ABŞ Dövlət Departamentinin binası, arxiv şəkli

Rusiya səfirliyi ABŞ-ın "təbliğat" ilə bağlı məruzəsini şərh edib

12
(Yenilənib 18:14 06.08.2020)
Rusiya səfirliyi "ABŞ-ı tənqid etməyə cürət edən" Rusiya və xarici mediaya "ciddi araşdırma predmeti ola biləcəklərini" nəzərə almağı tövsiyə edib

BAKI, 6 avqust — Sputnik. ABŞ Dövlət Departamentinin "Rusiya təbliğatı" haqqında məruzəsi Moskvanın ABŞ-la əməkdaşlığın bərpası ilə bağlı təkliflərini "susdurmağa" yönəlib.

Sputnik Azərbaycan RİA Novosti-yə istinadən xəbər verir ki, bu barədə Rusiyanın Vaşinqtondakı səfirliyi bildirib.

Bir qədər əvvəl Dövlət Departamenti yanında Qlobal Əməkdaşlıq Mərkəzi "Rusiya Dezinformasiyasının Sütunları" adlı məruzə dərc edib. Məruzədə "Rusiya təbliğatı" anlayışı sistemləşdirilir. Bu anlayışa əsasən dövlət maliyyələşməsi olan Rusiya mediası aid edilib. Dezinformasiyaya misal olaraq Sputnik, RİA Novosti, RT, Birinci Kanal, "Rossiya 24" və digərlərinin xəbər başlıqları göstərilir.

Rusiya səfirliyi "ABŞ-ı tənqid etməyə cürət edən" Rusiya və xarici mediaya "ciddi araşdırma predmeti ola biləcəklərini", onların ABŞ sosial şəbəkələrində resurslarının səbəbi açıqlanmadan bağlana biləcəyini nəzərə almağı tövsiyə edib.

Səfirlikdən bildiriblər ki, Dövlət Departamenti "alternativ informasiya mənbələrinin mövcudluğunu qətiyyən bəyənmir". Diplomatik missiya qeyd edib ki, onların nüfuzdan salınması üçün "ciddi resurslardan istifadə olunur".

"Vaşinqtona zidd istənilən səs Kreml və Rusiya xüsusi xidmət orqanlarına xidmət edən "dezinformasiya" elan edilir", - rusiyalı diplomatlar "Facebook"da dərc edilmiş şərhdə qeyd ediblər.

Səfirlik məruzədə yazılmış cəfəng fikirləri açıqlayıb. Belə ki, ABŞ Dövlət Departamenti "rəsmi hökumət kommunikasiyaları" hissəsinə Rusiyanın Liberal-Demokrat Partiyasının lideri Vladimir Jirinovskini və "Qovorit Moskva" özəl radiostansiyasını daxil edib.

"Əgər bu, amerikalı həmkarlarımızın bu qədər diqqətlə qurduqları bütün konstruksiyanın zirvəsidirsə, onda o, daha çox kartdan düzəlmiş evə oxşayır", - səfirlikdən bildiriblər.

ABŞ Dövlət Departamenti 2021-ci ildə "Rusiya tərəfindən dezinformasiyanın və təbliğatın qarşısının alınması" üçün 138 milyon dollar istəyib. Kreml və Rusiya Xarici İşlər Nazirliyi əvvəllər dəfələrlə Rusiyaya ünvanlanan dezinformasiya ittihamlarını təkzib ediblər.

ABŞ-da xarici yayım üzrə dövlət agentliyi mövcuddur ki, o da Rusiya Ədliyyə Nazirliyinin digər media ilə birlikdə xarici agentlər siyahısına daxil etdiyi "Amerikanın Səsi" və "Azadlıq/Azad Avropa" radiosunun ana strukturudur. 1994-cü ildən Yayım Məsələləri Üzrə İdarəetmə Şurası (BBG) adlanan təşkilat 2018-ci ildə ABŞ-ın Qlobal Media Agentliyi (USAGM) adlandırılıb. Onun çərçivəsində televiziya proqramları buraxılır, lakin demək olar ki, yalnız internet yayım üçün. Agentlik bütünlüklə ABŞ büdcəsindən maliyyələşdirilir. 2017-ci ildə onun xərcləri 748 milyon dollar təşkil edib.

