İsrail bayrağı, arxiv şəkli

İsraildə həyəcanlı anlar yaşanır, artıq 1.6 milyon vətəndaşın qərarı bəllidir

6202
(Yenilənib 17:17 11.04.2019)
Netanyahu ağır şərtlər altında növbəti dəfə siyasi çeviklik nümayiş etdirməyi bacarıb

Aleksandra Zuyeva, Sputnik Azərbaycan

BAKI, 11 aprel — Sputnik. İsrailin baş naziri Benyamin Netanyahu özü üçün çox ağır olan şərtlərdə siyasi çeviklik nümayiş etdirərək növbəti dəfə seçkilərdə qələbə qazanıb. Bunu israilli jurnalist Mixail Borodkin İsraildə keçirilən parlament seçkilərinin nəticələrini Sputnik Azərbaycan-a şərh edərkən deyib.

Hakim partiya "Likud" ölkənin baş naziri Benyamin Netanyahunun rəhbərliyi altında İsraildə keçirilən parlament seçkilərinin yekununda liderlik edir. Mərkəzi Seçki Komissiyasının məlumatına görə, 1 milyon 628 min 736 bülleten sayılandan sonra (səsvermə hüququ olan israillilərin təqribən dörddə biri) "Likud" səslərin 28,32%-ni, müxalifətçi mərkəzçi blok "Kahol-Lavan" isə 25,34%-ni qazanıb.

Borodkinin sözlərinə görə, 21-ci çağırış Knessetə seçkilərin nəticələri hələlik yekunlaşmayıb. Hələ adətən milli-dini düşərgəyə bir neçə mandat qazandıran hərbi qulluqçuların səsləri sayılmayıb. Bütün bunlara baxmayaraq, artıq Netanyahunun özü üçün çox ağır olan şərtlərdə siyasi çeviklik nümayiş etdirərək seçkilərdə qələbə qazandığını demək olar.

Jurnalistin fikrincə, seçkinin nəticəsi, hüquq müşavirinin işi məhkəməyə aparmaq, yoxsa Netanyahuya qarşı işi bağlamaq barədə qərarına təsir edə bilər. Çünki vətəndaşlar Netahyahunun ünvanına səsləndirilən, onları müflisləşdirdiyi, rüşvət aldığı barədə ittihamları bilə-bilə ona səs veriblər. Bu isə onu göstərir ki, ona qarşı qaldırılan ittihamlara ictimai marağın olmaması səbəbindən, Neyanyahu bu cinayət işinin bağlanmasını tələb edə bilər.

Qeyd edək ki, seçkilərə qırx gün qalmış İsrailin baş prokuroru Netanyahuya qarşı ələ alma, dələduzluq və xidməti vəzifədən sui-istifadə etməklə bağlı iddia qaldırmaq niyyətində olduğunu bəyan edib. Söhbət üç korrupsiya məsələsindən gedir. Onlarla bağlı məhkəmə bir neçə ay sonra başlayacaq. Müxalifət partiyaları bu səbəbdən baş nazirin istefasını tələb edib. Netanyahu özü bütün ittihamları rədd edərək siyasi təqibin qurbanı olduğunu deyib. 

"Bununla yanaşı, əgər hüquq müşaviri işi məhkəməyə göndərməyə qərar versə, erkən seçkilər indilik tamamilə gözlənilməz bir nəticə ilə yekunlaşacaq" - deyə Borodkin bildirib.

Sputnik Azərbaycan-ın həmsöhbətinin sözlərinə görə, seçkilər eyni zamanda kiçik sektoral partiyaların zəifləməsi hesabına iki əsas bir-birinə qarşı olan blokun genişlənməsinə və güclənməsinə səbəb olub. Hazırda Knessetdə ultra-ortodoksların mövcudluğu güclənib - 13 mandata qarşı 16 mandat. Və onlar növbəti koalisiyada hökumətdə əsas postları tutmağa iddia edən baş tərəfdaş olacaqlar.

Qəzzada İsrail tankı
© AP Photo / Tsafrir Abayov

Buna görə də, İsraildə bölünməyən din və dövlət münasibətləri ilə bağlı məsələlərdə gərginliyin artması gözlənilir. Lakin bununla belə, Şakedin seçicilər arasında yüksək şəxsi populyarlığına baxmayaraq, Naftali Bennet və Ayelet Şakedin rəhbərlik etdiyi "Yeni sağlar" partiyası dağıldı.

