Keçmiş Müdafiə Sənayesi Nazirliyinin binası

Yeni qurum yeni ümidlər yaradıb - Yüz milyonlarla gəlir əldə edəcəyik

9076
(Yenilənib 17:48 15.01.2019)
Hərbi ekspert: ""Azərsilah" ASC Azərbaycan iqtisadiyyatına yüz milyonlar gətirəcək"

Eldar Tanrıverdiyev, Sputnik Azərbaycan

BAKI, 16 yanvar — Sputnik. Xəbər verdiyimiz kimi, Azərbaycan Respublikasının Prezidenti İlham Əliyev yanvarın 14-də "Azərsilah" Açıq Səhmdar Cəmiyyətinin (ASC) yaradılmasına dair fərman imzalayıb. Fərmana əsasən, ölkədə dövlət idarəetmə strukturunu optimallaşdırmaq, müdafiə sənayesinin inkişafının dayanıqlılığını təmin etmək, bu sahədə idarəetmə mexanizmlərini daha təkmilləşdirmək, habelə sənayeləşmənin yeni mərhələsində mövcud potensialdan səmərəli istifadə etməklə Azərbaycanın regionda silah istehsal edən əsas sənaye mərkəzlərindən birinə çevrilməsinə nail olmaq məqsədilə Müdafiə Sənayesi Nazirliyinin əsasında "Azərsilah" ASC yaradılır.

Sənədə əsasən, Cəmiyyətin qabaqcıl texnologiyaları tətbiq etməklə Azərbaycanda silah istehsalını, ixracını, onların ölkə daxilində və xaricdə satışının təşkilini həyata keçirən, müasir menecment və korporativ idarəetmə standartları əsasında tabeliyində olan müəssisələrin fəaliyyətinin əlaqələndirilməsini və bu sahənin inkişafı ilə bağlı digər işləri yerinə yetirən kommersiya hüquqi şəxs olduğu müəyyən edilib.

Yeniliyi Sputnik Azərbaycan-a şərh edən hərbi ekspert Rəşad Süleymanovun sözlərinə görə. Müdafiə Sənayesi Nazirliyinin strukturunun dəyişdirilməsi və "Azərsilah" ASC-nin yaradılmasında məqsəd ağır və mərkəzi aparatı olan strukturu çevik, dünya bazarlarında proseslərə reaksiya verə və müdaxilə edə bilən, işlək və mütərəqqi layihələrə açıq bir struktura çevirməkdir: ""Azərsilah" ASC artıq Azərbaycan iqtisadiyyatına valyuta gətirə biləcək bir struktura çevrilə bilər. Bildiyim qədər, bununla bağlı işlər bir müddət idi ki, nəzərdən keçirilirdi".

"Daha əvvəl Müdafiə Sənayesi Nazirliyinin də müəssisələrinin səhmdar cəmiyyətlərə çevrilməsi məsələsi gündəmdə idi. Cənab Prezidentin ölkədə aparılan struktur dəyişiklikləri çərçivəsində atdığı addım təqdirəlayiqdir. Çünki, dünyada müdafiə sənayesi məhsulları, əsasən biznes strukturlarıdır. Burada biznes, kommersiya qaydaları keçərlidir və istənilən struktur qəbul olunan qaydalar üzərində fəaliyyət göstərməlidir" - deyə R.Süleymanov bildirib.

Hərbi ekspert vurğulayıb ki, Azərbaycan kiçik bir dövlətdir və onun müdafiə sənayesi məhsullarına ehtiyacı o qədər də böyük deyil: "Lakin dünyada hərbi sahədə Azərbaycan məhsullarına çox böyük tələbat var. Bu qlobal bazarda isə istənilən istehsalçı qısa bir zamanda özünə yer tapa bilmirsə, tələbləri qısa zamanda qarşılaya bilmirsə, onun yerini dərhal digər istehsalçılar, oyunçular tutur".

