Oxotnik PUA

Rusiyanın "Oxotnik" PUA-ları digər dronlardan ilə fərqlənir

348
(Yenilənib 15:53 13.02.2021)
XXI əsrin əvvəllərində dron texnologiyasının qabaqcılları İsrail və Amerika Birləşmiş Ştatları hesab olunurdu. Son vaxtlar Türkiyə nəinki onlara çatıb, hətta bir xeyli geridə qoya bilib,

 

BAKI, 13 fevral — Sputnik, Aleksandr Xrolenko, hərbi şərhçi. Planetin ağır kəşfiyyat-zərbə dronlarının şərti Olimpində Rusiyanın "Oxotnik" PUA-ları (Pilotsuz Uçan Aparat) bütün uçuş və döyüş xüsusiyyətləri spektri baxımından rəqiblərini üstələyir və yaxın illərdə silahlanmaya qəbul ediləcək. Çkalov adına Novosibirsk Aviasiya Zavodu (NAZ) S-70 "Oxotnik" ağır hücum dronunun daha üç prototipini hazırlayacaq. PUA-lar davamlı şəkildə təkmilləşdirilir və onların 2022-2023-cü illər ərzində uçuş sınaqlarına cəlb olunması planlaşdırılır. Birincisinin bütün sınaq xüsusiyyətləri (uçuş sınaqları 2019-cu ilin avqustunda başlamışdı) nəzərə alınmaqla, ikinci "Oxotnik"də əhəmiyyətli dəyişikliklər edilib.

Hazırda təyyarənin konstruksiyası, göyərtəsindəki elektron avadanlıq sistemləri və mühərriki üzərində iş başa çatmaq üzrədir. RİA Novosti-nin Rusiya hərbi sənaye kompleksindəki bir mənbəyə istinadla verdiyi xəbərə görə, üçüncü və dördüncü pilotsuz təyyarələr faktiki olaraq seriya versiyasına uyğun hazırlanacaq.

Yanvar ayının əvvəlində Aşuluk poliqonunda keçirilmiş uçuş sınaqları zamanı birinci "Oxotnik" 500 kiloqramlıq bombalarla yerdəki hədəfləri uğurla vura bildi. Mütəxəssislərin fikrincə, ən yeni nişanalma-naviqasiya sistemi yüksək dəqiqliklə idarə olunan silahların effektivliyi ilə sərbəst düşən (təyyarənin gövdədaxili bölməsindən) döyüş sursatlarının tətbiqinə imkan verir. "Oxotnik" əvvəlcədən bilinən koordinatları ilə yerdəki stasionar və məhdud hərəkətli hədəfləri avtonom şəkildə vurma qabiliyyətinə malikdir, xarici korreksiyalar (havadakı hədəf təyinatı) daha dəqiq zərbəyə imkan verir. Gövdədaxili idarə oluna bilən "hava-hava" və "hava-yer səthi" raketləri xüsusi olaraq Rusiyanın bu ağır dronu üçün hazırlanıb.

Göyərtəsində nəhəng silah arsenalı olan gözəçarpmaz "Oxotnik"in döyüş missiyası uzaq mənzilli kəşfiyyat uçuşları və düşmənin müdafiəsinin (ərazisinin) dərinliklərinə yüksək dəqiqlikli zərbələr endirməkdir. Dünyada analoqu yoxdur.

Bir qədər əvvəl Amerikanın "Forbes" jurnalı xəbər vermişdi: ABŞ Hərbi Hava Qüvvələrinə məxsus MQ-9 "Reaper"-dən fərqli olaraq, Rusiya kəşfiyyat-zərbə dronu üsyançılara qarşı (hava hücumundan müdafiə sistemləri olmayan) deyil, geniş miqyaslı hərbi qarşıdurmalar üçün nəzərdə tutulub.

Təxminən 5 min kilometr məsafədə kəşfiyyat vasitələri və 6 tondan çox bomba və ya hava-yer və hava-hava raketləri daşıya bilər. "Oxotnik" uzaqlıq və silahların çeşidi baxımından "misilsiz imakanlara" malikdir.

