Co Bayden, arxiv şəkli

Amerikalılara yeni prezidenti "Google" "Facebook" təyin etdi

46
"Mənə deyirlər ki, əgər səni "BigTech" dəstəkləməsə, qalib gələ bilməzsən. Gəlin sabah onlara göstərək ki, bu mümkündür", – deyə Donald Tramp seçki ərəfəsində öz tərəfdarlarına müraciət etmişdi.

BAKI, 12 noyabr - Sputnik, Viktoriya Nikiforova. Bu dəfə məşhur "rus haker"ləri Amerika seçkisinə "müdaxilə" etmədi. Transmilli şirkətlər özləri bu işin öhdəsindən yaxşıca gəldi. Amerikalılara yeni prezidenti "Google" və "Facebook" təyin etdi, Bill Qeytsin Ceff Bezosa məxsus "The Washington Post"-da gedən məqalələri isə ölkədə xüsusi təlimat statusu qazandı.

"Mənə deyirlər ki, əgər səni BigTech dəstəkləməsə, qalib gələ bilməzsən. Gəlin sabah onlara göstərək ki, bu mümkündür", – deyə Donald Tramp seçki ərəfəsində öz tərəfdarlarına müraciət etmişdi. Ancaq elə ertəsi gün – ciddi inzibati resurslarla dəstəklənən informasiya texnologiyaları onun əleyhinə işləməyə başlayanda aydın oldu ki, prezident yanılıb.

Bu gün internet platformaları aparıcı media orqanları ilə birləşərək on milyonlarla amerikalının fikrinə zidd olaraq, həm də qutulara saxta bülletenlərin atılması və "ölü canlara" rəğmən Co Baydeni Amerika Birləşmiş Ştatlarının prezidenti təyin etdi. Demokratiyanı ələ salmağın kulminasiya nöqtəsi isə öz rəqiblərini seçkidə fırıldaqçılıq etməkdə ittiham edən prezident Trampın televiziya çıxışının kəsilməsi oldu.

Ötən aylarda IT şirkətlərinin rəhbərləri davamlı olaraq ABŞ Konqresinə və Senatına sürükləndilər, sorğu-sual edildilər və hesabat verməyə məcbur oldular. Odur ki indi adi məntiqlə hamıdan qabaq respublikaçılar Zukerberq ("Facebook"), Dorsi ("Twitter") və Piçai-yə ("Google") hücuma keçməli idi – axı sosial şəbəkələr Trampı və onun tərəfdarlarını bilərəkdən məğlubiyyətə uğratdı. Amma görünən mənzərə bir qədər fərqlidir. Demokrat-konqresmenlər internet platformalarının və sosial şəbəkələrin sahiblərinə öz siyasi rəqibləri kimi qəzəblə hücuma keçir. Respublikaçılar "BigTech"-i senzurada, demokratlar isə bazarın monopoliyasında ittiham edirlər.

Respublikaçılar onları Telekommunikasiya Qanununun 230-cu maddəsini ləğv etməklə təhdid edirlər. Bununla da operatorlar öz platformalarında yerləşdirilən hər hansı bir məzmuna görə cavabdeh olacaq. Nəticədə hər hansı bir istifadəçi istənilən IT şirkətini məhkəməyə verə biləcək. Və saysız-hesabsız məhkəmə çəkişmələri həmin şirkətləri iflasa sürükləyəcək.

Demokratlar IT şirkətlərinə qarşı antiinhisar qanununu tətbiq etmək istəyirlər. Bu qanun həqiqətən də böyük bazar payına sahib şirkətlərin tədricən parçalanmasına gətirib çıxara bilər. Vaxtilə antiinhisar qanunvericiliyi həm Rokfellerlərin neft biznesinə, həm də IBM korporasiyasını ciddi zərbə vurmuşdu.

İndi belə çıxır ki, Amerikanın seçkidə şiddətli mübarizə aparan müxtəlif partiyalardan olan siyasətçiləri birdən-birə IT korporasiyalarına qarşı birləşib. Bəs bu niyə baş verdi?

