qüvvələri saatda 10 min kilometr sürətlə uçan “Sirkon”u aşkar edən radiolokasiya vasitələrinə malik deyillər. Ümumilikdə Arktikaya nəzarət etmək arzusu alyansın texnoloji imkanları ilə üst-üstə düşmür.

May ayında “Sirkon”un dövlət sınaqları başlayacaq, bir  neçə buraxılış həyata keçiriləcək. Buraxılışın ikisi “Severodvinsk” atom sualtı qayığından həyata keçirilməlidir.

Sınaqlar seriyası 2016-cı ildən davam edir. RF Müdafiə nazirliyi 2022-ci ilin birinci yarısında “Sirkon”u döyüş növbəsinə qəbul edəcək.  Rusiya öz sərhədləri yaxınlığında hərbi bazalar şəbəkəsinin və raket mövqelərinin genişlənməsinə adekvat reaksiya verməyə məcbudur. Moskva Şimal dəniz yolunu “sərbəst dənizçilik” ifadəsinin genişləndirilmiş izahlarından və ABŞ və NATO HDQ-nin hərbi gəmilərinin Zapolyaryedə Rusiya sərhədləri yaxınlığında destruktiv mövcudluğundan sərt şəkildə qorumaq fikrindədir. “Sirkon” Şimal donanmasının arqumentlər spektrinin bir üzvüdür.

Hədəflər və vasitələr

Ələkeçməz və qüdrətli "Sirkon"lar xatırladırlar ki, təcavüzkar mütləq cəzasını çəkəcək, NATO isə bəşəriyyətin ən yaxşı və ya ən böyük hissəsi deyil. Müxtəlif yönümlü onlarla dövlətin hərbi ittifaqı planetin əhalisinin yalnız 10%-nin maraqlarını təmsil edir və qonşularına davranış qaydalarını diktə edə bilməz.

Bərabərhüquqlu dialoqu qərbli “tərəfdaşlar” inkar edirlər. NATO ölkələrinin xarici işlər nazirlərinin görüşünün nəticələrinə dair martın 24-dəki mətbuat konfransında baş katib Yens Stoltenberq bəyan edib ki, alyans Rusiya tərəfdən raket təhlükəsinin artdığını görür və ona cavab vermək niyyətindədir. Düzdür hələlik cavab vermək üçün alət yoxdur. Pentaqon hipersəs raketlərini yalnız 2028-ci ildə almağa ümid edir. Yəqin ki, Brüsseldə və Vaşinqtonda ümid edirlər ki, yüksək bəyanatlar və əsassız ittihamlar metafiziki şəkildə “Sirkon”un uçuşunu və alyansdan asılı olmayan Rusiyanın normal, dinc inkişafını saxlayacaq.

NATO-nun Baltik və Qara dəniz bölgələrində hərbi fəallığının artması ilə əlaqədar, RF-nin müdafiə qabiliyyəti yaxın illərdə müvafiq olaraq artacaq. Moskva alyansın hərbi təhdidlərinə səbrlə, asimmetrik cavab verir. Rusiyaya onlarla ölkədə yüzlərlə baza lazım deyil.

Dəniz ruhu

Rusiya HDQ-nin hərbi gəmilərində və sualtı qayıqlarında yeni hipersəs raket kompleksləri “Kalibr” yüsək dəqiq qanadlı raketlərinin imkanlar spektrini genişləndirəcəklər və dəniz döyüşünün taktikasını, Dünya okeanında qüvvələr balansını əsaslı şəkildə dəyişəcəklər. Açıq mənbələrdən məlumdur ki, standart “Sirkon”lar səs sürətindən 9 dəfə sürətlə uçacaq (saatda 11 min km-ə yaxın), min kilometrdən uzaqdakı hədəfləri vuracaqlar. Buraxılış üçün ZS-14 unversal gəmi atəş kompleksindən istifadə olunacaq. Rusiya Müdafiə nazirliyinin məlumatına əsasən, “Admiral Naximov” kreyseri, “Admiral Qorşkov” tipli freqatlar, 20385 layihəsinin korvetləri (“Qremyaşiy”), 22350, 23560 layihələrinin suüstü gəmiləri və 885, 885M, 949AM layihələrinin atom sualtı qayıqları “Sirkon”larla silahlanacaqlar.