"Əksər proqnozlara rəğmən, Aviqdor Libermanın "Bizim evimiz İsrail" partiyası yeni Knessetə əminliklə keçib. Rusdilli repatriantların təmsil olunduğu partiyaya marağın hələ də qalması onu göstərir ki, "öz evi"nə geri dönmüş yəhudilər onların ayrıca partiyasının olmasını zəruri hesab edirlər. "Bizim evimiz İsrail"in repatriantların maraqlarını nə dərəcədə müdafiə etdiyi isə ayrı söhbətin mövzusudur" - deyə jurnalist bildirib.

Özünü Netanyahu hökumətinə bir alternativ olaraq yerləşdirməyə iddiaçı olan üç generalın və onlara qatılan Lapidin rəhbərlik etdiyi yeni "Kahol-Lavan" bloku öz koalisiyasını formalaşdıra bilmir. Baxmayaraq ki, "yenilikçi" effekti hesabına təsirli sayda mandat qazanmağa nail olub. Tamamailə mümkündür ki, yaxın gələcəkdə bu blok dağılsın və onun deputatlarının bəziləri Netanyahu koalisiyasına qoşulsun. Borodkin daha əvvəllər də belə halların olduğunu xatırladıb.

Onun fikrincə, digər bir vacib məqam israillilərin seçki kampaniyası dövründə və seçkilər günü fərqli mövqe ortaya qoyması ilə bağlıdır: "Seçkiarası dövrdə onlar sosial-iqtisadi tələblərlə nümayişə çıxmağa, evlərin, avtomobillərin, elektrik məhsullarının və s. yüksək qiymətlərinə etiraz etməyə hazırdırlar. Lakin seçki günü iqtisadiyyatı kənara qoyaraq təhlükəsizliyi və xarici siyasəti prioritet elan edən partiyaya səs verirlər".

Maliyyə nazirinin "Kulanu" partiyası növbəti dəfə belə münasibətlə qarşılaşıb. Nazir Moşe Kahlon dörd il ərzində sosial-iqtisadi sahədə obyektiv uğurlara nail olub. Lakin seçkilərdə heç kəs ona buna görə "sağ ol" deməyib. Əvəzində o, ötən Knessetdəki 10 yer əvəzinə bu dəfə 4 yer qazanıb. Borodkin hesab edir ki, bu, sosial-demokratik partiyalar olan "Avoda" və "Meretz"in tam uğursuzluğu ilə əlaqədardır.

6202
Teqlər:
partiya, səs, seçici, seçki, Benyamin Netanyahu, baş nazir, İsrail
Əlaqədar
İsrail Suriyanı bombalayıb - VİDEO
İsraildə parlament seçkiləri – Netanyahu yenə qalib gəldi
İsrail hücum üçün qoşun toplayır
Su-57, arxiv şəkli

Sarsıdıcı inteqrasiya: Su 57 qırıcısı "Oxotnik" PUA-sı gücünü birləşdirir

23
(Yenilənib 21:48 04.12.2020)
Su-57-nin bəzi texnoloji xüsusiyyətləri Amerikanın beşinci nəsil qırıcıları, xüsusən də F-22 Raptor üçün tamamilə əlçatmazdır. Qırıcılarda süni intellekt döyüş nəzarət sisteminə inteqrasiya olunur ki, bu da hərb elmində bir inqilabdır.

BAKI, 4 dekabr — Sputnik, Aleksandr Xrolenko, hərbi şərhçi. Beşinci nəsil Su-57 aviasiya kompleksinin ilk buraxılışından 76 qırıcı-təyyarə dekabr ayında Rusiya Aerokosmik Qüvvələrinin döyüş xəttində öz yerini tutacaq. Hazırda poliqonda yüksək hündürlükdəki hədəfləri ələ keçirmək və məhv etmək üçün nəzərdə tutulan alqoritmləri mənimsəyən süni intellektlə idarə olunan pilotsuz təyyarə – "Oxotnik" S-70 də tezliklə havaya qalxacaq.

Bir qədər bundan əvvəl Rusiya Federasiyası Müdafiə Nazirliyindən bildirilmişdi ki, ilin sonuna kimi Rusiya Aerokosmik Qüvvələrinə beşinci nəsil Su-57-in ilk buraxılışından olan döyüş təyyarəsi veriləcək. Təyyarə demək olar ki hazırdır. Gələcəkdə istehsal həcmi illik 15 ədədə qədər artırılacaq və ümumilikdə 2021-2027-ci illər ərzində üç aviasiya alayının təchiz edilməsi üçün 76 ədəd Su-57 tədarük ediləcək.