Geridə qoyduğumuz il ABŞ-da hakimiyyət sisteminin necə dəyişdiyini açıq şəkildə göstərdi. Prezident Tramp bütün dünyanın gözü qarşısında ölkəyə nəzarəti itirdi. Bu zaman Amerika (və dünya) gündəmi IT nəhənglərinin sahibləri tərəfindən formalaşdırılırdı. Sosial media Trampı iblis kimi qələmə verir, tərəfdarlarını linç edir, "Black Lives Matter" etirazlarını həvəslə nümayiş etdirirdi.

Qeyts, Bezos və Zuckerberqin "əmrləri" ayrı-ayrı yerlərdə Demokrat Partiyasına mənsub merlər və qubernatorlar tərəfindən sevinclə icra edildi. Prezident ölkənin idarəetmə prosesindən tamamilə kənarlaşdırılmışdı. Onun birbaşa əmrlərinin əksinə olaraq, Nyu-York meri bu şəhərdə baş verən özbaşınalıqları qızışdırdı və dəstəklədi. Seattlın meri isə Trampın nizam-intizamı bərpa etmək tələbinə cavab olaraq "Twitter"-dən ona bu sözləri yazdı: "Siz öz bunkerinizdə oturun!"

Bu mənada noyabr seçkisi heç nəyi dəyişmədi. Co Bayden bütün hakimiyyət rıçaqlarından məhrum olmuş marionet-prezident roluna daha çox uyğun gəlir.

Ayrı-ayrı yerlərdə idarəetməni mer və qubernatorlar həyata keçirəcək, əlbəttə ki, öz güc və bacarıqlarına uyğun şəkildə. Və onlara Dublində qeydiyyatdan keçmiş transmilli şirkətlərin hansısa multimilyonçu sahibləri, ya da onların arxasında dayanmış daha qaranlıq fiqurlar rəhbərlik edəcək. Bu ikimərtəbəli idarəetmə sxemində ABŞ prezidentinə və siyasətçilərə, sadəcə yer yoxdur. Partiya mənsubiyyətindən asılı olmayaraq Amerika konqresmenlərini və senatorlarını qorxudan da elə budur. Onların hamısı birdən-birə özlərini sistemin lazımsız halqası kimi hiss etməyə başlayıblar.

Amerikalıların rus hakerlərini yaddan çıxarmaları da təsadüfi deyil.

Məlum oldu ki, feyk ustalarının proqram kodunu kiril hərfləri ilə yazması, əslində sadə və anlaşılan təhdid imiş – milli dövlətlərin kəşfiyyat xidmətləri mütəmadi olaraq bir-birinə bu cür çirkin fəndlər edir. Ancaq IT şirkətlərinin üstün təsir səviyyəsi bütün milli dövlətləri öz xüsusi xidmət orqanları, məmurları, lobbiçiləri və hətta ölməz Nensi Pelosi ilə birlikdə yer üzündən silə bilər.

Bir neçə il bundan əvvəl "suveren internet" fikrindən qəzəblənən yerli liberallar bu barədə sosial şəbəkələrdə komik paylaşımlar etdilər. Ancaq amerikalılar sərhədsiz informasiya texnologiyası azadlığını öz üzərlərində sınayaraq nəticədə səs verdikləri adamdan tamamilə fərqli bir prezidentə sahib oldular. Və indi belə məlum olur ki, internetə nəzarət mövcud deyilsə, suverenlik də yoxdur.

"Fərdi biznesin ideologiyası olmaz" fikrinə zidd olaraq internet şirkətləri bütün dünyaya tamamilə qəti və anlaşıqlı bir siyasi proqram yeridir. Bu proqram dünyada çoxluq təşkil edən ağ adamların hüquqlarının məhdudlaşdırılması, radikal yaşıl siyasət, sənayesizləşdirmə, kosmopolitizmin təbliği, "mədəni" münaqişlərin həllini nəzərdə tutur. Və bu ideyalar ayrı-ayrı ölkələrdə sürətlə yayılır. ABŞ-da sınaqdan keçirilən ikimərtəbəli idarəetmə sxemini də eyni uğurla bütün dünyada tətbiq etmək mümkündür.

