Türk əsgərləri Afrində

Türkiyə ətrafında vəziyyət gərginləşir, Ərdoğan hansı addımı atacaq?

706
(Yenilənib 10:01 21.02.2018)
Döyüşsüz regionlar bölgüsündə İdlibin Türkiyənin nəzarətinə verilməsi başadüşülən idi

BAKI, 20 fevral — Sputnik. Suriyada vəziyyət kritik nöqtədədir. Artıq ABŞ, İran, Rusiya və Türkiyə bu ölkədə qarşı-qarşıya gəlib. Yanvarın 21-dən Türkiyə ordusu Afrin bölgəsində PKK terror təşkilatının qolu olan PYD/YPG, həmçinin İŞİD və digər terror təşkilatlarına qarşı "Zeytun budağı" əməliyyatına başlayıb.

Afrin bölgəsində vəziyyət hər gün daha da gərginləşir. Türkiyə Silahlı Qüvvələri (TSQ/TSK) və Azad Suriya Ordusu (ASO) qarşısında tab gətirə bilməyən PYD terrorçuları Suriya prezidenti Bəşər Əsəddən yardım istəyib.

Terror təşkilatının lideri Saleh Müslim Suriya hökumətinə təklif göndərdiklərini və hazırda cavab gözlədiklərini deyib. Müslim, həmçinin əlavə edib ki, təşkilatın Bəşər Əsədlə danışıqlarında Rusiya vasitəçilik edir. Saleh Müslimin "Rusiya vasitəçilik edir" açıqlamasına Moskvadan cavab gecikməyib. Kreml yayılan məlumatı təkzib edib.

"Əgər Suriya ordusu PYD terrorçularını qorumaq üçün Afrinə girsə, o zaman Türkiyə ordusunu heç kəs dayandıra bilməz". Bunu isə Türkiyənin xarici işlər naziri Mövlud Çavuşoğlu (Mevlüt Çavuşoğlu), Bəşər Əsədlə PYD arasında əldə olunan razılaşma iddialarını şərh edərkən deyib.

"Bu barədə yayılan iddiaları biz də eşitdik. Hələlik rəsmi açıqlama yoxdur. Suriya ordusunun Afrinə hansı məqsədlə girmək istədiyinə baxmaq lazımdır. Əgər niyyətləri PYD-li terrorçuları təmizləməkdirsə, o zaman problem yaranmaz. Yox əgər, məqsədləri PYD-yə dəstək verməkdirsə, onda türk əsgərinin Afrinə doğru hərəkətinin qarşısını heç kim ala bilməyəcək", — Çavuşoğlu qeyd edib.

Suriyanın dövlət telekanalı dünən rejimə bağlı ordunun 24 saat ərzində Afrinə daxil olacağı xəbərini yaymışdı.

Görünən budur ki, ABŞ Yaxın Şərqdə Ermənistan və İsraillə yanaşı, özlərindən asılı daha bir dövlət yaratmaq istəyir. "Kürdüstan"ın yaranması, mövcudluğu hər cəhətdən Qərbin maraqlarına uyğundur. Yəni, Qərbdən asılı Kosova dövlətinə bənzər Kürdüstanın yaradılması tam şəkildə ABŞ-ın maraqlarına xidmət edə bilər.

ABŞ "Kürdüstan"ın yaradılması üçün əlindən gələni edir. Və "Kürdüstan"ın yaradılması Türkiyənin dövlət maraqlarına ziddir, ərazi bütövlüyünə təhlükədir.

Qeyd edək ki, Birləşmiş Ştatların dövlət katibi Reks Tillerson Ankarada Türkiyənin xarici işlər naziri Mövlud Çavuşoğlu ilə birgə mətbuat konfransı keçirib. Tillerson konfransda çıxışında bildirib ki, ABŞ-ın YPG bölmələrinə göstərdiyi dəstək məhduddur.

Xatırladaq ki, fevralın 15-i Türkiyə prezidenti Rəcəb Tayyib Ərdoğan da ABŞ-ın Dövlət katibi Reks Tillerson Ankarada görüşüblər. Görüş 3 saat 15 dəqiqə davam edib. Tərəflər, Afrində keçirilən "Zeytun budağı" əməliyyatını, eləcə də Suriya və İraqdakı vəziyyəti müzakirə ediblər.

