Rəcəb Tayyib Ərdoğan

"Yeni osmanlıçılıq"ın zühuru Ərdoğanın hədəfi...

635
(Yenilənib 19:11 26.12.2017)
Türkiyənin inkişafı ərəb, yəhudi, fars və digər bölgə xalqlarının maraqlarına cavab vermir

BAKI, 26 dekabr — Sputnik. Türkiyə prezidenti Rəcəb Tayyib Ərdoğan Sudan səfərinin ikinci günündə paytaxt Hartumdan təyyarə ilə Port Sudan hava limanına gəlib. Ərdoğanı Sudan prezidenti Ömər əl-Bəşir qarşılayıb. Türkiyə prezidenti daha sonra Osmanlının tabeliyində olmuş Sevakin adasını ziyarət edib.

Türkiyə prezidenti Sevakin adasındakı Osmanlı gömrük binası, Hənəfi və Şafi məscidlərini ziyarət edib, TİKA tərəfindən aparılan bərpa işləri barədə rəsmilərdən məlumat alıb. Ərdoğan burada Hənəfi məscidində namaz qılıb.

Daha sonra çıxış edən Ərdoğan mühüm açıqlama verib: "Sevakin adasını bu halda görmək bizləri kədərləndirdi. Yerlə yeksan ediblər. Kim? Qərb. Qərbin xarakterində bu var. Bu gün Ömər əl-Bəşirdən xüsusi xahiş etdim ki, bu adanı bizə verin, tamamilə bərpa edək və tarixi şəninə layiq bir vəziyyətə gətirək. Sudan bununla fəxr edər".

"Hətta turizmdə yeni bir addım atırıq. Nədir o yeni addım? İnşallah, Ümrə səyahətləri zamanı bir turizm olar. Tarixdə belə idi, buraya gəlib, buradan Ciddəyə gedilirdi. Yeni yollar inşa edərik. Əziz qardaşım Ömər Bəşir "tamam" dedi" — Ərdoğan bildirib.

"Buranı inşa etmək nə deməkdir bilirsinizmi? Buranı yerlə bir edənlərə cavab vermiş olacağıq. Sizin buraları darmadağın etməyiniz bizim saqqalımızı təraş etməyə bənzəyir. İndi biz buranı elə inşa edəcəyik ki… Kəsilən saqqalın yerindən yenisi çıxar, siz bunu görəcəksiniz. Başqa planlar da var, hələ onları açıqlamıram" — prezident əlavə edib.

Xatırladaq ki, 1517-ci ildə Yavuz Sultan Səlimin Misiri fəthi ilə türk torpaqlarına qatılan Sevakin adası, 1882-ci ildə Misirin ingilislər tərəfindən işğalından sonra Osmanlı nəzarətindən çıxdı. 24 iyul 1923-ci il tarixli Lozanna müqaviləsinin 17-ci maddəsi əsasında qəti olaraq ingilis idarəciliyində olan Misirə verildi. Sudanın 1956-ci ildə müstəqilliyini qazanması ilə adıçəkilən ada Sudan torpaqlarının bir parçası oldu.

Beləliklə, Ərdoğan "yeni osmanlıçılıq" siyasətini yenidən qabartdı. Bəzi araşdırmaçılar belə hesab edirlər ki, "yeni osmanlıçılıq" siyasəti, onun ardınca da qonşularla "sıfır problem" xətti iflasa uğrayıb. Siyasi araşdırmaçıların qənaətincə, əslində, Ərdoğanın "yeni osmanlıçılıq" siyasətinin gündəmə gətirilməsi bütün ərəb ölkələrini qorxudub və Türkiyədən uzaqlaşdırıb.

Bu siyasət nəticəsində Türkiyə vaxtilə Yaxın Şərqdə ən yaxın müttəfiqi olan İsraillə düşmən olub. Lakin Ərdoğanı anlamaq mümkündür. Türkiyə Yaxın Şərqdə və Mərkəzi Asiyada təhlükəsizliyin əsas elementlərindən biri olduğundan, artıq ABŞ və NATO-nun "kiçik qardaşı" rolunda çıxış etmir. Buradan da Türkiyənin Yaxın Şərqdə və Cənubi Qafqazda vasitəçilik təşəbbüslərini göstərməsi ideyaları irəli gəlir.