İddialı müqayisə

XXI əsrin əvvəllərində hərbi-hava dronları və texnologiyalarının qabaqcılları İsrail və Amerika Birləşmiş Ştatları hesab olunurdu. Son vaxtlar Türkiyə nəinki onlara çatıb, hətta bir xeyli geridə qoya bilib. Türkiyənin "Bayraktar" TB2 zərbə PUA-ları bunu Qarabağ münaqişəsindəki effektiv hərəkətləri ilə sübut etdi. Rusiya isə dron texnologiyasını Aerokosmik Qüvvələrin maraqları çərçivəsində nisbətən gec, amma inamla inkişaf etdiməyə başlayıb.

İlk belə uğurlu layihə 2020-ci ildə istismara verilmiş "Orion-3" kəşfiyyat-zərbə PUA-sı idi. Bu PUA-nın qanadlarının kənar nöqtələri arasındakı məsafə 8 m, qalxma ağırlığı 1 ton, daşıma yükü 250 kq-a qədər, kreyser sürəti 120 km/s, havada qalma müddəti isə 24 saatdır. Ancaq S-70 "Oxotnik" PUA-sı əsl texnoloji inqilab və bu sahədə dünya liderlərinə ciddi rəqib sayıla bilər. Onu dünyanın ən ağır kəşfiyyat-zərbə dronları olan İsrailin "IAI Eitan", Türkiyənin "Bayraktar Akıncı" və Amerikanın MQ-9A "Reaper" ilə bir cərgəyə qoymaq mümkündür. Əsas xüsusiyyətləri - uzaqlıq, sürət və zərbə imkanları baxımından isə onlardan belə üstündür. Müqayisə üçün bildiriək ki, Rusiyanın bir "Oxotnik"i döyüş şəraitində İsrail, ABŞ və ya Türkiyədə istehsal olunan eyni sinfə aid ən az üç belə PUA-nı əvəz edə bilər.

"Oxotnik"in kreyser (səsə qədər) sürəti saatda 1000 kilometrə bərabərdir ki, bu da ən yaxın rəqibi MQ-9a "Reaper"-in maksimal imkanlarından (saatda 480 kilometr sürətə malikdir) təxminən iki dəfə çoxdur.

Ən yüksək həddən də yuxarı

Rusiya istehsalı olan PUA-nın xarici analoqlarından daha ağır olduğunu, turboreaktivli mühərriklə təchiz olunduğu, süni intellektə və "uçan qanad" formasına sahib olduğunu qeyd etmək olar. Dron bütünlükdə elmi-fantastik filmlərdəki kosmik gəmiləri xatırladır və bu, Rusiyanın fenomenal texnoloji üstünlüyünü göstərir.

Dünyada ağır və az nəzərəçarpan kəşfiyyat-zərbə PUA-ları istehasal edə biləcək ölkələrin siyahısı çox məhduddur. Odur ki "Oxotnik"in hər bir hərəkəti okeanın o biri tayından diqqətlə izlənir, qərəzli şəkildə təhlil edilir. Bununla belə, Qərb "tərəfdaşlarımız"ın oxşar texniki xüsusiyyətlərə malik dron yaratmasına nəsə mane olur. Məsələn, Amerikanın X-47B (Northrop Grumman) ağır PUA layihəsi yerində sayır, halbuki onun ilk uçuşu hələ 2011-ci ildə, yəni, "Oxotnik" üzərində iş yenicə başladığı vaxt həyata keçirilmişdi.

Burevestnik raketi, arxiv şəkli
© Photo : Ministry of Defence of the Russian Federation

Pentaqon Hərbi Dəniz Qüvvələri üçün perspektivli dronun bahalı adaptasiya layihəsi olan UCLASS üzərində işə 2013-cü ildə başlamışdı. Əməliyyat hazırlığının 2020-ci ilə qədər başa çatması planlaşdırılırdı, amma nədənsə ABŞ Hərbi Dəniz Qüvvələrinin mütəxəssisləri hücum dronunun effektivliyinə və təhlükəsizliyinə şübhə ilə yanaşdılar. Odur ki UCLASS proqramı çərçivəsində zərbə dronunun statusu tədricən kəşfiyyat, daha sonra uçan yanacaq tankerinə kimi azaldıldı.

"Oxotnik" PUA-ları zərbə aviasiyasının strategiyasını və taktikasını yenidən yazmağa qadirdir. Bununla belə, Rusiya Federasiyasının hərbi-hava qüvvələri Avrasiya materikində, ilk növbədə, müdafiə tapşırıqlarını yerinə yetirir. Zərbə aviasiyasının imkanları Rusiya sərhədlərinin perimetri boyunca yerləşən hava hücumundan və raketdən müdafiə sistemləri ilə tamamlanır. "Oxotnik"lər seriyası döyüş xəttində öz yerini alanda (2025-ci ildə) isə bu müdafiə daha da güclənəcək.

