ABŞ-da epidemioloji vəziyyət

“Vaksin yarışı” Qərb Rusiyanı ittiham edir

26
(Yenilənib 01:57 04.08.2020)
Piar müstəvisində kollektiv Qərb, eləcə də konkret olaraq ABŞ və Böyük Britaniya bir neçə ciddi “koronavirus travması” aldı

BAKI, 4 avqust — Sputnik, İvan Danilov. Koronavirus pandemiyası dünya iqtisadiyyatını dizləri üstə qoyandan təxminən bir ay sonra siyasət və media dünyasında yeni beynəlxalq yarış “janrı” peyda oldu, onu kinayə ilə “vaksin yarışı” adlandıra bilərik. Koronavirusun kollektiv Qərbə iki dəfə psixoloji travma vurduğunu nəzərə alsaq, bu yarışda qalibiyyət təkcə siyasi deyil, həm də Qərb cəmiyyətinin özünə hörmətinin qorunması nöqteyi-nəzərindən siyasi və prinsipial məsələyə çevrildi.

Avropa humanizminin ən yaxşı ənənələri ilə böyümüş (müasir dünyada bu, əsasən avropalı və ya amerikalı yox, sovet və ya Rusiya təhsilli şəxs anlamına gəlir) insan üçün Qərbin vaksin yarışını anlamaq xeyli çətindir, amma bunu müasir ABŞ və Böyük Britaniyanın əsas sənayesi, yəni siyasi və kommersiya piarı nöqteyi-nəzərindən izah etmık olar.

Piar müstəvisində kollektiv Qərb, eləcə də konkret olaraq ABŞ və Böyük Britaniya bir neçə ciddi “koronavirus travması” aldı. Əvvəla, məlum oldu ki, uzaq (eləcə də, London və Vaşinqton siyasətçilərinin stereotiplərinə görə, “həddən ziyadə totalitar və müəyyən dərəcədə geridəqalmış”) Çin epidemiyanı daha yaxşı dəf edə bildi, problemi daha tez dərk etdi və iqtisadi ziyanı səmərəli şəkildə məhdudlaşdırdı. Bu fonda ABŞ və Böyük Britaniya, eləcə də bəzi Avropa İttifaqı ölkələri hətta öz patriotlarının gözündə elə də yaxşı görünmürlər. 

Kollektiv Qərbin özünəinamına növbəti zərbəni istəmədən (belə də olur) Rusiya vurdu – koronavirusdan “alçaldıcı dərəcədə” aşağı ölüm faizinə və kütləvi test aparılmasının təmin olunmasına Qərb KİV-ləri dişlərini qıcadı, statistika ilə oynamaq barədə sübutsuz ittihamlar irəli sürüldü. Amma statistika (ÜST-ün qiymətləndirilməsindən savayı) açıq-aşkar  idi: Nyu-Yorkda epidemiya qurbanlarını küçələrdəki refrijeratorlara yığırdılar və elə təkcə bu fakt tibbi və dövlət idarəetməsinin keyfiyyət fərqini anlamaq üçün kifayət edir. 

Və bu fonda, tələb olunan xərclərdən və istənilən mümkün risklərdən asılı olmayaraq, kollektiv Qərb üçün (eləcə də bir neçə konkret iddialı qərb siyasətçisi üçün) vaksinin istehsalında birincilik imic nöqteyi-nəzərindən həyati vacib  məsələyə dönür, çünki, məsələn, ABŞ-ın hələ də “dünyada nömrə bir olduğunu” sübut etmək gərəkdir.

Koronavirus vaksini, arxiv şəkli
© REUTERS / REUTERS / Dado Ruvic / Illustration / File Photo

Eyni zamanda Amerika KİV-lərini oxuyanda qəribə təəssürat yaranır: partiyaya mənsubluqdan və nəşrin sahiblərinin Donald Trampa rəğbət və ya nifrət bəsləməsindən asılı olaraq konkret redaksiyalar vaksinin hazırlanması ilə məşğul olan ya Amerika, ya Britaniya, ya Almaniya, ya da hətta Hindistan şirkət və universitetlərinə azarkeşlik edirlər, hədəf də budur ki, vaksin yarışında qalibiyyət “düzgün olan ölkənin” hansısa qurumuna qismət olsun, “Trampın lənətə gəlmiş rejimi isə” bundan siyasi bonus qazana bilməsin.