Hipersəs raketləri mövcud RƏM sistemləri üçün əlçatmazdırlar, ona görə də hərbi münaqişələrin gedişinə əhəmiyyətli təsir göstərəcəklər. "Sirkon" saniyələr ərzində düşmənin HƏM zonasını keçməyə qairdir. Misal üçün, Britaniya Kral donanmasının müasir HƏM vasitələri saatda 3700 kim-dək sürətlə uçan hava hədəflərini vura bilirlər. “Sirkon” bir zərbə ilə 6 milyard funt dəyərində iki yeni Britaniya eskadra mina gəmisini vura bilər. Hipersəs raketinin kinetik enerjisi ABŞ-ın Arleigh Burke tipli eskadra mina gəmisini ikiyə bölməyə bəs edir. Birləşmiş Ştatlarda "Sirkon"u nüvə təhlükəsindən qorunmaq üçün “asimmetrik silah” yaratmaqda “kvant sıçrayışı” adlandırıblar.

Sadəcə özünün mövcudluq faktı ilə “Sirkon” NATO-nun hərbi-dəniz qüvvələrini taktikalarını prisipial olaraq korrektə etməyə və hava əleyhinə müdafiə texnologiyaları sahəsində Rusiyaya “çatmağa” məcbur edir. Kompleks Rusiya hərbi gəmilərindən və ərazi sualrından təhlükəsiz məsafənin artırılmasını təmin edib, manevr üçün əməliyyat məkanını daraldıb. “Xüsusi dövrdə” düşmənin aviadaşıyıcı zərbə qrupları (AZQ) “Sirkon”ların əlçatanlığı zonasından kənarda durmağa məcbue olacaqlar, yəni, Rusiya HDD-nin suüstü gəmilərindən 1000 kim-dən də çox məsafə saxlayacaqılar. Rusiya sualtı gəmilərinin yüksək məxfiliyi AZQ-ləri “Sirkon”lar üçün Dünya okeanının istənilən rayonunda asan hədəf edəcək (təxminən 2025-ci ildən).

Amma yenə də qaynar plazma buludunda uçan “Sirkon” çağırış yox, NATO-nun anti-Rusiya kursuna cavabdır.

37
Rusiya dəniz donanması, arxiv şəkli

Rusiyanın Xəzər, Baltik Şimal donanmalarının gəmiləri Qara dənizə üçün göndərilib

495
(Yenilənib 11:59 20.04.2021)
Donbasda vəziyyətin kəskinləşməsi fonunda Rusiya Təhlükəsizlik Şurasının katibi Nikolay Patruşev bir müddət əvvəl bildirib ki, ABŞ və müttəfiqləri Ukraynanı Krıma münasibətdə də təxribatlara təhrik edirlər.

BAKI, 20 aprel — Sputnik. Aleksandr Xrolenko, hərbi şərhçi. Rusiyanın Xəzər, Baltik və Şimal donanmalarına aid olan raketdaşıyan, artilleriya və desant gəmilərinin Qara dənizə aparılması – Cənubi-Qərb strateji istiqamətində istənilən təhlükənin qarşısını almağa hazırlıq deməkdir. Əgər Qara dənizi şahmat lövhəsi ilə müqayisə etsək, görərik ki, hazırda orada Rusiyanın "fiqurları"nın sayı daha çoxdur və onlar Qərbin təklif etdiyi bu hərbi-strateji oyunda daha effektiv mövqe tutur.

Xəzər donanmasının 15 gəmidən ibarət qrupu aprelin 17-də səhər Kerç boğazı ilə Krım körpüsü altından keçərək Qara dənizdəki təyinat yerinə üz tutub. Donanmalararası keçid edən gəmi dəstəsi Volqa-Don kanalında 13 darvazasını arxada qoyaraq Qara dəniz donanmasının operativ tabeliyinə keçib.