"Yeni osmanlıçılıq"ın aqressiv aspektləri olmasa da, hər halda qonşu ölkələrdə qıcıq doğurur. Bununla belə, regionun aparıcı dövlətlərindən birinə çevrilmək üçün Türkiyə daha fəal diplomatik və iqtisadi siyasət həyata keçirməlidir. Digər tərəfdən, "yeni osmanlıçılıq"ın həyata keçirilməsində vasitə kimi Türkiyə Yaxın Şərq istiqamətində Suriya, Livan, Misir, İraq, habelə, körfəzin monarxiyalarını əhatə edən inteqrasiya dəhlizlərindən istifadə etməlidir. Onlar isə Ankaranın güclənməsini istəmirlər.

Əslində "yeni osmanlıçılıq" və avrasiyaçılıq devizlərindən istifadə etməklə Türkiyə bir tərəfdən İranı, Pakistanı, Əfqanıstanı, digər tərəfdən isə postsovet məkanının türk dünyasını – Mərkəzi Asiya və Azərbaycanı öz təsir dairəsinə salmağa cəhd göstərə bilərdi. Lakin burada nəzərə alınmayan məqamlar da mövcuddur.

Bəzi araşdırmaçılar belə düşünürlər ki, "yeni osmanlıçılıq" ideologiyası İslam amilinə görə birləşdirici gücə malikdir. Bu ideologiya Yaxın Şərqin ərəb dövlətlərini və Şimali Afrikanın bir sıra İslam ölkələrini təsir altına almağı ehtiva edir. Bu baxımdan, Ankara üçün Bakı, Tiflis, İrəvan, Moskva, Vaşinqton eyni dərəcədə maraq kəsb edən tərəfdaşlar kimi səciyyələndirilir.

Ərdoğan xarici siyasətində sırf öz maraqlarına oynayır. Onun üçün qonşularını nəzarətə götürmək, "yeni osmanlıçılıq" ideyalarını gerçəkləşdirmək başlıca məqsəddir. Bu ideyanın reallaşması üçün Ərdoğana Azərbaycan və Gürcüstanla hərbi əməkdaşlıq son dərəcə vacib olmalı idi, lakin Ərdoğan Yaxın Şərqi hədəf götürüb. Əslində, Ankara artıq ikinci dəfədir ki, belə siyasət yürüdür. Türkiyənin sabiq prezidenti, mərhum Turqut Özal vaxtilə bu istiqamətdə fəallıq göstərirdi.

Bu baxımdan, T.Özalın Orta Asiyaya, sonra da Azərbaycana səfər edəndən sonra Türkiyədə vəfat etməsi şübhələrin bir qismini Azərbaycanın, onun o zamankı Elçibəy hökumətinin üzərinə yönəltmək istəyənlərə də şərait yaratdı. Lakin Özal və Elçibəy Türk Birliyi ideyasının tərəfdarları idi. Və Özalın 1992-ci ilin oktyabrında çox zəngin və mühüm gündəliyi olan Türkdilli Dövlətlərin Zirvə Toplantısını Ankarada keçirməsi, orada Avropa Birliyi örnəyində türk birliyi modelini təklif etməsi Ankaranın yeni hədəflərindən xəbər verirdi.

Turqut Özalın qətli (bu versiyaya indi inanların sayı daha çoxdur), Elçibəy hakimiyyətinin süqut etməsi Avropa Birliyi örnəyində formalaşdırıla biləcək Türk Birliyi modelinini dəfn etdi. Nəticədə Türkiyədə yeni paradiqma meydana çıxdı (yaxud çıxarıldı) — ərəb dünyasını birləşdirəcək "yeni osmanlıçılıq" xəttinin zühuru.

Beləliklə, Cənubi Azərbayacan farslara fəda edildi, Şimali Azərbaycan və Orta Asiyaya nəzarət istəyindən imtina edildi. Türk birliyi əslində elə osmanlıçılığı ehtiva edirdi, lakin türk faktoru burada əsas olacaqdı, ərəb amili ikinci dərəcəli rol alacaqdı.

Geosiyasət daha soyuqqanlı yanaşmanı tələb edir. Türk-fars-ərəb birliyinə çox böyük şəxsiyyətlər çalışıblar, nail ola bilməyiblər. İran, bəzilərinin vurğuladığı kimi, fars və türklərin qardaş olduğu ölkə deyil, bu iki millət bir-birini qəbul edə bilmir və uzun müddətdir aralarında kəskin qarşıdurma gedir.