İlk partiya qırıcı-təyyarələr birinci mərhələ mühərriki ilə buraxılır, 2025-ci ildən isə ikinci mərhələ mühərriki ilə təyyarələrin istehsalına başlanılacaq. Hər bir halda, günü bu gün də Su-57 dünyanın ən mükəmməl və güclü qırıcılarından biri hesab olunur.

Rusiyanın beşinci nəsil təyyarəsi hər növ hava, yer və yerüstü hədəfləri məhv etməyə qadirdir. Forsajsız super manevr və səsdən yüksək sürət imkanının birləşməsi, eləcə də göyərtəsinin elektron cihazlar kompleksi ilə təchizatı və tez nəzərə çarpmaması Su-57-yə yüksək döyüş effektivliyi və düşmən üzərində üstünlük əldə etmək fürsəti verir. "Military Watch Magazine"nin məlumatına görə, bu təyyarələr öz xüsusiyyətləri baxımından bənzərsizdir. Bura həssas radarlar, 400 km mənzilli hipersəsli "hava-hava" raketləri, düşmən raketlərinə qarşı lazer müdafiə sistemi və digər yüksək texnoloji üstünlüklər aiddir.

Bir qədər bundan əvvəl beşinci nəsil qırıcıları ilə bağlı geniş çeşidli aviasiya silahlarına (raket) dair böyük bir müqavilədən bəhs olunmuşdu. Yəni, Su-57-nin "boş" uçmayacağı artıq məlumdur. Beləliklə, Su-57 ağır pilotsuz təyyarələrlə birgə havadan idarə olunan döyüş komandanlığı mərkəzinə çevriləcək. İki yüksək texnologiyalı yeniliyin birgə fəaliyyətinin hansı döyüş effekti yaradacağını təsəvvür etmək çətin deyil.

Döyüş üstünlüyü

Yeni qırıcı-təyyarələr Suriyadakı rus qoşunlarının qruplaşması tərkibində sınaqdan keçirilib. Uçuş-texniki xüsusiyyətlərinin, intellektual informasiya idarəetmə kompleksinin, silahların və bütün göyərtə sisteminin yoxlanılması üçün təyyarələr ondan çox uçuş həyata keçirib.

Su-57-nin bəzi texnoloji xüsusiyyətləri Amerikanın beşinci nəsil qırıcıları, xüsusən də F-22 Raptor üçün tamamilə əlçatmazdır. Süni intellekt döyüş nəzarət sisteminə inteqrasiya olunur ki, bu da hərb elmində bir inqilabdır.

Pilotlu Su-57 qırıcısı avtomatik rejimdə tapşırıqların 90%-ni yerinə yetirə bilər və hətta əvvəlcədən hazırlanmış bir proqrama uyğun olaraq tam avtomatik rejimdə də işləmək imkanına malikdir. Pilot döyüşdə yaralanarsa (və ya öldürülərsə), idarəetmə sistemi müstəqil şəkildə prioritet hədəfləri təyin edir, vurur və həm təyyarənin, həm də pilotun bazaya qayıtmasını təmin edir.

Su-57 nəhəng ixrac potensialına malikdir və hətta yeni seriyadan olan təyyarələr satışa çıxarılmamışdan əvvəl xarici müştərilər bu qırıcılar üçün növbəyə düzülüb. Beşinci nəsil rus qırıcısının ilk sahibi, regional qonşularının hərbi hava qüvvələrinin güclənməsi fonunda 14 təyyarə sifariş edən Əlcəzair olacaq. Müqavilə qiyməti 2 milyard dollardır. Tədarükün 2025-ci ilə qədər yekunlaşması planlaşdırılır.

Zərbə əlaqəsi

Dekabrın 2-də S-70 "Oxotnik" zərbə dronu Aşuluq poliqonunda baş tutan raket hücumu imitasiyasında sınaqdan keçirilib. PUA-ların radioelektron sistemlərinin raket idarəetmə kompleksi və aparıcı Su-57 təyyarəsi ilə inteqrasiyası yoxlanılıb. Beləliklə, "Oxotnik" dünyada ilk pilotsuz qırıcı-təyyarə olmağı vəd edir. Təlim mərhələsində PUA hava vəziyyəti və hədəflərlə bağlı bütün məlumatları yerdən və ya aparıcı qırıcı-təyyarədən alacaq. Gələcəkdə avtonom döyüş istifadəsi də mümkündür.

