Co Bayden, arxiv şəkli

Yenə Bayden: Tramp niyə revanş götürə bilmədi

23
(Yenilənib 20:38 15.12.2020)
ABŞ seçki sistemini tənqid edənlər bildirirlər ki, bu sistem sayəsində adi amerikalıların daha az səsini toplayanlar Seçicilər Kollegiyasında nümayəndələrdən daha çox səs yığmaqla prezident seçilə bilirlər. Necə deyərlər, "The winner takes it all"

BAKI, 15 dekabr — Sputnik, Sofiya Melniçuk. Seçicilər Kollegiyası sürpriz etmədi: gözlənildiyi kimi, Co Baydenə 306 səs verildi, Tramp isə cəmi 232 səs aldı. Beləliklə, hazırkı prezidentin seçkinin nəticəsinə etiraz etmə şansı günbəgün azaldıqca demokratlar sürətlə inauqurasiyaya tərəf irəliləyirlər. Bəs Tramp məhkəmələrdə niyə qalıb gələ bilmədi – bu sualın cavabı "RİA Novosti"nin materialında.

Ulduz şahid

"Mən nə gördüyümü bilirəm. Və mən sənəd imzalamışam, əgər yalan danışsam, həbs olunacağam. Bəs siz necə? Qeydə alınmış seçici siyahısında yüz min insanla bağlı uyğunsuzluq var... Belə məlum olur ki, səsvermədə 120 faiz seçici iştirak edib".

Detroytdakı seçki məntəqələrində baş vermiş pozuntularla bağlı bu ifadəni Donald Tramp komandasının "ulduz şahidi" Melissa Karon verib. O, sual verən senatorun sözünü tez-tez kəsirdi və hətta prezidentin şəxsi vəkili Rudi Culiani onu bir neçə dəfə susdurmağa çalışdı.

Ancaq çoxluq qəribə saç düzümü və özünə xas jestləri olan bu qadının sərxoş olduğuna qərar verdi. Nəticədə Melissa internet fenomeninə və "Saturday Night Life" yumoristik şousunun personajına çevrildi.

Beləliklə, Trampın tərəfdarları seçki məntəqələrinin əməkdaşlarının iki dəfə on minlərlə bülleteni skanerdən çıxardıqlarını, səslərin hesablanması mərkəzində isə yemək gətirən maşınlarda ərzaq adı altında saxta kağızların daşındığını sübut edə bilmədilər. "Ulduz şahidin" sözlərinə də heç kim inanmadı. Bunun əvəzində media Melissanın sevgilisinin keçmiş arvadına göndərdiyi əxlaqsız videoları tapıb üzə çıxartdı.

Dinləmələrdə Trampın komandası yenə noyabr seçkisinin nəticəsinə etiraz etmək istədi. Lakin hər dəfə məhkəməyə fırıldaqçılığı sübut edən sənədlər təqdim olunan vaxt nədənsə problem yaranırdı.

Biabırçılıq dalınca biabırçılıq

Trampın seçki qərargahının nümayəndələri seçkidən dərhal sonra regional məhkəmələrdə iddia qaldırmağa başladılar və seçki ilə bağlı bir sıra uyğunsuzluqları ortaya qoydular. Məsələn, Arizona ştatının Marikopa bölgəsində respublikaçı-seçicilər şikayətlənirdilər ki, səs sayma maşınları "Sharpie" markerləri ilə doldurulduğundan, onların bülletenlərini ümumiyyətlə "oxumayıb".

Ancaq dinləmələr vaxtı şahidlər özləri özlərini təkzib etdilər: bildirdilər ki, səslər heç də markerlərin ucbatından it-bata düşməyib. İttiham olunan tərəfin vəkili Kori Lanqxofer bəyan etdi ki, ümumiyyətlə, hər hansı bir fırıldaqçılıqdan yox, daha çox "bəzi qərəzsiz nöqsanlardan" söhbət gedir.

Bu cür ifadə vermək üçün ona pul təklif olunub-olunmadığı soruşulan bir seçici isə cavab verdi ki, bu barədə heç nə deyə bilməz, çünki indiyə kimi heç kim onunla bu məsələni müzakirə etməyib, amma heç də pul almağın əleyhinə deyil.