Elə həmin gün Bosfor boğazı vasitəsilə Şimal donanmasının "Aleksandr Otrakovski" və "Kondopoqa" böyük desant gəmiləri, bir qədər sonra isə Baltik donanmasının də analoji "Kalininqrad" və "Korolyov" gəmiləri də Qara dənizin sularına daxil olub. Beləliklə, ümumilikdə Qara dənizdə Rusiyanın böyük desant gəmilərinin sayı 11-ə çatlb ki, onlar da göyərtəsinə silah və zirehli texnikası ilə birlikdə (100-dən çox tank) üç min nəfərə qədər dəniz piyadası götürə bilər. Lakin desant katerlərini də nəzərə almamaq olmaz.

Xəzər, Baltik və Şimal donanmalarının qüvvələri Qara dəniz donanması ilə birlikdə ərazidə yaranmış ciddi vəziyyəti nəzərə alınaraq təşkil olunmuş iri miqyaslı manevrlərdə iştirak edirlər. Həmin gəmilər "Kalibr" qanadlı raketləri ilə 2000 km radiusda "Liviya ssenarisini" və ya "səhrada tufanı" həyata keçirməyə, yəni istənilən Avropa ölkəsinin ərazisində işğalçını məhv etməyə qadirdir.

Bu təlimlərə həmçinin Qara dəniz və Xəzər donanmalarının dəniz piyadaları və sahil mühafizə qoşunlarının da bölmələri cəlb olunub. Rusiyanın Cənubi-Qərb sərhədlərinə həmçinin iki ümumqoşun ordusu, üç hava-desant diviziyası, habelə Cənub hərbi dairəsinin zərbə aviasiyası da cəmləşdirilib. Krımda yerləşən qruplaşma isə quruda, suda və havada ehtimal olunan düşmənin dəniz və hava desantını "isti-isti" qarşılanmasını məşq edir.

Qərbin təqyiqlərinə cavab

Şərqi Avropada NATO-nun 26 ölkədən 30 minə qədər hərbçisinin iştirakı ilə "Defender Europe 21" təlimləri keçirilir. Həmin təlimlərin Qara dənizdəki aktiv fazası cari ilin may ayına planlaşdırılıb. Həmin vaxta qədər əraziyə Böyük Britaniyanın döyüş gəmiləri – minadaşıyan və sualtı qayıq vuran freqatı gələcəklər. Onlar isə ABŞ-ın "Qarpun" tipli gəmi əleyhinə raketləri və 80 km məsafədə aerodinamik hədəfləri vurmağa qadir olan "Sea Wolf" zenit-raket kompleksləri ilə silahlanıb.

O da məlumdur ki, İngiltərənin Qara dənizdə üzən hərbi gəmilərini Aralıq dənizindəki "Kraliça Yelizoveta" təyyarədaşıyan gəmisinin göyərtəsindəki F-35 çoxtəyinatlı qırıcı-bombardmançıları da dəstəkləməyə hazırdır.

Donbasda vəziyyətin kəskinləşməsi fonunda Rusiya Təhlükəsizlik Şurasının katibi Nikolay Patruşev bir müddət əvvəl bildirib ki, ABŞ və müttəfiqləri Ukraynanı Krıma münasibətdə də təxribatlara təhrik edirlər.

Rusiya silahlı qüvvələri ehtimal olunan "Avropa müdafiəçilərinin" Krım sahillərinə və Kerç boğazına yollarını kəsir. Planlaşdrılmış hərbi manevrlərlə əlaqədar olaraq aprelin 21-dən oktyabrın 31-dək Rusiya Qara dənizin bir neçə rayonunu xarici hərbi gəmilər üçün bağlayacaq. Söhbət üç gəmi yolundan gedir: Krımın cənub sahili boyunca (Sevastopoldan Qurzufa qədər), Kerç yarımadası sahillərində və Krımın Qərb sahillərində dənizin kiçik bir hissəsi. Qeyd edək ki, bütün bu məhdudiyyətlər Rusiyanın ərazi suları daxilində, beynəlxalq qaydalara uyğun tətbiq olunur və Kerç boğazı vasitəsilə mülki gəmilərin keçməsinə mane olmur.

Ukrayna və NATO silahlı qüvvələrinin "böhran regionunda" desant çıxarılmasının məşq edildiyi standart təlimlərinə Rusiya Krım sahilləri yaxınlığında yüksək dəqiqliyə malik qanadlı raketlərlə silahlanmış gəmi-zərbə qruplaşmasını, Qara dəniz və Cənub hərbi dairələrinin "hava armadasını" formalaşdırmaqla cavab verir və bununla da təchiz olunmamış sahillərə çıxma imkanlarını nümayiş etdirir.

