Azərbaycan sülhməramlılarının bir qrupu Əfqanıstana yola salınır

Vaşinqton üçün Azərbaycanda bir nömrəli məsələ: Bu, ABŞ-a hava-su kimi lazımdır

498
(Yenilənib 19:56 02.07.2018)
Birləşmiş Ştatlar İran məsələsində də Bakı ilə əməkdaşlıq etmək niyyətindədir

BAKI, 2 iyul — Sputnik. "Bakıya artıq ikinci dəfədir səfər edirəm. Bu, Azərbaycan hökumətinin Əfqanıstana dair beynəlxalq tədbirlərə ev sahibliyi etməsi nəticəsində baş verib. Əfqanıstana dair Beynəlxalq Təmas Qrupuna 50-dən çox ölkənin təmsilçiləri daxildir. Düşünürəm ki, biz bu görüşdə Əfqanıstanda sülhə dair güclü mesaj göndərə bilmişik".

Sputnik Azərbaycan xəbər verir ki, bu fikirləri ABŞ dövlət katibinin Cənubi və Mərkəzi Asiya məsələləri üzrə köməkçisinin birinci müavini, xanım Alis Uels Azərbaycana səfərinin yekunları ilə bağlı keçirdiyi mətbuat konfransında səsləndirib. O bildirib ki, Birləşmiş Ştatlar Azərbaycana və Azərbaycan hökumətinə Əfqanıstanda gördüyü işlərə və mövcudluğuna görə olduqca minnətdardır.

"Azərbaycan Əfqanıstanda iqtisadiyyatının bərpa olunmasında çox müstəsna rol oynayır. Azərbaycan iqtisadi baxımdan regionun ürəyində yerləşir. "Lapis lazuri" Əfqanıstanın inkişafına təkan verən təşəbbüsdür və Azərbaycan da bu təşəbbüsdə iştirak edir. ABŞ və Azərbaycanın Əfqanıstan məsələsində əməkdaşlığı Azərbaycanla əməkdaşlığımızın zəminlərindən birini təşkil edir. Azərbaycan Əfqanıstan məsələsində vacib rol oynayır. Prezident Əliyevə Əfqanıstana yardımlar istiqamətində apardığı rola və liderliyinə görə təşəkkür edirəm" — ABŞ rəsmisi vurğulayıb.

Qeyd edək ki, xanım Uells iyunun 27-dən ölkəmizdə səfərdə olub. O, Bakıda keçirilmiş Əfqanıstan üzrə Beynəlxalq Təmas Qrupunun toplantısında iştirak edib. ABŞ rəsmisinin səfəri ötən həftə başa çatacaq.

Xatırladaq ki, Beynəlxalq Təmas Qrupu 2009-cu ildə təsis edilib və Azərbaycan Respublikası daxil olmaqla, 60 dövlət və beynəlxalq təşkilat bu qrupda təmsil olunur. Beynəlxalq Təmas Qrupu Əfqanıstan və yerləşdiyi regionun inkişafına töhfə verilməsi üçün müzakirələrin aparılmasına xidmət edən platformadır. Əfqanıstanla birlikdə Almaniya Federativ Respublikası Beynəlxalq Təmas Qrupunun həmsədri rolunda çıxış edir.

Azərbaycanın Əfqanıstan məsələsində Vaşinqton üçün əhəmiyyətini ABŞ rəsmiləri, demək olar ki, hər fürsətdə vurğulayırlar. Azərbaycan 2002-ci ildən Əfqanıstandakı əməliyyatlarda təmsil olunur və bu ilin əvvəlindək qüvvələrinin sayını tədricən artıraraq, 94 nəfərə çatdırıb.

Azərbaycan, həmçinin, ABŞ və koalisya qüvvələrinin Əfqanıstana yetişməsində uzun illər önəmli tranzit rolunu oynayıb. ABŞ-ın Cənubi Qafqazda maraqlarına dair Konqresə təqdim olunan hesabatda "Azərbaycan marşrutu" ABŞ-ın Əfqanıstana giriş-çıxışı üçün "ən azı Mərkəzi Asiya və Rusiya qapıları qədər əhəmiyyətlidir" və Vaşinqton regionu tərkindən sonra da bu "qapının" qorunmasında maraqlı olması vurğulanır.