İnternet üzərində milli nəzarəti tənqid edənlər IT imperiyalarının xüsusi statusuna istinad edirlər. Guya sosial şəbəkə sahiblərinin öz "biznesində" istənilən qaydanı tətbiq etmək hüququ var. Ancaq bu internet nəhənglərinin fəaliyyətinin inhisarçı xarakteri onlara milyardlarla insanın azad fikrinə senzura qoymaq və istədikləri ideyanı yaymağa imkan verir. Bununla belə, yaddan çıxartmamaq lazımdır ki, "Völkişer Beobahter" də əvvəl özəl nəşr kimi fəaliyyətə başlamışdı...

46
Co Bayden, arxiv şəkli

Bayden ABŞ-ı Avropanın oyuncağına çevirəcək

15
(Yenilənib 11:22 28.11.2020)
Qərbi Avropanın məhz Co Baydeni ABŞ prezidenti kimi görmək istədiyi dərhal aydın oldu. Almaniyanın lideri isə “Trampla dörd il daha işləmək” həvəsində olmadığını etiraf etdi.

BAKI, 28 noyabr — Sputnik, İrina Alsknis. Avropa Şurasının rəhbəri Şarl Mişel Co Baydenə "güclü transatlantik alyansın" bərpasını təklif edib. Əgər Bayden Ağ Evə daxil ola bilsə (hadisələrin inkişafı bunun qaçılmaz olduğunu göstərir), bu istəyin reallaşması mümkündür. "Vaşinqton bataqlığının" rafinə edilmiş məhsulu və "qlobal alyansların müdafiçisi" Entoni Blinkenin ABŞ-ın Dövlət katibi vəzifəsinə namizəd gösətirilməsi bu ehtimalı bir az da qüvvətləndirir. Qərbi Avropanın məhz Co Baydeni ABŞ prezidenti kimi görmək istədiyi dərhal aydın oldu – bu qitənin liderləri demokratların namizədini seçkidə qazandığı qələbə münasibətilə təbrik etməyə başladılar. Almaniyanın lideri isə "Trampla dörd il daha işləmək" həvəsində olmadığını etiraf etdi.

Avropa-nın ABŞ-ın rəhbərliyində Vaşinqtonun qeyd-şərtsiz hegemonluğu altında birqütblü dünyanı qoruyub saxlamaq fikrinə qapılmış qlobalistləri görmək istəməsinin səbəbi aydın deyil. Axı bu, "Köhnə Dünya"da davamlı şəkildə güclənən suverenlik və Amerikanın yarı vassal asılılığından qurtulma meyllərinə zidddir.

Düşünmək olardı ki, Avropada da öz ölkələrini ABŞ-a qurban verməyə hazır olan Amerika tərəfdarı qüvvələr üstünlük təşkil etməyə başlayıb. Lakin faktlar bunun əksini göstərir. Məsələn, Almaniya hökuməti ABŞ-ın "Şimal Axını 2"-yə qarşı sanksiya tətbiq etməsinin qəbuledilməzliyi ilə bağlı mövqeyini dəfələrlə vurğulayıb.

Beləliklə, Avropa öz maraqlarını qorumaq və geosiyasi nüfuzunu gücləndirmək məqsədilə iki ayağını bir başmağa dirəməyə davam edir, bununla belə, nəzəri cəhətdən onun üçün qəbuledilməz olan qüvvələrin Vaşinqtonda hakimiyyətə qayıtmasını da həvəslə dəstəkləyir. Bu ziddiyətin səbəbini dörd il əvvəl baş vermiş hadisələrdə axtarmaq lazım gəlir.

Donald Tramp hakimiyyətə gələn kimi ABŞ-ın iştirakı ilə hazırlanmış və hətta imzalanmış bir çox beynəlxalq müqavilədən imtina etdi. Həmin vaxta qədər pis imic qazanmış Transatlantik Ticarət və İnvestisiya Tərəfdaşlığı Alyansı da eyni aqibəti yaşadı. Etirazçılar daha əvvəl Amerikanın bu alyans vasitəsilə Avropanın resurslarını istismar edəcəyi barədə xəbərdarlıq etmişdilər.