Eyni zamanda Türkiyənin inkişafı ərəb, yəhudi, fars və digər bölgə xalqlarının maraqlarına cavab vermir. Bunu anlayan T.Özal üzünü Azərbaycan və Orta Asiyaya tutaraq "türk əsri gəlir" mesajını verirdi. Onu da vurğulamaq lazım gəlir ki, Ə.Elçibəy "Qarabağın azadlığı Təbrizdən keçir" deyəndə romantizm nümayiş etdirmirdi, Qərbin dəstəyi ilə Özalın türk birliyi ideyasını möhkəmləndirirdi.

İndi siyasət dəyişib, Cənubi Azərbaycan amilini qabardanlar bu ideyanın qətlinə hazırlaşanlardır və birmənalı şəkildə okeanın o tayından idarə edilirlər. Farslar Cənubi Azərbaycana, ərəblər isə Türkiyəyə arxadan zərbə endirəcəklər.

Türkiyədə zaman-zaman türk birliyi uğrunda mübarizə aparan siyasətçilər olub – Turqut Özal, Nəcməddin Ərbakan, Alparslan Türkeş, Möhsün Yazıçıoğlu və başqaları. Azərbaycanın sabiq prezidenti, mərhum Heydər Əliyev eyni siyasəti daha soyuqqanlı formada həyata keçirirdi. Onun "bir millət, iki dövlət" şüarı heç kəsi qıcıqlandırmadan həyata keçirilən xətt idi.

Əslində, Ərdoğanın Bakıya səfəri ərəfəsində Türkiyədə terror edib, onun Azərbaycana gəlişinin qarşısını alanlar da bu şüardan ehtiyyat edənlər idi. Prezident İlham Əliyevin həmin zaman qəfil Türkiyə səfəri Bakının türk iqtisadi birliyi ideyasına münasibətini sərgiləyirdi. Bakı avrasiyaçılıq, liberalizm, islamizm cərəyanlarını uzalaşdırmaq xətti yeridir və bir çox məsələlərdə öz barışdırıcı missiyasını təklif edir. Lakin özünə qarşı da eyni münasibəti görmək istəyir. Azərbaycan türk birliyinin ən əsas oyunçusudur və bu amil nəzərə alınmalıdır…

635
Teqlər:
fars, yeni osmanlıçılıq, Sevakin adası, Ömər əl-Bəşir, birlik, ərəb, bölgə, Sudan, Osmanlı, Rəcəb Tayyib Ərdoğan, Türkiyə, Azərbaycan, türk, prezident
Əlaqədar
Türkiyə qarşısında şərt qoyuldu: "Əks halda heç bir şansınız yoxdur"
İbrahimli: “Türkiyə-İsrail münasibətlərində gərginlik davam edəcək”
Üfüqdə Rusiya-Türkiyə hərbi-siyasi ittifaqı görünür
ABŞ gücünü sübut eləmək üçün Türkiyəni cəzalandıracaq
Şimali Dakotada qitələrarası ballistik raketlərin idarəetmə obyekti, arxiv şəkli

Co Bayden gəlsə, Strateji Hücum Silahları Haqqında Müqaviləni uzadacaqlar

104
(Yenilənib 23:19 20.10.2020)
Kremldən ABŞ-ın SHS-3 müqaviləsi ilə əlaqədar bəyanatını şərh edərkən bildiriblər ki, Moskva Vaşinqtonla strateji sabitliklə bağlı təmaslarını davam etdirir. Amerikaşünas Konstantin Bloxin Sputnik radiosunun efirindən bu məsələ barədə öz fikirlərini səsləndirib.

BAKI, 20 oktyabr — Sputnik. Rusiya Prezidentinin mətbuat katibi Dmitri Peskov bəyan edib ki, Vaşinqton Vladimir Putinin SHS-3-ün (Strateji Hücum Silahları Haqqında Müqavilənin) daha bir il uzadılması təklifindən imtina etsə də, Moskva hər bir halda Amerika tərəfi ilə təmasların davam edəcəyinə ümid bağlayır.

Qeyd edək ki, bir qədər bundan əvvəl Ağ Ev Putinin mövcud müqavilənin yeni şərt irəli sürülmədən daha bir il uzadılması təklifini rədd edib.

"Biz ümid edirik ki, istənilən halda Amerika tərəfi ilə təmaslar davam edəcək. Ümumilikdə, əlbəttə ki, Prezidentin də qeyd etdiyi kimi, müqavilənin uzadılması bizə vaxt qazandıra bilərdi. Qazanacağımız bu əlavə 12 ay ərzində silahlanmaya nəzarət məsələsi ilə bağlı substantiv və ciddi danışıqlar aparmaq mümkün idi", – deyə Peskov bildirib.