Araşdırmaçılara görə, Vaşinqton üçün Azərbaycanda "bir nömrəli məsələ" bu ölkənin Əfqanıstan əməliyyatlarına dəstəyinin davamına əmin olmaqdır. Birləşmiş Ştatlar İran məsələsində də Bakı ilə əməkdaşlıq etmək niyyətindədir. Amerikalılar belə hesab edirlər ki, Tehranın regionda maraqları Qərbin oradan sıxışdırılmasına yönəlib, belə ki, nüvə silahı ətrafında gərginliyin artdığı son aylarda İranın regional diplomatiyası xüsusilə aktivləşib.

Burada daha bir maraqlı məqam ondan ibarətdir ki, Əfqanıstandan terrorçular Orta Asiya ölkələrinə asanlıqla keçə bilirlər. Terrorçuların Orta Asiya ərazisinə keçməsi prosesinin arxasında ABŞ, Rusiya və Çinin Mərkəzi Asiya uğrunda maraq savaşının dayandığını ehtimal edə bilərik. Bu terrorçuların Qərb kəşfiyyatı ilə bağlı olması ehtimalı da mövcuddur.

2001-ci ilin 11 sentyabr hadisəsindn sonra ABŞ "Əl-Qaida" terror təşkilatı ilə yanaşı, "Taliban" hərəkatına da müharibə elan etdi. Nəticədə taliblər hakimiyyətdən kənarlaşdırıldı, amma müəyyən ərazilərə nəzarəti saxlaya bildilər. İndi isə Mərkəzi Asiya bazarı uğrunda ABŞ, Rusiya və Çin arasında geosiyasi rəqabət gedir.

Terrorizmin Mərkəzi Asiyaya yayılması yalnız Rusiyanın patronajlığı altında olan dövlətlərin deyil, həm də Çinin bu bölgə ilə bağlı təhlükəsizlik maraqlarına da mane olur. Əslində Amerika bir tərəfdən, dünyaya mesaj verir ki, Əfqanıstanda olduğu müddətdə terrorizmin qarşısını alır. Amma elə Qərb mətbuatının özünün yazdığına görə, Birləşmiş Ştatlar Əfqanıstandan Mərkəzi Asiya vasitəsilə daşınan narkotranzitdən kifayət qədər gəlir götürür.

Orta və Mərkəzi Asiyada terrorizmin yayılması Azərbaycanın şərq sərhədləri üçün təhlükə yaradır. Ən azı ona görə ki, Azərbaycan şərq-qərb və şimal-cənub nəqliyyat dəhlizlərinin üzərində yerləşir. Ona görə də Azərbaycan Mərkəzi Asiyada sabitliyin təminatında maraqlıdır və bu istiqamətdə əməkdaşlığın davamlı olmasını istəyir.

Bakı ilk növbədə öz təhlükəsizliyini düşünür və bu baxımdan, Əfqanıstan məsələsinə həssas yanaşır. Supergüclərin maraqlarının toqquşduğu bölgədə Azərbaycan kataklizmlərdən uzaq qalan az qala yeganə ölkədir…

498
Teqlər:
Beynəlxalq Təmas Qrupu, Əfqanıstan, Bakı, Vaşinqton, Birləşmiş Ştatlar, Azərbaycan, ABŞ
Əlaqədar
"Azərbaycan Əfqanıstanın yenidən qurulmasında iştirak edir" - ABŞ rəsmisi
Azərbaycan Əfqanıstan - "Taliban" münaqişəsinin həllinə çalışır
Əfqanıstan hökuməti ilə "Taliban" Bakıda sülh danışıqlarına başlayır
Əfqanıstan üzrə Bakı görüşü: İlk sürpriz artıq var
Əfqanıstanda güclü partlayış - Ölənlər və yaralananlar var
Əfqanıstanda otelə hücum nəticəsində ölənlərin sayı artır

Politoloq: “İrana qarşı sanksiyalar ən effektiv metoddur”

26
(Yenilənib 14:54 29.10.2020)
Politoloq İlqar Vəlizadə deyir ki, sanksiyalar nüvə proqramının həyata keçirilməsini kifayət qədər məhdudlaşdırır
İlqar Vəlizadə: “İran sanksiyalardan kənarda əməkdaşlıq mexanizmləri qurub”

ABŞ İranın Neft Naziri Bijən Namdar Zəngənə, eləcə də neft nazirliyi də daxil olmaqla ölkənin bir sıra digər İran vətəndaşlarına, şirkət və təşkilatlarına sanksiya tətbiq edib.