Bununla belə, prezidentliyi illərində ölkəsinə iqtisadi fayda gətirmək üçün hər fürsətdən yararlanan Tramp uzun illər Amerikaya "qızıl yumurta" verə biləcək "toyuq" dan çəkinmədən imtina etdi. Üstəlik, dəfələrlə bütün bu razılaşmaların əslində ABŞ üçün heç də faydalı olmadığını vurğuladı. Bəlkə də, Amerikanın biznes sahəsində böyük təcrübəyə sahib bu qızğın vətənpərvərinin sözlərinə qulaq vermək lazımdır.

Qlobalistlərlə (o cümlədən amerikalı qlobalistlərlə) bağlı ən yanlış təsəvvür onların milli maraqlara sahib olduğunu düşünməkdir. Onlar üçün ABŞ əsas maliyyə mərkəzi və planetin ən güclü ordusuna sahib ölkə kimi əhəmiyyət kəsb edə bilər, ancaq təxminən 330 milyon əhalisi olan bu nəhəng ölkə özlüyündə böyük bir yükdür.

Bununla belə, qlobalistlərin bir dünya vətəndaşı kimi tamamilə fərqli yerlərlə bağlı həqiqi maraqları və sentimental hissləri də ola bilər. Məsələn, yuxarıda adı çəkilən Entoni Blinken uşaqlığının böyük bir qismini Parisdə keçirib və avropalı ögey atası onun şəxsiyyətinin formalaşmasına güclü təsir göstərib. Deməli, onun dövlət katibi olaraq yalnız ABŞ-ın milli maraqlarını rəhbər tutacağına dair şübhələr tamamilə təbiidir.

Co Bayden, arxiv şəkli
© Drew Angerer / Getty Images / AFP

Avropa Şurası əvvəlki kimi bir çox məsələlərdə ABŞ-a ehtiyac duyur. Odur ki Avropanın öz ordusunu yaratmaq cəhdləri - bu gün mövcud olan təqlidi ordudan deyil, həqiqi hərbi qüvvədən söhbət gedir - qeyri-ciddi təsir bağışlayır. Bu mənada Avropa üçün Amerikaya alternativ yoxdur və yaxın gələcəkdə də gözlənilmir. Tramp "Köhnə Dünyan"ya verdiyi hərbi "çətir"in əvəzini ən yüksək faizlə almaq niyyətində idi. Ancaq indi Brüssel və ya Berlinin "Vaşinqton bataqlığı" ilə daha yaxşı şətrlərlə sövdələşmək şansı böyükdür.

Digər tərəfdən, AŞ-nin hələ də Rusiyaya qarşı bir tarazlıq mərkəzinə ehtiyacı var. Çünki qərb istiqamətində Moskva üçün kifayət qədər müsbət şərait yaranmağa başlayıb ki, bu da Qərbi Avropa dövlətlərini sevindirə bilməz.

Nəticədə paradoksal vəziyyət yaranır: Avropa əksəriyyətin gözündə ABŞ üçün istifadə oluna bilən material rolunu oynasa da, əslində öz elitasının xəyanətinin qurbanına çevriləcək amerikalıların halına daha çox acımalıyıq. Bu məqamda, necə deyərlər, ölünü qoyub, diri üçün ağlamaq lazımdır.

15
Teqlər:
ABŞ, Vaşinqton, Donald Tramp, ABŞ-ın vitse-prezidenti Co Bayden, Co Bayden, Almaniya kansleri, Almaniya
Qarabağda zərərsizləşdirilmiş minalar, arxiv şəkli

Dağlıq Qarabağın minalardan təmizlənməsinin perspektivləri

73
(Yenilənib 08:23 26.11.2020)
Qarabağın işğaldan azad olunmuş ərazilərinin tamamilə təmizlənməsinə on ildən çox vaxt lazım gələcək.