Müsahibimizin fikrincə, Müdafiə Sənayesi Nazirliyi bu proseslərə o qədər də çevik reaksiya verə bilmirdi: "Lakin düşünürəm ki, "Azərsilah" ASC bu sahədə daha çevik olacaq. Çünki, yeni yaradılan qurum öz-özünü maliyyələşdirməli və dövlətin iqtisadiyyatına vəsait gətirməlidir".

Süleymanov Müdafiə Sənayesi Nazirliyinin tərkibində olan müəssisələrin "Azərsilah" ASC-nin tərkibində şirkətlər olaraq fəaliyyət göstərəcəyini düşünür: "Bu şirkətlərin xarici korporasiyalarla birgə layihələr həyata keçirəcəyini, əməkdaşlıq edəcəyini proqnozlaşdırmıram. Azərbaycan təcrübəsində buna dair bir neçə nümunə var və bu nümunələr olduqca effektiv olub. "Azərsilah" ASC-nin formalaşasından sonra onun tərkibində olan zavodlarda da struktur dəyişiklikləri olacaq. Nazirlikdə əgər hər idarədə onlarla adam işləyirdisə, indi ixtisarlar olacaq, kadr dəyişiklikləri olacaq, idarəçilik optimallaşdırlacaq".

Mütəxəssis, "Azərsilah" ASC-nin yalnız keçmiş Müdafiə Sənayesi Nazirliyinin müəssisələri ilə əməkdaşlıq və onların məhsullarının satışı ilə kifayətlənməmə olduğu qənaətindədir: "Azərbaycanda müdafiə sənayesi sahəsində fəaliyyət göstərən özəl şirkətlər də var. "Azərsilah" ASC Rusiyanın "Rosoboroneksport" şirkəti kimi şirkətlərin məhsullarını da öz üzərindən həyata keçirə bilər. Bu isə Azərbaycanda bu sahədə vahid ixrac mexanizminin yaradılması ilə nəticələnə bilər".

Rəşad Süleymanov vurğulayıb ki, ümumilikdə ötən il Müdafiə Sənayesi Nazirliyinin xaricə ixracının həcmi 100 milyon dolları keçib: "Ötən il neft sektorundan sonra Azərbaycan iqtisadiyyatına valyuta gətirən ikinci sahə müdafiə sənayesi sahəsi olub. Struktur islahatının həyata keçirilməsi, qurumun fəaliyyətinin optimallaşdırılması, eləcədə bu sahədə özəl sektor üçün stimullaşdırıcı addımların atılması yaxın 5-10 ildə bu sahədən gələn gəlirlərin 5-6 dəfə artımı ilə nəticələnə bilər".

O, həmçinin qeyd edib ki, hazırda bir sıra xarici şirkətlər müdafiə sənayesi sahəsində həm Azərbaycanın dövlət, həm də özəl müəssisələri ilə layihələr həyata keçirir: "Bura müxtəlif dronların, müxtəlif təlim-tədris sistemlərinin, poliqon avadanlıqlarının yaradılması, hərbi texnikanın, zirehli jiletlərin, hərbi texnikalar üçün akkumulyatorların yaradılması layihələri daxildir. Biz bunun nəticələrini yaxın aylarda görəcəyik".

Ehtiyatda olan polkovnik, uğurlu Horadiz əməliyyatının komandiri Şair Ramaldanov da Sputnik Azərbaycan-a şərhində sözügedən struktur islahatını müsbət qiymətləndirib: "Bu, bütün dünyada geniş tətbiq olunan praktikadır. Azərbaycanın da hərbi sənayesi, onun potensialı getdikcə genişlənir. Azərbaycanın istehsal etdiyi hərbi məhsullar beynəlxalq sərgilərdə iştirak edir, şirkətlərimiz xarici ölkələrdən sifarişlər alır".

Onun fikrincə, "Azərsilah" ASC-nın yaradılmasında məqsəd hərbi sənaye sahəsində işlərin daha da təkmilləşdirilməsi, keyfiyyətinin artırılması və işin daha da məqsədyönlü şəkildə idarə edilməsini təmin etməkdir.

