Prezident yanında müşavirə

Seçki bitdi, diqqət post-seçki dövrünə!

428
(Yenilənib 19:51 13.04.2018)
Prezident yeni komanda formalaşdıracaq, bu baxımdan yeni parlamentin də formalaşdırılması islahatların tərkib hissəsi olardı

BAKI, 13 aprel — Sputnik. Prezident seçkiləri başa çatdı. Hər kəsin gözlədiyi nəticələr elan edildi. Bəzi beynəlxalq təşkilatların tənqidi ilə yanaşı, əskər ölkə liderləri İlham Əliyevi qələbə münasibətilə təbrik etdilər və bununla da seçki dövrü arxada qaldı. İndi diqqətlər başqa səmtə yönəlib və hamını bir sual düşündürür: Bundan sonra nə baş verəcək?

Seçkinin nəticələri müəyyən məsələlərə aydınlıq gətirdi. Nəzərlər daha çox ikinci yeri kimin tutacağına yönəlmişdi. Faktiki olaraq, ikinci yerin sahibi yeni formalşdırılacaq ana müxalifətin yeni lideri elan oluna bilərdi. Belə ki, konstruktiv müxalifət kimi səciyyələndirilən partiyaların birləşdirilməsi prosesi başlana bilərdi.

Unutmaq olmaz ki, qarşıdan parlament seçkiləri gəlir və "ikinci yerin sahibinin" birləşmiş partiyanın parlamentdə təmsilçilsi məsələsi məsələsi müzakirə predmeti ola bilərdi. Lakin Zahid Orucun ikinci pillədə qərar tutması bu ssenarini pozmuş oldu.

İndi başqa problemlərin həlli zəruridir. Bu gün Azərbaycan cəmiyyəti islahatların aparılması və rüşvətin, məmur özbaşınalığının aradan qaldırılmasını arzulayır. Bu barədə elə ölkənin birinci şəxsi özü də danışır. Hədəf bəllidir. İnsanların narazılığına səbəb olan məmurları istefaya göndərilməsi və yeni islahatlara başlanilması qaçılmaz görünür.

Əlbəttə, bu islahatlar və əllərində böyük maliyyə vasitələri olan məmurların maraqlarının zərbə alması onların siyasi hakimiyyətə qarşı çıxma cəhdlərinə də səbəb ola bilər. İstənilən halda, siyasi hakimiyyət islahatları davam etdirməli və əhalinin yumşaq desək, nifrət elədiyi məmurlardan azad olmalıdır. Görünür, bunu ölkə rəhbərliyi də ciddi təhlil edir və odur ki, qeyd olunan islahatların aparılacağını ehtimal etmək mümkündür.

Artıq yeni parlament seçkilərinə də ehtiyac yaranır. Prezident yeni komanda formalaşdıracaq, bu baxımdan yeni parlamentin də formalaşdırılması islahatların tərkib hissəsi olardı. Digər bir amil isə iqtisadi azadlıqların genişləndirilməsidir. Ümumiyyətlə, seçkidən sonra kadr və struktur islahatlarının aparılacağı anonsu artıq çoxdan verilirdi.

Getdikcə cəmiyyətdə də münasibətlər sisteminə korrektələr etmək lazım olacaq. Bütün bunlar həm iqtisadi, həm də siyasi zəmində yeni dəyişikliklərə rəvac verə bilər. Bu baxımdan, yeni komandanın formalaşması aktualdır. Odur ki, Nazirlər Kabinetinin tərkibində ciddi dəyişikliklərin olacağını ehtimal etmək olar.

Seçkilərin nətiicələrinin bəzi beynəlxalq təşkilatlar tərəfindən tənqid olunmasına isə texniki məsələ kimi yanaşmaq mümkündür. Əsas proseslər seçkidən sonra baş verənlərdir. Bu gün Avropa İttifaqı ilə yeni sazişin hazırlanması istiqamətində danışıqlar gedir. Bu baxımdan, seçkilərin tez keçirilməsi hər iki tərəfin marağında idi.

Azərbaycan hakimiyyəti Qərb üçün cəlbedicidir. Qərb texnoloqlarında belə bir rəy formalaşıb ki, iqtidar dəyişərsə, Azərbaycan siyasətində İran amili xeyli dərəcədə güclənə bilər. Nəticədə iranpərəst siyasətçilər Azərbaycanı və regionu öz nüfuz dairələrinə ala bilərlər.

