Azərbaycan, Rusiya və Ermənistan prezidentlərinin birgə görüşü

Moskvada narahatlıq: Ermənistanın "ipinin üstünə odun yığmaz olmaz"

976
(Yenilənib 12:07 18.11.2017)
Vitaliy Arkov: "İrəvandan Kremlin sülhməramlı təşəbbüslərinə diqqət yetirməməyi təkidlə "xahiş" edə bilərlər"

Aleksandra Zuyeva, Sputnik Azərbaycan

BAKI, 18 noyabr — Sputnik. Rusiya XİN rəhbəri Sergey Lavrovun Cənubi Qafqaz turnesi, Rusiya, Azərbaycan və Ermənistan arasında diplomatik münasibətlərin qurulmasının 25 illliyi ilə əlaqələndirilir. Bunu Sputnik Azərbaycan-a müsahibəsində "PolitRUS" ekspert şəbəkəsinin rəhbəri Vitaliy Arkov deyib.

PolitRUS ekspert şəbəkəsinin rəhbəri Vitaliy Arkov
"PolitRUS" ekspert şəbəkəsinin rəhbəri Vitaliy Arkov

Lavrov 20 noyabrda Bakıya səfər edərək burada azərbaycanlı həmkarı iki dövlət arasında münasibətlər və beynəlxalq gündəliyin aktual məsələləri barədə fikir mübadiləsi aparacaq. Bakı səfərindən sonra rusiyalı nazir Ermənistana yola düşəcək.

Arkovun dediyinə görə, regionu izləyən hər bir kəsə münasibətlərin 25 illiyi məsələsinin sadəcə bir bəhanə olduğu məlumdur: "Əslində Lavrov aktiv qısamüddətli səfərlər diplomatiyasından istifadə edir. Məqsəd isə Qarabağ münaqişəsinin həlli üzrə keçid razılaşmasının Bakı və İrəvan tərəfindən qəbuluna nail olmaqdır".

"Razılaşmanın əsas bəndləri hamıya məlumdur. Mən şadam ki, onların xeyli hissəsi bir neçə il əvvəl Azərbaycan KİV-nə verdiyim müsahibələrdə qeyd etdiyim məqamlarla üst-üstə düşür" — Vitaliy Arkov qeyd edib.

Ekspertin fikrincə, ilk hədəf Dağlıq Qarabağ ətrafındakı işğal olunmuş rayonların Bakının nəzarətinə verilməsi məsələsidir. Bu məsələdə yeganə məqam uydurma "Dağlıq Qarabağ Respublikasının" Ermənistanla əlaqəsi üçün bir dəhlizi İrəvanın nəzarətində saxlamaqdır.

"Bunun səbəbi Bakının yenidən nəzarətinə keçmiş torpaqlar üzərindən Ermənistana, hətta qeyri-hərbi məqsədli insan və yüklərin hərəkətinə qarşı olacağı ehtimalıdır" — analitik bildirib.

Onun sözlərinə görə, ikinci çox vacib məsələ, Dağlıq Qarabağda təmas xətti boyunca erməni hərbçilərinin Kollektiv Təhlükəsizlik Müqaviləsi Təşkilatının (KTMT) digər üzv dövlətlərin hərbçiləri ilə əvəz olunmasıdır: "Bu isə təmas xəttinin hər iki tərəfində həm xeyli hərbçi, həm dinc sakinin həyatını xilas edəcək. Bəzi ekspertlərin dediyi kimi, buna cavab addımı olaraq Azərbaycanın KTMT və Avrasiya İqtisadi İttifaqına qoşulması isə sonrakı məsələdir".

Politoloqun fikrincə, dövlət və XİN rəhbərləri səviyyəsində görüşlərin intensivləşməsi, yəni Vladimir Putinin İlham Əliyevlə Tehranda qapalı görüşü, Serj Sarkisyanın Moskvaya dünənki səfəri, ondan əvvəl Rusiya paytaxtına Ermənistan XİN rəhbəri Nalbandyanın səfəri və Azərbaycan xarici işlər naziri Elmar Məmmədyarovun Minsk qrupunun həmsədrləri ilə son görüşü, vacib qərarların qəbulunun nə qədər yaxın olduğunun göstərir.