Bir qədər əvvəl Qara dəniz üzərində Cənub hərbi dairəsi və Qara dəniz donanmasının dəniz aviasiyasının birgə iri miqyaslı təlimləri keçirilib. Həmin təlimlərdə Su-24M və Su-34 bombardmançıları, habelə Su-27SM və Su-30SM çoxtəyinatlı qırıcıları aşağı hündürlüklərdə dəniz hədəflərinə raket və bomba zərbələrini məşq edir, habelə Qara dəniz donanması gəmilərinin havadan qorunması tapşırıqlarını yerinə yetiriblər.

Rusiya silahlı qüvvələrinin dominantlığı şəraitində "Avropanın müdafiəçiləri"nin Qara dənizdə manevr etmək üçün güc və vasitələri məhduddur. Yəqin ki, "Defender Europe 21" planlarına bir qədər düzəliş etmək lazım olacaq. Həm də bu zaman NATO-nun "böyük tərəfdaşları"nın nüfuzuna da xələl gələcək. Pentaqonun "gəmilərin hərəkət azadlığı"nın pozulması barədə səksəkəli bəyanatları da elə bununla bağlıdır. Regiondakı vəziyyət isə, yəqin ki, oktyabr ayında normallaşacaq.

495
Amerikalı əsgərlər Əfqanıstandan evə dönürlər

Amerikalıların Əfqanıstandan çıxarılmasına taliblər rəhbərlik edir

32
(Yenilənib 22:52 17.04.2021)
Pentaqon rəhbəri Lloyd Ostin hesab edir ki, bir neçə min ABŞ hərbçisinin Əfqanıstandan çıxarılması "səyləri başqa istiqamətə yönəltməyə", "gələcək düşmənlər" olan Çin və Rusiyanın qarşısını almağa və ya onlara qalib gəlməyə imkan verəcək.

BAKI, 17 aprel — Sputnik. Aleksandr Xrolenko, hərbi şərhçi. "Taliban"* terrorçu təşkilatı Əfqanıstandan qoşunların çıxarılması ilə bağlı Birləşmiş Ştatlara sərt şərtlər irəli sürərək Vaşinqtonu çoxqütblü dünya reallığına qaytarır.

Aprelin 13-də Ağ Ev ABŞ qoşunlarının sentyabrın 11-də Əfqanıstandan çıxarılacağı barədə xəbər yayıb. Taliblər isə mayn 1-nə qədər ABŞ qoşunlarının çıxarılmasını ultimatum şəklində tələb ediblər (Doxada 2020-ci il fevralın 29-da imzalanmış razılaşmaya əsasən). "Taliban"* təkidlə "Amerika və bütün işğalçı ölkələri müharibənin uzadılmasına haq qazandırmamağa və dərhal bütün qüvvələrini Əfqanıstandan çıxarmağa" çağırıb.

Daha sonra müraciətin mətnində "İslam Əmirliyi mücahidlərinin" açıq-aşkar hədələri gəlir.

ABŞ administrasiyası buna operativ reaksiya verib və qoşunların çıxarılmasının mayın 1-də başlanacağını elan edib. NATO üzrə müttəfiqlər də elə həmin gün "Qətiyyətli dəstək" qüvvələrinin çıxarılması barədə analoji qərar qəbul ediblər. Lakin bu maraqlar münaqişəsində onlardan hər biri öz "simasını qorumağa" çalışıb.

ABŞ prezidenti Co Bayden çərşənbə günü bildirib ki, Amerika hərbi qulluqçilarının Əfqanıstanda olmasının orada dayanıqlı hökumətin qurulmasına köməyi olmayacaq. ABŞ müdafiə naziri Lloyd Ostin isə qeyd edib ki, qoşunlar Əfqanıstanda qarşılarında duran vəzifəni artıq yerinə yetirib, habelə "iqtisadiyyat, vətəndaş cəmiyyəti və siyasətdə inkişaf üçün şərait yaradıblar".