Makrosəviyyədə də analoji münaqişə mövcuddur: NATO və ya G7 üzrə müttəfiqlərilə səylərini koordinasiya etmək əvəzinə, bəzi alman KİV-lərinin yazdığına görə, rəsmi Vaşinqton Almaniyadakı perspektiv, vacib antikoronavirus layihəsi olan biotexnologiya laboratoriyasını ələ keçirərək ABŞ-a köçürməyə cəhd eləmişdi. 

Bu kontekstdə Rusiya və ya Çinin koronavirus əleyhinə vaksinin kütləvi istifadəsinə yaxın olduqları barədə istənilən məlumatın Qərb informasiya məkanında əsl anafilaktik şok effekti yaratması məntiqidir.

Əlbəttə, güman etmək olar ki, Amerikanın tibb məmurları doğrudan da yalnız peşə mülahizələrini rəhbər tuturlar, ancaq yuxarıda deyilənləri nəzərə alsaq, müəyyən siyasi anqajementin mövcudluğuna dair ciddi şübhələr var.  Rusiya həkimlərinin bu payızda kütləvi peyvəndə başlaması planları, eləcə də Çinin mümkün uğurlu vaksin sınaqları keçirdiyi barədə xəbərlərə rəsmi reaksiyaya misal qismində Amerikanın əsas infeksionistinin The Wall Street Journal-da dərc olunmuş mövqeyini göstərmək olar: 

“ABŞ-da infeksion xəstəliklər üzrə əsas ekspert, doktor Entoni Fauçi cümə günü konqresin COVID-19 üzrə alt komitəsində dinləmələr zamanı bəyan etdi ki, ABŞ, çox güman ki, Çin və ya Rusiyada hazırlanmış vaksinlərdən istifadə etməyəcək. “Mən, doğrudan da ümid edirəm ki, çinlilər və ruslar vaksini kiməsə vurmazdan əvvəl onu həqiqətən sınaqdan keçirirlər, - o deyib. – Vaksinin test olunmamışdan əvvəl yayılması üçün hazır olması barədə xəbərlər, hesab edirəm ki, ən yaxşı halda, problematikdir”. Doktor Fauçi eləcə də bildirib ki, ABŞ-ın vaksini ilin sonunadək əldə edəcəyinə ümud edir”.

Bloomberg informasiya agentliyinin müxtəlif ölkələrdə hazırlanan mümkün vaksinlərin müqayisəli təhlilinə diqqət yetirsək, o zaman Fauçinin, güman ki, Amerikanın Moderna şirkətinin vaksininə ümid etdiyini deyə bilərik.

Maraqlıdır ki, Bloomberg-in trekerində Rusiyanın vaksin layihələri yer almayıb (ən azından məqalə yazılanadək belə idi), bu isə qərb oxucusunda Rusiyanın imkanları barədə yanlış təsəvvür doğurur, çünki o zaman belə çıxacaq ki, Rusiyanın vaksini “yox yerdən çıxdı”.

“Vaksin yarışı”nın necə davam etdiriləcəyini artıq indidən təxmin eləmək mümkündür: Rusiya və Çin peyvəndlərini dərhal təhlükəli elan edəcək, bunu feyk-nyuz janrında olan informasiya yığını ilə müşayiət edəcəklər. Bununla paralel olaraq Qərb auditoriyasının skeptik qisminin inandırılması üçün vaksinlərin işlədiyi təqdirdə onların guya Çin, İran və Rusiya hakerləri tərəfindən əldə olunan məlumatlar əsasında hazırlandığı barədə tezis yürüdəcəklər, özü də ictimai rəyin müvafiq hazırlanması prosesi artıq aparılıb.  Müdafiənin final xətti isə Rusiya və Çinin ədəbsizcəsinə “vaksin millətçiliyi”nə və epidemiya ilə mübarizənin hansısa beynəlxalq yarışa döndərilməsi arzusuna görə ittiham edilməsi olacaq. Paralel rejimdə isə belə vacib məsələdə Pekin və ya Moskvadan asılı olmamaq üçün Qərbin öz vaksinini hazırlamasının vacibliyi tezisi yürüdüləcək. 