Bir ağır PUA öz "intellekti" və qabiliyyəti sayəsində altı min tondan çox raket və bombanı 5000 km məsafəyə qədər çatdıra bilər. Beləliklə, "Oxotnik" PUA-sının Su-57 qırıcısı ilə sarsıdıcı ittifaqı ən yüksək texnoloji gücə sahib düşmənə belə aman verməyəcək. Rusiyanın Pavel Suxoy adına Sınaq Konstruksiya Bürosunun istehsalı olan az nəzərəçarpan "Oxotnik" dronu Rusiya Aerokosmik Qüvvələrinin zərb funksiyasına malik ilk ağır dronu olacaq. Açıq mənbələrin məlumatına görə, PUA-nın uzunluğu 19 metr, qanadlarının uzunluğu 14 metr, uçuş ağırlığı 20 ton, saatda maksimum sürəti isə təxminən 1000 kilometrdir.

"Oxotnik" PUA-sı təxminən 20 dəqiqəlik ilk uçuşunu 2019-cu ilin yayında həyata keçirib. Dron havada möhkəm dayanaraq qənaətbəxş şəkildə idarə olunub. Həmin ilin payız aylarında isə "Oxotnik" dronu ilə Su-57 qırıcısının birgə uçuşu baş tutub. Ağır dronun döyüş imkanları və muxtar idarəetmə qabiliyyəti daim inkişaf etdirilərək 2020-ci ildə nəzərəçarpacaq texnoloji təkamül səviyyəsinə çatdırılıb. Yaxın perspektivdə "Oxotnik"in müxtəlif şəraitdə hava, yerüstü və sualtı hədəflərə zərbə vurma imkanları da təkmilləşdiriləcək. Qeyd edək ki, indiyə kimi heç bir ölkə PUA-larla inteqrasiya olunmuş qırıcı-təyyarələrə sahib deyil, odur ki indi Rusiyanın "tərəfdaşları" qəzəbdən zəncir çeynəyir desək, yəqin ki, yanılmarıq...

23
S-300,arxiv şəkli

Axı silah öz-özünə atəş aça bilməz

50
(Yenilənib 20:55 03.12.2020)
Hərbi şərhçinin sözlərinə görə, ermənilər səriştəsizlikləri ucbatından Rusiyadan aldıqları silahlardan istifadə edə bilməyiblər

BAKI, 3 dekabr — Sputnik. Aleksandr Xrolenko, hərbi şərhçi. Dağlıq Qarabağdakı döyüş əməliyyatları vaxtı ekspertlər arasında və media məkanında ermənilərin əldə etdikləri Rusiya istehsalı olan silahların effektivliyi barədə geniş müzakirələr aparıldı. Sputnik erməni məğlubiyyətinin səbəbinin həmin silahlar, yoxsa kadr hazırlığı və müdafiənin təşkili ilə bağlı olub-olmadığını araşdırıb.

Bu gün erməni tərəfinin məğlubiyyətini "yararsız" Su-30-SM qırıcıları, "zəif görən" S-300 zenit-raket kompleksləri, "effektsiz" elektron döyüş sistemləri və Rusiyanın "nasaz" tankları ilə əsaslandırmaq cəhdləri var. Sanki erməni tərəfi üçüncü ölkələrdən heç vaxt silah almayıb (məsələn, Hindistandan Swathi radarları) və yaxud Azərbaycan qoşunları yalnız İsrail və Türkiyədə istehsal olunmuş hərbi texnika ilə (məsələn, "Bayraktar") silahlanıbmış və müharibədə "böyük dönüş" də məhz onların vasitəsilə əldə olunub. Ümumi müzakirə: Qarabağ münaqişəsi Rusiyanın müttəfiqlərinə və tərəfdaşlarına silah tədarükünü korreksiya edəcək. Bu cür düşüncələrin dayanıqlı sxemləri hərbi-siyasi rəhbərliyin strateji səhvlərini və dünya silah bazarında sərt rəqabəti pərdələyir. Gerçəkliyə qayıtmaq daha məqsədəuyğundur.

Moskva Ermənistana bir neçə dəfə hərbi kredit verdi. Bundan sonra hərbi quruculuğun davam etdirilməsi məsələsi Ermənistan tərəfinin öz işidir.

Rusiya istehsalı olan S-300 Zenit-Raket Kompleksi Qarabağdakı döyüşlərə cəlb olunmuşdu və Ermənistanın etibarlı (eşelonlaşdırılmış) hava hücumundan müdafiə sisteminin olmaması səbəbindən zərər gördü. 40 milyon dollar qiyməti olan Hindistan istehsalı Swathi radarlarının fəaliyyəti isə ümumiyyətlə hiss olunmadı. Halbuki reklam annotasiyalarına əsasən, bu qurğular 20 kilometrə qədər minaatanlardan, 30 kilometrə qədər toplardan və 40 kilometrə qədər raketlərdən açılan atəşi müəyyən etməli idi. Özü də guya hər qurğu eyni vaxtda 7 hədəfi izləmək qabiliyyətinə malik idi.