BAKI, 25 noyabr — Sputnik, Aleksandr Xrolenko, hərbi şərhçi. Son döyüş əməliyyatları zonasının və Dağlıq Qarabağın digər torpaqlarının minalardan təmizlənməsi yüzlərlə kvadrat kilometrlik ərazidən partlayıcı maddələrin tədricən kənarlaşdırılması deməkdir ki, bu da böyük maddı vəsait (milyonlarla dollar) və onilliklər boyu ağır zəhmət tələb edir. Yalnız bundan sonra həmin torpaqlardan təsərrüfat məqsədilə istifadə etmək mümkündür.

Minalanmış sahələr, partlamamış hərbi sursatlar və əldəqayırma partlayıcı qurğular münaqişədən sonrakı istənilən ərazidə əsas problem hesab olunur. Buna ən son nümunə kimi noyabr ayının 23-də Azərbaycanın Tərtər rayonu ərazisindəki Suqovuşan kəndində baş vermiş hadisəni göstərmək olar. Keçmiş münaqişə zonasında hər gün mülki şəxsləri, hərbçiləri, sülhməramlıları, könüllüləri və xilasediciləri bu cür təhlükələr gözləyir.

Noyabrın 23-də RF Müdafiə Nazirliyinin Beynəlxalq Ərazilərinin Minalardan Təmizlənməsi Mərkəzinin 100-dən çox hərbçisi, habelə 13 hərbi və xüsusi texnika vahidi Yerevana göndərilib. Mühəndislik bölmələri noyabrın 24-də İrəvan - Gorus – Xankəndi marşrutu üzrə hərəkət ediblər. Qabaqcıl könüllülər bölməsi isə artıq noyabrın 23-dən Dağlıq Qarabağda ərazilərin, yolların və obyektlərin minalardan təmizlənməsinə başlayıb.

Prioritet vəzifə - sülhməramlıların yerləşdirmə nöqtələrinin, postlar arası hərəkət marşrutlarının və ayrı-ayrı infrastruktur obyektlərinin minalardan təmizlənmənin dərhal həyata keçirilməsidir.

Rusiyalı könüllülər yalnız bir sahədə 30-a yaxın tank əleyhinə mina zərərsizləşdiriblər. Bir qayda olaraq, aşkar edilmiş hərbi sursat xüsusi poliqonda və ya ərazidə partladılaraq məhv edilir.

Rusiya Federasiyası Silahlı Qüvvələrinin Beynəlxalq Minalardan Təmizləmə Mərkəzinin mütəxəssisləri bu çətin və gərgin işə Birləşmiş Millətlər Təşkilatının (BMT) mina əleyhinə standartlarına uyğun olaraq hazırlanıblar. Onların sərəncamında bu sahə üzrə ən son texnika – IMP-S2 mina dedektorları və "Uran-6" robot sistemləri var.

Müasir axtarış cihazları və qoruyucu vasitələr Dağlıq Qarabağdakı rus hərbi qulluqçularının, həmçinin digər hərbçilərin və mülki əhalinin sağlamlığı və həyatı üçün riskləri azaltsa da, istisna etmir.

Missiyanın çətinliyi

Müasir yerli və regional münaqişələr döyüş əməliyyatlarının daimi xarakteri, eyni zamanda, birbaşa əməliyyat zonasında və ona bitişik ərazilərdə minalanmış sahələrin, yol kənarlarına basdırılmış bombaların, mina tələlərinin və digər "sürprizlərin" geniş yayılması ilə fərqlənir. Taktiki cəhətdən təsdiqlənmiş, eşelon yerləşdirilməklə möhkəmləndirilmiş (məsələn, yüz kilometrlik cəbhə xətti boyunca) müdafiənin təşkili üçün çox sayda qoşun və resursa sahib olmayan münaqişə tərəfləri alt birlikləri və hərbi texnikanı ayrı-ayrı sahələrə cəmləşdirir və aradakı "boşluqları" da minalarla doldururlar.