Bu cür yanaşmada problem bundadır ki, bu “nəzarət olunan geri çəkilmədə” – bunun amansız reallıq qarşısında geri çəkilmə olmasına artıq heç bir şübhə qalmayıb – Qərbin media maşını öz auditoriyasının seqmentlərinin inamını getdikcə daha çox itirməyə başlayacaq.

Bütün bunlar isə Rusiya və Çin dezinformasiyasi ilə mübarizənin vacibliyi barədə növbəti konfranslar və Amerikanın və Avropanın profil strukturlarının öncəki möhtəşəm imiclərini qaytarmaq üçün pul ayrılması tələbləri ilə yekunlaşacaq. Ancaq auditoriyanın inamını itirmək asan, bərpa etmək çox çətindir, özü də koronavirus onsuz da Qərb dünyasında mövcud olan ictimai inamın deqradasiyası proseslərini daha da sürətləndirdi. Qərbin media aləminin eyham vurduğu Rusiya, Çin və digər “növbətçi günahkarlar”ın isə əslində bu problemə heç biri aidiyyatı yoxdur və bizim qərbli partnyorlarımız “vaksin millətçiliyindən” öz günahları üzündən əziyyət çəkirlər, özü də yalnızlıqda.

 

26
Əlaqədar
Özümüzünküləri darda qoymuruq: Rusiya COVID-19-la mübarizədə qonşularına necə kömək edir
Pulsuz olacaq – Amma bizdə yox, onlarda
Az qaldı - Rusiya virus əleyhinə daha bir vaksinin sınaqlarına başlayır
COVID-19-la mübarizə qripə yoluxmanı da azaldıb - TƏBİB
COVID-19-un qarşısını alan anticisimlər aşkarlandı
Dollar sayan şəxs, arxiv şəkli

Ölkədən pullar gedib, amma gəlməyib: Bir milyard dollar kəsiri necə bağlayacağıq?!

3634
(Yenilənib 20:51 18.09.2020)
Əkrəm Həsənov: "Azərbaycandan çıxan valyuta ölkəyə daxil olan valyutanı üstələyib. Bu kəsiri bağlamaq üçün böyük ehtimalla, Dövlət Neft Fondunun ehtiyatlarından istifadə ediləcək".

Xalid Məmmədov, Sputnik Azərbaycan

BAKI, 19 sentyabr — Sputnik. Azərbaycanın tədiyyə balansında 1 milyard dollara yaxın kəsir yaranıb. Sputnik Azərbaycan Mərkəzi Bankın məlumatına istinadən xəbər verir ki, bu ilin 6 ayında Azərbaycanın tədiyyə balansının ümumi kəsiri 957,5 milyon dollar olub. Halbuki keçən ilin eyni dövründə tədiyyə balasında 3 milyard 635 milyon dollarlıq qalıq yaranmışdı.

Ümumi kəsir ölkənin cari əməliyyatlar balansındakı 598,2 milyon dollarlıq qalıq, kapital hesabındakı 7,7 milyon dollarlıq kəsir, maliyyə hesabındakı 948,7 milyon dollarlıq kəsir, balanslaşdırıcı maddələr üzrə 599,3 milyon dollarlıq kəsir hesabına formalaşıb.

Bəs, maraqlıdır bu həddə kəsiri bağlamaq mümkün olacaqmı və bunun səbəbləri nədir?

Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov Sputnik Azərbaycan-a deyib ki, tədiyyə balansında kəsir pandemiyanın təsirləri ilə bağlıdır:

"Pandemiya Azərbaycanın xarici ticarət dövriyyəsinə, eləcə də tədiyyə balansına mənfi təsir göstərdi. Eyni zamanda tədiyyə balansında kəsirin strukturuna baxsaq, burada xüsusən də maliyyə hesabındakı 948,7 milyon dollarlıq kəsir ümumi kəsirin formalaşmasına birbaşa təsir göstərib".

Deputat bildirib ki, amma bu ilin 7 ayında xarici ticarət dövriyyəsində müsbət saldo qeydə alınıb: "Belə ki, ixrac idxalı 1 milyard 976 milyon dollar üstələyib. Baxmayaraq ki, ixracatda 7,1 faiz azalma qeydə alınıb, amma idxalda 43,4 faizlik azalmanın qeydə alınması xarici ticarət dövriyyəsindəki müsbət saldonun qorunub saxlanılmasına imkan verib. Tədiyyə balansında kəsirin olması arzuolunan deyil. Amma pandemiyanın təsirlərini nəzərə alsaq bu, məqbul hesab oluna bilər. Növbəti dövrlərdə xüsusən də neftin qiyməti 40 dollardan yüksək olarsa, güman olunur ki, tədiyyə balansındakı kəsiri optimallaşdırmaq mümkün olacaq".