Ekspert ümid edir ki, Avropa İttifaqı ilə Ermənistanın imzalayacağı sənəd bütün bu prosesə təsir etməyəcək. Lakin İrəvanın Avropa İttifaqı ilə yeni sənədin imzalanmasının Qarabağ münaqişəsi üzrə sülh müqavilələrinin qəbulu ilə üst-üstə düşməsi, Arkovun dediyinə görə ehtiyyatlı olmağa vadar edir.

O, hesab edir ki, Ermənistana yenidən nəsə vəd edərək, İrəvandan Kremlin sülhməramlı təşəbbüslərinə diqqət yetirməməyi təkidlə "xahiş" edə bilərlər.

Arkovun fikrincə, rəsmi Bakı Qərbin bu taktikasını artıq çoxdan anladığından daha oradakı tərəfdaşlarının vədlərinə inanmayaraq Moskva ilə (həmçinin Ankara və Tehranla) əsas sahələrdə əməli və sərfəli əməkdaşlığa üstünlük verir.

976
Teqlər:
Vitaliy Arkov, İrəvan, Dağlıq Qarabağ, ekspert, Ermənistan, Sergey Lavrov, Bakı, Rusiya, Azərbaycan
Əlaqədar
Məşhur türk yazıçısından rəzalət: “erməni soyqırımı”na görə üzr istədi
Ermənistan ordusunun hərbi hissəsində partlayış: ölən və yaralananlar var
Ermənistan üzərində tarixi qələbə
Azərbaycan Ermənistanı "oyundan" kənarlaşdırır
Erməni terrorçu həbsxanada öldü
S-300,arxiv şəkli

Axı silah öz-özünə atəş aça bilməz

50
(Yenilənib 20:55 03.12.2020)
Hərbi şərhçinin sözlərinə görə, ermənilər səriştəsizlikləri ucbatından Rusiyadan aldıqları silahlardan istifadə edə bilməyiblər

BAKI, 3 dekabr — Sputnik. Aleksandr Xrolenko, hərbi şərhçi. Dağlıq Qarabağdakı döyüş əməliyyatları vaxtı ekspertlər arasında və media məkanında ermənilərin əldə etdikləri Rusiya istehsalı olan silahların effektivliyi barədə geniş müzakirələr aparıldı. Sputnik erməni məğlubiyyətinin səbəbinin həmin silahlar, yoxsa kadr hazırlığı və müdafiənin təşkili ilə bağlı olub-olmadığını araşdırıb.

Bu gün erməni tərəfinin məğlubiyyətini "yararsız" Su-30-SM qırıcıları, "zəif görən" S-300 zenit-raket kompleksləri, "effektsiz" elektron döyüş sistemləri və Rusiyanın "nasaz" tankları ilə əsaslandırmaq cəhdləri var. Sanki erməni tərəfi üçüncü ölkələrdən heç vaxt silah almayıb (məsələn, Hindistandan Swathi radarları) və yaxud Azərbaycan qoşunları yalnız İsrail və Türkiyədə istehsal olunmuş hərbi texnika ilə (məsələn, "Bayraktar") silahlanıbmış və müharibədə "böyük dönüş" də məhz onların vasitəsilə əldə olunub. Ümumi müzakirə: Qarabağ münaqişəsi Rusiyanın müttəfiqlərinə və tərəfdaşlarına silah tədarükünü korreksiya edəcək. Bu cür düşüncələrin dayanıqlı sxemləri hərbi-siyasi rəhbərliyin strateji səhvlərini və dünya silah bazarında sərt rəqabəti pərdələyir. Gerçəkliyə qayıtmaq daha məqsədəuyğundur.

Moskva Ermənistana bir neçə dəfə hərbi kredit verdi. Bundan sonra hərbi quruculuğun davam etdirilməsi məsələsi Ermənistan tərəfinin öz işidir.

Rusiya istehsalı olan S-300 Zenit-Raket Kompleksi Qarabağdakı döyüşlərə cəlb olunmuşdu və Ermənistanın etibarlı (eşelonlaşdırılmış) hava hücumundan müdafiə sisteminin olmaması səbəbindən zərər gördü. 40 milyon dollar qiyməti olan Hindistan istehsalı Swathi radarlarının fəaliyyəti isə ümumiyyətlə hiss olunmadı. Halbuki reklam annotasiyalarına əsasən, bu qurğular 20 kilometrə qədər minaatanlardan, 30 kilometrə qədər toplardan və 40 kilometrə qədər raketlərdən açılan atəşi müəyyən etməli idi. Özü də guya hər qurğu eyni vaxtda 7 hədəfi izləmək qabiliyyətinə malik idi.