Bəs Pentaqon və müttəfiqlərinin İslam respublikasında əməliyyatlara yüz milyardlarla vəsait xərcləyərək, minlərlə əsgəri qurban verməyə və sonr da döyüş meydanını bu cür şərəfsizcəsinə tərk edərək bütün bədbəxt ölkəni dünənki düşmənə - taliblərə qoyub getməyə dəyərdimi? Ritorik sualdır.

1 mayda güc nümayişi

Mərkəzi Kəşfiyyat İdarəsinin direktoru Uilyam Berns aprelin 14-də qoşunların çıxarılmasının böyük risklər yaratdığını bildirərək ABŞ hərbi qüvvələrinin ölkəni tərk etdikdən sonra Əfqanıstanda İŞİD və "Əl Qaidə"nin nüfuzunun bərpa olunacağı ehtimalını proqnozlaşdırıb.

ABŞ prezidentinin milli təhlükəsizlik üzrə keçmiş müşaviri Con Bolton isə əmindir ki, qoşunların indiki vaxtda çıxarılması elə hakimiyyəti "Talibana" verməyə bərabərdir. Taliblər isə öz növbəsində ABŞ və NATO çıxarılma prosesini əvvəlcədən danışıldığı kimi, mayın 1-nə qədər çatdırmasalar əcnəbi qoşunlara qarşı döyüş əməliyyatlarını bərpa etməyə, yəni "cihada" başlamaq niyyətindədirlər. Talibanın mövqeyini bir müddət əvvəl Zəbiullah Mücahid dilə gətirib: "Bayden bildirib ki, qoşunları maya qədər çıxarmaq çıtindir. Lakin bizim mövqeyimiz bundan ibarətdir ki, Doxada imzalanmış razılaşma yerinə yetirilməlidir. Çünki Əfqanıstanla Birləşmiş Ştatlar arasında mövcud problemin həllinin yeganə yolu bu razılaşmanın yerinə yetirilməsidir".

Logistika nöqteyi-nəzərindən 3-5 min nəfər hərbi qulluqçunun təyyyarələrlə başqa yerə köçürülməsi üçün 14 ay kifayət qədər vaxt deməkdir. Aydındır ki, ABŞ və NATO qoşunlarının çıxarılmasını ləngidən taliblərlə permanent şəkildə baş verən döyüş əməliyyatları və "şagirdlərin" Əfqanıstanın hazırkı (amerikapərəst) hökuməti ilə birlikdə gələcək dövlət aparatında hakimiyyət bölgüsü barədə qətiyyən razılığa gələ bilməməsi ilə bağlıdır.

Əfqanıstan İslam Respublikası ali milli barışıq şurası iyirmidən çox təklifi, o cümlədən prezident Əşrəf Qaninin sülh planını bir proqramda cəmləşdirməyə müvəffəq olub. Lakin aprelin 14-də "Taliban"* Əfqanıstanın gələcəyi ilə bağlı danışıqlarda (növbəti mərhələniin Türkiyədə keçirilməsi planlaşdırılırdı) iştirakdan imtina edib. Taliblərin cilahlı birləşmələri hökumət qüvvələri üzərində hərbi qələbə üçün ABŞ və NATO qoşunları və döyüş texnikasının tam çıxarılmasını gözləyirlər. Kabul hələ ki ABŞ hərbi hava qüvvələrinin terrorçulara vurduğu zərbələr sayəsində "mühasirədə" qalıb. Beləliklə, yaxın gələcəkdə Əfqanıstan "İslam Əmirliyi"nə çevrilə bilər.

Ərazicə Texas ştatından kiçik olan Əfqanıstanda iyirmi illik döyüş əməliyyatlarından və taliblərlə biabırçı sülh imzaladıqdan sonra amerikalılar "səsini" bir az alaraq beynəlxalq məsələlərdə özlərini bir qədər təvazökar aparmalı idilər. Lakin tarix onlara heç nəyi öyrətmir. Və yenə də günahkar Rusiyadır.