12
Göl kənarında qadın, arxiv şəkli

Milli turizmin qışı: Xəzər adalarına səyahət, tənbəl turistlər yeyib-içmək

488
(Yenilənib 20:23 23.09.2020)
Heç bilirsiz qışda bizim adalar necə olur? Ekspertlər milli turizmin çatışmayan cəhətlərini sadaladılar, iş pandemiyadan sonraya qaldı.

Nigar İsgəndərova, Sputnik Azərbaycan

BAKI, 22 sentyabr — Sputnik. Yay mövsümü başa çatıb və pandemiya ilə əlaqədar olaraq yay turizmi demək olar ki, ölkəyə gəlir gətirməyib. İndi turizmçilər ümidlərini payız-qış mövsümünə bağlamağa başlayıblar: əgər ölkədə COVID-19-la bağlı durum sabit olsa, daxili turizm müəyyən qədər inkişaf edə və gəlir gətirə bilər.

Amma burada da məsələlərə kreativ yanaşma tələb olunur. Məsələn, payız-qış mövsümlərində daxili turizmin qolu kimi sağlamlıq turizminin inkişafını nəzərdən keçirmək olar. Bəs mütəxəssislər bu barədə nə düşünür?

Azərbaycan Sağlamlıq və Termal Turizmə Dəstək Assosiasiyasının rəhbəri Ruslan Quliyev Sputnik Azərbaycan-a açıqlamasında bildirib ki, turizm sektorunun fəaliyyəti yenidən bərpa olunarsa belə, hər şey əvvəlki kimi olmayacaq: "Yay mövsümü başa çatır, amma bizim əsas hədəflərimiz yalnız bir mövsümlük deyil, 365 günlük turizmdir. Yəni, ilin hər bir zamanında turizm inkişaf etdirilməlidir". 

Həmsöhbətimiz deyir ki, Azərbaycanda sağlamlıq turizminin yaradılmasına ehtiyac var:

"Biz bununla bağlı təkliflər də hazırlamışıq. Bu zaman ənənəvi məkanları - Qalaaltı, Naftalan, Duzdağı, Abşeron yarımadasının sağlamlıq turizm məkanlarını unutmamışıq. Hədəfimiz digər məkanlarda da yeni sağlamlıq turizm məkanlarının yaradılmasıdır. Bu gün bununla bağlı təşviq siyasəti və investisiyaların qoyulması çox zəruridir". 

Turizm üzrə ekspert Çingiz İsmayılov qış turizminin inkişafı üçün perspektivlərdən danışarkən deyib ki, pandemiya şəraiti yumşalmır, əskinə daha da kəskinləşir. Gürcüstanda rəqəmlər artmaqdadır, Rusiyada da COVID-19-la bağlı rəqəmlər artır. İndiki dönəmdə Azərbaycana xarici turistin gəlmə ehtimalı çox azdır, hətta yoxdur. Bu səbəbdən də ilin sonunadək Azərbaycanda xarici turist artımından söhbət belə gedə bilməz.

Daxili turizmə gəldikdə isə mütəxəssis hesab edir ki, indiki şəraitdə Azərbaycanda onlayn tədris başlayıb və valideynlər uşaqları ilə birgə bu dərslərə qoşulurlar. Yəni, artıq onların bölgələrə üz tutmaq imkanı azalıb. Bu səbəbdən də daxili turizmlə bağlı sevindirici bir şey demək mümkün deyil.