Bəlkə də, ermənilər bu radarlardan düzgün istifadə edə bilməyiblər. Yəqin ki, erməni mütəxəssislərin hazırlıq səviyyəsi Rusiya istehsalı olan hərbi texnikanın istismarında da həlledici rol oynayıb. Axı silah öz-özünə atəş aça bilməz, ondan baş çıxaran mütəxəssis də olmalıdır. Və aydın məsələdir ki, başıpozuqluq, təkəbbür hərbi işlərdə qətiyyən yolverilməzdir.

Hərbi itkilər və qənimətlər

Dekabrın 1-də Azərbaycan Prezidenti İlham Əliyev xalqa müraciətində erməni tərəfinin hərbi itkiləri barədə ətraflı məlumat verdi. Onun açıqladığı uzun siyahıda məhv edilən və qənimət kimi ələ keçirilən yüzlərlə müxtəlif növ hərbi texnikadan söhbət gedirdi. Azərbaycan Prezidenti raket kompleksləri, reaktiv yaylım atəşi sistemləri, tanklar və elektron müharibə qurğularından da bəhs etdi. Bu rəqəmlərə müxtəlif cür yanaşmaq olar, ancaq mövcud durumda (7 rayonun qaytarılmasından sonra) prezidentin həmin rəqəmləri şişirtməsi üçün heç bir əsası yox idi.

Bu məqamda təbii olaraq Dağlıq Qarabağda 44 gün davam edən döyüşlər zamanı erməni qruplaşmalarının hərbi təşkilatlanma səviyyəsi ilə bağlı sual ortaya çıxır. Erməni qoşunlarının çox sayda texnikasının məhv edilməsi hərbi qarşıdurmanın şiddəti ilə izah edilə bilər, amma hər bir halda döyüş meydanında tərk edilən 79 tank, 47 piyadaların döyüş maşını, 104 artilleriya qurğusu (top və minaatan), 5 "Şilka" zenit qurğusu, 93 xüsusi texnika, 270 yük maşını (böyük ehtimalla bu hərbi qənimətlər dövlət başçısının sözlərinin sübutu kimi Bakıda nümayiş olunacaq) heyrət doğurur. Ermənilərin elə təkcə döyüş meydanında atıb qaçdıqları 79 döyüş qabiliyyətli tank 2,5 silahlı tank batalyonu deməkdir ki, bu da həm hücumda, həm də müdafiədə böyük güc hesab oluna bilər.

Fikrimizcə, erməni tərəfinin görünməmiş "əliaçıqlığının" yalnız iki izahı ola bilər: ya hərbi texnika kütləvi (planlaşdırılmayan) geri çəkilmə zamanı tərk edilib, ya da həmin tanklar sadəcə olaraq, yanacaqla təchiz edilmədiyindən irəli gedə bilməyiblər ki, bu da birbaşa Ermənistan ordusundakı maddi-texniki problemlərdən xəbər verir.

Hər bir halda, baş verənlərdən nəticə çıxarmaq lazımdır, ancaq bu artıq Ermənistan baş qərargahının və hərbi-siyasi rəhbərliyinin səlahiyyətində olan məsələdir.

50
Teqlər:
hərbçilər, Rusiya, Ermənistan, silahlar, Azərbaycan, Qarabag
NATO təlimləri

Rusiyanın Dağlıq Qarabağda möhkəmlənməsini daha kim istəmir?

72
(Yenilənib 18:02 03.12.2020)
"Dağlıq Qarabağ müharibəsi və Rusiya sülhməramlılarının bölgəyə yerləşdirilməsi alyansın diqqətindən kənarda qalmayıb. Bu ərazi NATO-nun öz maraq dairəsi hesab etdiyi Qara dənizdən çox da uzaqda deyil".

BAKI, 3 dekabr — Sputnik, Qaliya İbrahimova. Co Baydenin Ağ Evə köçməyə hazırlaşdığı bir vaxtda Şimali Atlantika alyansı islahatlara başlamaq niyyətindədir. Qurumun bir gün əvvəl başa çatan sammitində xarici işlər nazirləri təşkilatın əsas prinsiplərini yenidən nəzərdən keçirdi. Ancaq əsas problemlər dəyişməz qaldı – Rusiya və Çin.