Corciya məhkəməsində isə bir kibertəhlükəsizlik əməkdaşı aparat tərəfindən sayılan səslərin qeydə alınan seçicilərin sayından çox olduğunu bildirdi. Düzdür, o bu hadisənin Corciyada deyil, Miçiqanda baş verdiyini qeyd etdi. Digər tərəfdən, pozuntuların qeydə alındığı şəhərlərin siyahısında əsasən Minnesotanın yaşayış məntəqələri üstünlük təşkil edirdi.

Seçkinin nəticəsinə mühüm təsir göstərə bilən ştatlardan olan Pensilvaniyada isə prezidentin vəkilləri məhkəmə prosesinə uzun müddət hazırlaşsalar da, yetərli dəlil toplaya bilmədilər. Bəzi hallarda isə vəkillərin özləri sadəcə saxtakarlığı sübuta yetirən dəlillərin olmadığını etiraf etdilər.

Son şans

Keçən həftə Texas ştatında başlayan məhkəmə prosesinin həlledici olacağı güman edilirdi. Corciya, Miçiqan, Pensilvaniya və Viskonsin kimi "tərəddüdlü" ştatlarda seçki nəticələrinin ləğv edilməsini tələb edən iddia Ali məhkəməyə göndərildi. Texas Baş prokuroruna 17 ştat dəstək verdi.

Şikayət məhz Ali məhkəməyə göndərildi, lakin inandırıcı bir dəlil təqdim edilmədi. Gözlənildiyi kimi, Ali məhkəmə iddianı rədd etdi. Hakimlər arasında Trampın təyin etdiyi şəxslərin olması belə bir işə yaramadı.

Nebraska ştatından respublikaçı-senator Ben Sass söhbətə yekun vurdu: "Üç "trampçı"nın oturduğu Ali məhkəmənin bu qərarı – qanuna əməl olunmasına görə narahatlıq keçirən bütün amerikalılar üçün təsəlli oldu".

Ali məhkəmə sonuncu dəfə 2000-ci ildə seçkinin taleyini həll etmişdi. Həmin vaxt Florida ştatında kimin qalib gəldiyini müyyənləşdirmək mümkün olmamışdı: demokrat Albert Qor, yoxsa respublikaçı Corc Buş (oğul). Və Corc Buşun doğma qardaşı Cerbin qubernator olduğu ştat qələbəni respublikaçı namizədə vermişdi. Demokratların tələbi ilə səslər yenidən hesablansa da, hər seçki bülleteni uğrunda mübarizə getsə də, qalibi müəyyənləşdirmək mümkün olmamışdı. Axırda Ali məhkəmə ilkin nəticələri qəbul etmiş və seçicilərin daha az səsini toplamasına baxmayaraq, Buş prezident olmuşdu.

Sonuncu seçki ərəfəsində bəziləri bu vəziyyətin yenidən təkrarlanacağından ehtiyat edirdilər. Güman olunurdu ki, Trampın təyin etdiyi mühafizəkar hakimlər prezidentlə birlikdə hərəkət edəcəklər. Ancaq Ali məhkəmədə hakimlik ömürlük vəzifə hesab edildiyindən, arbitrlərin bu kreslonu onlara həvalə etdiyinə görə Trampa minnətdar olmalarına ehtiyac yoxdur.

Seçicilər Kollegiyasının seçimi

Hadisələrə Seçicilər Kollegiyasının iclası yekun vurdu. Hər bir ştatın nümayəndəsi səsvermədə iştirak etdi. Onların sayı regionun əhalisinin sayından asılıdır: seçicilərin sayı çoxdursa, nümayəndələrin sayı da çox olur. Məsələn, əhalinin sıx məskunlaşdığı Kaliforniya və Florida ştatlarından iclasda müvafiq olaraq 55 və 38 seçici nümayəndəsi iştirak edir. Şimali və Cənubi Dakotadan isə cəmi üç nümayəndə! Qələbə qazanmaq üçün 270-dan artıq səs toplamaq lazım gəlir.

ABŞ seçki sistemini tənqid edənlər bildirirlər ki, bu sistem sayəsində adi amerikalıların daha az səsini toplayanlar Seçicilər Kollegiyasında nümayəndələrdən daha çox səs yığmaqla prezident seçilə bilirlər. Bu dəfə hər şey gözlənildiyi kimi oldu. "ABBA" qrupunun məşhur mahnısında deyildiyi kimi: "The winner takes it all" (Qalib hər şeyə sahib olur). Başqa sözlə, hər ştatda lider olan namizəd bütün yerli seçicilərin səsinə də sahib olur – bu onların xoşuna gəlsə də, gəlməsə də.