Politoloq İlqar Vəlizadə Sputnik Azərbaycan-a deyir ki, sanksiyalar ABŞ-ın İrana qarşı ənənəvi siyasətinin davamıdır:

“Sanksiyalar nüvə proqramının həyata keçirilməsini kifayət qədər məhdudlaşdırır və İranın hərbi-sənaye kompleksinə mənfi təsir göstərir. Bu da ABŞ üçün ən faydalı siyasət kimi görünür. İllərdir davam edən sanksiyalara baxmayaraq İran məqsədinə çatmağa çalışır. İran sanksiyalardan kənarda müxtəlif ölkələrlə əməkdaşlıq mexanizmləri qurub”.

İlqar Vəlizadənin geniş şərhinə audiofaylda qulaq asa bilərsiniz

26
Mayk Pompeo və Ceyhun Bayramov, arxiv şəkli

"Asan məsələ": Amerikalıların Qarabağda müharibəni dayandırmaq cəhdləri

89
(Yenilənib 20:32 27.10.2020)
Dağlıq Qarabağ münaqişəsini həll etməyin çətin olmadığını deyən Tramp niyə Azərbaycanla Ermənistanı barışdıra bilmədi.

BAKI, 27 oktyabr — Sputnik, Qaliyə İbrahimova. Dağlıq Qarabağda hərbi əməliyyatlar artıq bir aydır ki, davam edir və indiyə kimi üç humanitar atəşkəs cəhdi baş tutmayıb. ABŞ-ın vasitəçiliyi ilə razılaşdırılmış atəşkəs rejimi uzun sürməyib. Amerikalılar bölgədə təhlükəsizliyi bərpa etməyə söz versələr də, onlara inanan azdır.

Amerikanın oyanışı

"ABŞ Ermənistan və Azərbaycan xarici işlər nazirləri, həmçinin ATƏT-in Minsk Qrupu həmsədrləri arasındakı danışıqlarda vasitəçiliyi öz üzərinə götürüb. Bütün səylərimiz Dağlıq Qarabağ münaqişəsinin həllinə yönəlib", – ABŞ Dövlət Departamenti üçüncü humanitar atəşkəsin elan olunduğunu bu sözlərlə bəyan etdi.

Rusiyanın vasitəçiliyi ilə əldə olunmuş əvvəlki iki razılaşmanın pozulduğunu nəzərə çatdıran Mayk Pompeo şəxsən bəyan etdi: "Ceyhun Bayramov və Zöhrab Mnatsakanyan (Azərbaycan və Ermənistan XİN-in rəbərləri – red.) atəşkəs rejiminə əməl olunacağına təminat verdilər".

Donald Tramp da Dağlıq Qarabağ münaqişəsinin nizamlanmasında iştirak etdiyini nümayiş etdirdi. Nyu-Hempşirdə seçicilər qarşısında çıxış edən ABŞ Prezidenti Qafqazdakı münaqişə ilə "məşğul olacağına" söz verdi. "Niyə də olmasın? Məncə, nə edəcəyini bilən adam üçün bu asan məsələdir", – deyə Ağ Ev rəhbəri öz qeyri-adi üslubuna sadiq qalaraq bildirdi.

Amerikalıların Ermənistanı və Azərbaycanı danışıqlar masasına oturtmaq cəhdini Rusiya Prezidenti də dəstəklədi. "Ümid edirəm ki, Vaşinqton bizimlə həmrəylik göstərəcək və münaqişənin nizamlanmasına kömək edəcək", – deyə Vladimir Putin vurğuladı.

Razılaşmanın pozulması

Humanitar atəşkəs rejimi oktyabrın 26-da yerli vaxtla səhər saat 8-də qüvvəyə mindi. Ancaq üstündən heç yarım saat keçməmiş hər iki tərəf razılaşmanın pozulduğunu bəyan etdi.