RİA Novosti NATO-nun "Rusiya təhdidi"nin qarşısını hansı yollarla alacağını araşdırıb.

NATO-nun böhranlara uyğunlaşdırılması

Yens Stoltenberq xarici işlər nazirləri ilə video formatda keçirilən görüşə çox diqqətlə hazırlaşmışdı. Nazirlər səviyyəsində görüş ilin əvvəlindən planlaşdırılan sammitdən öncə baş tutan sonuncu tədbir oldu. Gündəliyi əvvəlcədən müəyyənləşdirmək və yığılıb qalmış məsələləri müzakirə etmək – iştirakçıların gözlənilməz çıxışlarından sığortalanmaq deməkdir. Üstəlik, bunun üçün presedent də var idi. Məsələn, keçənilki toplantı ərəfəsində Emmanuel Makron "NATO-da beyin ölümü baş verir", – deyə bəyan etmişdi. Və bu, müzakirənin istiqamətini dəyişərək bütün planları alt-üst etmişdi. Bundan sonra alyans üzvləri Fransa liderinə və özlərinə NATO daxilində hər şeyin normal olduğunu sübut etmək üçün yarışa girmişdilər.

Donald Tramp isə transatlantik həmrəyliyin əsas skeptiki olaraq qaldı. O, Rusiya Çin və İranın qarşısını almağın vacibliyi ilə bağlı mülahizələrə cavab olaraq bildirdi ki, əvvəlcə müdafiəyə ayrılan vəsaiti artırmaq lazımdır. Tramp bu fikirdədir ki, xarici təhdidlərə qarşı mübarizənin Amerikanın hərbi potensialı hesabına aparılması qeyri-rasional yanaşmadır.

Beləliklə, növbəti sammitdə ABŞ-ı Co Bayden təmsil edəcək və alyansın baş katibliyi əvvəlki "normal" vəziyyətə qayıtmağa ümid edir. Stoltenberq bunu deyəndə amerikalıların blok üzvləri ilə hərbi-siyasi ittifaqın vacibliyini təsdiqləyəcəklərini nəzərdə tutur. Baş katib inandırıcı olmaq üçün sammitdən əvvəl təşkilat daxilindəki problemləri öyrənmək, həlli yollarını göstərmək və yaxın on il üçün vəzifələri müəyyənləşdirmək məqsədi ilə analitiklərə müraciət etdi. Aparılan araşdırma "NATO-2030" başlıqlı bir hesabatla rəsmiləşdirildi.

Beləliklə, videoformatda keçirilən görüşün bütün iştirakçıları, o cümlədən də Fransa alyansı "beyin ölümü" təhlükəsinin gözləmədiyini etiraf etdilər. Bununla belə, qeyd etdilər ki, NATO-da islahatlara ehtiyac var.

"Qurumu yeni beynəlxalq şəraitə uyğunlaşdırmaq lazımdır. Böhranlı vəziyyətlərdə NATO təməl prinsiplərinin pozulması bahasına olsa da, operativ və birgə hərəkət etməlidir", – deyə sənəddə bildirilir.

Hesabat müəlliflərinin fikrincə, ilk növbədə veto hüququ məsələsinə yenidən baxılmalıdır: Hazırda bu hüquqdan NATO-nun bütün üzvləri bərabər şəkildə istifadə edir. "Əgər yekdilliklə səsvermə məhdudlaşdırılarsa, ittifaq daxilindəki gərginlik azalar", – deyə sənəd müəllifləri bildirirlər. Bu, yenilikçi fikir hesab olunsa da, heç də bütün xarici işlər nazirləri onunla razılaşmadı.

Yenə "Moskvanın əli"

Xarici təhdidlərlə bağlı məsələdə isə bütün iştirakçılar ortaq mövqe nümayiş etdirdilər: Rusiya və Çin transatlantik təhlükəsizlik üçün ciddi təhdid olaraq qalır.

"Moskva nüvə arsenalını modernləşdirir və Uzaq Şimaldan Suriya və Liviyaya yeni raketlər yerləşdirir. Belarus və Dağlıq Qarabağdakı böhranlar nəticəsində Rusiyanın təsir etmə imkanı bir az da artdı", – deyə Stoltenberq vurğulayıb.