Amerika Birləşmiş Ştatlarının tarixində seçici nümayəndələrinin seçicilərin əksəriyyətinin iradəsinə zidd getdiyi hallar da olub. Sonuncu dəfə belə hal 2016-cı ildə yaşanmışdı: beş demokrat və iki respublikaçı onlardan gözlənildiyi şəkildə səs verməmişdilər. Əslində, Konstitusiya seçicilərin qarşısına belə bir öhdəlik qoymasa da, bəzi əyalətlərdə bu cür "özbaşınalıq"lara görə adamı cərimə eləyə, hətta həbsxanaya sala bilərlər.

Yanvarın 6-da Konqresin hər iki palatası seçici nümayəndələrinin səsverməsinin nəticələrini bir daha qiymətləndirəcək və yalnız o vaxt Baydenin qəti qələbəsini elan edəcək. Ancaq elə həmin ayın 3-də Konqresin tərkibi yenilənəcək. Deməli, nəzəri cəhətdən Trampın məğlubiyyəti qəbul olunmaya bilər və bu, yəqin ki, indiki prezidentin son şansı olacaq.

23
Teqlər:
təhlil, ekspert, revanş, prezident seçkisi, ABŞ, Co Bayden, Donald Tramp
ABŞ Dəniz donaması

ABŞ hərbi donanması silahını haraya tuşlayıb?

10
(Yenilənib 22:29 18.01.2021)
İnformasiya və rəqəmsal texnologiyalar ABŞ donanmasının strategiyasında əsas yer tutur. Artıq bunlar olmadan hərbi əməliyyatlar aparmaq mümkün deyil.

BAKI, 18 yanvar — Sputnik, Nikolay Protopopov. "Qarşısını almaq və məğlub etmək" – ABŞ Hərbi Dəniz Qüvvələrinin qərargah rəisi, admiral Maykl Gildey yaxın onillik üçün "Naviqasiya planını" təqdim edib. Sənəddə əksini tapan əsas məsələ: Amerika donanması Dünya okeanında hegemonluq etməlidir. Qlobal nəzarətin məqsədi amerikalıların öz ölkələrində rifah içində yaşamasıdır. Bununla belə, planda başqa ölkələrə qarşı açıq-aşkar təcavüzkarlıq da öz əksini tapıb.

Bu barədə daha ətraflı RİA Novosti-nin növbəti materialında.

Dünya rəqibləri

Sənəd müəllifləri vurğulayırlar ki, ABŞ donanması bu ölkənin vətəndaşlarının təhlükəsizliyini və həyat tərzini təhdid edən uzunmüddətli rəqabətə cəlb olunub. Hərbi Dəniz Qüvvələri komandanlığı bir dəqiqə də vaxt itirməməlidir: güc tarazlığını yalnız qarşıdakı on ildə deyil, bütün XXI əsr boyunca qorumaq üçün fəal şəkildə hərəkətə keçmək lazımdır.

ABŞ-a görə, əsas rəqiblər və qlobal sakitliyi pozanlar Rusiya və Çindir. Amerikalı admiralların fikrincə, bu ölkələr uzun illərdir ki, hamının xeyrinə olan su hövzələrinin müstəqilliyini pozur.

Moskva və Pekin "qonşularını qorxudaraq" öz ərazi sularından kənarda dəyərli dəniz resursları üzərində "ədalətsiz nəzarət" həyata keçirir, "ən əhəmiyyətli su yollarını uzun mənzilli raketlərlə nəzarət altında saxlayırlar".

Rusiyanın müasir raket gəmiləri və sualtı qayıqları, hipersəsli raketləri və taktiki nüvə silahlarını inkişaf etdirməsi qəti şəkildə amerikalıların xoşuna gəlmir. Pentaqon rus donanmasının bütün dünyada aktivliyini gücləndirdiyini və get-gedə ABŞ-ın sahillərinə yaxınlaşdığını təsdiqləyir. Ona görə də Rusiyanı nəzarət altına almaq vacibdir.

Sürətlə inkişaf edən Çin donanması da narahatlıq doğurur. Amerika analitiklərinin fikrincə, bu, dünyanın ən iri dəniz donanmasıdır. Guya Pekin Vaşinqtona və onun müttəfiqlərinə meydan oxuyaraq ən kəskin və uzunmüddətli təhdidə çevrilir.