Bəlkə də, ermənilər bu radarlardan düzgün istifadə edə bilməyiblər. Yəqin ki, erməni mütəxəssislərin hazırlıq səviyyəsi Rusiya istehsalı olan hərbi texnikanın istismarında da həlledici rol oynayıb. Axı silah öz-özünə atəş aça bilməz, ondan baş çıxaran mütəxəssis də olmalıdır. Və aydın məsələdir ki, başıpozuqluq, təkəbbür hərbi işlərdə qətiyyən yolverilməzdir.

Hərbi itkilər və qənimətlər

Dekabrın 1-də Azərbaycan Prezidenti İlham Əliyev xalqa müraciətində erməni tərəfinin hərbi itkiləri barədə ətraflı məlumat verdi. Onun açıqladığı uzun siyahıda məhv edilən və qənimət kimi ələ keçirilən yüzlərlə müxtəlif növ hərbi texnikadan söhbət gedirdi. Azərbaycan Prezidenti raket kompleksləri, reaktiv yaylım atəşi sistemləri, tanklar və elektron müharibə qurğularından da bəhs etdi. Bu rəqəmlərə müxtəlif cür yanaşmaq olar, ancaq mövcud durumda (7 rayonun qaytarılmasından sonra) prezidentin həmin rəqəmləri şişirtməsi üçün heç bir əsası yox idi.

Bu məqamda təbii olaraq Dağlıq Qarabağda 44 gün davam edən döyüşlər zamanı erməni qruplaşmalarının hərbi təşkilatlanma səviyyəsi ilə bağlı sual ortaya çıxır. Erməni qoşunlarının çox sayda texnikasının məhv edilməsi hərbi qarşıdurmanın şiddəti ilə izah edilə bilər, amma hər bir halda döyüş meydanında tərk edilən 79 tank, 47 piyadaların döyüş maşını, 104 artilleriya qurğusu (top və minaatan), 5 "Şilka" zenit qurğusu, 93 xüsusi texnika, 270 yük maşını (böyük ehtimalla bu hərbi qənimətlər dövlət başçısının sözlərinin sübutu kimi Bakıda nümayiş olunacaq) heyrət doğurur. Ermənilərin elə təkcə döyüş meydanında atıb qaçdıqları 79 döyüş qabiliyyətli tank 2,5 silahlı tank batalyonu deməkdir ki, bu da həm hücumda, həm də müdafiədə böyük güc hesab oluna bilər.

Fikrimizcə, erməni tərəfinin görünməmiş "əliaçıqlığının" yalnız iki izahı ola bilər: ya hərbi texnika kütləvi (planlaşdırılmayan) geri çəkilmə zamanı tərk edilib, ya da həmin tanklar sadəcə olaraq, yanacaqla təchiz edilmədiyindən irəli gedə bilməyiblər ki, bu da birbaşa Ermənistan ordusundakı maddi-texniki problemlərdən xəbər verir.

Hər bir halda, baş verənlərdən nəticə çıxarmaq lazımdır, ancaq bu artıq Ermənistan baş qərargahının və hərbi-siyasi rəhbərliyinin səlahiyyətində olan məsələdir.

50
Teqlər:
hərbçilər, Rusiya, Ermənistan, silahlar, Azərbaycan, Qarabag
Biznes  ledi

İllərin sənətçisi yeni biznesə başlayıb

0
(Yenilənib 23:45 04.12.2020)
Sayan istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb

BAKI, 4 dekabr — Sputnik. Türkiyəli müğənni Seda Sayan yeni biznesə başlayıb.

Sputnik Azərbaycan xəbər verir ki, sənətçi öz adı ilə istehsal olunan ətirli kolonyanı satışa çıxarmağa hazırlaşır.

View this post on Instagram

A post shared by Seda Sayan (@sedasayan)

Artıq Seda məhsullarla çəkdirdiyi fotosunu özünün "Instagram" səhifəsində paylaşıb. O, istehsalına yenicə başladıqları məhsul haqqında məlumat da verib. Müğənninin bildirdiyinə görə, sözügedən odekolon öd ağacından hazırlanıb. Qeyd edək ki, kolonya qutusunun üzərində Seda Sayanın şəkli yer alıb.

0