Daha bir məqama diqqət yetirək. Mətbuatın yazdığına görə, Azərbaycan İsrail texnoloqlarının və xüsusi xidmət orqanlarının yardımından geniş istifadə edir. Rəsmi Bakı beynəlxalq yəhudi lobbisini də öz müttəfiqinə çevrib. Bu amil dünyadakı erməni lobbisi ilə mübarizədə önəmli rol oynayır.

Və İsrail Azərbaycan müxalifətinin böyük əksəriyyətini antisemit, türkçü və islamçı hesab edir, bu səbəbdən də Azərbaycanda belə qüvvələrin iqtidara gəlməsində maraqlı deyil. Nəzərə alaq ki, İsrail Azərbaycan kimi geosiyasi önəmi olan ölkə ilə münasibətlərini hər zaman yüksək səviyyədə saxlamağa çalışır.

Daha önəmli bir səbəb ondan ibarətdir ki, Qərb bölgədə sabitliyin pozulması, Qarabağda hərbi əməliyyatların başlanması perspektivindən narahatdır. Qərb siyasi dairələrində hansısa radikal kəsimin iqtidara gəlməsini və sülh danışıqlarının pozulmasını istəmirlər.

Digər ən önəmli səbəblərdən biri də Azərbaycanda yeni maliyyə və əmlak bölgüsü olması ehtimalıdır. Ukraynada müxalifətin önəmli simaları böyük sərvətə sahib olan oliqarxlar idi. Mübarizə daha çox oliqarxlar arasında gedirdi. Azərbaycanda isə bu mübarizə tam fərqli müstəvidə cərəyan edir. Xüsusilə də Qərb Azərbaycanda on milyardlarla dollar vəsaitin, onu nəyə yönəldəcəyi bəlli olmayan qüvvələrin əlinə keçməsini istəmir.

İstənilən halda prezident seçkiləri başa çatdı. Qarşıdan isə parlament seçkiləri gəlir. Və bu seçkilərə indidən hazırlaşmaq lazımdır…

428
Teqlər:
tənqid, təbrik, islahat, Qərb, hakimiyyət, parlament, Azərbaycan, beynəlxalq təşkilatlar, siyasət, prezident seçkiləri, hökumət
Əlaqədar
"Azərbaycandakı seçkilərə şərtlənmiş yanaşma mövcuddur"
Daha bir seçki hesabatı açıqlandı
Alman deputat: "Almaniyada belə şəffaf seçki qutuları yoxdur"
MDB müşahidə missiyası: Seçkilər yüksək səviyyədə təşkil olundu
Azərbaycanda 100 yaşlı kişidən seçki məntəqəsində maraqlı jest - VİDEO
Fransa Senatının nümayəndəsi seçki prosesinin gedişatı haqqında məlumat verdi
Beynəlxalq missiya rəhbəri Rusiya və Azərbaycandakı seçkiləri müqayisə edib

Politoloq: “İrana qarşı sanksiyalar ən effektiv metoddur”

25
(Yenilənib 14:54 29.10.2020)
Politoloq İlqar Vəlizadə deyir ki, sanksiyalar nüvə proqramının həyata keçirilməsini kifayət qədər məhdudlaşdırır
İlqar Vəlizadə: “İran sanksiyalardan kənarda əməkdaşlıq mexanizmləri qurub”

ABŞ İranın Neft Naziri Bijən Namdar Zəngənə, eləcə də neft nazirliyi də daxil olmaqla ölkənin bir sıra digər İran vətəndaşlarına, şirkət və təşkilatlarına sanksiya tətbiq edib.

Politoloq İlqar Vəlizadə Sputnik Azərbaycan-a deyir ki, sanksiyalar ABŞ-ın İrana qarşı ənənəvi siyasətinin davamıdır:

“Sanksiyalar nüvə proqramının həyata keçirilməsini kifayət qədər məhdudlaşdırır və İranın hərbi-sənaye kompleksinə mənfi təsir göstərir. Bu da ABŞ üçün ən faydalı siyasət kimi görünür. İllərdir davam edən sanksiyalara baxmayaraq İran məqsədinə çatmağa çalışır. İran sanksiyalardan kənarda müxtəlif ölkələrlə əməkdaşlıq mexanizmləri qurub”.

İlqar Vəlizadənin geniş şərhinə audiofaylda qulaq asa bilərsiniz

25
Mayk Pompeo və Ceyhun Bayramov, arxiv şəkli

"Asan məsələ": Amerikalıların Qarabağda müharibəni dayandırmaq cəhdləri

89
(Yenilənib 20:32 27.10.2020)
Dağlıq Qarabağ münaqişəsini həll etməyin çətin olmadığını deyən Tramp niyə Azərbaycanla Ermənistanı barışdıra bilmədi.