"Sevindirici hal odur ki, Gürcüstandan fərqli olaraq, bizdə turizm Ümumi Daxili Məhsulun formalaşamasında önəmli yer tutmur. Gürcüstanda bu rəqəm 30-40 faizdirsə, bizdə heç 10 faiz də təşkil etmir. Bizdə real sektor əsasən istehsal sahəsidir. Burada əhalinin məşğulluğu da ümumi məşğulluğun xüsusi çəkisində o qədər də çox deyil ki, deyək kütləvi işsizlik yaransın. Bu səbəbdən də turizmin tənəzzülü Gürcüstan, İspaniya, Türkiyə, Yunanıstan kimi ölkələrə daha böyük zərbə vuracaq, nəinki bizə", - deyə ekspert bildirib.

Turizm sektorunun tənəzzüldən çıxışı da uzun zaman alacaq deyən İsmayılov, qış turizmi ilə bağlı mövcud problemlərdən danışıb:

"Azərbaycanda qış turizmi zəif inkişaf etmiş sahədir. Ümumiyyətlə, qış turizmindən başı çıxan mütəxəssislərimiz də çox azdır. Lakin indi imkan varkən gələcək haqda da düşünmək olar. Çünki qış turizminin müxtəlif qolları var və bunun üçün struktur hazırlanmalıdır. Öncə bu sahə ilə bağlı mütəxəssislər yetişdirilməlidir. Yay turizmi ilə müqayisədə qış turizmində vəziyyət dramatikdir. Bununla bağlı proqram da tərtib olunmalıdır".

Vaxtilə qış turizmi ilə bağlı ideyalarının olduğunu vurğulayan İsmayılov, onların həyata keçmədiyini deyib: "Turizm, eləcə də daxili turizm dedikdə biz yeyib-yatmağı nəzərdə tutmuşuq. Əksəriyyət istəyir ki, yeyib-yatsın, sahilə, dənizə, dağa baxsın. Yəni, yerli turistlərimiz fəal deyil. Halbuki həm yayda, həm də qışda turizmin bir qolu olaraq gəzinti təşkil etmək olar. Xəzər dənizində qış adasını görmüsüz? Heç kəsin təsəvvürü yoxdur ki, qışda bizim adalar necə olur. Qışda adalara turlar təşkil etmək olar. İdeyalar çoxdur, sadəcə olaraq, mütəxəssislər və bu istiqamətdə təbliğat olmalıdır".

 Azərbaycan Otellər və Restoranlar Assosiasiyası idarə heyətinin sədri Samir Dübəndi mövcud durumu şərh edərək payız və qış mövsümlərində turizmdən gəlir əldə etməyin yollarını açıqlayıb: "Hələlik fərqlənmə inşanı olmayan nəqliyyatların şəhərlərarası fəaliyyətində məhdudiyyətlər qalır. Bundan başqa, şəhərlərarası ictimai nəqliyyatlar, qatarlar hələ də işləmir.  Məncə, müəyyən qaydalara əməl etməklə bu nəqliyyatların da fəaliyyətini bərpa etmək olar. Çünki bu gün yalnız şəxsi, yaxud da tanış birinin avtomobili ilə bölgələrə üz tutmaq mümkündür".

Sağlamlıq turizmi ilə bağlı mövcud problemə toxunan həmsöhbətimiz təkliflərini də açıqlayıb: "Naftalan nefti əsasında xidmət göstərən şirkətlərdə bəzi işlər düzgün yerinə yetirilmir. Müalicə almaq istəyən şəxs hansısa regiona üz tutanda, ona dolğun əyləncə proqramı təklif olunmalıdır. Bu cür proqramlar turistlərin yaşından, maraqlarından asılı olaraq da dəyişə bilər. Bu gün bizim hər bir regionun özünəməxsusluğu var. Bunlardan istifadə edərək dolğun turlar yaratmaq olar".

Dübəndi buna misal olaraq, Lənkəran, Naftalan, Naxçıvanı göstərib. Qeyd edib ki, Naxçıvanda "Duz dağı" var. Burada da müxtəlif xəstəliklərdən müalicə olunmaq mümkündür. Odur ki, turları daha da təkmilləşdirmək olar. Ora dərketmə və əyləncə proqramlarını da daxil etmək mümkündür.