348
Aleksey Navalnı, arxiv şəkli

Qərb yeni sanksiyalarla dəmir pərdə çəkir

13
Həmin dövrdə xaricdən gələn "zərərli təsirlərin" qarşısını almaq üçün əsas səylərimiz sərhədlərə yönəltmişdik. İndi belə görünür ki, Qərb dünyası SSRİ-nin bu uğursuz təcrübəsini ciddi şəkildə yenidən həyata keçirtmək niyyətindədir.

BAKI, 4 mart — Sputnik, İrina Alksnis. Qərbin Rusiyaya qarşı tətbiq etdiyi yeni sanksiyalar ironiya doğurur. Belə ki, Aleksey Navalnı ilə bağlı qəbul edilmiş qərarlarda həm xeyli təzad sezilir, həm də onların ardıcıllığı qəribə təəssürat yaradır. ABŞ və Avropanın bu qərarları qəbul edərkən əsaslandığı məntiqi tutmaq, məqsədlərini anlamaq isə daha da çətindir. Baş verənlərin paradoksallığı, bəzi hallarda isə absurdluğuna rəğmən, bu qərarların və fəaliyyətin planlı, razılaşdırılmış olması isə hadisələrin rasional düşüncəyə əsaslandığına qətiyyən şübhə yeri qoymur.

Əvvəlcə onu qeyd etmək lazımdır ki, hələ 2010-cu illərin ortalarından bəri avropalılar və amerikalılar Rusiyaya qarşı birgə fəaliyyət məsələlərində bu qədər həmrəylik və entuziazm nümayiş etdirməyiblər. Sanksiyalar Atlantik okeanının hər iki tayında nəinki eyni gündə, hətta eyni anda elan olundu. Yəni bu, sözsüz ki, ssenari əsasında edilmiş gediş idi. Bundan başqa, planlaşdırılan tədbirlərdən əvvəlki "artilleriya hazırlığı" da dramaturgiyanın bütün qanunlarına uyğun şəkildə həyata keçirilmişdi: bir neçə həftə ərzində qeyri-müəyyənlik təəssüratı şişirdilir, sonda da məhtəşəm sonluq vəd olunurdu.

Əslində, növbəti dəfə işlər gözlənildiyi kimi sonuclandı: "Bir manatlıq dava-dalaş saldılar, atdıqları yumruq bir qəpiklik oldu". "Cəzalandırılanlar", əsasən, Rusiya güc strukturlarının rəhbərləridir. Nə bu şəxslərin Qərb ölkələrinə girişə qoyuşmuş qadağalar, nə də fərz edilən maliyyə aktivlərinin dondurulmasının isə onlara qətiyyən isti-soyuğu olmadı. "Bioloji və kimyəvi silahların istehsalında" günahlandırılan elmi təşkilatlarla bağlı da vəziyyət oxşardır. Amerika Birləşmiş Ştatlarının Rusiyaya yardımının kəsilməsi isə əməlli-başlı lətifədir. Belə bir təəssürat yaranır ki, amerikalı tərəfdaşlarımız hələ də 1999-cu ildə ilişib qalıblar. Halbuki, Aleksey Navalnı hələ bir neçə ay əvvəl "dünya ölkələrinə səyahətə çıxmayan və Avropada çoxlu əmlakı, bank hesabı olmayan hansısa polkovnik və generallara" qarşı sanksiyaların tətbiq olunmasının mənasız olduğunu birbaşa bəyan eləmişdi. O zaman Navalnı "Avropa İttifaqını" rusiyalı oliqarxların pullarını hədəfə almağa" çağırmışdı. Etiraf etmək lazımdır ki, iri biznesmenlərə dəyən zərbə, həqiqətən də, daha təsirli idi – həm şəxsən onlara, həm də ümumilikdə milli iqtisadiyyata. "Şimal axını - 2" kimi birgə strateji layihələrin bağlanmasının mənfi effektindən danışmaq isə ümumiyyətlə, yersizdir. Lakin "rusofob" ritorikanın şişirdilməsinə baxmayaraq Qərb yenə də zahirən effektiv və qarşıdurma təəssüratı yaradan, əslində isə tamamilə lazımsız addımlara üstünlük verdi.