Qarabağda, əsasən, keçmiş sovet istehsalı minalardan - tank əleyhinə TM-62 və piyadalar əleyhinə PMN-2-dən istifadə olunub. Bununla yanaşı, həmin partlayıcıların yerləşdirildiyi ərazilərin xəritə-sxemləri çox vaxt, necə deyərlər "diz üstündə" tərtib edilir və sonrdan tez-tez itirilir. İqlim dəyişmələrinin təsiri ilə minalar zamanla sıradan çıxır və minalanmış sahələr "yenilənir".

Çox güman ki, münaqişə tərəfləri yeni minalanmış sahələrdəki partlayıcı hərbi sürsatı heç bir problem olmadan aradan qaldıracaqlar. Lakin bölgədə münaqişə uzun illər boyunca davam etdiyindən, bütün minalanmış sahələrin dəqiq yerini heç kim bilmir. Çoxlu sayda partlamamış və ya döyüş vaxtı tərk edilmiş top mərmiləri isə ayrı bir problemdir. Qarabağ torpağında minlərlə belə partlayıcı obyekt var.

Bir qədər bundan əvvəl Azərbaycanın Ərazilərinin Minalardan Təmizlənməsi üzrə Milli Agentliyinin (ANAMA) rəhbəri Qəzənfər Əhmədov Qarabağın işğaldan azad olunmuş ərazilərinin tamamilə təmizlənməsinə on ildən çox vaxt lazım gəldiyini bildirmişdi. Abxaziya və Cənubi Osetiya ərazilərinin minalardan təmizlənməsi təcrübəsi (orada hələ görülməli çox iş var) Qarabağdakı vəziyyətin qlobal miqyasını təsdiqləyir.

Səylərin birləşdirilməsi

BMT-nin Ərazilərinin Minalardan Təmizləmə Xidməti (UNMAS) bu məqsədlə yalnız keçən il 19 ölkəyə (o cümlədən, İraq, Əfqanıstan və Suriyaya) təqribən 495 milyon dollar vəsait ayırıb. Həmin vəsaitlərin bir hissəsinin Dağlıq Qarabağ ərazisinin minalardan təmizlənməsinə yönəldilməsi mümkündür.

UNMAS-dan verilən məlumata görə, missiya dekabrın əvvəllərindən etibarən Qarabağda fəaliyyətə başlayacaq. Hər şeydən əvvəl mütəxəssislər dağlıq və meşəlik ərazilərin çətin şəraitində işin həcmini qiymətləndirəcəklər. Yəqin ki, könüllülərin birgə beynəlxalq səyləri qaçqınların münaqişədən sonra bölgəyə qayıtmasını sürətləndirəcək. BMT-nin Baş katibi Antonio Quterreşin bu məsələdə tutuduğu mövqe ümidləri bir az da artırır. O bəyan etmişdi ki, əldə olunan atəşkəs humanitar təşkilatların münaqişə nəticəsində zərər çəkmiş mülki əhali ilə təmasına imkan verəcək. Quterreş, həmçinin Dağlıq Qarabağda Rusiya ilə əməkdaşlığa və qarşılıqlı fəaliyyət göstərməyə hazır olduqlarını da bildirmişdi.

73
Teqlər:
münaqişə, Gorus, Xankəndi, RF Müdafiə Nazirliyi, partlamamış hərbi sursatlar, Dağlıq Qarabağ, minalardan təmizlənmə

Hadrutda aşkarlanan ikona Bakıya gətirildi - FOTOLAR

0
Rus Pravoslav Baş Kafedral Kilsəsində ("Jen Mironosits" pravoslav kafedral kilsəsi) Hadrutdan tapılan ikonanın təntənəli şəkildə Rus Pravoslav Kilsəsinin Bakı arxiyepiskopluğuna təhvil verilməsi mərasimi keçirilib. Daha ətraflı - Sputnik Azərbaycan-ın fotolentində.

BAKI, 28 noyabr — Sputnik. Azərbaycan ordusunun istifadə etdiyi ağır texnikanın təmiri ilə məşğul olan "Turan" şirkətinin direktoru Səfər Səfərli erməni işğalından azad olunmuş Hadrut qəsəbəsindən tapılmış və üzərində İsa Məsihin təsviri olan ikonanı Rus Pravoslav Kilsəsinin Bakı arxiyepiskopuna təhvil verib.