"O baxımdan hələlik tədiyyə balansındakı kəsir birbaşa pandemiya ilə bağlı olduğuna və xarici ticarət dövriyyəsində müsbət saldoya görə bu, həmin kəsirin təsirlərini minimallaşdırmaq ilə bağlı imkanlar, alətlər verir. Güman olunur ki, növbəti dövr üçün həm tədiyyə balansındakı həm də xarici ticarət dövriyyəsindəki fərq birbaşa neftin qiymətinin necə dəyişməsindən asılı olacaq"-deyə deputat əlavə edib.

"Əkrəm Həsənov və partnyorları" hüquq şirkətinin direktoru, iqtisadçı Əkrəm Həsənov isə Sputnik Azərbaycan-a deyib ki, bu məbləğdə kəsirin yaranması təhlükəli hal deyil:

"Azərbaycanın valyuta ehtiyatları bu göstəricidən azı 40 dəfə çoxdur. 40 milyard dollardan çox valyuta ehtiyatımız var və belə kəsirləri bağlaya bilirik. Kəsirin yaranması o deməkdir ki, bizə xarici valyuta az daxil olub, ölkədən isə valyuta çox çıxıb. Yəni Azərbaycandan çıxan valyuta ölkəyə daxil olan valyutanı üstələyib. Bu kəsiri bağlamaq üçün böyük ehtimalla Dövlət Neft Fondunun ehtiyatlarından istifadə ediləcək".

O bildirib ki, bizə xarici valyuta əsasən neft-qazdan gəlir: "Neftin qiyməti düşdüyünə görə valyuta gəlirlərimiz azalıb. Bundan başqa, pandemiyaya görə bir sıra kənd təsərrüfatı məhsullarının xaricə satışı da azalıb. Ona görə də xaricdən gələn valyuta gəlirlərimiz aşağı düşüb. Amma bizim xaricdən aldığımız mal və məhsulların səviyyəsi əsasən əvvəlki kimidir. O baxımdan belə kəsirin yaranması başa düşüləndir. 957,5 milyon dollar elə də ciddi rəqəm deyil. Fikrimcə, hətta kəsir bundan 2 dəfə çox olsa da problem olmaz".

"Ölkəyə xaricdən gələn valyutanı artırmaq üçün iqtisadiyyat şaxələndirilməli, neftdən asılılıq azaldılmalı, qeyri-neft sektoru inkişaf etdirilməlidir. Belə olmasa, bizdə neftdən başqa heç nə olmayacaq və neftin qiyməti düşən kimi bu cür problemlərlə üzləşəcəyik. Bu, o ölkələr üçün daha ağırdır ki, onlar bir resursdan asılıdırlar. Amma biz xaricə digər mal və məhsulları da çox sata bilsəydik, problem belə dərin olmaz idi", - deyə ekspert əlavə edib.

Qeyd edək ki, Mərkəzi Bankın məlumatına görə, xarici mühitin əlverişsiz olduğu bir şəraitdə, cari ilin 6 ayı üzrə tədiyə balansının əsas maddələri olan cari əməliyyatlar balansında (CƏB) 598,2 milyon dollar profisit, kapital və maliyyənin hərəkəti hesabında isə 956,4 milyon dollar kəsir yaranıb. Ehtiyat aktivləri 957,5 milyon dollar azalıb.

Bu dövrdə neftin orta qiyməti 41,9 dollar/barel olub, qeyri-neft ixracı isə 6,1 faiz azalıb. Hesabat dövründə cari əməliyyatlar balansının profisiti ötən ilin müvafiq dövrünə nəzərən 5,1 dəfə azalaraq 598,2 milyon dollar təşkil edib. Neft-qaz sektoru üzrə cari əməliyyatlar balansının profisiti illik ifadədə 1,9 dəfə (2,8 milyard dollar) azalaraq 3,3 milyard dollar, qeyri-neft sektoru üzrə kəsir isə 12,1 faiz (0,4 milyard dollar) azalaraq 2,7 milyard dollar olub. Nəticədə cari əməliyyatlar balansında neft-qaz sektorunun profisiti qeyri-neft sektorunun kəsirini tam örtüb. CƏB profisiti əsasən xarici ticarət balansının profisiti hesabına formalaşıb.