Eyni zamanda, qeyd olunur ki, ABŞ – dəniz dövlətidir və onun təhlükəsizliyi dənizdəki üstünlüyündən asılıdır. Bunun üçünsə Dünya okeanın hər bir guşəsində özünün hərbi dəniz gücünü göstərməlidir. Amerikalılar beynəlxalq hüququn imkan verdiyi hər yerdə üzməyə və uçmağa davam edirlər.

Donanmanın gücləndirilməsi

Beləliklə, ballistik raketli sualtı nüvə qayıqları "ABŞ-ı nüvə hücumundan qoruyur" və xüsusi əməliyyat qüvvələri "ən güclü düşməni çıxılmaz vəziyyətə salmağa hazırdır". Admirallar əmin edirlər ki, Hərbi Dəniz Qüvvələri istənilən sahilə desant atmağa qadirdir.

Donanma "istənilən təcavüzün qarşısını almaq üçün lazım olan bütün vasitələrə malikdir". Xüsusilə dənizdən, suyun altından və havadan hücumlara imkan verən informasiya, kibernetik texnologiyalar və digər silah növləri nəzərdə tutulur.

ABŞ qarşıdakı illərdə dənizdəki müasir qarşıdurmada süni zəkaya mühüm əhəmiyyət verəcək. Çünki bu sistemlərin döyüşdə təsirli olduqları və üstünlükləri artıq sübut olunub.

Pilotsuz dəniz platformaları da "həyati" əhəmiyyət daşıyır. Bu qurğular kəşfiyyat və müşahidə prosesində üstünlüyü təmin edəcək və donanmanın hücum qabiliyyətini artıracaq. Onilliyin sonuna qədər Hərbi Dəniz Qüvvələrinin şəxsi heyəti robotlarla sıx əlaqədə işləməyi öyrənmələdir.

ABŞ Hərbi Dəniz Qüvvələrinin komandanlığı bütün planları həyata keçirmək üçün donanmanın gücləndirilməli və genişləndirilməli olduğuna inanır. Bunun üçün daha çox sualtı nüvə qayığı və yüksək hücum qabiliyyətinə malik suüstü gəmilər tələb olunur. Üstəlik, yeni gəmilər, məsələn, "Constellation" sinfinin perspektivli freqatları kimi kompakt olmalıdır.

Pentaqon təyyarə gəmilərini də nəzərdə saxlayır. Bu gəmilər hələ də ABŞ Hərbi Dəniz Qüvvələrinin qürur mənbəyi və güc nümayişinin əsas aləti hesab olunur. Donanmanın sualtı qüvvələrinin xüsusi əhəmiyyəti də qeyd olunur. Buradakı prioritet "Kolumbiya" sinfindəki nüvə enerjisi ilə işləyən strateji sualtı qayıqlarla yanaşı, həm də çoxməqsədli "Vircinya"lardır.

"Rəqəmsal texnologiyalar" və lazerlər

Dəniz Qüvvələrinin komandanlığı bu işdə texnologiyanın yetərli olmadığını qəbul edir. Düşmən davranışının nüanslarını başa düşmək üçün kadrları daha yaxşı hazırlamaq lazım gələcək. Admiralların fikrincə, "dənizçilər yalnız müşahidə etməməli, həm də təhdidlərə cəld reaksiya verməyi bacarmalıdırlar. Hər hansı bir ölkənin vətəndaşlarının mentalitet xüsusiyyətlərini bilməklə, instinktiv olaraq onların davranışlarını əvvəlcədən təxmin etmək mümkündür".

"Gələcək qarşıdurma" ssenariləri dünyanın hər yerində – Uzaq Şimaldan tutmuş Sakit Okeanın qərb hissəsinə qədər – həyata keçiriləcək. Məsələn, bu il ABŞ Hərbi Dəniz Qüvvələrinin bir neçə təyyarə gəmisi genişmiqyaslı manevrlər həyata keçirəcək. Orada ilk dəfə yeni hücum silahları və məlumat mənbələrindən istifadə olunmaqla, kiçik taktiki kiber qruplar yerləşdiriləcək. Admiral Gildeyin sözlərinə görə, yeni tarixdə bu cür manevrlərin tayı-bərabəri görünməyib.