Ən çox və şövqlə müdafiə etdikləri rusiyalı müxalifətçi ilə bağlı amerikalıların və avropalıların mövqeyində də qəribəliklər çoxdur. Bir tərəfdən, Qərb Navalnını Kremlin əsas düşməni, eyni zamanda, başlıca qurbanı ranqına qaldıraraq onu şərəfləndirdi. Aİ hətta insan haqlarının pozulması ilə bağlı qlobal sanksiya rejimi yaratdı və elan olunmuş məhdudiyyətlər həmin rejimin tarixində ilk dəfə tətbiq olundu. Avropa İnsan Haqları Məhkəməsi isə qəribə bir qərar çıxararaq müvəqqəti tədbir kimi blogerin azadlığa buraxılmasını tələb etdi. Digər tərəfdən, aydındır ki, blogerin şəxsiyyəti ilə bağlı nə ABŞ-ın, nə də Avropanın bir xülyası, illüziyası var. Belə ki, elə həmin AİHM Navalnının Vladimir vilayətindəki həbsxanaya düşməsi ilə nəticələnən "İv Roşe" işində heç bir siyasi fon görə bilmədi.

"Amnesty International"-a isə üstün mənəvi çevikliyi və siyasi fürsətçiliyi heç də kömək etmədi. Təşkilat müxalifətçini "vicdan məhbusu" hesab etməkdən boyun qaçırdı ki, bunu başa düşmək də çətin deyil: keçmişdə irqçilik və ksenofobiya ilə bağlı xeyli sayda əfsanəvi şərhlər vermişdi.

Yeri gəlmişkən, əvvəlcə Avropa İttifaqı yeni sanksiya rejimini birbaşa Aleksey Navalnı ilə əlaqələndirməyi düşünürdü. Ancaq, görünür, orada vaxtında kiminsə ağlına gəlib ki, "qəhrəman"ının keçmişi nəzərə alınarsa, bunu etməsələr, yaxşıdır. Və bu ideyadan imtina etdilər.

Nəticə etibarilə Qərbin, xüsusən də Avropanın davranışları həqiqətən də əlinə keçən və Moskva ilə münaqişə yaratmaq üçün bir o qədər işə yaramayan hər bahənədən istifadə edərək sağa sola çırpınmaq təsiri bağışlayır. Bütün bunlar isə bütövlükdə məntiqsiz hərəkətlər yığınından başqa bir şey deyil.

Rusiyanın Avropa və ABŞ-la münasibətləri hazırda növbəti transformasiya mərhələsini yaşayır. Coşqun hadisələrlə zəngin son onillik Qərbdə ölkəmizi iqtisadi və geosiyasi cəhətdən diz çökdürmək, əzmək cəhdi kimi qiymətləndirildi. Üstəlik, buna nail olacaqlarına dair kiçik bir şübhələri də yox idi. Digər tərəfdən, qərbdəkilər buna "az qan tökməklə", özləri üçün çox da ağrılı olmayan tədbirlər vasitəsilə nail olacaqlarına əmin idilər. Məsələn, Moskvanın SWIFT-dən ayrılması Qərb biznesi üçün son dərəcə xoşagəlməz hala çevrilə bilərdi.

Rusiya bir daha kollektiv təzyiqə müqavimət göstərərək sürpriz etdi və vəziyyət bir neçə il qeyri-sabit tarazlıqda qaldı. Nominal olaraq qarşıdurma davam etdi, lakin sanksiyalar təhqir və boş rəsmiyyətə çevrildi. Əvəzində, tərəflər arasında, xüsusən də Avropa ilə dolğun əməkdaşlıq sürətlə şəkildə bərpa olunmağa başladı.

Ancaq son bir neçə ilin, xüsusən də, ötən ilin hadisələri Qərbi, nəhayət, ölkəmizə ayıq nəzərlərlə baxmağa və bu barədə düşüncələrini yenidən gözdən keçirməyə vadar etdi. Qərb anladı ki, axır nəfəsində olan "şər imperatorluğu" ilə deyil, böyük potensiala, ciddi ambisiyalara sahib və əli çox güclü olan (qısa vaxtda çox təsirli peyvənd preparatı yarada biləcək qədər) qüdrətli dövlətlə qarşı-qarşıyadır.