3634
Teqlər:
Azərbaycan Dövlət Neft Fondu, maliyyə məsələləri üzrə ekspert Əkrəm Həsənov, Əkrəm Həsənov, İqtisadçı ekspert Vüqar Bayramov, Vüqar Bayramov, tədiyyə balansı
Aleksey Navalnı, arxiv şəkli

Navalnının Rusiyaya qayıtmaq istəyi Almaniyanı çətin vəziyyətə salır

222
(Yenilənib 19:11 16.09.2020)
Aleksey Navalnı üçün pis xəbər ondan ibarətdir ki, onun Rusiyaya qayıdışı bu vəziyyəti yaratmış Berlin üçün xoşagəlməz nəticələr verə bilər.

BAKI, 16 sentyabr — Sputnik, İrina Alksnis. Aleksey Navalnı xəstəxanaya yerləşdirildikdən sonra sosial şəbəkələrdə ilk fotosunu paylaşıb və vəziyyətinin bütün müsbət dinamikası ilə yanaşı, hələ də qalan sağlamlıq problemləri haqqında yazıb.

Bazar ertəsi keçirilən mətbuat konfransında isə Almaniyanın Xarici İşlər naziri Hayko Maas blogerin "Noviçok" ilə zəhərlənməsi ilə bağlı əldə edilmiş nəticələrin tənqidini dayandırmağı tələb edib, çünki Fransa və İsveçdəki hansısa müstəqil laboratoriyalar Bundesver mütəxəssislərinin nəticələrini təsdiqləyib. "Hansısa" laboratoriyalar deyirik, çünki onlar haqqında məlumatlar da məxfiləşdirilib.

Çətin ki, nazirin istəyi gerçəkləşsin. Amma tam əks bir nəticə ehtimal olunur, çünki i̇ndi Aleksey Navalnı özü Almaniya hakimiyyətini çox pis vəziyyətə qoyub.

"The New York Times" qəzeti Almaniyanın təhlükəsizlik orqanlarının yüksək rütbəli nümayəndəsinə istinadən bildirib ki, Navalnı sağaldıqdan sonra Rusiyaya qayıtmaq və "fəaliyyətini davam etdirmək" niyyətindədir.

Əgər qəzetin bu insayder xəbəri həqiqətə uyğundursa, onda Navalnıya görə yalnız sevinmək olar, çünki belə bir arzu birmənalı şəkildə onun idraki funksiyalarının qaldığını göstərir — həkimlərin dediyinə zidd olaraq.

Son bir neçə onillik ərzində bir çox keçmiş ciddi ictimai-siyasi fiqur "qapını bərkdən çırparaq" Rusiyanı tərk edib. Nəticə həmişə eyni olub: onlar öz ictimai çəkilərini ildırım sürət ilə itirərək, mühacirlərin ümumi kütləsinə qarışıblar. Kremlin barışmaz əleyhdarları statusu ilə yanaşı, onlar həm də bu statusa bağlı olan maliyyə imkanlarını da itiriblər – rusiyalı müxalifətçilər arasında Mixail Xodorkovski kimi həqiqətən varlı insanlar azdır.

Nəticədə, onların indi edə bildikləri yeganə iş Praqada, Riqada və ya Londonda qaldıqları təvazökar mənzillərdən sosial şəbəkələrdə nifrət yağdırmaqdır. Buna görə də ildən-ilə "mən həmişəlik Rusiyanı tərk edirəm, qoy o mənsiz həlak olsun" mövzusu daha az və sakit səslənir.

Aleksey Navalnı üçün isə belə bir tale xüsusilə təhqiredici olardı. O, Rusiyanın ən məşhur müxalifətçisinə çevrilməklə yanaşı, həm də tərəfdarlarından maliyyə vəsaitlərinin toplanmasının son dərəcə səmərəli sistemini qurub. Bu, son illər ərzində onu çox sayda bonuslar və bahalı xarici kurortlarda müntəzəm ailə istirahətindən tutmuş, qızının Stenford Universitetində təhsil almasına qədər yüksək həyat səviyyəsi ilə təmin edib.