İnformasiya və rəqəmsal texnologiyalar ABŞ donanmasının strategiyasında əsas yer tutur. Artıq bunlar olmadan hərbi əməliyyatlar aparmaq mümkün deyil. Çünki indi hər şeyi rəqəmsal texnologiyalar həll edir. Bu texnologiyalar dəniz və quru döyüşlərini sürətli və səmərəli şəkildə aparmağa imkan verir.

Hərbi Dəniz Qüvvələrində belə hesab edirlər ki, "ABŞ-ın düşmənləri donanmanın müdafiəsini böyük sayda raketlərlə yarmağa ümid bəsləyir. Bu səbəbdən də Pentaqon müxtəlif stasionar və mobil aşkarlama sistemlərindən, sualtı qayıqların radarlarından və pilotsuz dəniz aparatlarından istifadə edəcək, gəmi və təyyarələrin müdafiə qabiliyyətini artıracaq. Bununla belə, yaxın döyüşlərdə enerji silahlarından istifadə edilməsi də planlaşdırılır.

 

10
Teqlər:
Rusiya, ABŞ
S-400 zenit-raket sistemi, arxiv şəkli

Rusiyanın S-400 sistemləri dörd ölkəni "ələ keçirdi": bəs sonra?

54
(Yenilənib 16:50 16.01.2021)
Əgər İran S-400 hava hücumundan müdafiə kompleksi əldə edərsə, ABŞ-ın Fars körfəzindəki təyyarə gəmiləri tamamilə yararsız oyuncaqlara çevriləcək

BAKI, 16 yanvar — Sputnik, Aleksandr Xrolenko, hərbi şərhçi. Rusiya istehsalı olan S-400 zenit raket komplekslərinin dinc yolla ekspansiyası Avrasiyanın yeni ölkələrini əhatə edir. Çin, Türkiyə, Hindistandan sonra Belarus Respublikası da hərbi hava və hava hücumundan müdafiə qüvvələrini "Triumf"larla yenidən silahlandırmağa hazırlaşır.

İraq, Qətər və Mərakeş (Afrika qitəsinin şimal-qərb hissəsi) də S-400 sistemlərini əldə etmək mərhələsindədir. S-400 zenit raket kompleksinin (ZRK) dünyada uğurlu inkişafının əsasında yaxın analoqlarının olmaması, misilsiz döyüş xüsusiyyətləri dayanır.

Yanvarın 14-də Belarus Hərbi Hava Qüvvələri və Hava Hücumundan Müdafiə Qoşunlarının komandanı, general-mayor İqor Qolub ABŞ Hərbi Hava Qüvvələrinə məxsus "beşinci nəsil" F-22 və F35 döyüş təyyarələrinin döyüş qabiliyyətləri nəzərə alınmaqla xüsusi olaraq hazırlanmış hava hücumundan müdafiə bölmələrini ən son S-400 "Triumf" sistemləri ilə yenidən silahlandıracaqlarını elan etdi. NATO Avropaya yüzlərlə F-35 yerləşdirməyi planlaşdırır.

Bundan başqa, qoşunlar "Pantsir-S" ZRK-nın təkmilləşdirilməsi məqsədilə müqavilə öncəsi iş aparır. MI-35 çoxməqsədli hücum helikopterləri və Rusiya istehsalı olan SU-30SM qırıcılarının ikinci partiyası üçün müqavilələr imzalanıb.

Belarus qoşunları 2021-ci ildə yeni "Protivnik-Q" və "Vostok" radarlarını da qəbul edəcək. Bundan əvvəl Rusiya Federasiyasında istehsal olunan yeni "Sopka-2" üç koordinatlı marşrut əsaslı S zolaqlı radiolokasiya sistemi ölkənin hava məkanını qorumaq üçün (Baranoviçi rayonu ərazisində) döyüş tapşırığı alıb. Qərbin sanksiyaları və iqtisadi çətinliklər Rusiyanı Belarus ordusu üçün yeganə silah tədarükçüsünə çevirir.

Beləliklə, Belarus respublikasının səması istənilən təcavüzkar üçün aşılmaz qalaya dönür.

Nikbin dinamika

Rusiya ilə aktiv hərbi-texniki əməkdaşlıq yeddi MDB ölkəsi də daxil olmaqla, dünyanın əlli dövlətinin təhlükəsizliyini və suverenliyini gücləndirir. Xarici mütəxəssislər Rusiya Federasiyasında istehsal olunan döyüş təyyarələrini və hava hücumundan müdafiə sistemlərini ən təsirli müdafiə vasitəsi hesab edirlər.