BAKI, 27 oktyabr — Sputnik, Qaliyə İbrahimova. Dağlıq Qarabağda hərbi əməliyyatlar artıq bir aydır ki, davam edir və indiyə kimi üç humanitar atəşkəs cəhdi baş tutmayıb. ABŞ-ın vasitəçiliyi ilə razılaşdırılmış atəşkəs rejimi uzun sürməyib. Amerikalılar bölgədə təhlükəsizliyi bərpa etməyə söz versələr də, onlara inanan azdır.

Amerikanın oyanışı

"ABŞ Ermənistan və Azərbaycan xarici işlər nazirləri, həmçinin ATƏT-in Minsk Qrupu həmsədrləri arasındakı danışıqlarda vasitəçiliyi öz üzərinə götürüb. Bütün səylərimiz Dağlıq Qarabağ münaqişəsinin həllinə yönəlib", – ABŞ Dövlət Departamenti üçüncü humanitar atəşkəsin elan olunduğunu bu sözlərlə bəyan etdi.

Rusiyanın vasitəçiliyi ilə əldə olunmuş əvvəlki iki razılaşmanın pozulduğunu nəzərə çatdıran Mayk Pompeo şəxsən bəyan etdi: "Ceyhun Bayramov və Zöhrab Mnatsakanyan (Azərbaycan və Ermənistan XİN-in rəbərləri – red.) atəşkəs rejiminə əməl olunacağına təminat verdilər".

Donald Tramp da Dağlıq Qarabağ münaqişəsinin nizamlanmasında iştirak etdiyini nümayiş etdirdi. Nyu-Hempşirdə seçicilər qarşısında çıxış edən ABŞ Prezidenti Qafqazdakı münaqişə ilə "məşğul olacağına" söz verdi. "Niyə də olmasın? Məncə, nə edəcəyini bilən adam üçün bu asan məsələdir", – deyə Ağ Ev rəhbəri öz qeyri-adi üslubuna sadiq qalaraq bildirdi.

Amerikalıların Ermənistanı və Azərbaycanı danışıqlar masasına oturtmaq cəhdini Rusiya Prezidenti də dəstəklədi. "Ümid edirəm ki, Vaşinqton bizimlə həmrəylik göstərəcək və münaqişənin nizamlanmasına kömək edəcək", – deyə Vladimir Putin vurğuladı.

Razılaşmanın pozulması

Humanitar atəşkəs rejimi oktyabrın 26-da yerli vaxtla səhər saat 8-də qüvvəyə mindi. Ancaq üstündən heç yarım saat keçməmiş hər iki tərəf razılaşmanın pozulduğunu bəyan etdi.

Azərbaycan tərəfi Ermənistan silahlı qüvvələrini Tərtər və Dağlıq Qarabağla həmsərhəd yaşayış məntəqələrini atəşə tutmaqda günahlandırdı. Ermənistan Müdafiə Nazirliyinin açıqlaması da özünü çox gözlətmədi.

Azərbaycan Prezidenti İlham Əliyev müvəqqəti atəşkəsə etiraz etməsə də beynəlxalq vasitəçiləri məsələyə neytral münasibət göstərməyə çağırdı. "Ermənilər atəşkəs istəyirlərsə, qoy bizim ərazilərimizi tərk etsinlər. Bu baş verməsə, sona qədər mübarizə aparacağıq", – deyə Azərbaycan lideri bəyan etdi.

Rusiyanın Xarici İşlər naziri Sergey Lavrov Dağlıq Qarabağ münaqişəsinin nizamlanmasında iştirak edən digər dövlətlərə də müraciət edərək, xüsusilə, Türkiyəyə Qafqazdakı nüfuzundan istifadə etməsini məsləhət gördü. "Türkiyənin Xarici İşlər naziri Çavuşoğlu ilə Dağlıq Qarabağ mövzusunda bir sıra telefon danışıqlarımız oldu. Ankaranı münaqişənin sülh yolu ilə nizamlamasını dəstəkləməyə inandırmağa çalışırıq", – deyə Rusiya XİN-in rəhbəri bildirdi.

ATƏT-in Minsk qrupu tərəfləri barışdırmaq cəhdindən əl çəkmir. Oktyabrın 29-da həmsədrlər Cenevrədə Ermənistan və Azərbaycan Xarici İşlər nazirləri ilə görüşəcəklər. Ancaq RİA Novosti-yə müsahibə verən ekspertlər bu məsələyə şübhə ilə yanaşırlar.