"Azərbaycan Türkiyə və İsrailə ilə bir neçə istiqamətdə birgə fəaliyyət göstərir. Bura Pilotsuz Uçuş Aparatı (PUA) və optik cihazların istehsalı daxildir. Yeni yaradılan qurum isə bu istiqamətdə işlərin daha da sürətlənməsinə səbəb olacaq. Azərbaycanın hərbi saniyəsinin imkanları daha da genişlənəcək, istehsal etdiyimiz məhsullar beynəlxalq arenaya çıxaraq özünəməxsus yer tutacaq".

9076
Teqlər:
silah, ekspert, islahat, struktur, "Azərsilah" Açıq Səhmdar Cəmiyyətinin (ASC), Müdafiə Sənayesi Nazirliyi, İlham Əliyev, prezident, Azərbaycan
Əlaqədar
Türkiyə-İran sərhədində silahlı qarşıdurma: Ölən və yaralananlar var
Nardaran sakinindən silah götürülüb
Silahlı Qüvvələrin Baş Qərargah rəisi NATO toplantısında iştirak edəcək
Azərbaycanın ilk dəfə nümayiş olunan müasir silahları və hərbi texnikası - FOTOLENT
Ağ Ev

Dünyanın sonuna doğru addım. Strateji silahlarla bağlı sazişin bitməsi necə nəticələnəcək

20
Ağ Ev, güman ki, strateji hücum silahlarının azaldılması ilə bağlı müqaviləni (SHS-3) uzatmayacaq. Bu, iki nüvə fövqəldövləti – ABŞ və Rusiyanın hərbi gücünü məhdudlaşdıran son sənəddir.

BAKI, 14 iyul — Sputnik. Andrey Kots. Rusiyanın Xarici İşlər naziri Sergey Lavrovun sözlərinə görə, Ağ Evdə, güman ki, strateji hücum silahlarının azaldılması ilə bağlı müqaviləni (SHS-3) uzatmamaq qərarına gəliblər. Bu, iki nüvə fövqəldövlətinin hərbi gücünü məhdudlaşdıran son sənəddir. Beynəlxalq təhlükəsizlik sisteminin dağılması dünyanı necə təhdid edir? Ətraflı RİA Novosti-nin materialında.

Çini də qoşmaq

Jurnalistlərlə söhbətində XİN başçısı vurğulayıb ki, SHS-3 sazişinin uzadılmamasına görə təlaşa düşmək lazım deyil – Rusiya, hətta bu sazişsiz də təhlükəsizliyini təmin etmək iqtidarındadır. Lakin bu saziş çox vacib idi. SHS-3 sazişi 2010-cu il aprelin 8-də Rusiya və ABŞ prezidentləri Dmitri Medvedev və Barak Obama tərəfindən imzalanıb. Sənəd 2011-ci ilin fevralında qüvvəyə minib və 2021-ci ildə qüvvədən düşür.

Müqavilə Rusiya və ABŞ arsenallarında nüvə döyüş başlıqlarının 1550-yə qədər, qitələrarası ballistik raketlərin, sualtı qayıqların və ağır bombardmançıların ballistik raketlərinin 700-ə qədər azaldılmasını nəzərdə tuturdu. SHS-3 sazişi ondan əvvəlki SHS-1 müqaviləsinin sona çatmasından bir il sonra imzalanıb. 2010-cu illərin birinci yarısında SHS-3 sazişinin uzadılmasına çox az adam şübhə edirdisə, Donald Trampın Ağ Evə gəlişindən sonra vəziyyət kəskin şəkildə dəyişib.

Amerika lideri Çinin də SHS-3 müqaviləsində iştirakını sazişin gələcək mövcudluğunun əsas şərtlərindən biri kimi göstərib. Çin Xarici İşlər Nazirliyinin silahlara nəzarət departamentinin direktoru Fu Tsun bunun yalnız iki halda mümkün olduğunu açıqlayıb: Çin nüvə arsenalını ABŞ arsenalının səviyyəsinə qaldırarsa və ya Vaşinqton öz arsenallarını ixtisar edərsə. Pekin üçün digər variantlar qəbuledilməzdir, çünki strateji potensialdakı böyük fərq nəzərə alınmır.