Çin S-400 "Triumf" ZRK-nın ilk xarici müştərisi olub. S-400 hava hücumundan müdafiə sistemlərinin iki alay dəstinin tədarükü üzrə Rusiya-Çin müqaviləsi 2014-cü ilin noyabrında imzalanmışdı.

Bir dəstin tərkibinə - mobil komanda məntəqəsi, iki diviziya buraxılış qurğusu, radiolokasiya stansiyaları və iki növ 120-dən çox yeni zenit idarəolunan raketi daxildir.

"Triumf"dan ilk uğurlu atəş Çin mütəxəssisləri tərəfindən 2018-ci ilin dekabrında həyata keçirildi və təxminən 250 km məsafədə 3000 m/s sürətlə uçan ballistik hədəfi məhv etdi.

Çin S-400 sistemlərinin ikinci alay dəstini 2019-cu ilin dekabrında aldı. Rusiya "Triumf"larının Çində əsas üstünlükləri - 400 km-ə qədər hərəkət məsafəsinə sahib olması (dünyada heç bir "yer-hava" raket sistemi buna qadir deyil), düşmənin Radio Müşahidə və Nişan Alma təyyarələrini məhv etmək xüsusiyyəti (döyüş əməliyyatları zamanı hədəf təyinatlarını aradan qaldırmaq üçün) və uzaq məsafədən kəşfiyyat apara bilməsidir. S-400 sistemləri Çin Xalq Respublikası ətrafındakı periferik və mübahisəli sahələri etibarlı şəkildə idarə etməyə imkan verir.

Türkiyə isə Rusiya ilə 2017-ci ildə S-400 "Triumf" hava müdafiə sisteminin alınması barədə razılığa gəlib, müqavilənin dəyəri 2,5 milyard dollardır. Bu, ABŞ-Türkiyə münasibətlərində ciddi böhrana səbəb olub. Türkiyəni sanksiyalarla, eləcə də F-35 qırıcılarının istehsalı proqramından xaric etməklə hədələyən Vaşinqton Ankaradan tələb etdi ki, Rusiya ilə müqavilədən geri çəkilsin və Amerikanın "Patriot" komplekslərini alsın. Ankara ABŞ-ın ultimatum tələblərini yerinə yetirmədi və 2019-cu ilin yayında S-400 zenit-raket komplekslərinin dörd diviziyasını (birinci dəst) aldı.

Türkiyə ikinci dəsti də əldə etmək və beləliklə, ölkədəki mühüm obyektlərin qorunması üçün ən etibarlı və müasir hava hücumundan müdafiə sistemi yaratmaq niyyətindədir. Sınaqlar zamanı Ankara yaxınlığında yerləşdirilən S-400 sistemi 600 kilometr uzaqlıqdakı RLS-in əhatə dairəsinin sərhədində F-16 Fighting Falcon qırıcısını aşkarladı. Yəni, döyüş xəbərdarlığı rejimində hava hədəflərinin aşkarlanması və məhv edilməsi avtomatik rejimdə həyata keçirildikdə F-16 Fighting Falcon qırıcıları Ankaradan 400 kilometr məsafədə "Triumf" tərəfindən məhv edilə bilər.

Türkiyə ilə S-400 zenit raket sistemlərinin ikinci dəstinin (alayının) tədarükü ilə bağlı prinsipial razılıq 2020-ci ilin iyun ayında əldə edilib.

Hindistan isə 2018-ci ilin oktyabr ayında Rusiya ilə beş S-400 alay dəstinin çatdırılması üzrə 5,43 milyard dollarlıq bir müqavilə imzalayıb. Dehli ABŞ-ın çoxsaylı təzyiqlərinə baxmayaraq bu məsələdə qərarlıdır. "The Times of India" qəzetinin yazdığına görə, Rusiya "Triumf"ları Hindistanın qərb, şimal və şərq bölgələrində (Çin və Pakistanın təhdid spektri nəzərə alınaraq) yerləşdiriləcək və ölkənin hava hücumundan müdafiə sistemində inqilab edəcək. S-400 zenit-raket kompleksinin istismarı və döyüş istifadəsini öyrənmək məqsədi ilə 100 hindistanlı mütəxəssisdən ibarət ilk qrup 2021-ci il yanvar ayının sonunadək Rusiyaya gələcək. Hindistanda "Triumf"ların ilk alay dəstinin 2021-ci ilin sonunda istifadəyə verilməsi planlaşdırılır. Rusiya S-400 hava hücumundan müdafiə sistemlərinin beş alay dəstinin hamısını 2025-ci ilə qədər bu ölkəyə çatdırmaq niyyətindədir.