Səfərli bildirib ki, ikona Hadrutda aparılan təmir işləri vaxtı aşkar olunub. Dini atribut tamamilə təsadüfən palçığın içindən tapılıb. İkona təmizlənrək Bakıya gətirilib ki, kilsəyə təhvil verilsin.

"Azərbaycanda həm islam, həm də xristian dininin müqəddəs atributlarına eyni dərəcədə hörmətlə yanaşılır", - deyə Səfərli qeyd edib.

İkona Rus Pravoslav Kilsəsinin Azərbaycan və Bakı üzrə arxiyepiskopu Aleksandra təhvil verilib. O isə öz növbəsində əmin edib ki, dini atribut Bakı Provaslav Kilsəsində layiqli yerini tutacaq.

Kilsə əməkdaşlarının sözlərinə görə, ikonanın təxminən 150 yaşı var. Onun üzərinə xüsusi texnika ilə əlində kitab tutmuş İsa Məsihin təsviri həkk olunub. Kitabın üzərindəki yazı qədim slavyan dilində yazılıb və orada bu sözlər öz əksini tapıb: "Ey ehtiyac və dərd sahibləri, mənə tərəf gəlin, sizi əbədi rahatlığa qovuşduracağam".

0
  • © Sputnik / Murad Orujov

    Hadrutda aşkarlanan dini atributun Rus Pravoslav Kilsəsinin Bakı arxiyepiskopluğuna təhvil verilmə mərasimi.

  • © Sputnik / Murad Orujov

    "Turan" şirkətinin direktoru Səfər Səfərli Hadrutda tapılan ikona ilə.

  • © Sputnik / Murad Orujov

    Hadrutda aşkarlanan dini atributun Rus Pravoslav Kilsəsinin Bakı arxiyepiskopluğuna təhvil verilmə mərasimi.

  • © Sputnik / Murad Orujov

    Hadrutda aşkarlanan dini atributun Rus Pravoslav Kilsəsinin Bakı arxiyepiskopluğuna təhvil verilmə mərasimi.

  • © Sputnik / Murad Orujov

    Hadrutda aşkarlanan dini atributun Rus Pravoslav Kilsəsinin Bakı arxiyepiskopluğuna təhvil verilmə mərasimi.

  • © Sputnik / Murad Orujov

    Hadrutda aşkarlanan dini atributun Rus Pravoslav Kilsəsinin Bakı arxiyepiskopluğuna təhvil verilmə mərasimi.

  • © Sputnik / Murad Orujov

    Hadrutda aşkarlanan dini atributun Rus Pravoslav Kilsəsinin Bakı arxiyepiskopluğuna təhvil verilmə mərasimi.

  • © Sputnik / Murad Orujov

    Hadrutda aşkarlanan dini atribut Rus Pravoslav Kilsəsinin Bakı arxiyepiskopuna təhvil verilib.

  • © Sputnik / Murad Orujov

    Hadrutda aşkarlanan dini atributun Rus Pravoslav Kilsəsinin Bakı arxiyepiskopluğuna təhvil verilmə mərasimi.

  • © Sputnik / Murad Orujov

    Hadrutda aşkarlanan dini atributun Rus Pravoslav Kilsəsinin Bakı arxiyepiskopluğuna təhvil verilmə mərasimi.

  • © Sputnik / Murad Orujov

    Hadrutda aşkarlanan dini atributun Rus Pravoslav Kilsəsinin Bakı arxiyepiskopluğuna təhvil verilmə mərasimi.

  • © Sputnik / Murad Orujov

    Hadrutda aşkarlanan dini atributun Rus Pravoslav Kilsəsinin Bakı arxiyepiskopluğuna təhvil verilmə mərasimi.

  • © Sputnik / Murad Orujov

    Bakıda Müqəddəs Mürdaşıyan Zənənlər Kafedralı.