"Kreml keçmiş Sovet respublikaları üzərində hegemonluğa can atır və onların suverenliyini pozur. NATO-nun yenidən daim aqressiv Rusiya ilə rəqabət apardığı mühitə uyğunlaşması vacibdir", – deyə hesabat müəllifləri bildirir.

Artıq "Rusiya təhdidinin aradan qaldırılması" üçün iş aparılır. Stoltenberq, bunun təsdiqi üçün NATO-nun Gürcüstan və Ukrayna ilə əməkdaşlıq təcrübəsinə də toxunub: "İndi hər iki dövlət NATO-nun genişləndirilməsi çərçivəsində alyansın tərəfdaşlarıdır. Bu, Qərbin texnologiyalarına və kəşfiyyat informasiyalarına əlçatanlığı təmin etsə də, blokun tam üzvlüyünə yaxınlaşma kimi başa düşülməməlidir".

Rusiyanın qarşısını almaq üçün alyans Qara dənizdəki mövcudluğunu genişləndirmək niyyətindədir – bu, "Krımdakı rus hərbi varlığının gücləndirilməsinə" bir cavabdır.

Hələlik detallar açıqlanmır, ancaq Rusiya məmurları artıq məsələyə münasibət bildiriblər. "Qara dəniz bölgəsi də daxil olmaqla NATO-nun hərəkətləri ATƏT-in ruhunu öldürür. Təhlükəsizliyin bütövlüyü prinsipi rədd edilir", – deyə Federasiya Şurasının beynəlxalq məsələlər komitəsinin sədri Konstantin Kosaçev bildirib.

Qara dəniz prioritetləri

"İndi NATO-nun əsas vəzifəsi ABŞ-da prezident dəyişikliyinə hazırlaşmaqdır. Blok Baydenin konsolidasiyaya təsir göstərəcəyini və Trampın dövründə ortaya çıxan problemlərin aradan qalxacağını gözləyir. Ancaq yeni Amerika liderinin sələfinin bütün mirasından imtina edəcəyi ehtimalı azdır. Yəqin ki, ABŞ alyansın bütün üzvlərinin ÜDM-nin 2 faizini NATO-nun müdafiəsinə yönəltməsində təkid edəcək", – deyə Rusiya Beynəlxalq Məsələlər Şurasının baş direktoru Andrey Kortunov bildirib.

İlk yerə geosiyasi ambisiyalar qoyulsa, belə cəhdləri rədd edəcəyik - Rusiya XİN>>

Politoloq belə hesab edir ki, Baydenin hakimiyyətə gəlişi NATO ilə Rusiya arasındakı gərgin vəziyyəti dəyişdirməyəcək. Ancaq Moskvanın bir sıra beynəlxalq problemlərdə iştirakını nəzərə alsaq, alyans, heç olmasa, hərbi səviyyədə dialoqa məhəl qoymaya bilməz.

"Dağlıq Qarabağ müharibəsi və Rusiya sülhməramlılarının bölgəyə yerləşdirilməsi alyansın diqqətindən kənarda qalmayıb. Bu ərazi NATO-nun öz maraq dairəsi hesab etdiyi Qara dənizdən çox da uzaqda deyil. Odur ki Rusiyanın Qarabağda möhkəmlənməsini özünə potensial təhdid hesab edir. Qara dəniz regionunun əhəmiyyəti barədə bəyanatlar da buradan qaynaqlanır", – deyə o qeyd edib.

Lakin ekspert belə hesab edir ki, Rusiya NATO üçün Qara dəniz hövzəsində yeganə risk faktoru deyil. "Onların Qara dənizdə möhkəmlənmə planı Moskvadan çox Ankaraya qarşı yönəlib. Türkiyə NATO-ya üzv olsa da, bəzi məsələlərdə bu dövlət alyansla fikir ayrılığı nümayiş etdirir. Rəcəb Tayyib Ərdoğan Yunanıstana, Fransaya, hətta Almaniya və ABŞ-a qarşı çıxır. Lakin NATO Türkiyəni alyansa qaytarmaq fikrindədir. Daha bir məqsəd – Türkiyə və Rusiyanın bundan sonrakı yaxınlaşmasını məhdudlaşdırmaqdır".