O, bütün dünyanı qlobal sabitlik və təhlükəsizliyin bu "məhək daşı"ndan məhrum etməyin çox fəlakətli nəticələrə gətirib çıxaracağını da vurğulayıb.

"Buna görə də biz hər bir halda Amerika tərəfinin bu sənədin müddətini uzatmağa hazır olduğunu eşitmək istərdik ", – deyə Prezidentin mətbuat katibi qeyd edib.

Onun sözlərinə görə, hələlik bu sahədə gözlənilən inkişaf müşahidə olunmur, ancaq bu heç də o demək deyil ki, "təmasları tamamilə dayandırmaq lazımdır".

Rusiya Elmlər Akademiyası Təhlükəsizlik Araşdırmaları Mərkəzinin aparıcı tədqiqatçısı, amerikaşünas, politoloq Konstantin Bloxin Sputnik radiosu-nun efirində bildirib ki, müqavilənin taleyi daha çox ABŞ-da bu yaxınlarda keçiriləcək prezident seçkisində kimin qalib gələcəyindən asılıdır.

"Əvvəla, Respublikaçılar Partiyasının namizədi Donald Tramp Çinə nifrət edir və SHS-3-ü birbaşa Çinlə əlaqələndirir. İkincisi, ənənəvi olaraq Respublikaçılar Partiyası silahlanma üzərində nəzarəti dağıtmaq istəyir. Xatırladıram ki, Corc Buş (oğul) administrasiyası dövründə amerikalılar Anti-Ballistik Raket Sistemi (ABM) Müqaviləsindən, Tramp özü isə Orta və Qısa Mənzilli Raketlər və Açıq Səma müqavilələrindən imtina edib. Odur ki, Tramp seçkilərdə qalib gəlsə, ABŞ-ın SHS-3-dən çəkilmə ehtimalı olduqca yüksəkdir", – deyə Konstantin Bloxin bildirib.

Əgər Demokrat Partiyasının namizədi Cozef Bayden qalib gələrsə, o halda ekspertin fikrincə, müqavilənin uzadılması ehtimalı var.

"Ənənəvi olaraq, Demokrat Partiyası ruslarla strateji sabitlik mövzusunda danışıqlar aparmağın tərəfdarıdır. Xatırladım ki, mövcud müqavilənin müddətini Medvedev administrasiyası ilə Obama administrasiyası uzatmışdı. Ancaq kim qalib gəlirsə-gəlsin, bir neçə ayda yeni bir müqavilə bağlamaq, demək olar ki, mümkün deyil. Buna görə də mövcud müqavilənin müddətini ən azı bir il uzatmaq lazımdır ki, həmin dövrdə yenisi qəbul olunsun", – deyə ekspert bildirib.

Qeyd edək ki, SHS-3 silahlanmanın məhdudlaşdırılması ilə bağlı Rusiya və ABŞ arasında qüvvədə olan yeganə müqavilədir. 5 fevral 2011-ci ildə qüvvəyə minmiş müqavilənin müddəti 5 fevral 2021-ci il tarixində başa çatacaq. Əgər müqavilə yenilənməsə, artıq dünyada bu iki böyük nüvə gücünün silah arsenallarını məhdudlaşdıran heç bir sənəd mövcud olmayacaq.

104
Yerevan mənzərəsi, arxiv şəkli

Ermənistanda demoqrafik çöküş: Müharibədən sonra daha da azalacaqlar

399
(Yenilənib 21:39 20.10.2020)
Torpaqlarımız uğrunda Azərbayanla müharibəni davam etdirən Ermənistanda gənclər arasında işsizlik də yüksək səviyyədədir. Əhalinin artım tempi isə azalmaqdadır.

Nigar İsgəndərova, Sputnik Azərbaycan

BAKI, 20 oktyabr - Sputnik. 1990-cı ildən etibarən Ermənistanda demoqrafik çöküş davam edir. Hazırda ölkə əhalisi rəsmi rəqəmlərə görə, 2 milyon 964 min 633-dür. Hansı ki, 1990-cı ildə bu rəqəm 3 milyon 538 min 171 olub. 1950-1990-cı illərdə ölkədə demoqrafik vəziyyət qismən yüksələn xətlə davam etsə də, 1990-cı ildən sonra doğumların aşağı olması ilə əhali sayında azalmalar qeydə alınıb. 2004-cü ildən etibarən əhalinin sayı 3 milyondan da aşağı düşüb.