Amerikanın təşəbbüsü

Qafqaz regionu üzrə mütəxəssisi Nurlan Qasımov ABŞ-ın Dağlıq Qarabağ münaqişəsinin nizamlanmasında vasitəçiliyinin lap əvvəldən uğursuzluğa məhkum olduğunu bildirir. Onun sözlərinə görə, hər iki tərəf müvəqqəti atəşkəsdən ehtiyat qüvvə yığmaq və münaqişə bölgəsindəki mövqelərini gücləndirmək üçün istifadə edir.

"Hazırda Laçın dəhlizi uğrunda döyüşlər gedir. Əgər Azərbaycan dəhlizi ələ keçirsə, Ermənistanla Dağlıq Qarabağ arasındakı birbaşa əlaqə kəsiləcək. Bu isə münaqişənin nizamlanması prosesini kökündən dəyişəcək", – deyə Qasımov bildirib.

Mütəxəssis Vaşinqtonun nizamlanma prosesindəki fəallığını Amerikadakı seçki kampaniyası ilə əlaqələndirir. Bununla belə, ABŞ-ın yeni rəhbərliyinin Cənubi Qafqaza marağını tez itirəcəyinə də əmindir.

"İndiyə kimi Vaşinqtondan münaqişənin nizamlanması ilə bağlı yeganə təşəbbüs 1999-cu ildə irəli sürülüb. Həmin vaxt Ki-Vestdə keçirilən görüşdə ABŞ-ın vasitəçisi Pol Qobl ərazilərin mübadiləsi planını təklif etdi: Dağlıq Qarabağ ətrafındakı yeddi bölgə Azərbaycana qaytarılır, Bakı isə Ermənistan-İran sərhədindəki Mehri dəhlizini alaraq Dağlıq Qarabağı və Laçın dəhlizini Ermənistana verir. Lakin İrəvan Mehri dəhlizinin Dağlıq Qarabağı dünya ilə əlaqələndirdiyini əsas gətirərək bu təklifdən imtina etdi. Həmin vaxt Dağlıq Qarabağın ermənilərdə qalması ilə razılaşmayan Azərbaycan tərəfi də planın reallaşmasına razılıq vermədi", – deyə Qasımov xatırladır.

O, ABŞ-ın 1990-cı illərdə Dağlıq Qarabağ münaqişəsinin nizamlanması ilə bağlı hərəkətlərini tərəfləri barışdırmaq istəyi ilə deyil, "Qafqazın neft və qaz sektoruna sərmayə yatırmaq" arzusu ilə izah edir.

"Bundan sonra Qərb Cənubi Qafqazda neft və qaz boru kəmərlərinin tikintisinə böyük sərmayə qoydu. Azərbaycan nefti Avropadakı Rusiya enerji qaynaqlarına alternativ sayıldı və amerikalılar buna hər cür dəstək verdilər. Müharibə bu layihələrin həyata keçirilməsinin qarşısını ala bilərdi. Ancaq Qoblun planının iflasından sonra Vaşinqton sülhməramlı təşəbbüsünü tamamilə Rusiyaya ötürdü", – deyə Qasımov xatırladır.

Vaşinqton seçkidən sonra Qafqazı unudacaq

ABŞ və Kanada İnstitutunun baş elmi işçisi Pavel Koşkin də Amerikanın sülhməramlı vasitəçiliyini seçkiöncəsi vəziyyətlə əlaqələndirir.

"Tramp üçün bəzi ştatlarda çoxluq təşkil edən erməni diasporunun səsini almaq vacibdir. Bu səbəbdən də münaqişənin həllinə kömək etmək üçün vədlər verir. Ancaq seçkidən sonra Vaşinqton yenidən Qafqazı unudacaq", – deyə ekspert bildirir.

Koşkinin fikirncə, amerikalıların Dağlıq Qarabağ münaqişəsinin nizamlanma prosesindən uzun müddət kənar qalması okeanın o biri tayından konfliktin idarəolunan münaqişə təsiri bağışlaması ilə əlaqədardır: "ABŞ-da Dağlıq Qarabağ problemi Ukrayna və ya Gürcüstandakı vəziyyətdən fərqli olaraq, qarışıq məsələ kimi qəbul olunmur. Çünki digər dondurulmuş münaqişələrdən fərqli olaraq, Dağlıq Qarabağ məsələsində hər zaman Moskva ilə konsensusa getmək imkanı var".

Ağ Evin yeni rəhbəri kim olursa-olsun, Dağlıq Qarabağ münaqişəsi ABŞ üçün əhəmiyyət kəsb etməyəcək. Ancaq vacib məqam odur ki, Qarabağ münaqişəsi Vaşinqtonun Moskvanın fikirlərinə güvəndiyi çox az sayda məsələlərdən biridir.