Azərbaycan tərəfi Ermənistan silahlı qüvvələrini Tərtər və Dağlıq Qarabağla həmsərhəd yaşayış məntəqələrini atəşə tutmaqda günahlandırdı. Ermənistan Müdafiə Nazirliyinin açıqlaması da özünü çox gözlətmədi.

Azərbaycan Prezidenti İlham Əliyev müvəqqəti atəşkəsə etiraz etməsə də beynəlxalq vasitəçiləri məsələyə neytral münasibət göstərməyə çağırdı. "Ermənilər atəşkəs istəyirlərsə, qoy bizim ərazilərimizi tərk etsinlər. Bu baş verməsə, sona qədər mübarizə aparacağıq", – deyə Azərbaycan lideri bəyan etdi.

Rusiyanın Xarici İşlər naziri Sergey Lavrov Dağlıq Qarabağ münaqişəsinin nizamlanmasında iştirak edən digər dövlətlərə də müraciət edərək, xüsusilə, Türkiyəyə Qafqazdakı nüfuzundan istifadə etməsini məsləhət gördü. "Türkiyənin Xarici İşlər naziri Çavuşoğlu ilə Dağlıq Qarabağ mövzusunda bir sıra telefon danışıqlarımız oldu. Ankaranı münaqişənin sülh yolu ilə nizamlamasını dəstəkləməyə inandırmağa çalışırıq", – deyə Rusiya XİN-in rəhbəri bildirdi.

ATƏT-in Minsk qrupu tərəfləri barışdırmaq cəhdindən əl çəkmir. Oktyabrın 29-da həmsədrlər Cenevrədə Ermənistan və Azərbaycan Xarici İşlər nazirləri ilə görüşəcəklər. Ancaq RİA Novosti-yə müsahibə verən ekspertlər bu məsələyə şübhə ilə yanaşırlar.

Amerikanın təşəbbüsü

Qafqaz regionu üzrə mütəxəssisi Nurlan Qasımov ABŞ-ın Dağlıq Qarabağ münaqişəsinin nizamlanmasında vasitəçiliyinin lap əvvəldən uğursuzluğa məhkum olduğunu bildirir. Onun sözlərinə görə, hər iki tərəf müvəqqəti atəşkəsdən ehtiyat qüvvə yığmaq və münaqişə bölgəsindəki mövqelərini gücləndirmək üçün istifadə edir.

"Hazırda Laçın dəhlizi uğrunda döyüşlər gedir. Əgər Azərbaycan dəhlizi ələ keçirsə, Ermənistanla Dağlıq Qarabağ arasındakı birbaşa əlaqə kəsiləcək. Bu isə münaqişənin nizamlanması prosesini kökündən dəyişəcək", – deyə Qasımov bildirib.

Mütəxəssis Vaşinqtonun nizamlanma prosesindəki fəallığını Amerikadakı seçki kampaniyası ilə əlaqələndirir. Bununla belə, ABŞ-ın yeni rəhbərliyinin Cənubi Qafqaza marağını tez itirəcəyinə də əmindir.

"İndiyə kimi Vaşinqtondan münaqişənin nizamlanması ilə bağlı yeganə təşəbbüs 1999-cu ildə irəli sürülüb. Həmin vaxt Ki-Vestdə keçirilən görüşdə ABŞ-ın vasitəçisi Pol Qobl ərazilərin mübadiləsi planını təklif etdi: Dağlıq Qarabağ ətrafındakı yeddi bölgə Azərbaycana qaytarılır, Bakı isə Ermənistan-İran sərhədindəki Mehri dəhlizini alaraq Dağlıq Qarabağı və Laçın dəhlizini Ermənistana verir. Lakin İrəvan Mehri dəhlizinin Dağlıq Qarabağı dünya ilə əlaqələndirdiyini əsas gətirərək bu təklifdən imtina etdi. Həmin vaxt Dağlıq Qarabağın ermənilərdə qalması ilə razılaşmayan Azərbaycan tərəfi də planın reallaşmasına razılıq vermədi", – deyə Qasımov xatırladır.

O, ABŞ-ın 1990-cı illərdə Dağlıq Qarabağ münaqişəsinin nizamlanması ilə bağlı hərəkətlərini tərəfləri barışdırmaq istəyi ilə deyil, "Qafqazın neft və qaz sektoruna sərmayə yatırmaq" arzusu ilə izah edir.