Bu gedişlə Ermənistanı nə gözləyir?

Politoloq İlqar Vəlizadənin Sputnik Azərbaycan-a dediyinə görə, Ermənistanın rəsmi statistikası və ekspertlər də qeyd edir ki, son illərdə bu ölkədə demoqrafik balans kəskin pisləşib:

"Bəzi regionlarda, xüsusi ilə də Ermənistanın Luri regionunda ötən il tarixdə ilk dəfə olaraq depopulyasiya qeydə alınıb. Yəni, əhali sayı kəskin şəkildə azalıb. Ölkədə sosial-iqtisadi vəziyyət də mürəkkəbləşir və bütün bunların fonunda ölkədən böyük köç davam edir. İllik olaraq 35-40 min insan Ermənistanı tərk edir. Bəzi illərdə isə bu rəqəm daha da yüksək olur. Bu şəxslər Ermənistanı daimi əsaslarla tərk edənlərdir. Real olaraq Ermənistanda yaşayanlar isə 2 milyon və hətta bundan bir qədər də azdır".

"Bu şəxslər daimi olaraq xaricdə qalırlar. Sadəcə olaraq erməni vətəndaşlığını da saxlayırlar. Yəni, bu şəxslərin sayı bu gün rəsmi olaraq Ermənistan əhalisinin sayına daxil edilir", - deyə politoloq bildirib.

Dənizkənarı bulvar
© Sputnik / Murad Orujov

İ.Vəlizadə deyir ki, hərbi hissədə qeydiyyatda dayanan şəxslərin də real sayı azdır: "Səfərbərlik qəflətən elan olundu. Bu səbəbdən ölkənin kənarında olan şəxsləri hərbiyə cəlb etmək elə də asan deyil. Düşünmürəm ki, xaricdən könüllü olaraq gəlmək istəyənlərin sayı çox olsun".

Ekspertin sözlərinə görə, getdikcə əhalisinin sayı azalmaqda olan Ermənistanı bununla daha böyük faciə gözləyir:

"Müharibə üçün uyğun yaşda olan, reproduktiv hesab edilən insanların cəbhədə ölmə ehtimalı nəzərə alınsa, deyə bilərik ki, qarşıdakı illərdə Ermənistanın artım tempi daha da aşağı düşəcək. Təcrübə göstərir ki, 80-cı illərdə Ermənistanda əhali artımı ilə 90-cı illərdə qeydə alınan artımı müqayisə etdikdə, rəqəmlər 90-larda 40 faiz azalıb. Bilavasitə olaraq Qarabağ münaqişəsi də bu rəqəmlərə təsir göstərib. Bu isə o deməkdir ki, Qarabağ münaqişəsinin yenidən alovlanması növbəti onilliklərdə əhali sayının 2010-cu illə müqayisədə kəskin şəkildə azalacağını gözləyə bilərik".

Ermənistanda əhalinin illik artım sürətinə nəzər salaq: 1958-ci ildə illik olaraq bu rəqəm 3.72 faiz olubsa, sonrakı illərdə rəqəmlərdə enmə qeydə alınıb. Belə ki, 1966-cı ildə bu rəqəm 2.93, 1983-cü ildə 1.41 faiz olub. 1987-ci ildən isə əhali artımında daha kəskin azalmalar qeydə alınıb. Belə ki, 1987-ci ildən bu rəqəmlər 1.76-dan daha da aşağı enərək 1993-cü ildə 2.32 faizə çatıb. 1994-cü ildən əhali artımında cüzi dinamika qeydə alınsa da, 2014-cü ildən yenidən azalmalar olub. Belə ki, 2014-cü ildən bu yana 2020-ci il ən az əhali artımı olan il kimi qeydə alınıb. Cari ildə əhali artımı 0.19 faiz olub.

Beləliklə, Ermənistan bütün dünya əhalisinin 0.4 faizini təşkil edib. Bununla da Ermənistan əhali sayına görə dünya ölkələri sırasında 137-ci yerdə qərarlaşıb. 1975-ci ildə isə Ermənistan bu siyahıda 118-ci yerdə idi. Gələcək illərdə əhalinin sayı ilə bağlı proqnozlar isə heç də bu ölkə üçün ürəkaçan deyil. Qarşıdakı onilliklərdə Ermənistanda əhali sayının daha da azalacağı, 2050-ci ildə 2 milyon 816 min 112 olacağı proqnozlaşdırılır.