Heç də təəccüblü deyil ki, bloger "ağır zəhməti ilə" qazandığını itirmək istəmir.

Lakin elə bu məqamda Aleksey Navalnının şəxsi maraqları ilə Qərbin onun üçün yazdığı xəstəlik kağızı arasında prinsipial ziddiyyət yaranır. Almanlar tərəfindən qoyulan diaqnoz onun təhlükəsizlik baxımından vətənə dönməsini yolverilməz edir. Amma blogerin inadla geriyə doğru – az qala onu öldürmüş əjdahanın ağzına – can atması o deməkdir ki, Navalnı "Noviçok" ilə zəhərləndiyinə və Rusiya hakimiyyətinin onun həyatına təhlükə törətdiyinə inanmır.

Navalnı xəstəxanadan vətəninə epikriz ilə qayıtmalıdır. Almaniya tərəfi isə məlum olduğu kimi, Moskvaya onun diaqnozunu təsdiq edən istənilən məlumatı verməkdən imtina edir. Rusiya Baş Prokurorluğu almaniyalı həmkarlarına blogerin bütün xəstəlik tarixçəsi ilə bağlı yoxlama həyata keçirmək üçün növbəti sorğusunu göndərib, lakin Berlinin köməyinə ümid etməyə dəyməz.

Amma blogerin özü ilə "Şarite" klinikasından gətirəcəyi çıxarış Rusiyanın səlahiyyətli orqanlarına bir çox maraqlı məlumatlar verə bilər. Bir sözlə, Aleksey Navalnının Rusiyaya qayıtmaq istəyi almanları son dərəcə xoşagəlməz və çətin vəziyyətə qoyur, çünki onların bu həftə ərzində irəli sürdükləri iddiaları dağıda bilər.

Rusiyanın əsas müxalifətçisini bütün ailəsi ilə birlikdə könüllü olaraq şirin həyatını atmağa razı salmaq almanlar üçün son dərəcə çətin bir iş ola bilər. Lakin bloger üçün pis xəbər ondan ibarətdir ki, onun Rusiyaya qayıdışı bu vəziyyəti yaratmış Berlin üçün xoşagəlməz nəticələr verə bilər.

222
Teqlər:
qayıdış, Rusiya, problem, Almaniya, bloger, Aleksey Navalni
Əlaqədar
"Cəfəngiyyatdır!" – “Noviçok”un yaradıcısı zəhərin yeni növünü istisna edir
Rusiya Berlinin Navalnı ilə bağlı vəziyyətə yanaşmasını “qeyri-konstruktiv” sayır
Navalni komadan çıxarılıb
Alman siyasətçi Navalnının zəhərlənməsinin kimə fayda gətirdiyini izah edib
Almaniyada Aleksey Navalnıya xüsusi status verilib
Nüvə başlığı, arxiv şəkli

ABŞ rəsmisi: "Nüvə silahlarını Avropadan çıxarmayacağıq!"

0
(Yenilənib 21:22 20.09.2020)
Marşal Billinqsli: "Avropadan silahları çıxarmayacağıq, ancaq Rusiyanın bizimlə danışmaq istədiyi hər şeyi müzakirə etməyə hazırıq".

BAKI, 20 sentyabr — Sputnik. "ABŞ Rusiya ilə təklif olunan hər hansı bir mövzunu müzakirə etməyə hazırdır, lakin nüvə silahlarını Avropadan çıxarmayacaq".

Sputnik Azərbaycan RİA Novosti-yə istinadla xəbər verir ki, bunu ABŞ prezidentinin xüsusi elçisi Marşal Billinqsli "Kommersant" qəzetinə verdiyi müsahibəsində bildirib.

Jurnalist ABŞ-ın nüvə silahlarını Avropadan çıxarmağa hazır olub-olmadığını soruşduqda Billinqsli qəti cavab verib: "Xeyr, biz bunu etməyəcəyik. Ancaq Rusiyanın bizimlə danışmaq istədiyi hər şeyi müzakirə etməyə hazırıq. Hələ ki, biz Rusiya tərəfindən RƏM sistemi ilə bağlı heç bir konkret təklif görməmişik".

0