Vaşinqtonun irəli sürdüyü daha bir şərt Moskvanı qane etmir. İyulun əvvəlində ABŞ prezidentinin silahlara nəzarət məsələləri üzrə xüsusi nümayəndəsi Marşal Bilinqsli "Burevestnik" raketlərinin və "Poseydon" dronlarının layihələrini "dəhşətli" adlandırıb və onların SHS-3 sazişi ilə məhdudlaşdırıla bilmədiyindən bu layihələri bağlamağa çağırıb. Amerikalılar bundan əvvəl də yeni Rusiya silahlarının, o cümlədən, qeyri-nüvə hypersəs "Sirkon" raketlərinin məhdudlaşdırılmasında israr ediblər.

"Bu, yalnız onu göstərir ki, ABŞ-ın dünya liderliyini qorumaq üçün nüvə şantajından başqa vasitəsi qalmır", - hərbi elmlər doktoru Konstantin Sivkov RİA Novosti-yə izah edib.

"İqtisadi cəhətdən onlar artıq bəzi istiqamətlər üzrə Çindən, bir sıra hərbi texnologiyalarda isə (məsələn, hipersəs silahlarda) Rusiyadan geri qalırlar. Buna görə də bizi qabaqcıl texnologiyalardan imtina etməyə təşviq etməyə çalışırlar. Biz bu tələyə düşməməliyik", - Sivkov deyib.

Güzəştsiz mövqe

Lavrov vurğulayıb ki, Rusiya ABŞ-dan müqaviləni uzatmağı xahiş etməyəcək. Hərçənd Moskva həmişə müəyyən güzəştlərə getməyə hazır olub. Nazir qeyd edib ki, Rusiyanın ən yeni strateji sistemlərinin sayının SHS-3 çərçivəsində məhdudlaşdırılması imkanı amerikalılarla müzakirə edilib. Söhbət "Avanqard" hipersəs döyüş bloklarından və "Sarmat" ağır qitələrarası ballistik raketlərdən gedir.

"Digər üç sistem isə (qanadlı "Burevestnik" raketi, "Poseydon" sualtı dronu və hypersəs "Sirkon" raketi - red.) yenidirlər. Onlar SHS-3 müqaviləsinin əhatə etdiyi kateqoriyalara uyğun deyillər. Amma biz hazırkı razılaşma baxımından klassik olmayan silahların da müzakirə mövzusu olmasına dair söhbətə başlamağa hazırıq", – Lavrov bildirib.

Amma ABŞ-ın cavab güzəştlərinə gedəcəyi ehtimalı azdır. Vaşinqton dəfələrlə güzəştsiz fikirlər səsləndirib: "Ya siz bizim şərtlərimizə qeyd-şərtsiz razılıq verirsiniz, ya da biz müqavilədən çıxırıq".

Belə çıxır ki, nə Rusiya, nə də Çin öz milli maraqlarını nəzərə almadan amerikalıların iddialarına razılaşmaq fikrində deyillər. Mütəxəssislərin fikrincə, SHS-3 müqaviləsinin uzadılması şansı azdır. Bu isə o deməkdir ki, bütün beynəlxalq təhlükəsizlik sistemi tamamilə dəyişəcək.

Keyfiyyət əvəzinə kəmiyyət

"Əgər hərbi sahədə beynəlxalq təhlükəsizlik sistemindən danışırıqsa, etiraf etmək lazımdır ki, bu sistem artıq yoxdur. Bu sistem SSRİ və ABŞ, daha sonra Rusiya və ABŞ arasında razılaşmalara əsaslanırdı. Soyuq müharibənin kəskin münaqişəli vəziyyətlərində hərtərəfli nizamlanan bu sistem Vaşinqtonun təşəbbüsü ilə dağıdılıb", - Rusiyanın "Vətən Arsenalı" jurnalının baş redaktoru Viktor Muraxovski vurğulayır.