Ankarada belə hesab edirlər ki, Türkiyənin Suriyaya girməsi birmənalı olaraq doğru addımdır və hərbi müdaxilə Türkiyənin geosiyasi maraqlarına xidmət edir. Türkiyə araşdırmaçılarının fikrincə, Türkiyə sərhəddə öz təhlükəsizliyini təmin edir, digər tərəfdən ABŞ-ın yardımı ilə"kürd dəhlizi"nin yaradılmasının qarşısını alacaq.

Əslində Menbiçə doğru başlanacağı ehtimal olunan hərbi əməliyyatın da kökündə dayanan əsas faktor budur. Çünki yalnız Menbiç vasitəsilə kürd terrorçuları yolu bağlamaqla bir dəhliz yaradacaq, onun vasitəsilə də gələcəkdə özlərinə çıxış təmin edəcəklər.

Türkiyənin hərbi müdaxiləsindən sonra nə Suriyada, nə də İraqda bu münaqişəni Türkiyəsiz həll etmək mümkün olacaq. Onu da qeyd edək ki, bir neçə ay əvvəl Türkiyə, İran və Rusiya rəhbərlərinin Soçi sammitində Suriyanın şimalı 4 döyüşsüz bölgəyə bölünmüş və Ankaranın payına isə İdilib düşmüşdü. Bu da təsadüfi deyildi. Rusiya və Suriya ordusu Hələb şəhərini silahlı müxaliflərdən təmizləyərkən, Türkiyə dövriyyəyə girmiş və tərəflər müxaliflərin İdilibə yerləşdirilməsində ortaq məxrəcə gəlmişdilər.

Dolayısıyla döyüşsüz regionlar bölgüsündə İdilibin Türkiyənin nəzarətinə verilməsi başadüşülən idi. Bu mənada Rusiyanın hərbi bazasına hücumun arxasında Türkiyə dayanmasa belə, hücumların İdilibdən təşkil edilməsi Ankaranın üzərinə götürdüyü öhdəliyi tam yerinə yetirə bilməməsi anlamına gəlirdi. Rusiya da bunu bəhanə edərək, hərbi bazalarındakı "S-400"-ləri bənzər müdaxilələrə qarşı açdığını bildirmişdi.

Bu isə həm də Türkiyənin Afrin əməliyyatına başlayacağı təqdirdə, hava qüvvələrindən istifadə edə bilməyəcəyi anlamına gəlir. Belə vəziyyətdə Türkiyə Afrin əməliyyatına başlamamışdan əvvəl ya Rusiya ilə dil tapmalı, İdilibə nəzarəti tam təmin etməli, ya da hərbi müdaxiləni yalnız quru qüvvələriylə həyata keçirməliydi. İdilibdəki vəziyyəti nəzarət altına almaq isə asan deyil. Ənazı ona görə ki, bu bölgədə silahlı qüvvələr tez-tez səf dəyişir və kimin hansı cəbhədə olmasını müəyyənləşdirmək çətindir.

Görünən budur ki, Türkiyə Afrin əməliyyatında hava qüvvələrindən tamamilə təcrid edilmiş vəziyyətə gətirilir. Bir sözlə, vəziyyət ağırlaşır və Ankaranın hansı addımlar atacağını da proqnozlaşdırmaq asan deyil…

706
Teqlər:
Afrin bölgəsi, Türkiyə Silahlı Qüvvələri, kürd, YPG, PYD, PKK terror təşkilatı, əməliyyat, İran, Suriya, Ankara, Rusiya, Türkiyə, ABŞ, ordu, İŞİD
Əlaqədar
Türkiyədən Suriya ordusuna kəskin xəbərdarlıq: Böyük toqquşma gözlənilir
Şahinoğlu: “ABŞ Türkiyənin düşmənlərini silahlandırmağa davam edir”
İranda Türkiyə əleyhinə aksiyaya icazə verilmədi
Şok iddia: Bəşər Əsəd və PYD Türkiyəyə qarşı razılaşdı?
"ABŞ Türkiyəni itirdiyinin fərqində deyil"
Pult

MTRŞ-nın yeni cəzası effekt verir - Telekanallar artıq qanunları poza bilməyəcəklər

36
(Yenilənib 18:23 21.01.2021)
Qulu Məhərrəmli: "Mən televiziyaların çox cəzalandırılmasının tərəfində deyiləm. Amma televiziyalar da xəbərdarlıqlara, tövsiyələrə əməl etməlidir ki, yayım keyfiyyəti yüksəlsin".