"Bundan sonra Qərb Cənubi Qafqazda neft və qaz boru kəmərlərinin tikintisinə böyük sərmayə qoydu. Azərbaycan nefti Avropadakı Rusiya enerji qaynaqlarına alternativ sayıldı və amerikalılar buna hər cür dəstək verdilər. Müharibə bu layihələrin həyata keçirilməsinin qarşısını ala bilərdi. Ancaq Qoblun planının iflasından sonra Vaşinqton sülhməramlı təşəbbüsünü tamamilə Rusiyaya ötürdü", – deyə Qasımov xatırladır.

Vaşinqton seçkidən sonra Qafqazı unudacaq

ABŞ və Kanada İnstitutunun baş elmi işçisi Pavel Koşkin də Amerikanın sülhməramlı vasitəçiliyini seçkiöncəsi vəziyyətlə əlaqələndirir.

"Tramp üçün bəzi ştatlarda çoxluq təşkil edən erməni diasporunun səsini almaq vacibdir. Bu səbəbdən də münaqişənin həllinə kömək etmək üçün vədlər verir. Ancaq seçkidən sonra Vaşinqton yenidən Qafqazı unudacaq", – deyə ekspert bildirir.

Koşkinin fikirncə, amerikalıların Dağlıq Qarabağ münaqişəsinin nizamlanma prosesindən uzun müddət kənar qalması okeanın o biri tayından konfliktin idarəolunan münaqişə təsiri bağışlaması ilə əlaqədardır: "ABŞ-da Dağlıq Qarabağ problemi Ukrayna və ya Gürcüstandakı vəziyyətdən fərqli olaraq, qarışıq məsələ kimi qəbul olunmur. Çünki digər dondurulmuş münaqişələrdən fərqli olaraq, Dağlıq Qarabağ məsələsində hər zaman Moskva ilə konsensusa getmək imkanı var".

Ağ Evin yeni rəhbəri kim olursa-olsun, Dağlıq Qarabağ münaqişəsi ABŞ üçün əhəmiyyət kəsb etməyəcək. Ancaq vacib məqam odur ki, Qarabağ münaqişəsi Vaşinqtonun Moskvanın fikirlərinə güvəndiyi çox az sayda məsələlərdən biridir.

89
Teqlər:
ABŞ, ATӘT-in Minsk Qrupu, Atəşkəsin pozulması, dinc sakinlər, erməni təcavüzü, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Ermənistanı xilas etmək istəyirsinizsə, deyin, çıxsın bizim torpaqlardan - İlham Əliyev
Azərbaycan Cenevrədə mənalı danışıq gözləyir
İlham Əliyev: "Bu üç ölkə məgər imkanlara malik deyil ki, aqressora öz yerini göstərsin?"
İlham Əliyev: "Azərbaycanlılar Dağlıq Qarabağa, o cümlədən Şuşaya qayıdacaqlar"
Azərbaycan Prezidenti: "Atəşkəsi istəyən niyə silah göndərir Ermənistana?"
Sitrus bağları, arxiv şəkli

Noyabr ayının havası - O da bizi Qarabağa səsləyir

0
(Yenilənib 17:50 31.10.2020)
Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən və Gədəbəy rayonlarında orta aylıq temperatur 4-7° isti olacaq

BAKI, 31 oktyabr — Sputnik. Milli Hidrometeorologiya Xidmətinin məlumatına görə, noyabrda havanın orta aylıq temperaturunun iqlim normasına yaxın, bəzi yerlərdə isə bir qədər çox olacağı gözlənilir. Aylıq yağıntının miqdarı əsasən iqlim normasına yaxın, bəzi ərazilərdə isə normadan bir qədər çox olacaq. Noyabr ayının birinci ongünlüyünün birinci yarısında hava şəraitinin əksər rayonlarda əsasən yağmursuz keçəcəyi, lakin dağlıq rayonlarda yağış yağacağı proqnozlaşdırılır.

Xidmətdən Sputnik Azərbaycan-a verilən məlumatda bildirilir ki, Bakıda və Abşeron yarımadasında orta aylıq temperaturun 11-13° dərəcə isti olacağı gözlənilir ki, bu da iqlim normasına yaxın və bir qədər çoxdur. Gecələr havanın temperaturunun 7-12°, ayın əvvəlində 16°-dək, gündüzlər 18-23°, ikinci və üçüncü ongünlüyün bəzi günlərində 14-16° isti olacağı ehtimalı var. Aylıq yağıntının miqdarının iqlim normasına yaxın (norma 28-38 millimetr) olacağı ehtimal edilir.