Və Avropanı qorxuda biləcək tək şey – həqiqətən güclü bir Rusiyadır. Deyəsən, avropalılar, doğrudan də, Moskvanın iqtisadi, siyasi, ideoloji, media istiqamətində hücuma keçdiyini görüb əməlli-başlı qorxuya düşüblər.

Üstəlik, qonşularımızın öz gücünə inam hissi xeyli aşağıdır və bunun nəticəsi olaraq, tələm-tələsik yeni dəmir pərdə çəkməyə çalışır, beləliklə də, münasibətlərdə uçurum yaradırlar.

Əslində, Qərb, tərəflər arasında (xüsusən də Sovet İttifaqı ilə Qərbi Avropa dövlətləri arasında) bir sıra qarşılıqlı faydalı strateji əməkdaşlıq kanallarının mövcud olduğu, qalan kanalların isə bağlandığı Soyuq Müharibə konfiqurasiyasını yenidən yaratmağa çalışır.

Həmin dövrdə xaricdən gələn "zərərli təsirlərin" qarşısını almaq üçün əsas səylərimiz sərhədlərə yönəltmişdik. İndi belə görünür ki, Qərb dünyası SSRİ-nin bu uğursuz təcrübəsini ciddi şəkildə yenidən həyata keçirtmək niyyətindədir.

Onların bu problemi həll etmək üçün Aleksey Navalnıdan istifadə etmələrini kifayət qədər uğurlu addım hesab etmək mümkündür. Hərçənd, Avropa və ABŞ-ın sovetlərin açdığı cığırla irəliləməsi faktının özü əməlli-başlı heyrət doğurur.

13
İşsiz adam, arxiv şəkli

Bir çox sahələrdə işsizlik olacaq - Bu da elmi-texniki tərəqqinin Azərbaycana "töhfəsi"

1786
(Yenilənib 20:18 04.03.2021)
"Bu gün dünyada ticarət sektorunda da böyük dəyişikliklər baş verir. Bizdə hələ də böyük alış-veriş mərkəzlərinə maraq qalsa da, yaxın gələcəkdə həmin məkanların da boş qalacağını görəcəyik" - Natiq Cəfərli.

Nigar İsgəndərova, Sputnik Azərbaycan

BAKI, 4 mart — Sputnik. "Texnoloji kəşflərin tətbiqi çoxdan başlayıb. Sadəcə olaraq son bir ildə bu təsir daha da sürətləndir. Təbii ki, burada pandemiyanın da təsiri oldu".

İqtisadçı-ekspert Natiq Cəfərli Sputnik Azərbaycan-a açıqlamasında süni intellektin ölkəmizə təsiri haqda danışarkən belə deyib. 

Onun fikrincə, təxminən 10-12 il öncə başlayan proses yaxın gələcəkdə daha da sürətlənəcək.

"Biz süni intellektin təsirini ilk olaraq bankçılıq sahəsində gördük. Onlayn bankçılıq bank şöbələrinə ehtiyacı azaltdı, hətta qeyd edim ki, 2012-2013-cü illərdə Böyük Britaniyada ciddi böhran yaşandı. Təqribən 200 minə yaxın bank işçisi ixtisar oludu. Bu tendensiya bu gün də davam edir. Son illər Azərbaycanda da yeni texnologiyaların tətbiqi tendensiyası özünün göstərməyə başlayıb. Azərbaycanda da bank sektoruna işçi sayının azalması müşahidə olunacaq", - ekspert deyib.

O bildirib ki, bank sektoru ilə yanaşı süni intellekt digər sahələri də vuracaq:

"Süni intellekt həm hesablamalarda, həm qərarvermə mexanizmlərinin yaranmasında, həm də insan faktoru olmadan sənaye xərclərinin yaradılmasında da geniş istifadə olunacaq. Azərbaycanda isə ehtimal ki, insan əməyinin daha çox istifadə olunduğu sahələrdə süni intellekt tətbiq olunacaq. Bunlardan biri aqrar sektordur. Bizdə aqrar sektorda əl əməyindən hələ də çox yüksək səviyyədə istifadə olunur ki, bu da rentabelliliyi aşağı salır. Bir çox ölkələrdə isə digər sahələrdə olduğu kimi kənd təsərrüfatında da əl əməyini dronlar əvəz edir. Yəni, komputer özü qərar verir ki, nə vaxt gübrə vermək lazımdır, nə vaxt sulamaq lazımdır və məhsulun yetişməsi üçün hansı tədbirlər görülməlidir".