2020-ci ildə Ermənistanda kişilər arasında gözlənilən ömür yaşı 71.8, qadınlar arasında isə 78.9 olub.

Qeyd edək ki, bu rəqəmlər https://www.worldometers.info-da yerləşdirilib və mənbə olaraq BMT, Ümumdünya Səhiyyə Təşkilatı və digər beynəlxalq təşkilatlar göstərilib.

Dünya Bankının məlumatına görə, Ermənistanda bəzi sahələrdə qadınların aktivliyi kişilərlə müqayisədə daha yüksəkdir. Məsələn, ötən il kənd təsərrüfatında çalışanların 32.8 faizini qadınlar, 26.9 faizini isə kişilər təşkil edib. Xidmət sahələrində çalışanların 58.2 faizini qadınlar, 48.9 faizini isə kişilər təşkil edib.

Bu ölkədə qadınların sayı kişilərlə müqayisədə daha yüksəkdir. Belə ki, 2015-ci ilə aid olan rəqəmlərə görə, Ermənistanda qadınların sayı 1 566 461, kişilərin sayı isə 1 391 270 olub.

2018-ci ildə Ermənistanda 0-14 yaşlılar əhalinin 20.63 faizini, 15-64 yaşlılar 68.11 faizini, 65 yaş və daha yuxarı olanlar isə ümumi əhalinin 11.25 faizini təşkil edib. 2012-ci ildə isə Ermənistanda 15-64 yaşlı əhali ümumi əhalinin 69.68 faizini təşkil edib. Doğulanlar arasında kişilərin sayı isə 75 min 160 olub. Həmin ildə qadınlar arasında təbii artım 40 min 29, doöulanların sayı isə 66 min 19 olub.

Torpaqlarımız uğrunda Azərbayanla müharibəni davam etdirən Ermənistanda gənclər arasında işsizlik də yüksək səviyyədədir. Belə ki, 2007-ci ildə gənclər arasında işsizlik 11.62 faiz təşkil edibsə, həmin ildən sonra bu rəqəm durmadan artıb. Gənclər arasında işsizlik həddi 2009-cu ildən 39.87 faizi keçib. Hazırda gənclər arasında işsizlik 35.49 faiz olub.

Ümumilikdə, öncəki illərlə müqayisədə Ermənistanda ölüm statistikası da artıb.

Azərbaycana gəldikdə isə rəqəmlərdə sadəcə olaraq onu qeyd etmək olar ki, 2019-cu ildə ölkəmizdə təbii artım 85 min 263 olub. Doğumların sayı isə 141 min 179 olub. Beləliklə qeyd olunan ildə əhalinin hər min nəfərinə düşən təbii artım 8.7, hər min nəfərə düşən doğum sayı isə 14.3 olub. 2019-cu ildə doğulan kişilər arasında təbii artım 45 min 234 olub.

Azərbaycan əhalisinin 2,4 milyon nəfərini və ya 24,5 faizini gənclər təşkil edir. Bu isə elə Ermənistanın demək olar ki, bütün yaş kateqoriyaları üzrə əhalisinin sayına bərabərdir. 2018-ci ildə ölkədə nikaha daxil olanların 77,0 faizini gənclər təşkil etməsi də müsbət tendensiyalardan biridir.

399
Milli Məclisin binası, arxiv şəkli

Milli Məclis Qarabağ münaqişəsi ilə bağlı videomüraciət yayıb

0
Milli Məclisin mətbuat və ictimaiyyətlə əlaqələr şöbəsindən Sputnik Azərbaycan-a verilən məlumata görə, videotəqdimatda millət vəkilləri və parlament aparatının əməkdaşlarının 22 dildə müraciəti yer alır.

BAKI, 21 oktyabr — Sputnik. Ermənistan-Azərbaycan, Dağlıq Qarabağ münaqişəsinin beynəlxalq ictimaiyyətə çatdırılması məqsədilə Milli Məclisin Sədri Sahibə Qafarovanın təşəbbüsü ilə millət vəkillərinin və parlament aparatının Beynəlxalq münasibətlər şöbəsinin əməkdaşlarının iştirakı ilə videoçarx hazırlanıb.

Milli Məclisin mətbuat və ictimaiyyətlə əlaqələr şöbəsindən Sputnik Azərbaycan-a verilən məlumata görə, videotəqdimatda millət vəkilləri və parlament aparatının əməkdaşlarının 22 dildə müraciəti yer alır.

Həmin videomüraciəti təqdim edirik:

0
Mövzu:
Azərbaycan və Ermənistan arasında müharibə