"Bizdə müalicəvi otlardan tutmuş termal sularadək, sağlmalıq turizmini inkişaf etdirmək üçün imkanlarımız var. Palçıq vulkanlarımız daha çox seyr üçün nəzərdə tutulur, müalicə məqsədi ilə istifadə edilmir. Abşerondakı duzlu göllərdə isə yüngülvari olaraq müəyyən xidmətlər göstərilir. Lakin ciddi təşkil olunmuş xidmət və servis yoxdur. Biznes sektoru üçün də bu sahələr maraqlı olmalıdır. Yerli və xarici investorlarda müalicə turizminə maraq yaradılmalıdır", - deyən Dübəndi əlavə edib ki, bizim təbii sularımızın keyfiyyəti heç də dünyaca məşhur təbii su brendlərindən geridə qalmır. Arı və balla terapiyanı da genişləndirmək mümkündür. O, əlavə edib ki, sağlamlıq turizmi üçün bir xəritənin yaradılmasına da ehtiyac var.

488
Teqlər:
turist
Əlaqədar
Ekspert: “Yumşalma tədbirləri turizm mövsümünü uzada bilər”
Təklif çox, müştəri az, qiymətlər enib - turizm cənnətində kirayə bazarı dad deyir
Kurort və turizm mərkəzi Naftalanda daha bir unikal abidə tapılıb
“Yanar dağ” qoruğu Dövlət Turizm Agentliyinin tabeliyinə verilib
Ekspert: "Xəzəryanı ölkələrin turizm marşrutu yaratması maraqlı olar"
RF prezidenti Vladimir Putin, arxiv şəkli

Rusiya BMT-ni xilas etmək niyyətindədir

14
(Yenilənib 20:32 23.09.2020)
Putinin ölkəsi dünyanın növbəti xaos dövrünə düşməsini sadəcə müşahidə etmir, həm də ən dəhşətli nəticənin qarşısını almaq üçün ondan asılı olan hər şeyi edir.

BAKI, 23 sentyabr — Sputnik, İrina Alksnis. Dünya liderlərinin BMT Baş Assambleyasının 75-ci yubiley sessiyasında uzaqdan videoformat vasitəsilə iştirakı istər-istəməz təşkilatın Nyu-Yorkdakı qərargahında tribunadan etdikləri ənənəvi çıxışlardan daha çox məlumat və düşünmək üçün qida verir. Planetin üç ən nüfuzlu insanının məruzələri isə daha çox maraq doğurub.

Donald Trampın çıxışı daha bir seçkiqabağı tədbirə çevrilərək, nəinki onun xarici siyasətinin əsas — anti-Çin — istiqamətini, həm də növbəti dəfə onun Birləşmiş Millətlər Təşkilatına etinasızlığını vurğulayıb.

Amerika lideri dəfələrlə bəyan edib ki, ölkəsi Birləşmiş Millətlər Təşkilatını maliyyələşdirən ən böyük mənbə olduğuna görə təşkilat Vaşinqtonun tabeliyində olmalı və onun sərəncamlarını yerinə yetirməlidir. Şübhəsiz ki, onun sələfləri də eyni fikirdə idilər, lakin Tramp bu mövqeni açıq şəkildə ifadə edən, o cümlədən "itaətsizlik" halında cəza ilə təhdid edən ilk prezidentdir. Odur ki, onun çıxışından seçki kampaniyasının qızğın məsələlərinin həlli üçün istifadə etməsi bu cür yanaşmanın çərçivəsinə tamamilə uyğun gəlir.

Rusiya mediası qeyd edib ki, Amerika prezidenti bir dəfə də olsun Rusiyanı xatırlatmayıb. Əvəzində Çinin adı 12 dəfə çəkilib (yeri gəlmişkən, ABŞ-ın adı yalnız 10 dəfə səslənib). Məhz bu qalmaqallı anti-Çin ruhu Trampın nitqinin məğzinə çevrilib. Onun Pekini "koronavirusu yaydığına görə" cəzalandırmaq çağırışı və nitqində "Çin virusu" ifadəsindən istifadə etməsi nəyə desən dəyər.