Naxçıvan Muxtar Respublikasında orta aylıq temperaturun 7-10° isti olacağı gözlənilir ki, bu da iqlim normasına yaxın və bir qədər çoxdur. Gecələr havanın temperaturunun 5-10°, üçüncü ongünlüyün bəzi günlərində 0°-dək, gündüzlər 18-23°, ikinci və üçüncü ongünlüyün bəzi günlərində 9-14° isti olacağı proqnozlaşdırılır. Aylıq yağıntının miqdarının iqlim normasına yaxın (norma 18-28 millimetr) olacağı bildirilir.

Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, həmçinin Daşkəsən və Gədəbəy rayonlarında orta aylıq temperatur 4-7° isti olacaq. Bu da iqlim norması daxilindədir. Gecələr havanın temperaturunun 2-7° isti, ikinci və üçüncü ongünlüyün bəzi günlərində 0-4° şaxta, gündüzlər 10-15°, ikinci və üçüncü ongünlüyün bəzi günlərində 2-7° isti ehtimal edilir. Aylıq yağıntının miqdarının iqlim normasına yaxın (norma 27-34 millimetr) olacağı ehtimalı var.

Gəncə şəhərində, Qazax, Goranboy, Tərtər, Ağdam, Füzuli, Cəbrayıl rayonlarında orta aylıq temperaturun 9-12° isti olacağı proqnozlaşdırılır. Bu da iqlim normasına yaxın və bir qədər çoxdur. Gecələr havanın temperaturunun 8-13°, ikinci və üçüncü ongünlüyün bəzi günlərində 2-5°, gündüzlər 18-23°, ikinci və üçüncü ongünlüyün bəzi günlərində 8-13° isti olacağı bildirilir. Aylıq yağıntının miqdarı iqlim normasına yaxın (norma 15-24 millimetr) olacaq.

Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonlarında orta aylıq temperaturun 6-10° isti olacağı gözlənilir ki, bu da iqlim normasına yaxın və bir qədər çoxdur. Gecələr havanın temperaturunun 7-12° isti, ikinci və üçüncü ongünlüyün bəzi günlərində yüksək dağlıq ərazilərdə 2-7° şaxta, gündüzlər 15-20°, ikinci və üçüncü ongünlüyün bəzi günlərində 7-12° isti olacağı bildirilir. Aylıq yağıntının miqdarının iqlim normasına yaxın, bəzi yerlərdə isə bir qədər çox (norma 29-73 millimetr) olacağı proqnozlaşdırılır.

Mərkəzi Aran: Mingəçevir və Şirvan şəhərlərində, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Hacıqabul, Salyan, Neftçala rayonlarında orta aylıq temperaturun 9-13° isti olacağı ehtimalı var. Bu da iqlim normasına yaxın və bir qədər çoxdur. Gecələr havanın temperaturunun 9-14°, ikinci və üçüncü ongünlüyün bəzi günlərində 3-6°, gündüzlər 19-24°, ikinci və üçüncü ongünlüyün bəzi günlərində 12-16° isti olacağı ehtimal edilir. Aylıq yağıntının miqdarının iqlim normasına yaxın, bəzi yerlərdə isə bir qədər çox (norma 25-45 millimetr) olacaq.

Masallı, Yardımlı, Lerik, Lənkəran, Astara rayonlarında orta aylıq temperaturun 8-13° isti olacağı gözlənilir ki, bu da iqlim normasına yaxın və bir qədər çoxdur. Gecələr havanın temperaturunun 9-14°, ikinci və üçüncü ongünlüyün bəzi günlərində 3-6° isti, dağlarda 0°-yə yaxın, gündüzlər 16-21°, ikinci və üçüncü ongünlüyün bəzi günlərində 10-13° isti olacağı proqnozlaşdırılır. Aylıq yağıntının miqdarının iqlim normasına yaxın, bəzi yerlərdə isə bir qədər çox (norma 55-170 millimetr) olacağı ehtimalı var.

0