Cəfərlinin sözlərinə görə, aqrar sektor qeyri-neft sektorunda lokomativ sayıldığından gələcəkdə bu sahədə iş yerlərinin azalmasına hazır olmaq lazımdır.

"Urbanizasiya hələ də başa çatmayıb. Rəsmi rəqəmlərə görə, bizdə kənd əhalisi ölkə əhalisinin 44 faizini təşkil edir ki, bu da çox böyük rəqəmdir. İnkişaf etmiş ölkələrdə isə bu rəqəm 7-8 faiz civarındadır", - deyə N.Cəfərli bildirib.

Ekspert deyir ki, işsizliyin qarşısını almaq üçün indidən bu barədə düşünmək lazımdır. Lakin yaranacaq bu vəziyyətdən qorxmaq da lazım deyil: "Vaxtı ilə liftçi qız, telefonçu qız var idi. İndi isə nə liftçi qıza ehtiyac var, nə də telefonçu qıza. Bu isə o deməkdir ki, texnologiya inkişaf etdikcə, zamanla bəzi peşələrin tarixə qovuşması baş verir".

Bu gün dünyada ticarət sektorunda da böyük dəyişikliklərin baş verdiyini qeyd edən iqtisadçı bildirib ki, Azərbaycanda hələ də böyük alış-veriş mərkəzlərinə maraq qalsa da, yaxın gələcəkdə həmin məkanların boş qalacağını görəcəyik.

"Bir müddətdən sonra bu böyük alış-veriş mərkəzləri də tarixə qovuşacaq. Evdən çıxmadan süni intellektin yaratdığı imkanlarla virtual geyinib-soyunma otaqları da artıq mövcuddur. Yəni, bir geyimin, ayaqqabının üzərində necə göründüyünü görə bilirsən. Bu səbəbdən dünyada gedən tendensiya ilə bir müddətdən sonra Azərbaycanda da böyük alış-veriş mərkəzlərinin boş qalma ehtimalı var. Bu da müəyyən bir işsiz kütlənin yaranacağı deməkdir", - deyə ekspert əlavə edib.

Qeyd edək ki, Azərbaycanda elektron ticarətin (e-ticarət) həcmi son 3 ildə (2018-2020-ci illər ərzində) 5 dəfə artıb.

1786
Azərbaycan Respublikasının Baş Naziri Əli Əsədov, arxiv şəkli

Əli Əsədov Fuad Oktaya başsağlığı verdi

0
Telefon danışığı əsnasında fevralın 19-da Ankarada keçirilmiş Azərbaycan-Türkiyə Hökumətlərarası Əməkdaşlıq Komissiyasının 9-cu iclasının yekunlarına dair imzalanmış Protokolun və Fəaliyyət Planlarının icrası ilə bağlı məsələlər müzakirə olunub.

BAKI, 5 mart — Sputnik. Martın 5-də Azərbaycan Respublikasının Baş naziri Əli Əsədov ilə Türkiyə Respublikasının Vitse-prezidenti Fuat Oktay arasında telefon danışığı olub.

Nazirlər Kabinetindən (NK) Sputnik Azərbaycan-a verilən məlumata görə, Baş nazir Əli Əsədov Fuat Oktaya Türkiyə Silahlı Qüvvələrinə məxsus helikopterin qəzaya uğraması nəticəsində türk əsgərlərinin şəhid olması ilə əlaqədar başsağlığı verib.

Telefon danışığı əsnasında fevralın 19-da Ankarada keçirilmiş Azərbaycan-Türkiyə Hökumətlərarası Əməkdaşlıq Komissiyasının 9-cu iclasının yekunlarına dair imzalanmış Protokolun və Fəaliyyət Planlarının icrası ilə bağlı məsələlər müzakirə olunub.

Həmçinin Azərbaycanla Türkiyə arasında müxtəlif sahələrdə əlaqələrin inkişaf perspektivləri barədə fikir mübadiləsi aparılıb.

0
Teqlər:
Türkiyə Respublikasının Vitse-prezidenti Fuat Oktay, Əli Əsədov, Baş nazir, Türkiyə, Azərbaycan