89
Teqlər:
ABŞ, ATӘT-in Minsk Qrupu, Atəşkəsin pozulması, dinc sakinlər, erməni təcavüzü, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Ermənistanı xilas etmək istəyirsinizsə, deyin, çıxsın bizim torpaqlardan - İlham Əliyev
Azərbaycan Cenevrədə mənalı danışıq gözləyir
İlham Əliyev: "Bu üç ölkə məgər imkanlara malik deyil ki, aqressora öz yerini göstərsin?"
İlham Əliyev: "Azərbaycanlılar Dağlıq Qarabağa, o cümlədən Şuşaya qayıdacaqlar"
Azərbaycan Prezidenti: "Atəşkəsi istəyən niyə silah göndərir Ermənistana?"
Gürcüstanda parlament seçkisi

Gürcüstanda parlament seçkiləri: Giorgi Qaxaria "ölkənin demokratik inkişafına" səs verib

0
Baş nazir: "Seçki kampaniyası demokratiyanın bütün tələblərinə cavab verib, bu səbəbdən demokratik dəyərlərə, ədalətə və iqtisadi cəhətdən güclü Qərb yönümlü dövlətə səs verdim".

BAKI, 31 oktyabr — Sputnik. Bu gün Gürcüstanda parlament seçkisi keçirilir. Sputnik Azərbaycan-ın RİA Novosti-yə istinadən yaydığı xəbər görə, səhər saatlarında səsvermədə iştirak edən qonşu ölkənin Baş naziri Giorgi Qaxaria ölkənin demokratik inkişafına səs verdiyini bildirib.

"Seçki kampaniyası demokratiyanın bütün tələblərinə cavab verib, bu səbəbdən demokratik dəyərlərə, ədalətə, iqtisadi cəhətdən güclü Qərb yönümlü dövlətə səs verdim", - deyə o bildirib.

"Bugün dünəndən qat-qat üstün olan Gürcüstana səs verdim və sabah bugünküdən daha yaxşı olacaq. Əlbəttə ki, heç kim keçmişə qayıtmağı xəyal edə bilməz, səsimi ölkənin gələcəyi üçün verdim", - deyə Baş nazir vurğulayıb.

Qeyd edək ki, Gürcüstanda budəfəki parlament seçkisi qarışıq seçki sistemi əsasında keçirilir: 150 yerdən 120-si partiyaların təqdim etdikləri siyahı əsasında, 30-u isə majoritar dairələr tərəfindən seçiləcək. Partiyalar üçün keçid həddi 1%-dir, majoritar namizədlərin səslərin 50%-dən çoxunu qazanması tələb olunur.

Səslərin 40%-dən çoxunu alacaq bir partiya müstəqil olaraq hökuməti qura biləcək.

Xatırladaq ki, Gürcüstanda 48 partiya və iki siyasi blok parlament yerləri uğrunda mübarizə aparır. Əsas rəqiblər hakim "Gürcü Arzusu" partiyası və başında keçmiş Prezident Mixail Saakaşvilinin durduğu birləşmiş müxalifəti təmsil edən Vahid Milli Hərəkatdır.

Azərbaycandan qonşu ölkədə seçkiləri müşahidə edən Milli Məclisin Azərbaycan-Gürcüstan parlamentlərarası işçi qrupunun rəhbəri Arzu Nağıyev jurnalistlərə açıqlamasında bildirib ki, onların olduğu dairələrdə hər hansı insident baş verməyib:

“Pandemiya şəraitinə baxmayaraq, seçici fəallığı müşahidə olunur. Seçki məntəqələrində koronavirus infeksiyasının yayılmaması üçün xüsusi qaydalara ciddi şəkildə əməl olunur”.

A.Nağıyev qeyd edib ki, deputatlığa namizədlər arasında Gürcüstan azərbaycanlılarının da yer alması mühüm əhəmiyyət kəsb edir.

Qrup rəhbəri Milli Məclis və Gürcüstanın yeni seçiləcək parlamenti arasında əməkdaşlığın davam etdiriləcəyini söyləyib: “Azərbaycan-Gürcüstan münasibətləri strateji tərəfdaşlıq xarakteri daşıyır. Parlamentlərarası əlaqələrin gələcəkdə də davam etdirilməsi və gücləndirilməsi nəzərdə tutulub”.

Qeyd edək ki, qonşu ölkədə keçirilən parlament seçkilərini Milli Məclisin 3 üzvü müşahidə edir.

0