Zülfiyyə Quluyeva, Sputnik Azərbaycan

BAKI, 21 yanvar — Sputnik. Bu günlərdə Milli Televiziya və Radio Şurası (MTRŞ) ümumrespublika teleradio yayımçıları ilə bağlı apardığı monitorinqin nəticələrini açıqlayıb. MTRŞ-nın yaydığı hesabata görə, ötən il ərzində ümumrespublika televiziya və radio kanalları tərəfindən teleradio yayımı haqqında qanunvericiliyin bir sıra tələblərinin pozulması hallarına yol verilib.

Hesabatda bildirilir ki, yayımçılar "Televiziya və radio yayımı haqqında", "Reklam haqqında", "Tütün məmulatlarının istifadəsinin məhdudlaşdırılması haqqında", eləcə də "Uşaqların zərərli informasiyadan qorunması haqqında" qəbul edilmiş qanunların bir sıra müddəlarını pozublar.

Qeyd edək ki, MTRŞ hər il öz hesabatında telekanalların yol verdiyi qanun pozuntularını açıqlayır. Buna baxmayaraq, bu hallar telekanallar tərəfindən təkrarlanır.

Sputnik Azərbaycan telekanalların qanunlara etinasızlığının səbəbini və bunun qarşısını almağın yollarını araşdırıb.

MTRŞ-dan Sputnik Azərbaycan-a bildiriblər ki, qurum öz üzərinə düşən vəzifəni icra edərək monitorinqləri davam etdirir:

"Qanunvericiliyin tələblərini pozan telekanallara müxtəlif məbləğdə cərimələr edilir. "Azərbaycan Televiziya və Radio Verilişləri" QSC-yə 5000 manat cərimə cəzası tətbiq edilib. Ötən ildən başlayaraq telekanallara efirin bir neçə saatlıq dayandırılması sanksiyası tətbiq edilir. Efirin bir neçə saatlıq dayandırılması cəza metodu olaraq effekt verir. Ümumilikdə, aparılmış monitorinqlər göstərib ki, Şura tərəfindən həyata keçirilmiş müvafiq tədbirlər nəticəsində 2020-ci ilin ikinci yarısında televiziya və radio yayımı haqqında qanunvericiliyin tələblərinə yayımçılar tərəfindən riayət olunması istiqamətində müsbət dinamika müşahidə edilib".

Azad Azərbaycan Telekanalının (ATV) icraçı direktoru İsmayıl Həsənov Sputnik Azərbaycan-a açıqlamasında bildirib ki, telekanallar qanunun tələblərini bilərəkdən pozmurlar. Onun sözlərinə görə, bu sırf texniki məsələlərdir:

"Telekanallarda qanunvericiliyin pozulması təkcə reklamlarla bağlı deyil. Bəzən filmlərdə gözdən qaçan kadrlar efirə gedir. Reklamla bağlı məsələlər isə bilərəkdən edilmir. Bu, işin texnologiyası ilə bağlıdır. Bəzən aparıcılar sponsordan danışdıqda limiti keçirlər. Heç bir telekanal efirin dayandırılmasını istəmir. Sadəcə olaraq bundan əvvəl telekanallara bu qanun pozuntularına görə güzəştlər edildiyindən sistem buna öyrəşmişdi. İndi qanunun tələbləri sərt şəkildə qarşımıza qoyulduqda bu problem aradan qalxacaq".

Teletənqidçi Qulu Məhərrəmli isə bildirib ki, MTRŞ-nın bu hesabatı telekanalları qanuna əməl etməyə sövq edir. Onun sözlərinə görə, bu, həm də sözügedən qurumun öz işini yenidən qurduğunu göstərir:

"Mən televiziyaların çox cəzalandırılmasının tərəfində deyiləm. Amma televiziyalar da xəbərdarlıqlara, tövsiyələrə əməl etməlidir ki, yayım keyfiyyəti yüksəlsin. Biz qanunlar əsasında işləməyi öyrənməliyik. Bunların hamısı ona xidmət edir ki, ölkədə yayım standartları formalaşsın. MTRŞ-nın yayımı bir neçə saat dayandırmasından televiziyalar ciddi nəticə çıxartmalıdır. Efirin dayandırılması arzuolunan hal deyil. Ona görə də monitorinqlərin nəticələrinə telekanallar ciddi baxmalıdırlar. Telekanalların işini yaxşılaşdırmaq məqsədilə daha sərt addım atılmaması üçün telekanallar elə davranmalıdır ki, bu cür cəzaya məruz qalmasınlar".