Ukrayna da NATO-nun Qara dəniz gündəminə təkan verməyə davam edəcək. Eyni zamanda, ekspert alyansla münasibətlərdəki əsas mövzunun Rusiyanın Krımdakı hərbi mövcudluğunu gücləndirmək olduğunu bildirdi. "Yarımadada yeni obyektlərin inşası Kiyev tərəfindən transatlantik təhlükəsizlik üçün bir təhdid kimi qəbul olunur. Ukrayna hakimiyyəti Krımda Rusiya hərbi sistemlərinin yerləşdirilməsinin daha çox diqqət tələb edən bir problem olduğunda israr edəcək", – deyə Kortunov qeyd edir.

Xülyalara əlvida

Gürcüstanın İctimaiyyətlə Əlaqələr Universitetinin professoru Tornike Şaraşenidze əmindir ki, Tbilisi də NATO-nun Qara dəniz bölgəsində möhkəmlənməsini dəstəkləyəcək. O, bunu Cənubi Osetiyada rus hərbçilərinin olması ilə izah edir.

"Gürcüstan artıq xeyli vaxtdır ki, NATO-ya orta müddətli perspektivdə daxil olmaqla bağlı xülyasından əl çəkib. Buna baxmayaraq, blokla əməkdaşlığı genişləndirməyə çalışır", - deyə Şaraşenidze bildirir.

O, Dağlıq Qarabağ müharibəsinin Rusiyanın Cənubi Qafqazdakı mövqeyini möhkəmləndirdiyini etiraf edir. "Ermənistanın müttəfiqi var, bu Rusiyadır, Azərbaycanı isə Türkiyə dəstəkləyir. Bu ölkələr arasında faktiki olaraq hərbi alyans formalaşıb. Gürcüstanın isə belə müttəfiqi olmadığından, NATO-ya güvənmək məcburiyyətindədir".

Ekspert belə hesab edir ki, deyilənlərə baxmayaraq nə Gürcüstan, nə də Qara dəniz bölgəsi NATO üçün prioritet məsələ deyil. İndi NATO-nun qarşısında duran ən vacib problem Baydenlə dil tapmaqdır. Gələn ilin əvvəllərində keçiriləcək sammit bu istiqamətdə atılacaq ilk addım olacaq.

72
Teqlər:
Rusiya, NATO, Azərbaycan, Qarabağ
Qırmızı Xaç Komitəsinin avtomobilləri, arxiv şəkli

Azərbaycanla Ermənistan əsirlərin dəyişdirilməsi barədə razılığa gəlirlər

12
(Yenilənib 20:16 04.12.2020)
Dekabrın 2-si Ermənistanın Baş nazirinin müavini Tiqran Avinyan Rusiyanın Ermənistandakı səfiri Sergey Kopırkinlə görüşü zamanı bildirib ki, Ermənistan əsirlərin qaytarılması prosesində "hamının hamıya" prinsipini tətbiq etməyi təklif edib.

BAKI, 4 dekabr — Sputnik. Ermənistan və Azərbaycan əsir və itkin düşmüş hərbçilərin və mülki şəxslərin siyahılarını mübadilə edib. Sputnik Ermənistan xəbər verir ki, bunu Ermənistan Baş nazirinin müavini Tiqran Avinyanın aparatı məlumat yayıb.

Qeyd olunur ki, münaqişə tərəfləri şəxslərin qarşılıqlı qaytarılması məqsədilə vətəndaşların adları olan siyahıları Beynəlxalq Qırmızı Xaç Komitəsinə veriblər.

Xatırladaq ki, dekabrın 2-si Ermənistanın Baş nazirinin müavini Tiqran Avinyan Rusiyanın Ermənistandakı səfiri Sergey Kopırkinlə görüşü zamanı bildirib ki, Ermənistan əsirlərin qaytarılması prosesində "hamının hamıya" prinsipini tətbiq etməyi təklif edib.

"Bundan əlavə, heç bir ilkin şərt olmadan yeni əsrlərin geri qaytarılması mexanizmi də təklif olunur", - deyə Avinyan qeyd edib.

O, həmçinin Qarabağda hərbi əməliyyatların dayandırılması və atəşkəs rejiminin bərqərar olmasına görə Rusiya tərəfinə təşəkkür edib.

Görüş zamanı tərəflər girovların qaytarılması, itkin düşənlərin axtarışı və ölənlərin cəsədlərinin axtarışı ilə bağlı məsələləri də müzakirə ediblər.

12