ABŞ kəşfiyyat ictimaiyyəti "aşağı və orta səviyyədə əminliklə" ehtimal edir ki, onların rusiyalı kəşfiyyatçı həmkarları "Taliban"ın Əfqanıstandakı ABŞ və koalisiya qüvvələrinə qarşı 2019-cu ildə və ondan əvvəlki hücumlarını maliyyə cəhətdən dəstəkləyiblər. Bu məlumatların mənbələri isə nə heç bir tənqidə dözmür, nə də onların yoxlanması mümkün deyil. Rusiya isə bu cür itihamları rədd edir.

Səylərin fokusunun dəyişdirilməsi

Pentaqon rəhbəri Lloyd Ostin hesab edir ki, bir neçə min ABŞ hərbçisinin Əfqanıstandan çıxarılması "səyləri başqa istiqamətə yönəltməyə", "gələcək düşmənlər" olan, "dünya düzənini dəyişməyə çalışan" Çin və Rusiyanın qarşısını almağa və ya onlara qalib gəlməyə imkan verəcək. Beləliklə, tiryək xaşxaşı üzərində bərqərar olan azsaylı terrorçu qruplarla bacara bilməyən Pentaqon indi də nüvə dövlətləri arasında özünə düşmən axtarır. Və bunu ancaq ona görə edir ki, həmin dövlətlərin hansısa hərəkətləri "ABŞ milli maraqları ilə ziddiyyət təşkil edir".

ABŞ-ın bu "fokus dəyişməsi"ndən sonra Əfqanıstan və onunla həmsərhəd olan Mərkəzi Asiya ölkələri aqressiv hərbi-dini hərəkatla qonşuluqda yaşamaq məsələsini təkbaşına həll etməli olacaqlar. Talblərin hakimiyyəti altında ölkədə (2001-ci ilə qədər) qadınlar təhsilə yaxın buraxılmırdı, həyat yoldaşına xəyanətə görə insanları elə şəhər meydanlarında edam edirdilər, oğruların əlləri kəsilirdi, televiziya, teatr və musiqi isə qadağan edilmişdi.

Faktlar çox ciddi məsələdir. Əfqanıstan milli təhlükəsizlik idarəsi aprelin 12-də bəyan edib ki, ABŞ və Taliban arasında Doxada imzalanmış saziş sabitliyə gətirməyib və 2020-ci il fevralın 29-dan bəri taliblərin hücumlarının sayı 24% artıb. Və əgər "Taliban"ın Qətər ofisinin rəhbəri molla Əbdül Qəni Bəradər Özbəkistan prezidenti Şavkat Mirziyoyevə Əfqanıstanda birgə iqtisadi layihələrin icrası təşəbbüsünə görə təşəkkür edibsə, bu hələ "həmin torpaqda" sülhün bərqərar olacağına zəmanət vermir. Çünki hərbi-dini hərəkat nə tərkibinə, nə təsəvvürlərinə, nə də məqsədlərinə görə qətiyyən yekcins deyil.

"Taliban" öz taktikasını dəyişmir, ölkədə zorakılıq səviyyəsini azaltmır, "Əl Qaidə" ilə müttəfiqlər və tərəfdaşlıq münasibətlərini pozmur.

32
PPX avtomobili, arxiv şəkli

Koronavirus xəstələri ictimai yerlərdə dolaşarkən saxlanıldılar

0
Vətəndaşlardan koronavirusla əlaqədar tətbiq edilmiş xüsusi karantin rejimindən irəli gələn bütün tələb və qadağalara ciddi riayət etmələri xahiş edilir

BAKI, 21 aprel — Sputnik. Daxili işlər orqanlarının əməkdaşları tərəfindən aprelin 20-də respublika ərazisində 9 nəfər aktiv koronavirus xəstəsi ictimai yerlərdə aşkar edilərək saxlanılıb. Bu barədə Daxili İşlər Nazirliyindən Sputnik Azərbaycan-a verilən məlumatda bildirilib.

Polis əməkdaşları onlarla izahedici söhbətlər aparıb, tibbi prosedurları gözləməklə yaşadıqları evə qaytarıb, bu barədə müvafiq səhiyyə qurumları məlumatlandırılıb.

Vətəndaşlardan koronavirusla əlaqədar tətbiq edilmiş xüsusi karantin rejimindən irəli gələn bütün tələb və qadağalara ciddi riayət etmələri xahiş edilir.

0