"Triumf" perspektivləri

Hazırda Mərakeş, Qətər və İraqla "Triumf"ların alınması ilə bağlı danışıqlar aparılır. Bundan əvvəl isə Əlcəzair, Vyetnam, Misir, Səudiyyə Ərəbistanı və ümumilikdə 12-dən çox ölkə Rusiyanın S-400 zenit-raket kompleksini almaqda maraqlı olduğunu bildirmişdi.

Xarici tələbat ixracat təklifini üstələyir (Rusiya Aerokosmik Qüvvələri yenidən silahlanmanın prioriteti olaraq qalır). Halbuki ABŞ-ın Düşmənlərinə Qarşı Mübarizə Qanununa (Prezident Donald Tramp tərəfindən 2017-ci ilin avqust ayında imzalanan) uyğun olaraq, bu dövlətlərə qarşı sanksiyalar tətbiq oluna bilər. Lakin dünyanın ən yaxşı uzaq mənzilli hava müdafiə sistemi olan S-400-ə gedən yolun qarşısını sanskiyalarla almaq mümkün deyil.

"Triumf" sistemləri dünyanı dəyişir. Məsələn, əgər İran S-400 hava hücumundan müdafiə kompleksi əldə edərsə, ABŞ-ın Fars körfəzindəki təyyarə gəmiləri tamamilə yararsız oyuncaqlara çevriləcək. Odur ki, Vaşinqtonun öz dünyagörüşü konsepsiyasını düzəltməsi və İranla "danışıq üslubu"nu bir daha gözdən keçirməsi qaçılmazdır. Çünki bu artıq İraqda baş verir.

ABŞ-ın İraqdakı səfirliyi və hərbi bazaları sistematik olaraq raket hücumlarına məruz qalır. Amerika zenit raket kompleksləri raket hücumlarının dəf edilməsinin öhdəsindən gələ bilmir. Bağdadın "yaşıl bölgəsində" partlayan mərmiləri ABŞ-ı diplomatik heyətin böyük hissəsini təxliyə etməyə və iraqlılardan Rusiyadan aldıqları "Pantsir-S" hava hücumundan müdafiə raket kompleksini kirayəyə götürməyə məcbur edib.

Gəlin yenidən S-400 zenit raket komplekslərinə qayıdaq. "Triumf"ların vacib üstünlükləri RLS-in hərtərəfli görmə qabiliyyəti və dörd növ raketdən istifadənin çevikliyidir (çoxsəviyyəli hava hücumundan müdafiənin formalaşması).

Müxtəlif tip raketlərin istifadəsi hipersəsli hədəfləri, döyüş təyyarələrini, pilotsuz təyyarələri, qanadlı, taktiki və ballistik raketləri mövcud olan bütün yüksəkliklərdə (5 m-dən 30 km-ə qədər) və məsafələrdə (2km-dən - 400 km-ya qədər) effektiv şəkildə məhv etməyə imkan verir.

"Triumf"un bir batareyası 72-yə qədər idarə olunan raketə sahib ola bilər və onlardan eyni vaxtda 4800 m/s-yə qədər sürətlə uçan 36 hədəfə atəş açmağa qadirdir. S-400 kompleksi müxtəlif növ hava hücum sistemlərini (S-300, "Pantsir"-S1, "Tor"-M1) özündə birləşdirə və hər cür radielektron müqavimət şəraitində fərqli mənzillərdəki hava müdafiə sistemlərini idarə edə bilər.

Yeri gəlmişkən, 2021-ci ildə rus qoşunları 200 km yüksəkliklərdə müharibəyə hazır olan inqilabi S-500 kompleksini əldə edəcək. Deməli, Rusiyanın hərbi-texniki sahədəki tərəfdaşlarının bu yeni  sistemi əldə etmək üçün növbəyə düzülmə vaxtı da gəlib çatıb.

54
Teqlər:
Rusiya, S-400 zenit-raket kompleksi
Avtomat və güllələlər, arxiv şəkli

Qazax sakinində silah aşkarlanıb

0
(Yenilənib 00:11 19.01.2021)
Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

0