Ekspert deyib ki, hələlik qüvvədə olan SHS-3 ilə yanaşı yalnız Raket texnologiyalarına nəzarət rejimi haqqında Müqavilə qalır. Lakin amerikalılar bu sənədi də dəyişməyə çalışırlar. İyunda "Reuters" agentliyi ABŞ hərbi-sənaye kompleksindəki və ölkə rəhbərliyindəki mənbələrə istinadən xəbər verib ki, Ağ Ev müqavilənin müddəalarına yenidən baxmaq və müxtəlif ölkələrə daha çox hərbi pilotsuz uçan aparatlar satmaq niyyətindədir. Bu, çətin ki, sazişin digər iştirakçılarını razı salsın.

"Təəssüflə qeyd etmək olar ki, indi hər şeyi yenidən qurmaq lazım olacaq. Prezidentimiz artıq BMT Təhlükəsizlik Şurasının beş daimi üzvünün bu məsələnin müzakirəsi üçün görüşməsi təşəbbüsü ilə çıxış edib. Lakin Vaşinqton və Londonun siyasəti və mövqeyi göstərir ki, bu təşəbbüsün perspektivləri minimaldır", - Muraxovski qeyd edib.

Ekspert Rusiya və ABŞ arasında yeni silahlanma yarışının kəmiyyət baxımından olacağını hesab etmir. Lakin strateji silahlar sahəsində texnoloji üstünlük uğrunda mübarizə qızmar olacaq.

20
Aydın Mirzəzadə

Millət vəkili: “Azərbaycan koronavirus pandemiyasına operativ reaksiya göstərdi”

70
(Yenilənib 22:23 11.07.2020)
Milli Məclisin deputatı Aydın Mirzəzadə deyir ki, prezident İlham Əliyevin yürütdüyü siyasət ölkəmizdə bu problemin həll olunmasına və ölkəmizin milli maraqlarının qorunmasına xidmət edir
Aydın Mirzəzadə: “Bu gün aparılan siyasət yoluxmanın qarşısını almağa yönəlib”

Hətta çətin bir dövrdə biz 30-dan çox ölkəyə yardım göstərmişik və düz etmişik. Bunu Prezident İlham Əliyev iyulun 6-da Bakının Xətai rayonunda Fövqəladə Hallar Nazirliyinin Tibb Mərkəzinin koronaviruslu xəstələrin müalicəsi üçün nəzərdə tutulan modul tipli hospitalı ilə tanışlıqdan sonra Azərbaycan Televiziyasına, İctimai Televiziyaya və “Xəzər” Televiziyasına müsahibəsi zamanı deyib.

Milli Məclisin deputatı Aydın Mirzəzadə Sputnik Azərbaycan-a deyir ki, Azərbaycan koronavirus pandemiyası vaxtı operativ reaksiya göstərən ölkələrdən biridir:

“Hər bir ölə resurslarına uyğun olaraq mübarizə aparmağa çalışır. Ölkəmizdə görülən tədbirlərin nəticəsi olaraq xəstələnənlərin sayının müəyyən sayda saxlamaq mümkün olur və artımın qarşısı alınır. Bu gün aparılan siyasət artımın qarşısını almağa yönəlib. Aparılan siyasət həm daxildəki problemin həllinə, həm də dost ölkələrə yardımlar edilməsinə imkan verir. Prezident İlham Əliyevin yürütdüyü siyasət ölkəmizdə bu problemin həll olunmasına və ölkəmizin milli maraqlarının qorunmasına xidmət edir”.

Aydın Mirzəzadənin geniş şərhinə audiofaylda qulaq asa bilərsiniz

70
Взрыв, фото из архива

Ermənistanın növbəti hərbi obyekti darmadağın edildi - VİDEO

110
Tovuz istiqamətində Azərbaycan və Ermənistan Silahlı Qüvvələrini arasında intensiv atışma davam edir.

BAKI, 15 iyul - Sputnik. Tovuz rayonu istiqamətində gedən döyüşlər zamanı bölmələrimizin dəqiq zərbəsi ilə Ermənistan silahlı qüvvələrinə məxsus növbəti bölüyün dayaq məntəqəsi darmadağın edilib.

Bu barədə Sputnik Azərbaycan Müdafiə Nazirliyinə istinadən məlumat verir.

110