Lakin aydındır ki, Pekin belə bir demarşı gözləyirdi. Məsələ heç də yalnız Amerika prezidentinin hücumlarına Çin nümayəndəsinin dərhal cavab verməsində deyil.

Si Tsinpinin nitqi məzmun baxımından ən kəskin müasir problemlərə (ilk növbədə, əlbəttə ki, dünyanın COVID-19 ilə mübarizəsinə) həsr olunub və adətə uyğun olaraq ölçülüb-biçilmiş tonda olub.

Lakin Çin lideri Böyük Çin Səddi və Çin təbiətinin gözəllikləri təsvir olunan böyük dekorasiyanın fonunda danışıb. Bu kompozisiyanın əsasında duran simvolik gizli mənanı anlamaq çətin deyil: Si Tsinpinin arxasında istənilən xarici təhlükə qarşısında durmağa hazır böyük və qədim bir ölkə durur.

Amerikalı və çinli həmkarlarının çıxışları ilə müqayisədə Rusiya prezidentinin nitqi çox ənənəvi olub: Vladimir Putinin qaldırdığı müasir dövrün fundamental problemlərin geniş spektrindən tutmuş, onun fonunda qurulmuş BMT anturajına qədər. Hətta Rusiya liderinin beynəlxalq tədbirlərdə iştirakı zamanı mətni yalnız kağızdan oxuması kimi özəlliyinə də əməl olunub — telesuflyordan istifadə etmədən.

Putin dünyada strateji sabitliyin qorunmasında BMT-nin rolunun əhəmiyyətindən, tarixin təhrif olunmasının yolverilməzliyindən, silahlar üzərində nəzarətin saxlanılmasının zəruriliyindən və təbii ki, koronavirus epidemiyası və onun sosial-iqtisadi nəticələri ilə mübarizədə kollektiv beynəlxalq səylərin vacibliyindən danışıb.

Əslində isə bu, forma etibarilə elə bir dövlət xadiminin çıxışı idi ki, onun ölkəsi dünyanın növbəti xaos dövrünə düşməsini sadəcə müşahidə etmir, həm də ən dəhşətli nəticənin qarşısını almaq üçün ondan asılı olan hər şeyi edir. Putin bir daha xatırladıb ki, artıq 75 ildir mövcud olan beynəlxalq əməkdaşlıq, dialoq və qarşılıqlı anlaşma sisteminin qurulması üçün keçən dəfə dəhşətli bədəl ödənilib. O zaman bu sistemə əsas töhfəni vermiş Rusiya planetin həmişə arxalana biləcəyi sağlam düşüncə və normallıq adası olaraq qalacaq.

14
Teqlər:
Çin, Donald Tramp, Tramp, BMT, Vladimir Putin, Putin
Эмблема и флаги участников Содружества Независимых Государств

Yaxın tariximizin taleyüklü qərarlarından birinin qəbul olunduğu gün

0
(Yenilənib 08:19 24.09.2020)
Azərbaycan Respublikası qurumun sahəvi əməkdaşlıq orqanlarından 30-da, digər orqanların isə 11-də iştirak edir.

BAKI, 24 sentyabr — Sputnik. 1993-cü il sentyabrın 24-də ölkə rəhbərliyi tərəfindən Azərbaycan Respublikasının MDB-yə daxil olmasına dair qərar qəbul olunub.

Sputnik Azərbaycan-ın məlumatına görə, həmin gün MDB Nizamnaməsi Azərbaycan rəhbərliyi tərəfindən ratifikasiya olunub.

Azərbaycan qurumun sahəvi əməkdaşlıq orqanlarından 30-da, digər orqanların isə 11-də iştirak edir. MDB çərçivəsində siyasi, iqtisadi və humanitar sahələrdə ölkəmiz üçün maraq kəsb edən məsələlər üzrə əməkdaşlığı davam etdirən Azərbaycan bu təşkilatın iştirakçı-dövlətlər arasında dialoq müstəvisi kimi saxlanılmasında maraqlıdır.

0