Q.Məhərrəmli deyir ki, pandemiya və müharibə şəraitinə, reklamın azalmasına baxmayaraq televiziyalar bu dövrdə auditoriyanı özlərinə qaytara biliblər: "Telekanallar 2021-ci ildə də bu uğuru davam etdirməyə, yeni layihələrlə auditoriyanı əldə saxlamağa çalışmalıdırlar".

36
Teqlər:
MTRŞ, Milli Televiziya və Radio Yayımları Şurası (MTRŞ), MTRŞ

Politoloq: “Tramp Amerika cəmiyyətinin istəkləri ilə hərəkət edirdi”

12
(Yenilənib 00:28 21.01.2021)
Politoloq İlqar Vəlizadə deyir ki, Tramp həm öz ölkəsinin, həm də dünyanın ictimai rəyində zidiyyətli siyasətçi kimi qalacaq
İlqar Vəlizadə: “Tramp ABŞ tarixində maraqlı və özünəməxsus yer tutacaq”

“Donald Tramp ABŞ-ın ən pis prezidenti kimi tarixə düşəcək”. Bunu ABŞ prezidentinin Milli Təhlükəsizlik məsələləri üzrə sabiq müşaviri Con Bolton deyib.

Politoloq İlqar Vəlizadə Sputnik Azərbaycan-a deyir ki, Tramp həm öz ölkəsinin, həm də dünyanın ictimai rəyində zidiyyətli siyasətçi kimi qalacaq:

“Amma onu demək lazımdır ki, Tramp Amerika cəmiyyətinin istəkləri ilə hərəkət edirdi. O, prezidentliyi dönəmində yerli istehsalçıların maraqlarını müdafiə edirdi. Eyni zamanda onun vaxtında ABŞ-da işsizlərin sayı kəskin azalmışdı. O, xarici siyasətdə aqressiv siyasət aparsa da, heç bir müharibəyə başlamadı. Təəssüf ki, ABŞ mediası Trampın tarixi xidmətlərini görmür və ya qeyd eləmir. Bununla belə, Tramp ABŞ tarixində maraqlı və özünəməxsus yer tutacaq”.

Politoloqun geniş şərhinə audiofaylda qulaq asa bilərsiniz

12
Moskva şəhərinə mənzərə, arxiv şəkli

Rusiyada evləri yoxlamağa başlayacaqlar

0
(Yenilənib 00:34 22.01.2021)
Mənzili ziyarət etməzdən əvvəl kirayəçilərə müfəttişlərin dəqiq gəliş tarixini göstərən poçt vasitəsilə bildiriş göndərilir. Bildiriş iki dəfə göndərilə bilər.

BAKI, 22 yanvar — Sputnik. Rusiyada qeyri-qanuni yenidənqurma işlərini aşkarlamaq üçün mənzillər kütləvi şəkildə yoxlanılacaq.

Sputnik Azərbaycan xarici mətbuata istinadla xəbər verir ki, məlumata görə, mənzil müfəttişləri tərtibatdakı razılaşdırılmamış dəyişikliklərlə maraqlanırlar. Təkcə otaqları və ya əlavə olaraq boruları genişləndirmək üçün yıxılan divarlara diqqət yetirilmir. Müfəttişlik həmçinin mətbəxin qaz sobası ilə təchiz olunmasına görə, qapının çıxarılması üçün də cərimə kəsə bilər.

Mənzili ziyarət etməzdən əvvəl kirayəçilərə müfəttişlərin dəqiq gəliş tarixini göstərən poçt vasitəsilə bildiriş göndərilir. Bildiriş iki dəfə göndərilə bilər.

Buna fikir verməsəniz, nəzarətçilər məhkəməyə müraciət edəcək və məhkəmə icraçıları ilə birlikdə mənzilə gələcəklər.

Texniki tələblərə cavab verən yaşayış dəyişiklikləri reyestrə daxil edilir. Məhkəmənin qərarı ilə mənzildə olan qeyri-qanuni dəyişikliklər aradan qaldırılmalıdır.

Ekspertlərin fikrincə, genişmiqyaslı yoxlamalar fırıldaqçıların da artmasına səbəb olacaq.

0